Þjóðviljinn - 23.02.1988, Blaðsíða 6
FLÓAMARKAÐURINN
Barnapía - Vesturbær
Barnapía óskast fyrir 21 mánaða
yndislega telpu annað slagið
seinni partinn eða á kvöldin. Upp-
lýsingar í síma 28257.
Til sölu
Husquarna saumavél til sölu. 6
ára, selst á kr. 6000. Upplýsingar
í síma 611449 eftir kl. 17.00.
Glersófaborð
m/reyklitaðri plötu til sölu. Uppl. í
síma 78618.
Tölva til sölu
Commodore 128k, með diskettu-
drifi, 150 leikjum, 2 stýripinnum,
diskettuboxi, 75 diskettum og
kassettutæki. Verð kr. 27.000.
Upplýsingar í síma 74035, Egill
Darri.
Icelandic girls
Marriage minded Californian
man, 28, vacationing here in the
summer, wishes to meet a single
young girl with a similar outlook
on life. Please write to: Frank,
3008 Brisbane Court, Sacram-
ento, California 95826, U.S.A.
Trabanteigendur athugið!
Hef til sölu nýleg vetrar- og
sumardekk á felgum. Seljast
ódýrt. Upplýsingar í síma 18648.
Óskast keypt
2 hægindastólar með skammeli
óskast. Áklæði má vera lélegt.
Upplýsingar í síma 46462.
Gólfteppi gefins
ca. 40 m2 gólfteppi fæst gefins
gegn því að það sé tekið af gólf-
inu. Upplýsingar í síma 75188 á
kvöldin eða í síma 681333 (vs. á
daginn biðjið um Guðrúnu í
prentsmiðju).
Fataskápur
Þarft þú að losa þig við gamlan
eða nýlegan fataskáp, sem
jafnvel þarfnast viðgerðar? Sláðu
þá á þráðinn til okkar því okkur
bráðvantar hann. Síminn er
16049.
Herbergi óskast
Ungur námsmaður óskar eftir
herbergi í miðbænum. Upplýs-
ingar í síma 611649.
Til sölu gegn vægu verði
hjónarúm úr Ijósum viði með
springdýnum og náttborðum í stíl,
hár, gamall stofuskápur, sófa-
borð, símaborð, kistur, smáborð,
2 fimm arma Ijósakrónur og ýmis-
legt smádót. Upplýsingar í síma
40905 e.kl. 18.
Til sölu - gefins
(sskápur fæst gefins. Á sama
stað er til sölu leðurjakki nr. 38-
40, selst ódýrt, karlmannaföt nr.
54, hjónarúm og zoom-linsa 75-
200mm á Canon vél. Upplýsingar
í síma 675089.
Enskur peningaskápur
til sölu. Upplýsingar í síma 17398
kl. 4-8.
Til sölu þvottavél
Zerowatt 955, 9 ára á kr. 5000.
Einnig lítið sporöskjulagað borð á
stálfæti á kr. 2000. Upplýsingar í
síma 672794.
Barnagæsla - Melar
Unglingur óskast til að gæta 5 ára
drengs 2 kvöld í viku. Upplýsingar
í síma 13374 hjá Þórhildi.
Sófasett
Nýtískulegt og vel með farið sófa-
sett óskast. Upplýsingar í síma
28257.
Atvinna óskast
Stúlka á 19. ári óskar eftir atvinnu.
Ymislegt kemur til greina. Er vön
afgreiðslustörfum. Góð laun saka
ekki. Tilboð óskast send auglýsing-
adeild Þjóðviljans merkt „Dugleg
Þverflauta
Óska eftir að kaupa þverflautu.
Upplýsingar í síma 680006 e. kl. 19.
Handunnar
rússneskar tehettur
og matrúskur (babúskur) í miklu úr-
vali. Póstkröfuþjónusta. Upplýsing-
ar í síma 19239.
Myndlistarmaður
vill taka á leigu einhvers konar
húsnæði til að vinna í. Má vera hvað
sem er, kjallari eða háaloft. Þarf
ekki að vera innréttað. Upplýsingar
í síma 622829 hjá Guðrúnu.
Er ekki einhver
góðhjörtuð manneskja sem vill
leigja pari með eitt barn 3ja her-
bergja íbúð? Reglusemi og skilvís-
um greiðslum heitið. Upplýsingar í
síma 622829 hjá Guðrúnu.
Barnagull
Dreymir þig um gamaldags leikföng
úr tré? Hef til sölu dúkkurúm, brúð-
uvagna og leikfangabíla. Póstsend-
ingarþjónusta. Auður
Oddgeirsdóttir húsgagnasmið-
ur, sími 99-4424.
Húsnæði óskast
Sjómaður um fertugt óskar eftir að
taka á leigu einstaklingsíbúð eða
herbergi með sérinngangi. Upplýs-
ingar í síma 75521 eftir kl. 20.00.
FLUGLEIÐIR
Aðalfundur
Flugleiða hf.
verður haldinn þriðjudaginn 22. mars 1988 í
Kristalsal Hótel Loftleiða og hefst kl. 14.00.
Dagskrá:
1. Venjuleg aðalfundarstörf skv. 10. gr. sam-
þykkta félagsins.
2. Breytingar á samþykktum félagsins, tillaga um
útgáfu jöfnunarhlutabréfa.
Tillögur frá hluthöfum, sem bera á fram á aðal-
fundi, skulu vera komnar I hendur stjórnarinnar
eigi síðar en 7 dögum fyrir aðalfund.
Aðgöngumiðar og atkvæðaseðlar verða afhentir
á aðalskrifstofu félagsins, Reykjavíkurflugvelli,
frá og með 15. mars nk. frá kl. 9.00-17.00. Af-
hendingu atkvæðaseðla lýkur á hádegi fundar-
dags.
Stjórn Flugleiða hf.
Póstminjasafnið
Póst-
þjónusta
lands-
höfð-
ingja-
tímans
Póstþjónusta landshöftSingja-
tímans 1872-1904 nefnist sýning
sem nú er haldin í Póst- og síma-
minjasafninu í Hafnarfirði.
Landshöfðingjar voru Hilmar
Finsen, Bergur Thorberg og
Magnús Stephensen. Á sama
tímabili voru póstmeistarar þeir
Ole Finsen og Sigurður Briem.
Bréfasafn póstmeistaranna er
mikið að vöxtum og í því er marg-
víslegur fróðleikur um samskipti
þeirra við yfirmenn og undir-
menn. Þá er töluvert um bréf
vegna frímerkjaskipta við önnur
lönd og margar bænaskrár um
breytingar á póstferðum.
Sem dæmi um bréfakost sýn-
ingarinnar má nefna bréf frá Ein-
ari Benediktssyni skáldi þar sem
hann óskar eftir því við póst-
stjórnina að hún sjái um dreif-
ingu á blaði hans Dagskrá sem
átti að koma út „hvern virkan
dag“ frá 1. júlí 1897. Þetta fyrsta
dagblað á íslandi varð ekki lang-
líft.
Á sýningunni er líka fyrsta vél-
ritaða bréfið sem barst
póstmeistara, kom 1893 frá Den-
ver í Colorado. Fyrsta innlenda
vélritaða bréfið barst aftur á móti
póstmeistara 1897. Sendandi
þess var Páll Einarsson, þá bréf-
hirðir og sýslumaður á Patreks-
firði, en síðar fyrsti borgarstjóri
Reykjavíkur og hæstaréttardóm-
ari:
Eitt bréfanna er með ósk frá
Japönum um frímerkjaskipti og
er það frá 1878.
Ibréfifrá22. nóvember 1898 er
Elísabet Jónsdóttir, ekkjufrú í
Bæ í Króksfirði, skipuð til þess að
vera „póstafgreiðslukona". Er
hún fyrsta kona sem skipuð var til
starfa í póstþjónustunni, en áður
hafði kona verið ráðin til bréf-
hirðingarstarfa.
Fleiri forvitnileg bréf eru á sýn-
ingunni og hafa þau í senn gildi
fyrir póstsögu og landsscigu.
Mörg þessara bréfa eru listavel
skrifuð og stafagerð skrautleg.
Frímerki eru einnig á sýning-
unni, m.a. nokkur sýnishorn
aurafrímerkja 1876-1901. Þau
komu í stað skildingafrímerkja.
Margt safngripa er að finna í
Póst- og símaminjasafninu. Með-
al nýrra muna er VF-viðtæki sem
smíðað var og endurbætt af Rík-
arði Sumarliðasyni á verkstæði
Landsímans og var í varðskipinu
Ægi. Tæki þetta kom eftirminni-
lega við sögu björgunar áhafnar
Geysis af Vatnajökli 1951, en í
því heyrðist fyrsta neyðarkallið.
Póst- og símaminjasafnið sem
nýlega átti eins árs afmæli er við
Austurgötu 11 í Hafnarfirði. Það
er opið sunnudaga og þriðjudaga
kl. 15-18. Aðgangur er ókeypis.
Þeir sem vilja skoða safnið utan
opnunartíma hafi samband við
safnvörð í síma 54321. f stjórn
Póst- og símaminjasafnsins eru
Þorgeir K. Þorgeirsson fram-
kvæmdastjóri, formaður, og auk
hans Bragi Kristjánsson fram-
kvæmdastjóri og Kristján Helga-
son umdæmisstjóri. Safnvörður
er Magnús Eyjólfsson.
_______________AFM/tLI_____________
Sjötugur
Valdimar Valdimarsson
bóndi Strandseljum í ísafjarðardjúpi
í hug minn kómu ljóðlínur
Steingríms „Bændabýlin þekku
bjóða vina til...“ er mér varð
hugsað til Strandselja í Ögur-
sókn, þá samsveitungi minn
minnti mig á, að Valdimar bóndi
þaryrði sjötíu ára þann 22. þ.m.,
- þ.e. í gær, en þar hefur hann
erjað jörðina í nærfellt hálfa öld
og farnazt vel í búskap sínum.
Foreldrar Valdimars eru eigi
upprunnin úr ísafjarðardjúpi,
heldur aðflutt í Laugardalinn, -
að Blámýrum, komin úr Dölum
sunnan eða Saurbæ, Valdimar
Sigvaldason og Ingibjörg Felix-
dóttir. Á Blámýrum fæddist þeim
hinn ungi sveinn er nú fagnar fyll-
ingu hins sjöunda tugar og þar
ólst hann upp.
Möguleikar þeirrar kynslóðar
er óx úr grasi á þriðja áratugnum
voru eigi miklir til menntunar eða
forfrömunar að öðru leyti, nema
til kæmi ríkidæmi foreldra eða
aðstandenda annarra, en alla
burði hafði Valdimar til þjónustu
við menntagyðjuna. Ef til vill
hefur hugur hans ávallt staðið til
gróðurs og jarðar, að minnsta
kosti hefur hann vel notið sín sem
bóndi á sinni snotru jörð, sem
hann hefur bætt stórlega í ræktun
og húsakosti. Er eigi annarsstað-
ar við Djúp að sjá lanir svo
snemma sumarsins á grænni
grund sem á hans velli, er áður
var flugvöllur, melur einn er sól
nær eigi að svíða þá hún glatt skín
á Djúp.
Valdimar er maður heimakær
og unir sér vel á býli sínu við hin
venjubundnu störf, hversdags-
lífið á bezt við hann, og hann er
maður hógværðar og athygli, létt-
ur hversdags og gamansamur ef
því er að skipta. í sveitarstjórn
hefur hann setið mörg ár, og er
eigi í vafa að velkjast, að með
gætni og hyggindum hefur hann
fjallað um þau mál er uppi hafa
verið á hverjum tíma, átt auðvelt
með að setja sig inn í þau og skilja
hismið fræga frá enn rómaðri
kjarna, ef hann þá nokkur var, en
auvirðileiki og hjóm hluta dylst
ekki svo greindum og gaman-
sömum manni.
Á heimili hans og Sigríðar
mætir gestinum alúð og gestrisni,
látleysi og innilegheit, snyrtilegt
allt um innanstokks, kaffi, spjall í
eldahúsi, gestagleidd engin, vin-
semd, friður... - Aðeins eitt verk
unnum við Valdimar saman um
dagana, enda þótt ég hafi sem
sóknarprestur hans unnið
eitthvað af prestverkum fyrir þau
Valdimar og Sigríði - og er reiðu-
búinn þar við að bæta, endur-
skoðun reikninga ræktunarfé-
lags, er með sér höfðu stofnað
búendur úr Vatnsfjarðar og Ög-
ursóknum. Hafði félagið mjög
upp dregizt undanfarið og sátum
við í Strandseljastofu, ásamt
reikningshaldara eitt kvöld er
hallaði sumri, að glugga í reikn-
inga þess og undirrita, að dánar-
vottorð mætti út gefa. Vann
Valdimar að þessu verki með
alúð og nákvæmni og sá ég það þá
hve glöggur hann var á tölur og
reikningsfærslur allar og í engu
vildi hann um ráð fram rasa.
Finnst mér, sem þessar fáu línur
hripa að ég hafi þekkt hann betur
en áður - og vóru þó kynni okkar
nokkur.
Húmið seig yfir býli Valdimars
á ströndinni, flóð sjávar, bjart í
stofu, og er við höfðum lokið
verki um lágnættið dró reiknings-
haldi úr pússi sínu fleyg víns og
skenkti á staup húsráðanda svo
og mitt, - og mátti eigi minna
vera eftir erfiðið, - þetta eru þó
með sanni söguslóðir Hávarðar
ísfirðings og þess er frægastur
hefur verið af ísfirzkum bænda-
sonum: Þormóðar Kolbrúnar-
skálds. Sigríður kallar í kaffi, sem
vissulega er vel þegið og síðan
fylgir húsbóndinn okkur til dyra,
kveður, hverfur í hús inn en við í
hraðreiðir vorar.
Ég flyt þér okkar beztu kveðj-
ur hér í Vatnsfirði, svo og allra
vina þinna í Djúpi. Megir þú
njóta lífsins lengi enn á þínu góða
heimili og sjá af hlaði Strandselja
sólina koma upp í austri og hella
geislum sínum yfir Djúpið blátt.
Lifðu heill!
Sigríði og börnunum tveim
óska ég til hamingju með sjö-
tugan öðling.
Vatnsfirði,
í byrjun Sjöviknaföstu 1988.
Sr. Baldur Vilhelmsson
6 SÍÐA - ÞJÓÐVILJINN Þriójudagur 23. febrúar 1988