Þjóðviljinn - 10.03.1988, Blaðsíða 6
VIÐHORF
Lausar stöður
Viö fangelsin í Reykjavík og Kópavogi, þ.e.
Hegningarhúsið við Skólavörðustíg, Fangelsið
Síðumúla 28 og Fangelsið Kópavogsbraut 17,
eru lausar til umsóknar eftirtaldar stöður:
2 stöður yfirfangavarða.
1 staða varðstjóra.
2 stöður aðstoðarvarðstjóra og að minnsta kosti
6 stöður fangavarða.
í framangreindar stöður verður ráðið frá 1. maí
n.k.
Umsóknir ásamt upplýsingum um menntun og
fyrri störf sendist dómsmálaráðuneytinu fyrir 5.
apríl n.k.
Umsækjendur sem ekki starfa þegar við fanga-
vörslu skulu vera á aldrinum 20-40 ára.
Dóms- og kirkjumálaráðuneytið,
1. mars 1988
Tónlistarmaður
Tónlistarmaður óskast til starfa í Hrunamanna-
hreppi. Verksvið: tónlistarkennsla og organist-
astarf. Um er að ræða fullt starf eða meira. Ódýrt
húsnæði í þægilegu umhverfi á Flúðum er í boði.
Umsóknarfresturertil 15. apríl. Upplýsingarveitir
oddviti Hrunamannahrepps í síma 99-6617 á
venjulegum skrifstofutíma.
Hjúkrunarfræðingar
Eftirtaldar stöður hjúkrunarfræðinga í heilsu-
gæslustöðvum eru lausartil umsóknar nú þegar:
I.Staða hjúkrunarforstjóra við Heilsugæslu-
stöðina í Ólafsvík.
2. Staða hjúkrunarforstjóra við Heilsugæslu-
stöðina á Egilsstöðum.
3. Staða hjúkrunarforstjóra við Heilsugæslu-
stöðina á Þingeyri.
4. Staða hjúkrunarforstjóra við Heilsugæslu-
stöðina í Reykjahlíð, Mývatnssveit.
5. Staða hjúkrunarfræðings við Heilsugæslustöð
Suðurnesja í Keflavík.
6. Staða hjúkrunarfræðings við Heilsugæslu-
stöðina á Skagaströnd.
7. Staða hjúkrunarfræðings við Heilsugæslu-
stöðina á Þórshöfn.
8. Staða hjúkrunarfræðings við Heilsugæslu-
stöðina í Hafnarfirði.
Umsóknir ásamt upplýsingum um nám og fyrri
störf við hjúkrun sendist heilbrigðis- og trygg-
ingamálaráðuneytinu, Laugavegi 116, 150
Reykjavík.
Heilbrigðis- og
tryggingamálaráðuneytið
8. mars 1988
Þroskaþjálfar
Starfsdagur þroskaþjálfa verður haldinn mánu-
daginn 14. mars n.k. að Grettisgötu 89, R.v.k. (4.
hæð), kl. 9.00-17.00. Þátttaka tilkynnist í síðasta
lagi föstudaginn 11. mars n.k. kl. 14.00-15.30 í
síma 29678.
Félag þroskaþjálfa
Allir eiga að vera í beltum,
hvar sem þeir sitja
í bílnum!
UUMFERÐAR
RÁÐ
„Það vex engin þjóð...“
Ferðasögu blaðamanns Pjóð-
viljans til Briissel lauk um helgina
(6. mars) og er uppljómuð mikilli
flugeldasýningu þar sem sum
skeytin fljúga í minn garð. Verð-
ur að svara þeim að nokkru en
rétt að taka fram í upphafi að
heimiliserjur Alþýðubandalags-
ins eru undirrituðum óviðkom-
andi.
Mikið getur Ólafur Gíslason
tekið hátt undir með faríseanum
og þakkað guði fyrir að vera ekki
eins og þessir rómantísku Albaní-
ukommar sem ekkert sjá nema
fortíðina. t>á er nú munur að
horfa fram, vera raunsær og mál-
efnalegur.
Það er makalaust hvað sumir
hafa miklar áhyggjur af því hvað
gerist þegar herinn er farinn. Ég
held það gerist ekkert sérstakt
nema þjóðarlíkaminn læknast
smám saman þegar hernáms-
meinsemdin er horfin. Það er
hins vegar alfarið mál Banda-
ríkjamanna og áhyggjuefni
hvernig þeir haga sínu tafli við
kommúnistaríkin hræðilegu.
Fyrir nokkrum árum var Jósep
Luns, þáverandi framkvæmda-
stjóri Nataó, spurður hvaða þýð-
ingu ísland hefði fyrir Nataó.
Hann svaraði því til að landið
væri eins og ósökkvandi flug-
móðurskip og ef þess nyti ekki
við yrði Nató að halda úti fjórum
flugmóðurskipum á Norður-
Atlantshafi með ærnum kostnaði
til að hafa auga með rússneska
flotanum. Nú, ef Nató-ríkin tefla
sig þurfa að gera þetta þegar Is-
land er horfið úr bandalaginu þá
væntanlega gera þau það en það
er engin ástæða til að Þjóðviljinn
geri sér rellu út af því þótt það
valdi þeim óþægindum.
Miklu þyngra áhyggjuefni eru
þær eðlisbreytingar sem hafa orð-
ið á herstöðinni á Miðnesheiði á
síðustu árum. Fyrstu árin eftir
stríð átti herstöðin einkum að
tryggja samgöngur milli Banda-
ríkjanna og Evrópulanda ef til
átaka kæmi við Sovétmenn. Síðar
var settur upp margs konar
njósnabúnaður á Keflavíkurflug-
velli, við Stokksnes og víðar til að
unnt væri að fylgjast með ferðum
sovéskra skipa, einkum kafbáta.
Hin síðari ár hafa Nató-ríkin hins
vegar mótað þá áætlun að senda
stóran flota vígdreka inn á
norðurhöf, ef átök brytust út, og
herja þaðan á víghreiðrin á Kóia-
skaga. Út af fyrir sig er skiljanlegt
að Evrópumenn vilji láta berjast
einhvers staðar annars staðar en
heima hjá sér, - nóg er nú samt -
og Bandaríkin hafa alltaf viljað
mæta Rússum sem lengst frá sínu
landi. Gallinn við þessa sóknará-
ætlun fyrir íslendinga er sá að ís-
land verður og er raunar þegar
orðið framvarðarstöð fyrir árás-
arflota sem stefnt er gegn Sovét-
ríkjunum og lendir þannig í eld-
línunni miðri. Hafi því einhvern
tímann verið þörf á að reka her-
inn þá er það nú orðið nauðsyn.
Ólafur Gíslason telur illa kom-
ið fýrir flokki sínum ef viðhorf
fortíðarglópa eins og okkar Birnu
Þórðardóttur réðu þar miklu, þá
muni flokkinn daga uppi í um-
ræðunni. Og hvaða umræða
skyldi það nú vera? Kaldastríðs-
ræður Þorsteins Pálssonar eins og
sú sem hann flutti í Nataó-
klúbbnum nú fyrir helgina? Hug-
mynd Steingríms um að Sovét-
menn og Bandaríkin önnuðust
varnir landsins í sameiningu og
bróðerni og sæju um eftirlit á
höfunum? Eða þá uppástunga
Jóns Baldvins um að Nató-
löndunum í Evrópu gæfist kostur
á að verja landið gegn því að ís-
lendingar fái tolla á fiskmeti og
prjónlesi lækkaða? Ja, sér er nú
hver umræðan og hvern er eigin-
lega að daga uppi og hvar?
Raunar mun Ólafur ekki eiga
við svona jólasveinaumræður
Jón Torfason skrifar
>yAuðvitað á að taka þáttí
slíkum umrœðum, en
muna þó alltafað gleyma
því ei að það sem að ís-
lendingum snýr og er
brýnast er það að losna
við herinn úr landinu og
hverfa úr Nató - annars
verður landið okkar not-
að sem hver önnur skipti-
mynt í samningum stór-
veldanna. “
heldur umræður um slökun,
kjarnorkuvopnalaus svæði og
friðarumræður af ýmsu tagi sem
þróast hafa í kjölfarið á samning-
um risaveldanna um að fækka
kjarnavopnum. Auðvitað á að
taka þátt í slíkum umræðum en
muna þó alltaf að gleyma því ei
að það sem að íslendingum snýr
og er brýnast er það að losna við
herinn úr landinu og hverfa úr
Nató - annars verður landið okk-
ar notað sem hver önnur skipti-
mynt í samningum stórveldanna.
Eina tiltæka ráðið er að almenn-
ingur berjist gegn herstöðvum
hér og nú og sýni svokölluðum
forustumönnum fram á að herinn
verður að fara. Skal enn einu
sinni minnt á að friðarmálin eru
mikilvægari en svo að það megi
treysta stjórnmálamönnunum
fyrir þeim.
Vegna þess að Ólafur Gíslason
híar á fólk sem lítur til baka til
fortíðarinnar þá vil ég geta þess
að mér finnst ekki slæmt að horfa
til þeirrar fortíðar þegar enginn
erlendur her var hér á landi. En
því fylgir að maður lítur fram til
þeirrar tíðar þegar sú fortíðarsýn
er orðin að veruleika og landið
herlaust.
Að Iokum erindi eftir Guð-
mund Böðvarsson sem á ekki
síður erindi nú en þegar það var
kveðið fyrir um 40 árum:
Ég veit að við höfum hnotið á
torfærri götu.
- Ég hefði kannske átt að segja
það berari orðum:
Það vex engin þjóð við að þiggja
hinn blóðstokkna pening
fyrir þátttöku og hlýðni
í samsœrum, ránum og morðum.
Og vei þeim sem tengja vor örlög
við eyðing og dauða,
þau óhæfuverk sem að lögðu oss í
hlekkina forðum.
Jón Torfason er kennari og fræði-
maður í Reykjavík.
ALÞÝÐUBANDALAGIÐ
Alþýðubandalagið Kjósarsýslu
Árshátíð
Árshátíð Alþýðubandalagsins í Kjósarsýslu verður haldinn í Þrúðvangi,
laugardaginn 12. mars.
Gleðin hefst kl. 20.00. Miðasala við innganginn.
Starfsnefnd
Alþýðubandalagið Selfossi og nágrenni
Almennur félagsfundur
Almennur félagsfundur verður haldinn miðvikudaginn 16. mars kl. 20.30 í
sal verkalýðsfélagsins Þórs við Eyrarveg. Efni fundarins eru kjaramálin.
Frummælendur: Margrét Frímannsdóttir alþm., Hafsteinn Stefánsson var-
aform. Þórs og Steini Þorvaldsson form. Verslunarmannafélagsins.
Nýir fólagar sérstaklega boðnir velkomnir. Fjölmennið. - Stjórnin.
Morgunkaffi ABK
Valþór Hlöðversson bæjarfulltrúi og Geir Friðbertsson fulltrúi í heilbrigðis-
nefnd verða með heitt á könnunni í Þinghóli, Hamraborg 11, laugardaginn
12. mars frá 10-12.
Allir velkomnir. - Stjórnln.
Alþýðubandalagið i Kópavogi
Bæjarmálaráð
Fundur í bæjarmálaráði ABK verður mánudaginn 14. mars kl. 20.30.
Fundarefni: Fjármál bæjarsjóðs í Ijósi nýrra aðgerða ríkisstjórnarinnar.
Guðrún Pálsdóttir fjármála- og hagsýslustjóri mætir á fundinn og svarar
fyrirspurnum. Önnur mál.
Stjórnin
ÆSKULÝÐSFYLKINGIN
Æskulýðsfylkingin í Reykjavík
Aðalfundur
Aðalfundur ÆFABR verður haldinn fimmtudaginn 17. mars að Hverfisgötu
105 kl. 20.00.
Venjuleg aðalfundarstörf. Félagar eru hvattir til að mæta. Nýir félagar
velkomnir. - Stjórnin.
Auglýsið í Þjóðviljanum
6 SlÐA - ÞJÓÐVIUINN