Þjóðviljinn - 27.07.1988, Blaðsíða 5

FRETTIR
Steingrímur Hermannsson. Vinsældir hans í könnunum eru viðvar andi, og sýnist gengi hans í þeirri síðustu styrkja líkur á að Framsókn
leggi í kosningar undir hans forystu í haust. / 7. r ..
,/jl lllS/vO TUiUíl
Steingrímur foríngi Kvennalista?
Fleiri Kvennalistakjósendur nefna Steingrím en Guðrúnu
Agnars í vinsœldakönnun. Sterkstaða Steingríms og
Framsóknar gera kosningar líklegri
Steingrímur Hermannsson er
oftast nefndur í könnun Skáíss og
Stöðvar 2 um þá sem helst ættu að
sitja í ríkisstjórn, og ber einsog í
fyrri könnunum af þessu tagi
höfuð og herðar yfir næstu menn.
í könnuninni er tilnefningum
skipt eftir flokkafylgi, og er
Steingrímur tilnefndur af kjós-
endum allra flokka. Kjósendur
Kvennalistans nefna Steingrím
43 sinnum, en vinsælasta forystu-
mann listans sjálfs, Guðrúnu
Agnarsdóttur25 sinnum, en svar-
endur voru beðnir að nefna 1-3
menn. Meðal Alþýðubandal-
agskjósenda fær Steingrímur
jafnmargar tilnefningar og
Ólafur Ragnar Grímsson, og hin-
ir fáu Borgaraflokksmenn nefn-
du Steingrím næstan eftir Al-
berti. Hjá Sjálfstæðisflokkskjós-
endum er Steingrímur ásamt
Friðrik Sophussyni í öðru sæti
eftir Þorsteini Pálssyni, og hann
fær einnig margar tilnefningar
þeirra sem ekki taka afstöðu. Al-
þýðuflokkskjósendur eru sístir í
trausti á Steingrími, þar lendir
hann aftanvið krataráðherrana
þrjá og Þorstein Pálsson. Er ekki
að efa að þessi vin-
sældastaðfesting Steingríms,
samfara vænni fylgisstöðu Fram-
sóknar, gefur honum góð spil á
höndina og eykur líkur á að hann
knýi fram stjórnarslit og kosning-
ar í haust.
Steingrímur var nefndur 254
sinnum, en Halldór Ásgrímsson
er næstur í röðinni (122 tiln.),
hefur auk Framsóknarstuðnings
talsvert frá Sjálfstæðisflokki og
Kvennalista, er jafn Steingrími
hjá krötum en hefur mjög lítið
álit hjá Alþýðubandalags-
mönnum.
Þriðji er Porsteinn Pálsson
(119 tiln.) og sækir fylgi útfyrir
flokksraðir helst til krata. Jón
Baldvin Hannibalsson er fjórði
(75) og Jóhanna Sigurðardóttir
fimmta (48). Jón fær margar
kratatilnefningar og nokkrar frá
kjósendum samstarfsflokkanna,
Jóhanna færri frá krötum, óveru-
legt frá Sjálfstæðisflokki, en tals-
verðan stuðning úr öðrum her-
búðum.
Næstur er Birgir ísleifur Gunn-
arsson (41), nánast eingöngu
með tilnefningar eigin flokks-
manna, síðan Jón Sigurðsson sem
dregur til sín nokkra krata og
frammara. Guðrún Agnarsdóttir
(37) hefur auk Kvennalistastuðn-
ings helst fylgi óháðra, Friðrik
Sophusson (37) hinsvegar nær
aðeins úr eigin röðum. Albert
Guðmundsson (33) nýtur þrátt-
fyrir hrun Borgara talsverðs
stuðnings úr öllum fylkingum, en
Ólafur Ragnar Grímsson (24) er
auk Alþýðubandalagstilnefninga
helst nefndur af Kvennalistakjós-
endum. Fleiri eru ekki nefndir af
tilnefndum stjórnmálamönnum í
niðurstöðum könnunarinnar.
-m
Skoðanakönnun
Kvennalistinn lækkar flugið
Framsókn og Sjálfstæðisflokkur bæta við sig í nýrri könnun,
Kvennalistimeð23%, Borgarar ná ekkiprósenti. Miðaldra
Alþýðubandalagsmenn áfjöllum?
Lágfóta
Sköfli
í sókn
Refur fyrirfinnst orðið í
öllum landshlutum.
Stærsta tófubyggðin á
Vestfjörðum. Páll
Hersteinsson
veiðistjóri: Stofninn
virðist vera að ná
hámarki. Refaskyttur
margreyndar og öllum
hnútum kunnugar
- Það liggja ekki fyrir neinar
samantektartölur um refaveiðina
í ár og upplýsingar um fjölda
felldra dýra á því seinasta eru
ekki fyrir hendi ennþá. Væntan-
lega að venju er tófuveiðin þó
mest á Vestfjörðum. Þar er hlut-
fallslega þéttasta tófubyggðin,
sagði Páll Hersteinsson veiðistjóri
í samtali við Þjóðviljann.
Páll sagði að það hefði sýnt sig
að refastofninn hefði undanfarin
ár verið í vexti, en gera mætti ráð
fyrir að hann væri um það bil að
ná hámarki. Veiddum dýrum
hefur fjölgað svo til árvisst á
Vesturlandi og Vestfjörðum. í
öðrum landshlutum sagði Páll að
vart hefði orðið iítillegrar fjölg-
unar felldra dýra.
Lágfóta er víðast hvar í sókn og
undanfarin ár hefur hún numið
land í öllum landshornum, en
minnst er af henni inni á reginör-
æfum, enda æti þar af skornum
skammti.
Hvað minknum viðkemur,
sagði Páll að hann hefði virst í
lægð fyrir þremur til fimm árum,
en miklar sveiflur hafa verið á
stofninum. Páll sagði að minna
virtist um mink í ár en í fyrra og
kann minni frjósemi að valda þar
nokkru um.
í dag eru greiddar 630 kr. fyrir
hvern unninn mink. Kaupgjald
refaskyttu er 250 kr. á yrðling,
570 kr. á fullorðið grendýr og 800
kr. á hlaupadýr, en u.þ.b. þriðja
hver tófa á landinu er felld sem
hlaupadýr.
Þótt ekki sé feitan gölt að flá
fyrir refabana, virðast refa-
skyttur kemba hærurnar við
þennan starfa. Páll sagði að með-
alreynsla þeirra hefði verið um 20
ár árið 1982. -rk
Varaflugvöllur
Skýrsla
Flugráðs
Skýrsla Flugráðs um varaflug-
völl fyrir millilandaflug var lögð
fram á ríkisstjórnarfundi í gær.
Matthías A. Mathiesen
samgönguráðherra býst við að
úrvinnsla skýrslunnar taki
langan tíma.
Matthías sagði að Flugráð
legði til lengingu Egilsstaðaflug-
vallar en til þess væru engir pen-
ingar í flugmálaáætlun.
Á tímabili var ætlað að varaflu-
gvöllur yrði á Sauðárkróki. Telur
ráðherrann að það fari eins fyrir
hugmyndinni um varaflugvöll á
Egilsstöðum og á Sauðárkróki?
Matthías sagði Flugráð nefna
þrjá flugvelli; Egilsstaði, Akur-
eyri og Sauðárkrók. „Þessi tillaga
byggist bara á þeim flugvélum
sem þegar eru í notkun og
grundvallast á því, hún er ekki
um stærri flugvélar,“ sagði Matt-
hías í véfréttarstíl.
-hmp
Kvennalistinn er með dágott
fylgi í nýrri skoðanakönnun
Stöðvar tvö og Skáíss, en er kom-
inn úr 30 prósenta flugi sínu und-
anfarið í 23,3 prósent. Þetta hlut-
fallslega fylgistap Kvennalista
gagnast helst Sjálfstæðisflokki og
Framsókn.
Sjálfstæðisflokkur fær 32,8% í
könnuninni, nokkru meira en í
könnunum í vor og sumar og mun
skárra en í kosningunum í fyrra
(27.2) , en nálgast þó lítið hið
forna fylgi flokksins.
Framsóknarflokkur fær
20,7%, ívið betra en undanfarið,
en Alþýðuflokkur með 10,9 og
Alþýðubandalag með 9 prósent
ná ekki að lyfta sér úr fylgislægð-
inni.
Borgaraflokkurinn hefur
aldrei fengið minna í skoðana-
könnun, er með 0,9 prósent og
minni en bæði Þjóðarflokkur
(1.2) og Flokkur mannsins sem
fær 1,6% og nýtur greinilega fors-
etaframboðs síns, þótt í litlu sé.
Um 34% tóku ekki afstöðu í
könnuninni.
í niðurstöðum sínum skiptir
Skáíss kjósendum eftir kyni og
aldri. Alþýðuflokkur fær um
14% meðal karla, aðeins um 7%
meðal kvenna, Alþýðubandalag-
ið 10,4% karla en 7,3% kvenna,
Framsókn um 23% karla en um
17% kvenna. Sjálfstæðisflokkur
hefur jafnt fylgi kynja, Kvenna-
listinn rúm 35% kvenna og tæp
14% karla. Allir Borgarar í
könnuninni (4 svarendur) eru
hinsvegar karlar á milli þrítugs og
fimmtugs.
Aldursskiptingin sýnir ýmsar
sveiflur, sumar nokkuð óvæntar.
Alþýðuflokkur hefur um 13%
kjósenda undir þrítugu, um 14%
frá þrítugu til fimmtugs, en tæp
6% yfir fimmtugu. Kvennalisti
býr við svipuð hlutföll, 25-27-18,
Sjálfstæðisflokkur er sterkastur í
miðhópnum, 31-37-31, en Fram-
sókn hefur mest fýlgi hinna eldri:
16-15-30. Aldursskipting
Alþýðubandalagskjósenda er
einkennileg í könnuninni, 9% í
yngsta hóp, 16 í elsta hóp, en að-
eins 3 í miðhópnum.
Þeir sem ekki tóku afstöðu eru
jafnfjölmennir í aldurshópunum
þremur, en þegar skipt er kynj um
sést að um 42% kvenna taka ekki
afstöðu á móti um 26% karla.
Þetta er fyrsta Skáíss-könnun
fyrir Stöð tvö, en þeirra er von á
mánaðarfresti í framtíðinni. Ská-
íss hafði áður samvinnu við Helg-
arpóstinn sáluga. -m
Suðurnes
Leiðsögn suður með sjó
„Suður með sjó - leiðsögn um
Suðurnes“ nefnist rit sem Rótarý-
klúbbur Keflavíkur hefur gefið
út. Höfundur leiðalýsingarinnar
er Jón Böðvarsson, ritstjóri Iðn-
sögu Islendinga. Þar cr gerð grein
fyrir helstu kennileitum sem
verða á vegi þeirra sem aka um
Suðurnes og Reykjanesskaga og
um leið er stiklað á stóru í sögu
þessa landshluta.
Suðurnesin hafa löngum verið
talin til útkjálka og hefur viljað
brenna við í vitund Innnesjabúa
að þjóðleið til Suðurnesja hefur
orðið lengri en leiðin frá Suður-
nesjum til Reykjavíkur. Suður-
nesjabúar sjálfir hafa að sumu
leyti verið seldir undir sömu sök
og því haft tilhneigingu til að
sækja vatnið yfir lækinn.
Með útgáfu leiðalýsingarinnar
vill Rótarýklúbbur Keflavíkur
vekja athygli heimamanna sem
og annarra á því að Suðurnesin
hafa uppá sitthvað markvert að
bjóða ferðalöngum jafnt sem
heimamönnum sjálfum.
Ritið prýðir fjöldi uppdrátta og
mynda, og þar af eru flestar ljós-
myndir prentaðar í lit. Bókin er
152 tölusettar síður.
Bókin er gefin út í nokkur þús-
und eintökum og dreift í hvert
hús í Suðurnesjabyggðum.
-rk
Miðvikudagur 27. júlí 1988 ÞJÖÐVILJiNN - SIÐA 5