Þjóðviljinn - 11.02.1989, Síða 2

FRÉTTIR
Siávarútvegur
Gjaldþrot blasa við
Eiginfjárstaða sjávarútvegsfyrirtœkja rýrnað um 13 miljarða á
skömmumtíma. Ólafur Guðmundsson: Uppuriðíárslok. Haraldur Sturlaugsson:
Eins og dauðvona sjúklingur með flatt heilalínurit
Eiginfjárstaða sjávarútvegsfyr-
irtækja hefur rýrnað á síðustu
misserum úr 26 miljörðum í 13 og
að sögn Ólafs Guðmundssonar
framkvæmdastjóra í Olafsvík má
fastlega búast við að afgangurinn
verði uppurinn í árslok ef svo fer
sem horfir.
Samkvæmt áætluðu heildaryf-
irliti skulda og eigna sjávarút-
vegsins miðað við þjóðarauðsmat
Seðlabanka íslands hafa skuld-
irnar vaxið úr 72,1% 1986 í
86,4% 1988. Á sama tíma hefur
eigið fé fyrirtækjanna rýrnað frá
því að vera 27,9% 1986 í aðeins
13,6% 1988. Petta kom fram á
fundi Samtaka fiskvinnslustöðva
í gær undir yfirskriftinni: Er
þjóðnýting fiskvinnslunnar yfir-
vofandi?
Bæði Steingrímur Hermanns-
son forsætisráðherra og Halldór
Ásgrímsson sjávarútvegsráð-
herra svöruðu spurningu fundar-
ins neitandi og töldu ekki að
þjóðnýting væri yfirvofandi þrátt
fyrir þessa slæmu stöðu. Ekki
höfðu ráðherrarnir neitt nýtt
fram að færa til lausnar á vandan-
um og létu sér nægja að endur-
taka hin háleitu markmið ríkis-
stjórnarinnar um nauðsyn þess
að lækka vexti og fjármagns-
kostnað og skapa lag til að hægt
yrði að vinna sig út úr þessum
erfiðleikum. Þá las sjávarútvegs-
ráðherra útdrátt úr ræðu sem
hann flutti á aðalfundi útvegs-
manna 1985 til að færa fundar-
mönnum sönnur á að núverandi
erfiðleikar væru ekki nýir af nál-
inni.
Á fundinum kom fram að 11%
afföll eru á skuldabréfum At-
vinnutryggingasjóðs útflutnings-
greina og lýstu fundarmenn yfir
óánægju með þá þróun. Haraldur
Sturlaugsson á Akranesi sagði að
endurskipulagning og hagræðing
dygðu ekki einar sér ef vinnslunni
væru ekki tryggðar nauðsynlegar
tekjur til að mæta innlendum sem
erlendum kostnaðarhækkunum.
Hann líkti stöðu fiskvinnslunnar
við dauðvona sjúkling með flatt
heilalínurit.
-grh
Þátttakendur á unglinganámsstefnunni í Vitanum í Hafnarfirði í gær og fyrradag. (Mynd: Jim).
Vegagerðin
Malarvegirnir
á undanhaldi
Þegar er búið að
leggja bundið slitlag á
nærri tvö þúsund
kílómetra af
þjóðvegakerfi
landsins
Búið er að leggja bundið siitlag
á 1982 kílómetra af þjóðvegakerfi
landsins. Mest var lagt árið 1987
eða 305 kílómetrar. í fyrra var
iagt bundið slitlag á 254 kfló-
metra. Þegar er búið að leggja
bundið siitlag á 23,7% af þjóð-
vegum landsins.
Að sögn Rögnvaldar Jóns-
sonar hjá Vegagerðinni er ekki
búið að ákveða hve mikið verður
lagt af bundnu slitlagi á þessu ári.
Hann sagði að í ár ætti að endur-
skoða vegaáætlunina, og fyrst að
því verki loknu væri hægt að segja
til um hve mikið af þjóðvegum
landsins yrði klætt bundnu slitlagi
í ár.
Þegar er búið að leggja bundið
slitlag á 23,7% þjóðveganna. Á
hringveginn er búið að leggja á
811 kílómetra, en eftir eru 605
kílómetrar. Hlutfallslega hefur
minnst af þjóðvegum á Vest-
fjörðum verið lagt bundnu slitlagi
eða aðeins 15,9%, samtals 208,78
km, en á Reykjanesi eru 55% eða
228,07 km af þjóðvegum lagðir
bundnu slitlagi. Á Suðurlandi eru
það 29,3% eða 460,48 km. Á
Vesturlandi 20,8% eða 283,75
km. Norðurlandi vestra 22,7%
eða 243,65 km. Norðurlandi ey-
stra 20,9% eðá 251,66 km.
Austurlandi 21,8% eða 305,39
km.
-sg
Ferðamenn
Nokkur
Unglingamál
Þurfum að tala meira
saman
samdráttur
Flestir Bandaríkja-
menn til landsins
Fyrsta námsstefna umforvarnir og meðferðarstarf. Ólafur Oddsson:
Þurfum að tengjast betur
Markmið námsstefnunnar er
að hvetja til fagiegrar um-
ræðu, meta árangur af starfi lið-
inna ára og stuðia að auknu sam-
starfi stjórnmálamanna og fag-
fólks innan unglingageirans, segir,
Ólafur Oddsson uppeldisfulitrúi
hjá Rauða krossi íslands, einn af
þátttakendum á fyrstu náms-
stefnunni sem fólk, sem sinnir
unglingamáiefnum á öllum stig-
um, á með sér.
Margrét Halldórsdóttir sál-
fræðingur hjá Unglingaráðgjöf
ríkisins sagði að hætta væri á því
að fólk einangraðist með sín mál
og gæti námsstefna sem þessi lagt
grundvöll að víðara samstarfi.
Námsstefnan var haldin í æsku-
lýðsheimilinu Vitanum í Hafnar-
firði, og er hún samvinnuverkefni
milli Barna- og unglingadeildar
Landspítalans, Félagsmálastofn-
unar Kópavogs, Rauðakross-
hússins, Unglingadeildar Fél-
agsmálastofnunar Reykjavíkur,
Unglingaheimilis ríkisins og.
Æskulýðsráðs Hafnarfjarðar. e5
í janúnarmánuði komu 4.663
útlendingar til landsins en það er
nokkur samdráttur frá því fyrir
ári.
Bandaríkjamenn voru flestir
eða 1357, næstir voru Danir eða
851 og svo Svíar, 658.
f janúar komu 6.584 íslending-
ar til landsins, 14 fleiri en í janúar
1988.
Borgarstjórn
Stjórnarand-
staðan vill
bæta kjörin
Við aðra umræðu um fjárhags-
áætlun Reykjavíkurborgar í síð-
ustu viku lagði stjórnarandstað-
an fram sameiginlega bókun um
kjaramál.
Þar segir að nauðsynlegt sé að
bæta kjör borgarstarfsmanna við
næstu kjarasamninga, einkum
þeirra lægst launuð. f fjölmörg-
um starfsgreinum eru þeir verr
launaðir en starfsmenn annarra
sveitarfélaga og munar oft þús-
undum króna í grunnlaunum.
Þá segir í bókuninni að eigi
borginni að vera kleift að reka
eðlilega þjónustu, eins og
umönnun og uppeldi, bruna-
vörslu og akstur strætisvagna, svo
dæmi séu tekin, verði að greiða
mannsæmandi laun til að fá og
halda í starfsfólk. -sg
Atvinnuástandið
Stöðugt fleiri atvinnulausir
Þrjúþúsund atvinnulausir íjanúar. Sexþúsund störf lögð niður síðan í
apríl. Atvinnuástandið á höfuðborgarsvœðinu hefurstórversnað að undanförnu
Atvinnuástandið í landinu
versnar stöðugt. Þannig sýna
bráðabirgðatölur frá vinnumála-
skrifstofu félagsmálaráðuneytis-
ins að atvinnuleysi í janúar hefur
aukist frá því að vera 0,9% af
mannafla í janúar í fyrra í 2,4% í
síðasta mánuði.
í janúar sl. voru skráðir rúm-
lega 64 þúsund atvinnuleysisdag-
ar hér á landi. Mun fleiri atvinnu-
leysisdagar eru hjá konum eða 37
þúsund á móti 27 þúsund hjá
körlum. Þessi fjöldi skráðra at-
vinnuleysisdaga jafngildir því að
um 3000 hafi að meðaltali verið á
atvinnuleysisskrá í janúar.
Skráðum atvinnuleysisdögum í
janúar fjölgaði frá mánuðinum á
undan um 19 þúsund og hafa ekki
skráðst svo margir atvinnuleysis-
dagar í janúar síðan árið 1984 en
þá voru skráðir 84 þúsund dagar.
Það sem vekur athygli nú eru
þau miklu umskipti sem orðið
hafa á vinnumarkaði hér á landi
frá því á sama tíma í fyrra, en þá
voru skráðir 23 þúsund atvinnu-
leysisdagar eða 41 þúsundi færri
en nú. A fyrsta ársfjórungi í fyrra
voru samtals skráðir 57 þúsund
atvinnuleysisdagar eða 7 þúsund
færri en í janúarmánuði sl. ein-
um. Samkvæmt könnun vinnu-
málaskrifstofunnar í apríl í fyrra
var talið að vantaði fólk í um 3000
störf. Samkvæmt atvinnuleysis-
tölum nú, hefur því störfum
fækkað hér á landi um 6000 á
innan við ári.
í skýrslu vinnumálaskrifstof-
unnar segir að annað sem veki
athygli, sé að atvinnuleysi á höf-
uðborgarsvæðinu hefur aukist
verulega, en frá því í desember sl.
hefur atvinnuleysisdögum fjölg-
að um tæp 6000 þúsund og um
rösk 14 þúsund frá því í janúar
1988. Aukið atvinnuleysi á þessu
svæði verður ekki nema að litlu
leyti skýrt með árstíðasveiflum,
td.hefur erfiðleika fiskvinnslunn-
ar lítið gætt á þessu svæði. Aukið
atvinnuleysi á höfuðborgarsvæð-
inu á því fyrst og fremst rætur að
rekja til almenns samdráttar í
atvinnulífi, einkum í þjónustu-
greinum. Þá segir í skýrslunni að
miðað við þann fjölda uppsagna,
sem tilkynntar voru síðustu mán-
uði ársins 1988, megi gera ráð
fýrir að ekki séu öil kurl komin til
grafar í þessum efnum og að at-
vinnuleysi kunni að aukast á höf-
uðborgarsvæðinu.
-sg
2 SÍÐA - ÞJÓÐVILJINN Laugardagur 11. febrúar 1989