Þjóðviljinn - 10.05.1989, Blaðsíða 3

FRETTIR
Verkfall náttúrufrœðinga
Vorverkin bíða
Fulltrúar FIN lýsa yfir áhyggjum sínum á
fundi með landbúnaðar- og iðnaðarráðherra.
Unnur Steingrímsdóttir: Sumtfarið forgörð-
um nú þegar
Fulltrúar Félags íslenskra nátt-
úrufræðinga hafa síðustu
daga átt fundi með Steingrími J.
Sigfússyni landbúnaðarráðherra
og Jóni Sigurðssyni iðnaðarráð-
herra og gert þeim grein fyrir
verkefnum á forræði þeirra sem
hætta sé á að fari forgörðum
dragist verkfall BHMR öllu
lengur.
„Alla jafna er farið af stað með
fjöída verkefna á þessum árstíma
og það liggur ljóst fyrir að verði
því enn slegið á nokkurra vikna
frest að hefjast handa þá verður
það ekki gert fyrr en á sama tíma
að ári,“ sagði Unnur Steingrims-
dóttir, formaður FÍN, við Þjóð-
viljann í gær.
Unnur skýrði frá því að nú þeg-
ar væri um seinan fyrir Skógrækt
ríkisins að hefja birkisáningu og
ef bændur á Suðurlandi fengju
ekki sáðkorn hið allra fyrsta væri
tómt mál að tala um kornrækt í
ár.
En þó tæki steininn úr hygðu
menn að því að fundur Alþjóða
hvalveiðiráðsins hefst þann 20.
maí næstkomandi. „Það er mjög
alvarlegt mál ef við stöndum ekki
okkar plikt á honum.“
Hafrannsóknastofnun
- Hér er allt á afturfótunum og
starfsemin í lágmarki einsog gef-
ur að skilja vegna verkfallsins,
sagði Jakob Jakobsson forstjóri
Hafrannsóknastofnunar við
Þjóðviljann í gær.
Hann skýrði frá því að HRS
hefði orðið að hætta við 4
rannsóknarleiðangra vegna þessa
og því drægist úr hömlu að meta
ástand fiskstofna. Og vont væri
að öll vinna sem hafin var að
undirbúningi fundar Alþjóða
hvalveiðiráðsins lægi niðri.
Jakob sagði að félagar í BSRB
bæru nú hita og þunga af dags
daglegum rekstri stofnunarinnar.
Ástandið væri afar slæmt og
versnaði hratt því á vorin ættu sér
stað örar breytingar í sjónum sem
nauðsynlegt væri að fylgjast með.
Rannsóknastofnun
landbunaöarins
„Þetta langa verkfall er farið
að hafa mjög alvarlegar afleið-
ingar á starfsemi Rannsókna-
stofnunar landbúnaðarins,“
sagði forstjóri hennar, Þorsteinn
Tómasson, við Þjóðviljann í gær.
Hann sagði að auk annars
hefðu glatast mörg tækifæri til
gagnasöfnunar af ýmsu tagi og
mikilvægur búningur undir
sumarstarf, styrkt verkefni hefðu
farið í súginn sem og ýms norræn
samstarfsverkefni. Hann hefði
orðið mjög vonsvikinn er í ljós
kom að slitnað hafði uppúr við-
ræðum BHMR og hins opinbera í
fyrradag og ætti þá ósk heitasta
að samningar tækjust strax.
ks
Fylgi
Stjómin sterk í Kvennó
Borgarar og FH-menn í hópi með Flokki
mannsins
Um 28% stuðningsmanna
Kvennalistans styðja ríkis-
stjórnina samkvæmt fylgis-
könnun frá Félagsvísindastofn-
un í Morgunblaðinu um helgina.
Tæp 54% Kvennalistakjósenda
eru í stjórnarandstöðu en 18%
óráðin.
í heild segjast um 32% styðja
stjórnina, 44% á móti, 24%
óráðin. Af þeim sem taka afstöðu
eru stjórnarsinnar 42%, and-
stæðingar 58%, og er það heldur
skárri útkoma fyrir stjórnina en í
nokkrum sfðustu könnunum.
Stjórnarstuðningur er hlutfalls-
lega mestur í hópi Alþýðubanda-
lagsmanna, 82% með en 5% á
móti, þá hjá Framsókn (74-10),
þá Alþýðuflokki (59-21). 9%
Sjálfstæðiskjósenda styðja
stjórnina en 77% segjast í and-
stöðu.
Sjálfstæðisflokkurinn fær
41,8% þeirra sem afstöðu taka í
spurningu um flokkafylgi og virð-
ist í könnunum frá áramótum
hafa endurheimt fyrri styrk.
Kvennalisti hefur 12,6%, Fram-
sókn 19,8%, Alþýðubandalag
9,7 og Alþýðuflokkur 10,9%.
Borgarar hafa aldrei komist
lægra með 0,5%, og Frjálslyndir
hægrimenn eru litlu skár settir
með 1,6%, og er Þjóðarflokkur-
inn með 1,9% nánast jafnstór og
bæði flokksbrotin saman. Flokk-
ur mannsins fékk 0,8%, Stefáns-
menn 0,3% og Græningjar 0,1%
- einn græningi í 1046 manna úr-
taki. Rúm 28% tóku ekki afstöðu
sem er lítið og skýrist af því að
þráspurt er um flokksfylgi í könn-
un Félagsvísindastofnunar.
- m
Alþingi
Fyrirspum veldur titringi
Karvel Pálmason með fyrirspurn um hvortsjávarút-
vegsráðuneytið hafi styrkt mynd Magnúsar Guð-
mundssonar, Lífsbjörg íNorðurhöfum. Karvel: Hef
grun um að slíkur styrkur hafi verið veittur.
Karvel Pálmason alþingismað-
ur segir að fyrirspurn sín um
hvort ríkisstjórnin eða sjávarút-
vegsráðuneytið hafi styrkt eða
boðist til að styrkja kvikmynd
Magnúsar Guðmundssonar,
Lífsbjörg í Norðurhöfum „hafi
sumstaðar valdið titringi“.
Aðspurður um hvort farið hafi
verið fram á það við hann að
hann dragi fyrirspurn sína til
baka, neitaði Karvel því ekki en
sagðist „ekkert vilja segja um
það.“ „Eg hef grun um að slíkur
styrkur hafi verið veittur, en segi
ekki meira. Fyrirspuminni er
eðlilega beint til Halldórs As-
grímssonar og hann segir vonandi
satt, þannig að þetta komi í ljós,“
sagði Karvel Pálsson.
Fyrirspurn Karvels var lögð
fyrir á Alþingi síðastliðinn föstu-
dag, en var ekki tekin fyrir. Vakti
það grunsemdir ýmissa um að
Karvel hefði dregið fyrirspurnina
til baka. Þessu neitar Karvel.
„Fyrirspurnin komst einfaldlega
ekki að, en hún verður tekin fyrir
á fimmtudaginn, eða það vona ég
að minnsta kosti,“ sagði Karvel
Pálmason.
phh
Fossvogsdeilan
Skipulagsvandinn vex
Menn spyrja sig nú hvert verði
framhald hinnar harðvítugu
deilu á milli bæjarstjórnar Kópa-
vogs og borgarstjórans í Reykja-
vík. Eins og bent var á í Helgar-
blaði Þjóðviljans, þá á vandinn
ekki síst rætur sínar í því, hvernig
staðið hefur verið að skipulags-
málum höfuðborgarsvæðisins,
þar sem nauðsynleg forvinna hef-
ur ekki verið unnin.
Nú hefur Skipulagsstjórn ríkis-
ins tekið við sér og ákveðið ein-
hliða að láta gera athugun á
nauðsyn Fossvogsbrautar og þá
væntanlega jafnframt hvaða aðr-
ar lausnir séu fyrir hendi. Kópa-
vogsmenn hafa lýst sig óbundna
af slíkri könnun, því málið snúist
ekki um Fossvogsbraut, heldur
hvernig vandinn verði leystur
með öðru móti. Þessi afstaða
bæjarstjórnar Kópavogs orkar
tvímælis, einfaldlega vegna þess
að skipulagsmál höfuðborgar-
svæðisins verða ekki leyst nema
með samvinnu. Á þetta er m.a.
bent í bréfi þriggja fyrrverandi
bæjarfulltrúa í Kópavogi til
bæjarstjórnar Kópavogs, sem
birt var í blaðinu í gær.
Eru forsendur
brostnar?
Að sögn Kristjáns Guðmunds-
sonar bæjarstjóra í Kópavogi
verður næsta skref þeirra að
fullvinna aðalskipulag fyrir
Kópavog og leggja það fyrir
Skipulagsstjórn ríkisins og félags-
málaráðherra til staðfestingar í
haust. Kristján sagði að uppsögn
samningsins um Fossvogsbraut-
arlandið væri forsenda skipulags-
vinnunnar, og því hefði hún verið
óhjákvæmileg. Þessi uppsögn
væri frá þeirra hendi staðfesting
þeirrar ákvörðunar sem Reykja-
víkurborg hefði tekið 1977 um að
strika út af skipulagi fyrirhugaða
framlengingu Fossvogsbrautar
um Elliðaárdal og upp á Suður-
landsveg hjá Rauðavatni. „Fos-
svogsbrautin átti samkvæmt upp-
haflegum hugmyndum að vera
meginumferðaræð úr þéttbýlinu
upp á Suðurlandsveg. Það er hún
ekki lengur, og þar með voru for-
sendur Fossvogsbrautarinnar
brostnar að okkar mati,“ sagði
Kristján.
Eins og bent hefur verið á, þá
eru þessar forsendur ekki
brostnar að mati skipulagsyfir-
valda. Aðalskipulag Reykjavíkur
1984-2004, sem staðfest var af
félagsmálaráðherra 1988, nær að
vísu ekki nema að núgildandi
lögsögumörkum Reykjavíkur og
Kópavogs. En allar forsendur
Reykjavíkurskipulagsins miðast
hins vegar við það að Fossvogsb-
rautin verði lögð handan við
borgarmörkin, á því landi sem
samningurinn umdeildi sagði að
Kópavogur mundi leggja
Reykjavík til, ef báðir aðilar
í BRENNIDEPLI
kæmust að þeirri niðurstöðu að
Fossvogsbrautin væri nauðsyn. í
þessu liggur skipulagsklúðrið.
Hnúturinn
stækkar
Framhald málsins verður því
það að hvor aðilinn fer nú að
vinna að lausn skipulagsmálanna
í sinni skotgröf, og hnúturinn
stækkar og stækkar, þangað til
félagsmálaráðherra fær það erf-
iða hiutverk að höggva á hann.
Kristján Guðmundsson: „Við
höfum lýst okkur reiðubúna að
leysa þennan vanda með svoköll-
uðum Fífuhvammsvegi, sem
tengja mun Reykjanesbraut og
Hafnarfjarðarveg sunnan við
Kópavogshálsinn. Þá verður
hægt að aka ofan úr Breiðholti
eða Mjóddinni inn á Reykjanes-
braut og Fífuhvammsveg inn á
Hafnarfjarðarveg, og þaðan um
Hlíðarfót inn í miðbæinn eða
vesturbæinn í Reykjavík. Fífu-
hvammsvegur hefur verið sam-
þykktur af Vegagerð ríkisins sem
þjóðvegur í þéttbýli, og við erum
Kópavogsbúar
munu leggja
fram nýtt aðal-
skipulag til sam-
þykktar í haust
reiðubúnir að gera hann þannig
úr garði að hann geti flutt mikla
umferð. Það mun að vísu lengja
leiðina svolítið miðað við Foss-
vogsbrautina, en menn verða að
sætta sig við það að geta ekki
alltaf farið stystu Ieið. Reykvík-
ingar eiga svo endanlega eftir að
ákveða frágang Bústaðavegar,
Miklubrautar og Sætúns, en sam-
an munu þessar umferðaræðar
leysa þann vanda sem um er að
ræða.“
Samvinna
nauösynleg
Þetta er gott og gilt, svo langt
sem það nær. En alveg eins og
Reykvíkingar geta ekki skipulagt
hraðbrautir yfir útivistarsvæði
Kópavogs, þá geta Kópavogsbú-
ar ekki heldur skipulagt fyrir
Reykvíkinga. í þessu tilfelli sér-
staklega er samvinna nauðsyn.
Flestum er væntanlega ljóst að
framkoma borgarstjóra Reykja-
víkur í þessu máli hefur verið til
vansæmdar, en þegar hann bend-
ir á að ekki sé hægt að segja upp
samningi á milli sveitarfélaganna
nema með dómsúrskurði, þá er
erfitt að neita því að hann hafi
nokkuð til síns máls. Annars er
öllu samstarfi sveitarfélaga á höf-
uðborgarsvæðinu stefnt í voða og .
upplausn og glundroði tekur við.
Þegar Skipulagsstjórn ríkisins
fær það verkefni í haust að af-
greiða nýtt aðalskipulag fyrir
Kópavog, þá stendur hún að því
leyti illa að vígi að hún getur ekki
vitnað til faglegrar forvinnu, sem
Kópavogsmenn eiga aðild að.
Könnun Skipulagsstjórnar hefur
að því er virðist fyrirfram verið
hafnað af Kópavogi. Heilvita
mönnum hlýtur að verða ljóst að
þetta eru ekki eðlilegar aðstæður
til þess að vinna að skipulagsmál-
um, en með áframhaldandi skot-
grafahernaði er stefnt að því að
deilan um Fossvogsdal verði að
taugastríði þar sem félagsmála-
ráðherra mun endanlega fá það
hlutverk að höggva á hnútinn.
Hvað sem allri skynsemi líður þá
munu Kópavogsbúar taka dóm
sér í óþökk sem stríðsyfirlýsingu
og falli dómur á hinn veginn þá
munu menn finna höggvið til
stolts borgarstjórans og stuðn-
ingsmanna hans í skotgröfunum.
Og skipulagsmálin á höfuðborg-
arsvæðinu munu bíða mestan
skaðann fyrir það fordæmi sem
hér hefur verið gefið.
-ólg
Miðvikudagur 10. maí 1989 ÞJÖÐVILJINN - SÍÐA 3