Þjóðviljinn - 18.07.1989, Blaðsíða 7
hitaveitutönkunum. Mynd: Jim Smart.
Þversögn velferðarþjóðfélagsins
Húsnæðislaus 75% öryrki í tjaldi
Valgeir Gunnarsson: Nýkominn út afgeðdeild Landspítalans og hefur ekkifengið neina fyrirgreiðslu opinberra aðila
um húsnœði. Fjölskyldan tvístruð og hahn á engan að.
Eg er 75% öryrki eftir bflslys og
á þar að auki við andleg
vandamál að stríða. Síðasta hálfa
mánuðinn var ég á Geðdeild
Landspítalans og er nýkominn
þaðan.
Síðan þá hef ég verið
húsnæðislaus og ekki fengið neina
fyrirgreiðslu hjá opinberum aðil-
um þrátt fyrir ítrekaðar beiðnir
þar um. Ég varð því að leigja mér
tjald og tjalda hér í Öskjuhlíð þar
(þrjá daga hírðist Valgeir Gunnarsson í leigutjaldi í öskjuhlíð. Stuttu
eftir viðtalið við Þjóðviljann kom lögreglan og bað hann áð hafa sig á
brott þar sem bannað væri að tjalda þar. Þá lá leiðin inn í Laugardal en
þar var honum vísað frá á þeirri forsendu að hann ætti lögheimili í
borginni. Ekki er vitað hvar Valgeir er núna niðurkominn. Mynd: Jim
Smart.
til úr rætist, sagði Valgeir Gunn-
arsson 24 ára.
Að sögn Valgeirs bjó hann til
skamms tíma í húsnæði Fé-
lagsmálastofnunar Kópavogs að
Dalbrekku 6 með tveim einstak-
lingum öðrum. Síðan var húsið
rifið og var þá Valgeiri neitað um
fyrirgreiðslu á meðan sambýlis-
menn hans fengu inni hjá stofn-
uninni í öðru húsnæði. Éftir það
hefur hann verið í húsnæðishraki
og að eigin sögn hefur það leitt
hann út í slæman félagsskap, en
til skamms tíma fékk bjó hann að
Hverfisgötu 72 og á lögheimili
þar. Þá hafa kunningjar hans
skotið yfir hann skjólshúsi endr-
um og eins eftir því sem það hefur
verið hægt.
Hafði samband fyrir
1-2 mánuðum
Að sögn Birgis Ottóssonar for-
stöðumanns húsnæðisdeildar
Félagsmálastofnunar Reykjavík-
ur hafði Valgeir samband við
stofnunina fyrir einum - tveimur
mánuðum og þá stóð honum til
boða að fá inni til bráðabirgða í
gistiskýlinu að Þingholtsstræti 25
sem stendur enn, en síðan þá hef-
ur hann ekkert samband haft við
hlutaðeigandi. Birgir sagði þá
gera allt sem í þeirra valdi stæði
til að koma skjólstæðingum sín-
um í hús og sagðist hann ekkert
skilja í Valgeiri að hafa ekki haft
samband við þá áður en hann tók
upp á því að tjalda í Öskjuhlíð-
inni. Birgir sagði einnig að bið -
listar eftir húsnæði væru álíka og
verið hefði en þó ekki meiri en
svo að til neinna vandræða væri.
Birgir lagði áherslu á að stofnun-
in gerði allt sem í hennar valdi
stæði til að útvega þeim sem til
hennar leituðu húsnæði til bráða-
birgða í stað þess að þurfa að
tjalda í Öskjuhlíðinni eða annars-
staðar.
Viðlegubúnaður Valgeirs í tjaldinu samanstóð aðeins af svefnpoka og
matvælum af skornum skammti: Mynd: Jim Smart.
Valgeir mótmælir því að hann
hafi ekki haft samband við hús-
næðisdeild Félagsmálastofnunar á
umræddum tíma. Staðreyndin sé
hins vegar sú að hann hafi notfært
sé aðstöðuna í gistiskýlinu einu
sinni en verið síðan meinaður að-
gangur af húsverði. Eftir það hafi
hann ekki séð neina ástæðu til að
koma þangað til þess eins að láta
vísa sér á dyr.
Einn og yfirgefinn
Valgeir segir erfiðleika sína
stafa einkum af slæmum félags-
skap sem hann hefur lent í auk
þess sem bágbornar heimilisað-
stæður hafi einnig átt þar stóran
hlut að máli. Faðir hans og móðir
skildu þegar hann var ungur og
frá þeim tíma hefur hann verið
hér og þar. Sjálfur segir hann
móður sína vera drykkjusjúka og
eiga jafnframt við geðræn vanda-
mál að stríða og samband þeirra
lítið sem ekkert. Faðir hans býr
austur á fjörðum þar sem einn af
bræðrum hans býr einnig. Sam-
band Valgeirs við þá hefur nánast
ekkert verið sem og við aðra ætt -
ingja sem hann á.Þó dvaldi hann
um tíma hjá föður sínum eystra
en líkaði ekki vistin og hvarf aftur
suður.
Þrátt fyrir ungan aldur hefur
Valgeir oft verið til meðferðar á
Vogi og einnig Hlaðgerðarkoti
auk geðdeildar Landspítalans. Þá
hefur hann hlotið tveggja ára
skilorðsbundinn dóm sem hann
segir mest vera út af uppsöfnuð-
um brennivínssektum. Sér til
framfærslu fær Valgeir .tæpar 40
þúsund krónur sökum örorku
sinnar og til viðbótar um 1500
krónur á viku í framfærslustyrk
frá Félagsmálastofnun Reykja-
víkur. Hann hefur verið atvinnu-
laus í langan tíma og að eigin sögn
ekki fundið vinnu við sitt hæfi.
- Ég er búinn að vera hér í
Öskjuhlíðinni í tjaldi í þrjá daga
og sé ekki að það muni breytast
neitt á næstunni nema einhver
geti skotið yfir mig skjólshúsi til
bráðabirgða. Kerfið virðist alveg
vera vonlaust til bjargar hvað mig
snertir og ég tel mig vera leiksopp
þess án þess að hafa unnið nokk-
uð til þess ama, sagði Valgeir
Gunnarsson. -grh
Þridjudagur 18. júlf 1989 ÞJÖÐVILJINN - SÍÐA 7