Þjóðviljinn - 20.02.1988, Blaðsíða 4

Þjóðviljinn - 20.02.1988, Blaðsíða 4
LEIÐARI Steingrímur og stjórnstööin Þar til á síðasta ári vakti þaö athygli vítt um heim aö íslenska sendinefndin á þingi Samein- uöu þjóöanna gekk nær aldrei í berhögg við Bandaríkjstjórn þegar kom að atkvæða- greiðslu. Það þurfti engar vangaveltur um at- kvæði íslands, reiknað var með að Bandaríkin réðu þar ferðinni. Ekki er frítt við að sumir fulltrú- ar á þingi Sameinuðu þjóðanna hafi litið á ísland sem hvert annað leppríki Bandaríkjanna. Oftar en ekki kemur afstaða Bandaríkjanna á þingi Sameinuðu þjóðanna þannig fram að full- trúí þeirra er á móti ályktunartillögum. Árið 1986 voru Bandaríkin á móti um 80% þeirra tillagna sem þar komu fram, oftar en nokkurt annað ríki. Talið er að mæla megi fylgispekt ríkja við Bandaríkin með því að athuga hve oft þau voru á móti tillögum. Það kemur kannski ekki mjög á óvart að árið 1986 var ísrael í efsta sæti, séu ríki heimsins flokkuð eftir þessari aðferð. Það ár var ísland í 13. sæti enda fylgdu fulltrúar þess Bandaríkjunum að málum í 64% af atkvæða- greiðslum, oft einir allra fulltrúa Norðurlanda. Núverandi utanríkisráðherra, Steingrímur Hermannsson, hefur vissulega gert tilraun til að breyta ásýnd íslands að þessu leyti. Hann hefur komið því til leiðar að fulltrúar íslands líta ekki lengur út eins og framlenging af bandarísku sendisveitinni. Hann hefur stundum talað um Atlantshafsbándalagið eins og það sé ósköp venjuleg hernaðarblökk sem lýtur lögmálum jafnt innri sem ytri valdastreitu og hagsmuna- árekstra. Og á góðri stundu hefur hann ýjað að því, að kannski fari Bandaríkjahereinhvern tíma frá íslandi. Fyrir þetta hefur utanríkisráðherra fengið bágt hjá íhaldsmönnum. Á þeim bæ hefur aldrei þótt við hæfi að tala gáleysislega um Nató. Og sjálfstæðismálin hafa þar verið tvinnuð saman við skilyrðislausa undirgefni við Bandaríkja- stjórn. Samband ungra Sjálfstæðismanna hef- ur nýverið ályktað sem svo að þjóðinni stafi vá af utanríksráðherranum. Þeir vilja fá úr því skorið hvort taka beri mark á orðum hans. Verk vega mun þyngra en orð. Og því miður hefur utanríkisráðherra látið orðin ein nægja í flestum tilfellum. Verkin hafa oftar en ekki verið í hrópandi mótsögn við það frjálslyndi sem hann boðar. Hér á þessum vettvangi skal síður en svo gert lítið úr þeirri breytingu sem orðið hefur á afstöðu íslands hjá Sameinuðu þjóðunum". Héðan hefur margoft verið kallað eftir meiri reisn af íslands hálfu í alþjóðasamskiptum. En því miður hefur ekki verið bryddað upp á nýjungum á öðrum sviðum utanríkismála. Þar er allt með sömu ummerkjum og verið hefur um áratugaskeið þrátt fyrir allar tímamótaræður utanríkisráð- herra. Sjaldan hefur Bandaríkjastjórn veitt jafnmiklu fé til byggingar hemaðarmannvirkja hér á landi og hin síðustu ár. Kafbátabirgðastöðin í Helgu- vík og ratsjárstöðvarnar fjórar eða fimm, ein á hverju landshomi, falla vel inn í nýjar stríðsáætl- anir Nató um að varnarlína þess í Atlantshafi verði norðan íslands. Betur en nokkru sinni fyrr kemur í Ijós að Bandaríkjaher er ekkí hér til að verja íslendinga né íslenska hagsmuni. ísland er orðið að hátæknivæddri fjarskiptastöð og héðan má stjórna flugvélum, kafbátum, eld- flaugum og alls konar duflum. í samræmi við nýtt hlutverk íslands í banda- rísku stríðsvélinni hefur Steingrímur Hermanns- son utanríksráðherra leyft að byggð sé stjórn- stöð á Keflavíkurflugvelli. Mannvirkið er það rammgert að það stenst 7 daga nútímastríð. Löngu eftir að síðasti íslendingurinn er hniginn í sprengjuregni og tilheyrandi geislafári, mun bandaríska tækniliðið í stjórnstöðinni senda skilaboð til að samræma aðgerðir drápstóla í undirdjúpunum og himingeimnum. íslenskir íhaldsmenn þurfa ekki að hafa áhyggjur af stefnu Steingríms Hermannssonar í utanríksmálum. Hvað sem kann að hrökkva upp úr honum þegar hinn frjálslyndi gáll er á honum, þá er hann þeim innilega sammála í öllum grundvallaratriðum. ísland mun enn um hríð verða í Nató, ekkert lát verður að sinni á bandarískri hersetu og áfram verður unnið að því að breyta landinu í hátæknivætt víghreiður. ÓP . o ^>&m ÍÉtfa ¦£*»#«*'¦¦¦¦' -.ÍWWttfflfff"- 5 I.'-; 1 M - 1 K 1 r 1 y~ 1 1 l . ¦i ! L J ^) S ^) P1 "Ð My,d Enar oi glJÓÐyiUINN Málgagn sósíalisma, þjóðfrelsis og verkalýðshreyfingar Úlgofandi: Útgáfufélag Pjóðviljans. RltBtJórar: Árni Bergmann, M&röur Árnason, Öttar Proppé. Fréttastjóri: Lúövík Geirsson. Blaoamenn: Guðmundur Rúnar Heiðarsson, Ingibjörg Hinriksdóttir (íþr.j, HjörteifurSveinbjðrnsson, KristóferSvavarsson.Magnfríður Júlfusdóttir, Magnús H. Gislason, Lilja Gunnarsdóttir, OlafurGlslason, Ragnar Karlsson, Sigurður Á. Friðþjófsson, Stefán Stefánsson (íþr.), Sævar Guðbjörnsson. Handrlta- 09 prófarkalestur: Elias Mar, Hildur Finnsdðttir. LJósmyndarar: Einar Ólason, Sigurður Mar Halldórsson. Útlltstelknarar: GarðarSigvaldason, MargrétMagnúsdðttir. Framkvœmdastjóri: Hallur PállJónsson. Skrltsto>ustjórl:JðhannesHarðarson. Skrifstofa: Guðrún Guðvarðardóttir, Kristin Pétursdóttir. Auglýsingastjórl:SigriðurHannaSigurbjömsdðttir. Auglýsingar: Guðmunda Kristinsdóttir, Olga Clausen, Unnur Agústsdðttir. Símavnrsla: Hanna Ólafsdóttir, Sigriður Kristjánsdóttir. Bilstjórl: Jóna Sicj u rdór sdóttir. Útbrelð8lu-ogafgreið8lust|ðri:HðrðurOddfríðarson. Utbreiðsla: G. Margrétóskarsdóttir. Afgreiðsla: Halla Pálsdóttir, Hrefna Magnúsdórtir. Innheimtumenn: Brynjólfur Vilhjálmsson, ÓlafurBjörnsson. Utkeyrsla, afgreiðsla, rltstjórn: Slðumúla 6, Reykjavfk, sími 681333. Auglysingar: Siðumúla6,slmar 681331 og 681310. Umbrotog setnlng: Prentsmiðja Þjóðvilians hf. Prentun: Blaðaprent hf. Vorðilausasölu:55kr Holgarblöð:65kr. Áskrlftarvorð é mánuði: 600 kr. 4 SÍÐA - ÞJÓÐVILJINN Laugardagur 20. febrúar 1988

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.