Þjóðviljinn - 20.06.1989, Blaðsíða 6

AUGLÝSING
um umferðartakmarkanir
vegna heræfinga á
varnarsvæðum á Reykjanesi
Vegna heræfinga varnarliðsins á Keflavíkurflugvelli, sem fram
fara dagana 20. júní til 28. júní n.k., skv. bókun bandarískra
heryfirvalda til utanrikisráðuneytisins, þann 30. ágúst 1988, er öll
umferð og dvöl, annarra en þátttakenda á heræfingunum, bönnuð
á varnarsvæðum á Reykjanesi, skv. lögum nr. 33,1954, sbr. lög
nr. 110, 1951, lög nr. 60, 1943, lög nr. 34, 1964 og rlg. nr. 76,
1982, frá kl. 01:00, þann 20. júní 1989 til kl. 24:00, þann 28. júní
1989.
Undanþegin banni þessu er:
a) Umferð starfsmanna til og frá vinnu á Keflavíkurflugvelli.
b) Umferð um þjóðvegi gegnum varnarsvæðin, þ.e. leiðir til
Hafna, Sandgerðis og Flugstöðvar Leifs Eiríkssonar, ásamt
tengibrautum til Njarðvíkur og Keflavíkur.
Mörk varnarsvæða eru sýnd á meðfylgjandi uppdrætti. Sérstak-
lega skal vakin athygli á, að varnarsvæðin ná allt að stórstraums-
fjöruborði frá Ósabotnum að Stafnesi.
Lögreglustjórinn á Keflavíkurflugvelli
HEILSUVERNDARSTÖÐ
REYKJAVÍKUR
BARÓNSSTÍG 47
Heilbrigðisráð
Reykjavíkur
óskar eftir að ráða eftirtalið starfsfólk:
Læknaritara við atvinnusjúkdómadeild Heilsu-
verndarstöðvar Reykjavíkur, 100% starf.
Bókasafnsfræðing við bókasafn Heilsu-
verndarstöðvar Reykjavíkur, 50% starf.
Meinatækni við Heilsugæslustöð Hlíðasvæðis,
50% starf.
Ofangeind störf eru laus frá og með 1. júlí 1989.
Upplýsingar eru gefnar á skrifstofu fram-
kvæmdastjóra heilsugæslustöðva, sími 22400.
Umsóknum skal skila til skrifstofu Heilsu-
verndarstöðvarinnar, fyrir kl. 16.00, mánudag-
inn 26. júní n.k.
Þriðjudagstónleikar
í Listasafni
Sigurjóns Ólafssonar
í kvöld kl. 20.30
Hlíf Sigurjónsdóttir leikur verk fyrir einleiksfiðlu
eftir J.S. Bach, Eugene Ysaýe, Jaques Ibertog
Grazyna Bacewicz. Aðgöngumiðar á kr. 350.-
fást við innganginn.
ERLENDAR FRÉTTIR
Konstantín Mitsotakis í hópi glaðbeittra áhangenda. Vili mynda bráðabirgðastjórn til að uppræta spillingu.
Grikkland
Siðbótarstjóm
til bráðabirgða?
Hægri mönnum óx ásmegin í þingkosningunum en hrepptu ekki
meirihlutaþingsœta. Papandreou vill ríkja með kommúnistum
Sigurvegari grísku jungkosn-
inganna, Konstantin Mitso-
takis, leiðtogi Nýja demókrata-
flokksins, vill fá umboð kommún-
ista til þess að mynda bráða-
birgðastjórn sem hafl aðeins eitt
verk með höndum: að draga þá
félaga Sósíalistaflokksins sem
sakaðir hafa verið um spillingu og
glæpsamlegt athæfl fyrir lög og
rétt. Að því loknu fari ríkisstjórn-
in frá og efnt verði til þingkosn-
inga á ný.
Einsog kunnugt er tapaði Pas-
ok, Sósíalistaflokkur Andrésar
Papandreous forsætisráðherra,
umtalsverðu fylgi í kosningunum
í fyrradag en hægrimönnum óx
ásmegin. En þrátt fyrir fylgis-
aukningu skortir Nýja demókrat-
aflokkinn 5 þingsæti hið minnsta
til þess að geta myndað meiri-
hlutastjórn, hreppti 144 sæti af
300 alls á grisku löggjafarsam-
komunni. Pasok fékk 125 í sinn
hlut en kommúnistar 29. Smá-
flokkar tveir hrepptu eitt sæti
hvor.
Papandreou er sjötugur að
aldri. Hann er ekki af baki dott-
inn þótt flokkur hans hafi tapað
þingmeirihluta sínum, hét því
strax að ríkja áfram og skoraði á
kommúnista að leggja sér lið.
Kommúnistar hétu því hinsvegar
fyrir kosningar að eiga ekkert
saman við sósíalista að sælda fyrr
en þeir hefðu gert hreint fyrir sín-
um dyrum.
Meint fjármálaspilling í röðum
háttsettra félaga Sósíalistaflokks-
ins var mál málanna í kosninga-
baráttunni sem og kvennastúss
forsætisráðherrans. Hann hefur
um alllangt skeið lifað í hórdómi
með hálffertugri flugfreyju sem
þykir ekki til eftirbreytni meðal
Grikkja nútímans, en þeir eru
nefnilega fjarri því eins umburð-
arlyndir í ástum og áar þeirra,
Forn-Grikkir.
Mitsotakis hét grískum kjós-
endum því að uppræta spillingu
og saurlifnað æðstu manna í
kosningabaráttunni og á blaða-
mannafundi í gær hét hann að
hlífa engum við refsivendi rétt-
lætisins sem sannanlega væri sek-
ur, ekki einu sinni Papandreou ef
í ljós kæmi að hann hefði óhreint
mjöl í pokahominu. Það yrði óaf-
máanlegur smánarblettur á
Grikklandi að láta það undir
höfuð leggjast að uppræta spill-
inguna og jafngilti því að gefa
mönnum upp sakir. Því yrði hann
að fá umboð til þess að mynda
siðbótarstjórn tii bráðabirgða.
Reutcr/ks
Hongkong
Kviöiö fyrir „frelsun“
Gert er ráð fyrir að Hongkong sameinist Kína eftir átta ár. Kínversk
stjórnvöld hafa heitið Hongkongbúum sjálfstjórn í a. m. k. nœstu hálfa
öldina, en eftirsíðustu atburði í Kína hafa margirþeirra litla trú áþví
loforði
39-42 var stríð milli breska
heimsveldisins, sem þá var
langvoldugasta ríki jarðar, og
Kína. Ópíumstríðið var það kall-
að, vegna þess að upptök þess
voru þau að Kínverjar reyndu að
hindra ópíuminnflutning Breta til
lands síns. Bretar höfðu sigur og
neyddu Kína til að láta af hendi
við sig eyna Hongkong við suður-
strönd landsins. Þau stríðsúrslit
voru staðfesting þess, að Kína-
veldi mansjúrsku keisaraættar-
innar var ekki lengur stórveldi.
Margt hefur breyst í heimspól-
itíkinni síðan þá og nú hafá Bret-
ar og Kínverjar samið/um að
Hongkong skuli aftur <iámeinast
Kína 1997. Porri íbúa Hongkong
er kínverskur, en samt er það svo
að eftir atburði síöíistu vikna í
Kína kvíða þeir erigu meira en
„frelsuninni“ undán bresku „ný-
lendukúgurunum“.
Undir stjórn Breta varð Hong-
kong blómleg hafnar- og iðnaðar-
borg og aldrei hefur vegur hennar
verið meiri en síðustu áratugina.
Utanríkisverslun Kína hefur að
verulegu leyti farið fram gegnum
nýlendu þessa og hún er eitt
Austur- og Suðaustur-Asíuríkja
þeirra, sem mestrar efnahags-
legrar framþróunar hafa notið
síðustu áratugi.
í áðurnefndum samningi við
Bretland hét Kínastjórn því, að
engu yrði breytt um stjórnmála-
og efnahagskerfi Hongkong
a.m.k. næstu 50 árin eftir endur-
sameininguna við móðurlandið.
En eftir manndrápin á Himins-
friðartorgi fyrir rúmum tveimur
vikum eru margir Hongkongbúar
vantrúaðir á að staðið verði við
þau fyrirheit. Margir sex miljóna
íbúa nýlendunnar hafa af ýmsum
ástæðum flúið þangað frá Kína,
svo að tortryggnin þar gagnvart
kínverskum stjórnvöldum var
ærin fyrir. Ofan á þetta bætist að
ástandið í Kína hefur þegar haft í
för með sér alvarleg efnahagsleg
áföll fyrir Hongkong. Á verð-
bréfamarkaðnum þar varð 22%
hrun eftir árás kínverska hersins
á Himinsfriðartorg. Ef fjárfest-
ingar Vesturlanda og Japans í
Kína og viðskipti þeirra við það
dragast saman af völdum núver-
andi ástands, er óhjákvæmilegt
að það verði mikið áfall fyrir
Hongkong.
Hongkongbúar hafa í hundr-
uðþúsundatali mætt á mótmæla-
fundi og látið í ljós samúð með
lýðræðishreyfingunni í Kína.
Reiði nýlendubúa beinist ekki
einungis gegn kínverskum vald-
höfum, heldur og gegn breskum
stjórnvöldum, sem þeim finnst að
séu að bregðast þeim. Um 3,5
miljónir Hongkongbúa hafa
bresk vegabréf, og nú er líklegt
að margir þeirra fari fram á að
mega flytjast til Bretlands. En
breska stjórnin hefur þegar tekið
dauflega í það. í Bretlandi er
atvinnuleysi og húsnæðisskortur
og miljónir innflytjenda frá
þriðja heiminum fyrir, svo að
þarlendum ráðamönnum líst
ekkert á að taka við miljónum
kínverskra innflytjenda í viðbót.
Ekki kemur heldur til greina
að Bretland reyni að fá „frelsun"
Hongkong frestað. Bretland er
nú ekkert stórveldi á við það sem
það var fyrir 150 árum og mögu-
leikar þess á að verja Hongkong
fyrir kínverska hernum hverf-
andi, jafnvel þótt það vildi.
dþ.
6 SÍÐA — ÞJÓÐVILJINN Þriðjudagur 20. júní 1989