Þjóðviljinn - 27.01.1990, Blaðsíða 3

___FRÉTTIR__
y Vargfugl
Ahlaupið
undirbúio
Vargfuglinn á höfuðborgar-
svæðinu má fara að vara sig.
Embætti veiðistjóra undirbýr nú
allsherjar fækkun á þessum vá-
gesti í haust og ætlar að fylgja
þeim aðgerðum fast eftir á næsta
ári. Fyrsti liðurinn í þeirri her-
ferð eru merkingar á fuglinum, til
að átta sig á hegðun hans, og hefj-
ast þær á allra næstu vikum.
Helsti vargfuglinn á höfuð-
borgarsvæðinu er sílamávurinn,
en silfurmávurinn, svartbakurinn
og hrafninn eru einnig til mikils
ama.
Fyrsta stórátakið í útrýmingu
vargfuglsins fór fram í fyrra. Þá
voru drepnir milli tíu og tólf þús-
und mávar á Reykjavíkursvæð-
inu, en tæplega 45 þúsund á
landinu öllu. Áður voru aila jafna
drepnir tíu til tólf þúsund mávar á
ári um land allt.
„Það er öllum brögðum beitt
og reynt að gera þetta sem hættu-
minnst. Þetta er gert af ákveðn-
um mönnum sem hafa reynslu í
þessu,“ sagði Þorvaldur Björns-
son, fulltrúi veiðistjóra, þegar
hann var spurður hvernig vargur-
inn væri drepinn. Hann sagði að
beitt væri skotvopnum í barátt-
unni og einnig væri fuglinum gef-
ið svefnlyf og honum síðan safn-
að saman. Ekki vildi Þorvaldur
geta sér neitt til um fjölda varg-
fugla á höfuðborgarsvæðinu nú.
Hann sagði að merkingarnar
væru liður í því að kanna fjölda
þeirra. -gb
ABR
Svanur Jóhannesson, formaður öryggisnefndarinnar, skýrir á námskeiði með kollegum sínum hvernig soja-olía er notuð
tll hreinsunar. Mynd: Kristinn.
Prentiðnaður
Tímamót í hreinsun
Soja-olía getur haft grundvallaráhrif á öryggismálprentara. Svanur
Jóhannesson: Hefur einnig margvísleg þœgindi í för með sér
Alþýðuflokkurinn svarar
Stefanía Traustadóttir, for-
maður Alþýðubandal-
agsfélagsins í Reykjavík, skýrði
Þjóðviljanum frá því að ABR
hefði borist svar frá stjórn Fullt-
rúaráðs Alþýðuflokksins við
bréfí ABR um sameiginlegt fram-
boð til borgarstjórnar Reykjavík-
ur í vor. Þar kemur fram að Al-
þýðuflokkurinn er tilbúinn til
viðræðna, en ekki fyrr en for-
sendur hans fyrir framboðinu
hafa verið samþykktar. Þar er
um að ræða fyrirkomulag á próf-
kjöri, að fólkið á framboðslistan-
um ráði afstöðu tU mála en ekki
flokkarnir osfrv.
Allir flokkarnir sem ABR
leitaði til eru tilbúnir í viðræður,
sé vissum skilyrðum fullnægt og
ákveðnar forsendur fyrir hendi.
Ekki er enn hægt að útiloka
Kvennalistann, hann hefur í raun
ekki hafnað sameiginlegu fram-
boði alfarið, heldur við núver-
andi forsendur. Ráða má af því,
að breytist forsendur nægilega,
kæmi til greina að hann endur-
skoðaði afstöðu sína.
ÓHT
betta virðist vera meiri-
Jdj náttar galdravökviogget-
ur haft grundvallaráhrif á örygg-
ismál prentiðnaðarmanna,“
sagði Svanur Jóhannesson for-
maður öryggisnefndar Félags
prentiðnaðarmanna um notkun
soja-olíu tU hreinsunar á prent-
vélum.
í prentiðnaði eru notuð um
2500 mismunandi efni, sem mörg
hver eru mjög hættuleg. Öryggi
hefur lengi verið ábótavant við
hreinsun prentvéla, en það virð-
ist ætla að fara stórbatnandi með
notkun soja-olíu. Hún var kynnt
hér á landi á námskeiði sem ör-
yggisnefndin hélt hjá Vinnueftir-
litinu vegna öryggismála prent-
ara.
Að sögn Svans var það Daninn
Kre Hendriksen, kennari við
Iðnskóla Kaupmannahafnar,
sem komst að þessu eftir að félagi
hans hafði látist vegna eiturefna í
pretiðnaði. í skýrslu sinni segir
Hendriksen að litavalsar verði
hreinni með notkun soja-olíu og
aðeins þurfi eina umferð þegar
farið er úr bláum lit í gulan í stað
tveggja til fjögurra. Samkvæmt
athugun hans hefur olían engin
áhrif á prentgæðin heldur eru
þvert á móti horfur á að valsar
verði mýkri, endist lengur og
prentun verði fallegri en þegar
notuð eru lífræn leysiefni.
Þó er aðeins hægt að nota soja-
olíu við hreinsun en litir verða
áfram á völsum. Danir virðast
manna fremstir í þessari þróun og
eru þeir nú að reyna að finna
þynnri olíu, sérstaklega vegna
hreinsana á gúmmídúkum.
-þóm
Guðrún Einarsdóttir: Hvort verk er tilbúið er fyrst og fremst spurning um tíma og tilfinningu. Mynd: Jim Smart.
Myndlist
Hvítir fletir - og svartir
Guðrún Einarsdóttir: Þetta er bara einn hlekkurinn í keðjunni
Þessi verk eru eins konar til-
raunir, segir Guðrún Einars-
dóttir, sem í dag opnar málverk-
asýningu í Nýhöfn, Hafnarstræti
9. Guðrún vinnur í olíu, hvíta fleti
og svarta, sem hún kallar
olíuverk. - Ég hef í augnablikinu
engu við þessi verk að bæta, en
hvort verk er tilbúið eða hvort
það má bæta einhverju við það er
fyrst og fremst spurning um tíma
og tilfínningu, segir hún.
- Ég hef náð fram því sem ég
ætlaði mér en komist ég á aðra
skoðun eftir tvo til þrjá mánuði
get ég alveg eins fundið upp á að
bæta einhverju við, því þetta stig
sem þær eru á núna er bara einn
hlekkurinn í keðjunni. Það er
ekki þar með sagt að myndirnar
verði betri af viðbót.
- Þetta er fyrsta sýningin sem
ég vinn gagngert fyrir. Ég útskrif-
aðist úr málaradeild Myndlista-
og handíðaskólans vorið 1988 og
sýndi síðan í Hafnargalleríi um
haustið, nánast fyrir tilviljun.
Eftir það bætti ég við mig einu ári
í skólanum, í fjöltæknideild, og
tel mig hafa haft mikið gagn af
því. Þar var fjallað um hlutina frá
öðrum sjónarhóli en í málara-
deildinni, til dæmis rými og rým-
isnotkun.
- Síðan ég lauk skólanum hef
ég eingöngu unnið við málverkið
því ég lít svo á að til að ná árangri
verði maður að sinna því sem
fullu starfi. En það er auðvitað
komin lítil reynsla á þetta hjá
mér. Eftir sýninguna sé ég hvar
ég stend og get ákveðið hvert
framhaldið verður, hvaða stefnu
ég tek með mín verk.
- Framtíðin er óráðin. Ég hef
ekki gert neinar áætlanir um að
fara til útlanda í skóla, þótt
auðvitað hefði ég eins og allir
aðrir gott af að skipta um um-
hverfi. En í svona málum verður
hver og einn að taka mið af sjálf-
um sér. Það hentar ekki öllum
það sama. Hér á landi er heil-
mikið myndefni og sem stendur
hef ég mestan hug á að halda mig
við það.
LG
Laugardagur 27. janúar 1990 ÞJÓÐVILJINN — SÍÐA 3
HELGARRÚNTURINN
UNNENDUR íslenskrar leikritunar hafa ástæðu til að kætast þessa
helgina. Leikfélag Reykjavíkur frumsýndi Kjöt, nýtt leikrit Ólafs
Hauks Símonarsonar, í gær og næsta sýning verður á sunnudagskvöld.
Ljós heimsins verður sýnt í kvöld og annað kvöld, og Höll sumarlands-
ins í kvöld. Barnaleikritið Töfrasprotinn er sýndur kl. 14 í dag og á
morgun. Þjóðleikhúsið sýnir Lítið fjölskyldufyrirtæki í kvöld og Hús
Vernhörðu Alba á sunnudagskvöld. Og Leikfélag Akureyrar sýnir svo
Eyrnalanga og annað fólk. Leikfélag Kópavogs ætlar að sýna gaman-
leikinn Blúndur og blásýru í Félagsheimili Kópavogs á sunnudags-
kvöld kl. 20...
TÓNLIST ARLÍ FIÐ heldur áfram sínum blómlega vanagangi um helg-
ina. Félagarnir Einar Jóhannesson klarinettuleikari og Philip Jenkins
píanisti halda tvenna tónleika. Þeir fyrri verða í Borgarneskirkju í dag
kl. 16, á vegum Tónlistarfélags Borgarfjarðar. Hinir síðari verða í
íslensku óperunni á sunnudag kl. 17 og þeir eru haldnir á vegum
Tónlistarfélags Reykjavíkur. Listvinafélag Hallgrímskirkju gengst
einnig fyrir tónleikum á sunnudag kl. 17. Þá ætlar Hörður Áskelsson
organisti kirkjunnar að leika verk eftir gamla meistara, þeirra á meðal
Jóhann Sebastían Bach. Ljóðatónleikar verða haldnir í Gerðubergi í
dag kl. 15 og þar syngur John Speight við undirleik Jónasar Ingimund-
arsonar. Þeir sem heldur vilja dægurtónlist eða djass geta brugðið sér í
Pottinn í Duus húsi á sunnudagskvöld þar sem Kristján Magnússon og
félagar hans ætla að taka þorrasveiflu. Á Fógetanum syngur svo
skoskur skemmtikraftur, Angus Rollo. Á Kjarvalsstöðum á sunnu-
dagskvöld verður haldin kvöldvaka undir yfirskriftinni Upphaf aldar-
loka. Kvöldvakan er haldin í tengslum við málverkasýningu Tolla og
fram koma þekktir tónlistarmenn, bæði klassískir og popparar. Þar
verða Bubbi, Megas og Diddú, auk annarra, þeirra á meðal tvö skáld.
Gleymum ekki Bjartmari Guðlaugssyni sem heldur tónleika í Klifinu í
Ólafsvík í kvöld kl. 23...
TOLLI opnar sýningu á nýjustu málverkunum sínum á Kjarvalsstöð-
um í dag og eru þau máluð í olíu. Tolli hefur haldið fjölda einkasýn-
inga, þar á meðal eina í Seúl á meðan Ólympíuleikarnir fóru þar fram.
í dag verður opnuð önnur sýning á Kjarvalsstöðum. Þar er á ferðinni
Guðný Magnúsdóttir og ætlar hún að sýna skúlptúr og veggmyndir úr
leir. Guðrún Einarsdóttir opnar málverkasýningu í Nýhöfn í dag og
vestur á ísafirði er sýning á verkum hollenska listamannsins Jean-Paul
Franssens í Slúnkaríki. Bankamenn ætla ekki að láta sitt eftir liggja,
því á sunnudag opnar Gunnsteinn Gíslason sýningu á múrristum í
húsakynnum Sparisjóðs Reykjavíkur og nágrennis við Álfabakka...
BÍÓBÓSAR hafa úr ýmsu að moða þessa helgina. Auk tveggja nýrra
og ágætra bandarískra mynda, Losta og Jonna myndarlega, og allra
hinna, býður Norræna húsið upp á tuttugu mínútna útdrátt úr finnskri
bíómynd um Vetrarstríðið í Finnlandi. A undan verður haldinn fyrir-
lestur um þetta sama stríð. Kvikmyndaklúbburinn sýnir svo úrvals-
mynd eftir Grikkjann Angelopoulos á sunnudag...
KEFLVÍKINGAR fá að skemmta sér á laugardag við söng og gleði í'
Rokki, svita og pilsaþyti. Sýningin verður í Glaumbergi. Grínistarnir
Ómar Ragnarsson og Laddi verða á Hótel Sögu um helgina. Þeir ætla
að bjóða gestum í hressilega sjóferð og skemmtilega og áfangastaður-
inn er Horrimolinos. Þeir félagar ætla að bregða sér í allra kvikinda líki
á leiðinni. Og meðal farþega verður m.a. Leifur óheppni...