Þjóðviljinn - 27.01.1990, Blaðsíða 2

FRETTIR
Borgarnes
Verkafólk í sérframboð
Jón A. Eggertsson: Nauðsynlegt að sjónarmið almenns verkafólks nái inn í raðir sveitar- og
bœjarstjórna. Verkafólk sniðgengið af stjórnmálaflokkum við val á frambjóðendum
eir aðilar sem boðið hafa fram
við sveitarstjórnarkosningar í
Borgarnesi hafa sjaidnast valið
verkafólk í sæti ofarlega á listana.
Ef engin breyting verður á þessu
getur vel svo farið að verkafólk
bjóði fram sérstakan lista við
bæjarstjórnarkosningarnar í
Borgarnesi, segir Jón A. Eggerts-
son formaður Verkalýðsfélags
Borgarness í síðasta tölublaði
Borgfirðings.
Ekki hefur enn verið tekin
formleg ákvörðun um að bjóða
fram sérstakan lista verkafólks í
Borgarnesi en að sögn Jóns A.
hafa margir haft samband við
hann út af þessu og lýst yfir stuðn-
ingi við hugmyndina. Jón sagði
það löngu tímabært að sjónarmið
verkafólks nái inní raðir sveitar-
og bæjarstjórna og þá ekki síður í
atvinnumálanefndir þeirra. Að-
spurður hvort hreyfing væri fyrir
sérframboði verkafólks á öðrum
stöðum á landinu sagðist hann
ekki hafa heyrt um það en taldi
ekki ólíklegt að það h'tfi hvarflað
að einhverjum í ljósi þess ótrygga
atvinnuástands sem víða er.
Þessi hugmynd að verkafólk
bjóði fram sérstaklega við
sveitar- og bæjarstjórnarkosning-
ar er ekki ný af nálinni og hefur
hún áður komið fram í Borgar-
nesi. Jón A. sagði að sér virtist
sem það viðhorf væri ríkjandi hjá
stjórnmálaflokkunum að hafa
ekki almennt verkafólk á fram-
boðslistum. „Þetta er svona hlið-
stætt og var fyrir daga Kvenna-
listans þegar konur áttu erfitt
uppdráttar innan flokkanna. En
um leið og konurnar byrjuðu að
bjóða fram sér þá hafa allar flóð-
gáttir opnast og ekki til sá flokkur
sem hampar ekki konu í einu af
efstu sætunum,“ sagði Jón A.
Eggertsson
-grh
Ferðamálaráð
w —------------
Ovissa vegna fjárskorts
Kristín Halldórsdóttir: Óvissa um kynningarstarfsemiFerðamálaráðs vegna
fjárskorts. Útíhöttað notaekkiviðburð eins og heimsókn Bretlandsdrottningar
Ferðamálaráð íslands er illa í
stakk búið til að sinna land-
kynningarmálum vegna þess að
því hafa ekki verið tryggð lög-
bundin framlög til starfseminnar
á þessu ári, að sögn Kristínar
Halldórsdóttur formanns ráðs-
ins. Hún segir hóp sem skipaður
var í september eða október vinna
að almennum tillögum um hvern-
ig standa skuli að landkynningu
og hópurinn viti af heimsókn Elís-
abetar II Bretlandsdrottningar en
hendur ráðsins séu bundnar
vegna fjárskorts.
Kristín sagði Ferðamálaráð
hafa lagt fram ramma eða drög að
því hvernig það hygðist skipta því
fjármagni sem það á að fá sam-
kvæmt lögum, sem er 10% af
tekjum Fríhafnarinnar. 1 drögun-
um hefði drjúgur hluti átt að
renna til landkynningar. Ferða-
málaráð hefði hins vegar aðeins
fengið hluta þess fjármagns sem
það teldi sig eiga rétt á. „Þess
vegna getum við gert mun minna
en við ætluðum okkur,“ sagði
Kristín.
Ef gera á eitthvert sérstakt
átak í tengslum við heimsókn
Bretlandsdrottningar í sumar, þá
verður það á vegum annarra aðila
en Ferðamálaráðs, en sjálfsagt í
samstarfi við það, sagði Kristín.
Tillögur ráðsins lægju ekki fyrir
vegna þess að þar vissu menn
ekki hvað þeir hefðu í höndun-
um.
Að mati Kristínar er mikill
Birting
Látum fólkið ráða
Skorað á Kvennalistann að skoða hugsinn
gaumgæfilega
Stjórn Birtingar skorar á
Kvennalistakonur að skoða
hug sinn gaumgæfilega gagnvart
sterku framboði lýðræðisaflanna
í Reykjavík og fagnar jafnframt
þeim síaukna áhuga á slíku fram-
boði í vor.
I ályktun frá stjórn Birtingar
segir að félagið sé reiðubúið að
ganga til þeirra viðræðna sem
óskað er eftir í bréfi Alþýðu-
flokksmanna í borginni til Birt-
ingar, ABR og fleiri.
„Það einstæða tækifæri sem
félagshyggjumenn og lýðræðis-
sinnar hafa nú í borgarmálum má
ekki ganga okkur úr greipum
vegna sérhyggju eða þröngra
skammtímahagsmuna einstakra
flokka eða samtaka. Þeir tímar
sem við lifum nú ættu að minna
okkur á að það er fólkið sjálft
sem á að ráða, ekki fámennir
hópar í flokksforystu,“ segir orð-
rétt í ályktuninni og er bent á að
happadrýgsta leiðin sé sú að
flokkarnir bjóði ekki fram sjálfir,
heldur beini kröftum félaga sinna
að óháðu framboði á grundvelli
málefnasamkomulags og að
frambjóðendur séu valdir með al-
mennu prófkjöri félaga úr flokk-
unum og óflokksbundinna stuðn-
ingsmanna.
Þá er því beint til Framsóknar-
manna og félaga í ABR að láta
ekki persónuvanda og tæknileg
úrvinnslumál letja sig í samvinnu
til sigurs.
-Sáf
Norrœna húsið
Vetrarstríðið fimmtugt
Fyrirlestur og kvikmyndasýn-
ing verða í Norræna húsinu á
sunnudaginn í tilefni þess að um
þessar mundir eru liðin 50 ár frá
því að vetrarstríðið var háð í
Finnlandi (1939-40).
Fyrirlesturinn heldur Jarl
Kronlund liðsforingi, hernaðar-
sagnfræðingur frá Helsinki, en
Kronlund stundar rannsóknir við
sagnfræðistofnun liðsforingja-
skólans í Helsinki. Undanfarin ár
hefur verið unnið að rannsóknum
á Vetrarstríðinu og munu menn
hafa komist að nýjum niðurstöð-
um, sem birtar voru fyrir
skömmu.
Að loknum fyrirlestrinum,
sem hefst kl. 16, verður sýndur
um 20 mínútna útdráttur úr nýrri
finnskri kvikmynd, sem mikla at-
hygli hefur vakið. Myndin er gerð
eftir skáldsögu finnska rithöfund-
arins Antti Tuuri, Talvisota og
ber íslenska heitið Vetrarstríðið.
LG
fengur í heimsókn Elísabetar, ís-
lendingar ættu að þekkja það af
áhrifum heimsókna Vigdísar
Finnbogadóttur erlendis.
Reynsla þeirra sem störfuðu að
ferðamálum væri líka sú að betri
auglýsing fengist ekki. Kristín
sagðist reikna með að hið sama
gilti um bresku drottninguna, þar
sem Bretar fylgdust mjög vel með
henni og það væri út í hött að nota
ekki heimsóknina til að kynna ís-
land og það sem það hefði upp á
að bjóða.
Ferðamálaráð fékk á fjár-
lögum þessa árs uþb. 1/3 af lög-
bundnum framlögum að sögn
Kristínar. En Ferðamálaráð er
með verkefni á sviði landkynn-
ingar, fræðslumála og landvernd-
ar. Þá væri ekki búið að ganga frá
skuldahala sem nýskipað Ferð-
amálaráð tók við frá því í fyrra og
ef Ferðamálaráði væri gert að
greiða hann væri það verulega illa
sett. Ráðið væri með skrifstofur í
Frankfurt og New York ásamt
upplýsingamiðstöð í Reykjavík
og meiningin hefði verið að koma
slíkum stöðvum víðar um landið.
Ef greiða ætti skuldahalann þá
rétt dygði framlagið í ár til þess og
til að greiða kostnaðinn við rekst-
ur þessara skrifstofa. -hmp
Skúlptúrar Jóhanns Eyfells á sýningunni í Ásmundarsal. Mynd: Jim Smart.
Ásmundarsalur
Islenskir arkitektar eriendis
Sýning á verkum átta íslenskra arkitekta sem starfa
erlendis
Nú stendur yflr í Asmundarsal
við Freyjugötu sýning á verk-
um átta ísienskra arkitekta sem
starfa erlendis. Tilgangur sýning-
arinnar er að gefa mönnum færi á
að glöggva sig á framlagi ís-
lenskra arkitekta til byggingar-
listar á erlendum vettvangi, en
verk á sýningunni eiga fulltrúar
íslenskra arkitekta í Bandaríkj-
unum, Noregi, Frakklandi,
Þýskalandi og Sviss.
Jóhann Eyfells, Bandaríkjun-
um, sýnir arkitektóníska málm-
skúlptúra, sem reyndar eru unnir
sérstaklega fyrir sýninguna. Guð-
mundur Jónsson, sem starfar í
Noregi, sýnir ýmsar teikningar,
sem hafa hlotið viðurkenningar
og verðlaun, svo sem miðbæjar-
skipulag í Drammen, flugstöðv-
arbyggingu í Hurum og verð-
launatillögu íslands í samkeppn-
inni NordForm ‘90. í Noregi
starfar einnig Kolbrún Ragnars-
dóttir, sem sýnir verðlaunateikn-
ingar sínar að Norræna húsinu í
Færeyjum auk einbýlishúsa í
Þrándheimi og Tromsö.
Einn fulltrúi íslenskra arki-
tekta í Frakklandi á verk á sýn-
ingunni, en það er Högna Sigurð-
ardóttir, sem sýnir teikningar að
nýjum skóla í úthverfi Parísar.
Bjarki Zóphoníasson, sem starf-
ar í Sviss sýnir ýmis verk sem
hann hefur undanfarið sent til
þátttöku í samkeppnum.
Þrír arkitektar sem starfa í
Þýskalandi sýna verk sín. Gunn-
laugur Baldursson sýnir meðal
annars verðlaunateikningar að
iðnskóla, teikningar að íbúðar-
húsum í Þýskalandi og á íslandi,
meðferðarheimili og skóla. Jór-
unn Ragnarsdóttir sýnir íbúðar-
hús í Fellbach og Stuttgart í
Þýskalandi, símstöðvarviðbygg-
ingu, leikskóla og fleira. Sigur-
laug Sæmundsdóttir sýnir bókina
Architektinnen, Ideen - Pro-
jekte - Bauten, en þar eru verk
Sigurlaugar kynnt ásamt verkum
fleiri kvenkyns arkitekta, sem
starfa í Þýskalandi.
LG
2 SÍÐA - ÞJÓÐVILJINN Laugardagur 27. janúar 1990
ATVR
Tíu milj-
arðar í vín
og tóbak
Aukning milli ára í sölu áfengis
hjá Áfengis- og tóbaksverslun
ríkisins á síðasta ári nam 194% í
lítrum talið en 24,8% í alkólítr-
um. Aftur á móti varð samdrátt-
ur í sölu tóbaks.
Heildarsala áfengis og tóbaks á
síðasta ári nam 9.947 miljónum
króna og þar af nam sala áfengis
6.464 miljónum króna og tó-
bakssalan 3.483 miljónum króna.
í lítrum talið voru seldir 9.499
lítrar á nýliðnu ári eða 1.044.970
alkólítrar. Sambærilegar tölur
fyrir árið 1988 eru 3.288 þúsund
lítrar eða 836.051 alkólítrar.
Aukning sölu á hvern einstakling
15 ára og eldri í alkólítrum talið
nemur 22,99%.
Heildarsala vindlinga nam
418.301 þús. Sambærileg tala
fyrir 1988 er 413.377 þúsund.
Samdrátturinn nemur því 3.04%.
Á síðasta áratug seldust flestir
vindlingar árið 1984 eða 447.210
þúsund. Sala á mann 15 ára eldri
er 13% minni árið 1989 en árið
1984. ÁTVR miðar sínar sölu-
tölur á mann við 15 ára og eldri,
þótt ungmennum undir 20 ára
aldri sé bönnuð samkvæmt lögum
meðferð og neysla áfengis, er
gert til samræmis við þær upplýs-
ingar sem verslunin hefur birt á
undanförnum árum.
Þá nam sala á áfengum bjór frá
1. mars til áramóta 6.947 þúsund
lítrum eða 359.939 alkólítrum.
Um það hvort tilkoma bjórsins^
hafi leitt til aukinnar áfengis-'
neyslu eða ekki telur ÁTVR sig
ekki geta dregið neinar ályktanir
sökum margra óvissuþátta þar
um. -grh
Tónlistarfélagið
Tónlist fyrir
og píano
Einar Jóhannesson og Philip
Jenkins halda tónleika í ís-
lensku óperunni
Einar Jóhannesson klarinett-
leikari og Philip Jenkins píanó-
leikari halda tónleika á vegum
Tónlistarfélagsins í íslensku ópe-
runni á sunnudaginn. Leika þeir
Einar og Philip verk eftir Carl
Maria von Weber, Norbert Bur-
gmuller, Darius Milhaud, Bo-
huslav Martinu og Johannes
Brahms.
Einar verður á næstunni á ferð-
inni í Evrópu og Bandaríkjunum
þar sem hann mun halda ein-
leikstónleika og leika með hljóm-
sveitum. Philip Jenkins var um
árabil búsettur á Akureyri og
heldur enn tengslum við íslenska
tónlistarmenn.
Tónleikamir hefjast kl. 17 á
sunnudag og eru miðar seldir við
innganginn. LG
Einar Jóhannesson klarinettleikari
heldur á morgun tónleika ásamt Phil-
ip Jenkins pianóleikara.