Þjóðviljinn - 06.06.1989, Blaðsíða 16

—SPURNINGIN-
Hvernig kom páfinn þér
fyrir sjónir?
Þorkell Heiðarsson
stöðuvörður:
Hann kom mér ósköp ágætlega
fyrir sjónir og var virkilega hríf-
andi persóna. En heimsókn hans
mun ekki breyta neinu hjá mér.
Axel Eyjólfsson
ellilífeyrisþegi:
Mjög alþýðlega að mínu mati. Ég
var að vísu búinn að sjá hann
áður í sjónvarpinu og hann var
eins og ég hafði búist við. Heim-
sókn hans breytir þó engu hjá
mér.
Gústav Sigurgeirsson
ellilífeyrisþegi:
Mjög vel. Hann bar það með sér
að vera hinn ágætasti náungi.
Heimsókn hans mun ekki hafa
nein áhrif á mína trúarskoðun en
hefur vafalaust gríðarlega þýð-
ingu fyrir kaþólska söfnuðinn hér.
Sigrún Ólafsdóttir
bankastarfsmaður:
Sem viðkunnanlegur eldri mað-
ur. Næstum því afalegur. Þessi
heimsókn hans mun þó ekki
breyta einu né neinu í mínu lífi.
Guðrún Guðmundsdóttir
verslunarmaður:
Bara nokkuð vel og vinalega.
Það var vissulega virðingarvert
að fá hann hingað en varla mun
heimsóknin verða til neinna
breytinga hjá mér.
þlÓOVIUINN
Þrlðjudagur 6. júní 1989 100. tölublað 54. árgangur
SÍMI 681333
Á KVÖLDIN
COI ‘140
ÁLAUGARDÖGUM
681663
Sumarstörf unglinga
Astandið skánar
Ríki og borg leggja til aukið fjármagn. KristínÁ. Ólafsdóttir:
Reynt að leita sem flestra leiða
Það er f ínt að vinna úti í veðri eins
og var í gær. Friðgeir, Sirrý, Vera
og Linda undu sér vel við slátt og
rakstur í sólskininu. Mynd: Jim
Smart.
menn verði 16 ára á árinu eða
eldri, verði í námi næsta haust og
hafi árangurslaust sótt um störf í
gegnum vinnumiðlanir. Hinsveg-
ar verða sveitarfélögum ekki
veitt fjárframlög.
Atvinnuástand skólafólks virð-
ist eitthvað vera að skána,
eftir dökkar horfur fyrr í vor.
Bæði kemur til að ríkisstjórnin og
Reykjavíkurborg ætla að grípa til
björgunaraðgerða og svo virðist
sem fyrirtæki og atvinnurekend-
ur hafi eitthvað tekið við sér.
Að sögn Sigurlaugar Guð-
mundsdóttur hjá Atvinnumiðlun
stúdenta, lítur málið betur út
núna heldur en fyrr í vor. Þegar
byrjað var að taka fólk á skrá og
langt fram eftir maímánuði, voru
fimm umsækjendur um hvert
starf. Nú væru hins vegar fjórir
um hvert starf.
Ástandið væri samt mun verra
en bæði í fyrra og hitteðfyrra.
Einungis tveir voru um hvert
starf í fyrra, og í hitteðfyrra var
einn um tvö störf. Sigurlaug sagð-
ist vera vongóð um að ástandið
batnaði enn frekar, því það væri
vaninn að atvinnutilboðum fjölg-
aði í lok maí og byrjun júní. Það
hefði alltaf gerst og hún byggist
við að það sama gerðist nú.
Skólafólk gæti aðstoð-
að á félagslega
sviðinu
Reykjavíkurborg hefur ákveð-
ið að veita aukafjárveitingu til að
fjölga störfum fyrir skólafólk, og
það verður til þess að hægt verður
að útvega 1000 manns atvinnu,
sem er um helmingur allra um-
sækjenda. Kristín Á. Ólafsdóttir
borgarfulltrúi Alþýðubandalags-
ins, sagði í samtali við Þjóðvilj-
ann að minnihlutaflokkarnir í
borgarstjórn hefðu átt sameigin-
Iega bókun um að hafa alla mögu-
leika opna í sambandi við fleiri
fjárveitingar. Það færi síðan eftir
því hvað ríkisstjórnin myndi
gera, hvað minnihlutaflokkarnirí
borgarstjórn færu fram á. Einnig
sagði Kristín að fulltrúar Alþýðu-
bandalagsins hefðu látið bóka, að
þeir legðu áherslu á að leita fleiri
leiða um störf, þ.e. áfleiri sviðum
og nefndi sem dæmi um það að
skólafólk myndi aðstoða á félags-
lega sviðinu.
Um síðastliðna helgi kom til-
kynning frá félagsmálaráðuneyt-
inu um að ríkisstjórnin ætlaði að
leggja fram fjármagn til að
„greiða vinnulaun námsmanna í
hagnýtum störfum". Þau störf
eiga að vera á vegum félagasam-
taka, landssambanda, hé-
raðssamtaka og ríkisstofnana.
Þetta eiga að vera ýmis verkefni
við fegrun og umhverfisvernd,
sumarafleysingar hjá ríkisstofn-
unum, svo og sérstök ný verkefni
á vegum fyrrgreindra samtaka.
Skilyrði fyrir fjárveitingum til
þessara verkefna eru að náms-
Bæjarvinnan stundum
þrautalending
f góða veðrinu í gær hitti Þjóð-
viljinn fyrir nokkra hressa krakka
sem eru í bæjarvinnunni. Að-
spurð sögðust þau hafa reynt alla
hugsanlega möguleika í atvinnu-
leit sinni. Það hefði ekkert verið
að fá, annaðhvort vildu fyrirtæki
fá vant fólk eða auglýst störf
hefðu ekki verið sumarstörf.
Bæjarvinnan væri því þrauta-
lending fyrir flesta, en í veðri eins
og var í gær sögðust þau una sér
nokkuð vel, en annað mál væri
með hina algengu rigningardaga.
Launin í bæjarvinnunni eru að
vísu ekkert til að hrópa húrra
fyrir, byrjendur eru með 230
krónur á tímann í dagvinnu og
414 í yfirvinnu, en færu stighækk-
andi eftir aldri og reynslu.
ns.