Þjóðviljinn - 04.05.1989, Blaðsíða 1

Þjóðviljinn - 04.05.1989, Blaðsíða 1
Fimmtudagur 4. maí 1989 82. tölublað 54. árgangur Alver Isal lagt niður? Hugmyndir uppi um að A luswiss gangi til samtarfs við eitt eðafleirifyrirtœkja Atlantal-hópsins um stofnun nýsfyrirtœkis sem yfirtaki reksturísal og reisi nýjan kerskála við hliðþess gamla. Sameiginlegframleiðslugeta nýjafyrirtœkisinsyrði um 208 þúsund tonn. Svör liggjafyrir eftir helgina Atlantal-hópurinn mun leggja fram hugmyndir sínar um nýtt álver fyrir iðnaðarráðuneyt- ið eftir næstu helgi. Tveir yalkost- ir eru nú til athugunar. I fyrsta lagi er það sá sem áður hefur komið fram opinberlega þ.e. að álverin fjögur taki sig saman og reisi nýtt áiver sunnan Reykja- nesbrautar og verði framleiðslu- geta þess 185 þúsund tonn á ári. Nýja hugmyndin sem verið er að móta, eftir að í ljós kom að fyrri valkosturinn var dýrari en ætlað var, gengur út á að Aluswiss hætti rekstri Isal í núverandi formi. Tveir möguleikar eru þá taldir koma til álita. í fyrsta lagi að Al- uswiss sem eigandi ísal og eitt eða fleiri fyrirtækja Atlantal-hópsins stofni nýtt fyrirtæki sem yfirtaki núverandi rekstur ísal og reisi nýjan kerskála og verði fram- leiðslugeta hans 120 þúsund tonn. Framleiðslugeta ísal er í dag um 88 þúsund tonn og yrði framleiðslugeta nýja fyrirtækis- ins því um 208 þúsund tonn. Einnig kemur til greina að ísal haldi áfram rekstri, en eitt eða fleiri Atlantal-fyrirtækjanna komi inn í rekstur ísal sem hlut- hafar með nýju og auknu hlutafé og þessir aðilar auki fram- leiðslugetuna með sama hætti og að framan greinir. Nýja kerskálanum verði fund- inn staður á spildunni norðan Reykjanesbrautar, við hlið nú- verandi kerskála á athafnasvæði ísal. Þrátt fyrir að framleiðslu- geta nýja kerskálans sé um 32 þúsundum tonna meiri en þess gamla er talið að hann verði allur minni að umfangi, enda búinn nýrri og fyrirferðarminni fram- leiðslubúnaði. íslensk stjórnvöld bíða nú svara frá álfyrirtækjunum fjórum um hvorn kostinn þau telja ákjós- anlegri og hvort þau eru tilbúin til að halda áfram með málið. Sem fyrr segir skila Atlantal-fyrirtæk- in svörum til iðnaðarráðuneytis- ins nú um helgina, en þann 24. maí mun ráðgjafarnefndin um ál- iðju eiga fund með verkefnis- stjórn Atlantal-fyrirtækjanna og er þá talið að tekin verði endan- leg ákvörðun um hvora leiðina þyki hagkvæmara að fara. Þá skýrist ennfremur hvaða fyrir- tæki munu taka þátt í hinu nýja álfyrirtæki í Straumsvík. Ríkis- stjórnin mun sfðan taka sína ákvörðun í haust, um það hvort stækkun álvers við Straumsvík verði yfirhöfuð leyfð eða ekki. phh Hátt (tuttugu framhaldsskólanemar settust að í göngum f jármálaráðu- neytisins í gær og ætla að dvelja þar í hungurvöku næstu 2 sólar- hringa, hafi samningar við kennara ekki tekist fyrir þann tíma. Nemendur segjast leiðir á biðinni, samningar verði að takast strax. Boipesingar Lífeyrissjóður Vesturlands r j lögreglurannsókn JónA. Eggertsson:ReglugerðLífeyrissjóðsinshefurveriðbrotin. Engir fundnir verið haldnir um starfsemihans síðustu ár og sjóðsfélagarvita ekkert um réttindi sín Eg á allt eins von á því að við forum fram á opinbera rann- sókn á starfsemi Lífeyrissjóðs Vesturlands. Reglugerð sjóðsins hefur verið brotin, engir fundir verið haldnir í stjórn hans og sjóðsfélagar vita ekkert um rétt sinn. Það er ekki aðeins að al- menn óánægja sé hér í Borgarnesi heldur einnig í Ólafsvík og Búðar- dal, sagði Jón Agnar Eggertsson formaður Verkalýðsfélagsins í Borgarnesi. Svo virðist sem almenn óreiða einkenni starfsemi stjórnar Líf- eyrissjóðs Vesturlands. Fundir hafa ekki verið haldnir í fulltrúa- ráði hans og reikningar til margra ára eru enn óuppgerðir. Þrátt fyrir margítrekaðar tilraunir af hálfu Verkalýðsfélagsins í Borg- arnesi til stjórnar sjóðsins að gera hreint fyrir sínum dyrum um starfsemi sjóðsins hefur það ekki enn tekist. Að vísu var haldinn fundur í fulltrúaráði sjóðsins í desember og þá gengið frá reikn- ingum fyrir 1985 en reikningar fyrir 1984 voru skildir eftir og síð- an eru þeir ósamþykktir. Að sögn Jóns ber stjórnin því við að reikn- ingar sjóðsins séu vitlausir og þurfi endurskoðunar við. En endurskoðandi hans er Eyjólfur Sigurjónsson endurskoðandi og formaður Félags endurskoð- enda. Langlundargeð Borgnesinga er á þrotum og á félagsfundi ný- verið í Verkalýðsfélagi Borgar- ness voru fyrri samþykktir félags- ins um málefni Lífeyrissjóðsins ítrekaðar um að stjórn hans geri hreint fyrir sínum dyrum og upp- lýsi sjóðsfélaga um stöðu hans. Á fundinum var samþykkt sam- hljóða að fela stjórn félagsins að taka upp viðræður við atvinnu- rekendur á svæðinu um aðgerðir varðandi sjóðinn og á meðan ástandið í málefnum hans sé óbreytt verði lífeyrisgjöld lögð inn á bankareikninga á nafni ¦ hvers og eins sjóðsfélaga. Formaður stjórnar Lífeyris- sjóðs Vesturlands er Valdimar Indriðason fyrrum formaður bankaráðs Útvegsbankans og fyrrum alþingismaður Sjálfstæð- isflokksins á Vesturlandi. -grh BHMR og ríkið Viðræðu- fundur ídag Guðlaugur Þorvaldsson: Legg ekki sáttatillögur fram eftir pöntun Samninganefndir BHMR og ríkisins hittust í gær á fundi hjá sáttasemjara ríkisins. Fyrir fund- inn var jafnvel búist við að sátta- semjari myndi leggja fram sátta - tillögu, en af því varð ekki. Þess í stað var ákveðið að efna til form- legs viðræðufundar með deiluað- ilum í dag og verður þar rætt um með hvaða hætti frekari samn- ingaumleitunum verður best háttað. Þessi niðurstaða getur merkt tve.int, í fyrsta lagi að líkur eru taldar á að nú sé að ganga saman með deiluaðilum, eða þá að enn sé svo langt á milli deiluað- ila að framlagning sáttatillögu sé einungis til að hleypa málinu í enn meiri hnút. Guðlaugur Þorvaldsson ríkis- sáttasemjari sagði í samtali við Þjóðviljann eftir að fundi deilu- aðila lauk í gær, að hann teldi ekki tímabært að leggja fram sáttatillögu. „Þegar líður á allar meiriháttar deilur er óhugsandi annað en sáttasemjari hafi í huga einhvers konar sáttatillögur, því hugsanlega þyrfti að leggja slíka tillögu fram með stuttum fyrir- vara. En að leggja fram formlega sáttatillögu er ætíð neyðarbrauð og sáttasemjari verður að meta það á hverjum degi hvort einhver raunhæfur möguleiki er á sam- þykkt hennar. Það er mitt mat, en ekki að leggja slfka tillögu fram af einhverri skyldurækni eða eftir pöntun. Það er ekki í myndinni núna að leggja slfka til- lögu fram," sagði Guuðlaugur og ítrekaði að fundurinn sem hald- inn verður í dag væri viðræðu- fundur. phh 'qa^M^átMf^iMMaaHWMMHHaci

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.