Þjóðviljinn - 19.10.1988, Blaðsíða 7
Leikbúningasýning
Teikningamar fyrir Hoffmann
AlexanderVassiliev:Éghannaðisérstakanbúningfyrirsvogottsem alla sem koma fram í sýningunni
Alexaínder Vassiliev, sem
hannaði búningana fyrir upp-
færslu íslensku óperunnar og
Þjóðleikhússins á Ævintýrum
Hoffmanns, opnar í dag sýn-
ingu á búningateikningunum í
grafíkgalleríi Borgar að
Austurstræti 10. Teikningarn-
ar eru unnar á pappír með
blýanti, vatnslitum og guass,
gerðar í París og Genf í haust
og í vetur, og eru allar til sölu.
Alls voru gerðir 300 búningar
fyrir sýninguna á reynslu Hoff-
manns af ástinni, þannig að
saumakonurnar tólf hjá ís-
lensku óperunni og Þjóðleik-
húsinu hafa haft í nógu að
snúast undanfarna tvo mán-
uði.
Alexander Vassiliev er sonur
leikkonu og leikmyndateiknara,
fæddur í Moskvu 1958. Hann
lærði við Listaleikhúsið í
Moskvu, lauk þaðan prófi árið
1980 og hóf þegar störf bæði við
Malaýa Bronnaya Listaleikhúsið
og Listaakademíuna í Moskvu.
Tveimur árum síðar settist hann
að í París og er nú eftirsóttur
leikmynda- og búningahönnuður
víða um heim.
Alexander gerir leikmyndir og
búninga fyrir óperur, leikrit,
kvikmyndir og ballett. Afreka-
listi hans er langur, hann teiknaði
um 300 búninga fyrir uppfærslu
Júrí Ljúbímovs á óperunni Ev-
gení Onegín f Ríkisóperunni í
Bonn, búninga fyrir óperuna í
Ankara, fyrir Konunglega
flæmska ballettinn og Willis Bal-
let í Texas svo einhver dæmi séu
nefnd. Hann hefur einu sinni
áður unnið fyrir Þjóðleikhúsið,
þegar hann gerði leikmynd og
búninga fyrir Villihunang Tsjék-
hovs fyrir tveimur árum.
- Ég keypti mestan hluta efnis-
ins sem búningarnir eru saumaðir
úr í París, segir Alexander.
- Þetta eru gamaldags efni, eins
og þau sem voru mest notuð á
þeim tíma þegar óperan gerist.
En Ævintýri Hoffmanns eru
ímyndað ferðalag Hoffmanns í
gegnum ýmis lönd Evrópu, um
ást hans á þremur konum; brúðu,
gleðikonu og söngkonu, sem all-
ar reynast vera mismunandi hlið-
ar á konunni sem.-hann elskar.
Ferðalagið gerist aðallega á 18.
og 19. öld, og hugmyndirnar að
búningunum eru víða að, til að
mynda þjóðbúningar frá Bæjara-
landi.
- Efnið í búningana er svo úr
ýmsum áttum, til dæmis eru hárk-
ollurnar frá Þýskalandi, skórnir
frá Ítalíu, skartgripirnir frá
Suður-Kóreu og hattarnir frá
Grikklandi. Ég keypti líka gam-
aldags útsaum frá Instanbúl til að
skreyta búningana.
- Ég hannaði sérstakan búning
fýrir svo gott sem alla sem fram
koma í sýningunni, kórfélaga
jafnt sem stjörnur. Hér er ég til
dæmis með teikningu að búningi
fyrir kórinn, sem verður í öðrum
þætti, á kjötkveðjuhátíðinni í
Feneyjum. Þarna hafði ég mál-
verk franska 18. aldar málarans
Antoine Watteau til fyrirmynd-
ar. Hann málaði mikið af persón-
um Commedia dell'arte, og hér
hef ég tekið Scaramouche til fyr-
irmyndar, hann er hvíta persón-
an, hvítklæddur og hvítur í fram-
an. »
- Búningur Ólympíu, brúð-
unnar sem Hoffmann elskar, er
gerður fyrir Sigrúnu Hjálmtýs-
dóttur. Ólympía er vélbrúða sem
vísindamaðurinn Spalanzani hef-
ur gert, hún syngur, dansar og
talar, en getur hvorki elskað né
borðað. Það fallegasta við hana
eru augun, sem Koppelíus hefur
gert. Fyrir Ólympíu gerði ég bún-
ing sem hylur líkamann algjör-
lega, vegna þess að hún er brúða.
Kjóllinn er. í rómantískum stíl
áranna í kringum 1810,
brjóstsykursbleikur/ gerður úr
silki og blúndum.
- Búningur Koppelíusar, gler-
augnasmiðsins sem gerir falleg-
ustu augu í heimi, er gerður fyrir
Kristin Sigmundsson. Þar var
aðal vandamálið að gera búning
sem breytti þessum stóra manni í
frekar smávaxinn, eldri mann.
Ég byggi búninginn upp á öllum
þessum tækjum og tólum sem líf
Koppelíusar snýst um, hann er
lifandi safn af augum, loftvogum,
hitamælum, gleraugum og tann-
hjólum.
- Það sem er næst á dagskrá
hjá mér er svo að gera búninga
fyrir ballett í Texas sem sýnir Gis-
elle í vetur, gera búninga fyrir
leikgerð að Nönu eftir Zola, en
það verður sett upp í París, og
síðan búninga fyrir ballettinn í
Ankara sem setur upp Rómeó og
Júlíu.
Sýning Alexanders stendur til
26. október, Grafíkgalleríið er
opið á op.iunartíma verslana.
LG
Alexander: „Efnin eru frá París, hárkollurnarfrá Þýskalandi, skómirfrá
Ítalíu..."
Miðvikudagur 19. október 1988 ÞJÓÐVILJINN - SÍÐA 7