Þjóðviljinn - 14.09.1991, Síða 4

Sf
Verðbólgan
8,5 prósent
Verðbólgan er nú 8,5 pró-
sent miðað við hækkun vísi-
tölu framfærslukostnaðar
undanfama þijá mánuði.
Vísitala framfærslukostn-
aðar hækkaði um 0,6 prósent
á milli ágúst og september.
Bensínhækkunin olli 0,1 pró-
sent hækkun og hækkun á
áfengi og tóbaki einnig 0,1
prósent hækkun. Undanfama
12 mánuði hefur vísitala
ffamfærslukostnaðar hækkað
um 7,7 prósent.
-Sáf
Vilja
afnema
lánskjara-
vísitöluna
Félag bókagerðarmanna
krefst þess af ríkisstjóminni
að efnd verði marggefin fyrir-
heit um afnám lánskjaravísi-
töiunnar, segir í ályktun sem
samþykkt var á
almennum félagsfundi hjá
Félagi bókagerðarmanna og
haldinn var 4. september sl.
I ályktuninni segir og að
verkafólk hafi í þessu efni bú-
ið við algert misrétti allt frá
árinu 1983, þegar þáverandi
ríkisstjóm afnam launavísi-
töluna en viðhélt lánskjara-
vísitölunni.
„Þau átta ár sem þetta
ástand hefur nú varað hefur
verkafólk, með sjálfvirkum
og lögskipuðum hætti, verið
þvingað til sérstakra fjárfram-
laga til fjármagnseigenda.
Slíku ástandi verður að linna
þegar í stað,“ segir í lok
ályktunarinnar.
-sþ
Leiðrétting
Þau mistök urðu í Nýju
Helgarbiaði í gær að rangt var
farið með föðumafn höfundar
minningargreinar um Petrínu
Kristínu Jakobsson. Það var
Kristín S. Bjömsdóttir sem
skrifaði greinina en ekki Pét-
ursdóttir einsog sagt var í
blaðinu. Er Kristín beðin vel-
virðingar á þessum mistök-
um.
Ritstj.
Leiðrétting
I texta með mynd, sem
birtist á bls. 11 í Nýju helgar-
blaði í gær, var rangt farið
með þær trúnaðarstöður sem
Hansína Stefánsdóttir og
Ingibjörg R. Guðmundsdóttir
gegna á vegum verkalýðs-
hreyfingarinnar. Hansína var
sögð formaður Landssam-
bands íslenskra verslunar-
manna en Ingibjörg R. Guð-
mundsdóttir stjómarmaður í
Verslunarmannafélagi
Reykjavíkur. Ingibjörg Guð-
mundsdóttir er formaður
Landssambands íslenskra
verslunarmanna en Hansína
Stefánsdóttir formaður Al-
þýðusambands Suðurlands.
Er beðist afsökunar á þessari
missögn.
Ritstj.
Christian Wagner og Andreas Voigt eru meðal efnilegustu kvikmyndaleikstjóra Þýskalands. Þeir eru staddir hér vegna þýskrar kvikmyndaviku sem hefst í dag.
Mynd: Kristinn.
Ungir menn á uppleið
Kvikmyndaleikstjórarnir Andreas Voigt og Christian Wagner eiga
báðir myndir á þýsku kvikmyndahátíðinni í Regnboganum.
Andreas Voigt var Austurþjóðverji þegar múrinn hrundi. Hann
var þá í fastri stöðu sem hvarf og verður nú að stýra skútu sinni
sjálfur í ólgusjó markaðarins. Hann sagði að ekki hefði verið sérlega létt
að vera kvikmyndagerðarmaður í ríki Erichs Honecker. Annars vegar
var hægt að gera áróðursmyndir fyrir ríkið en hins vegar mátti freista
þess að skapa eitthvað sjálfur. Til þess varð hann að vera fastráðinn hjá
DEFA- kvikmyndaverinu eða vinna hjá sjónvarpinu.
1 grófum dráttum má segja að
gerðar hafi verið tvær tegundir af
„sjálfstæðum" myndum: leiknar
myndir og heimildamyndir. Miklu
meira fé var veitt í leiknu myndimar
en heimildamyndimar hins vegar
undir strangara eftiriiti. Þetta mun
byggjast á þeirri hefð að í heimilda-
myndum mætti gagnrýna svolítið en
alls ekki mjög mikið. Þar mun hafa
skapast nokkur hætta á að fara yfir
strikið.
Andreas Voigt var að því spurður
hvort kvikmyndir í Þýskalandi hefðu
kollsteypst í takt við þýskt samfélag
á síðustu tveim ámm. Hann svaraði
því til að ringulreið væri enn ríkjandi
meðal fyrrverandi Austur-Þjóðverja,
bæði í samfélagsmálum og kvik-
myndagerð. Tæknin sem hann notaði
fyrir tveim áram var langt á eftir
tímanum og hann kvaðst algerlega
reynslulaus maður á ferð um reglu-
skóga hins vestræna fjármálahcims.
Félagi hans, Christian Wagner,
er hins vegar stórfróður um sjóða-
reglur og annað þess háttar sem
kemur ungum kvikmyndagerðar-
mönnum vel. Þetta á sér sögulega
skýringu eins og margt annað.
Christian er menntaður í bókmennta-
, leikhús- og sálarfræði en var hins
vegar hafnað þegar hann sótti um
kvikmyndaskóla. Hann hefndi sín
með því að framleiða kvikmyndina:
Síðasta gönguför Wallers. Sú kvik-
mynd fékk, árið 1988, Kvikmynda-
verðlaun Bæjaralands; verðlaun
þýskra kvikmyndagagnrýnenda og
1989 æðstu kvikmyndaverðlaun
Þýskalands og var útnefnd til Felix-
Evrópuverðlaunanna o.s.frv.
Christian Wagner haföi margt að
segja um hve vel það borgaði sig
fýrir íslensk stjómvöld að leggja fé í
íslenskar kvikmyndir. Kjaminn í því
var þessi: Nú er lag, því að hver sá
sem hefúr einhverja peninga og
samning við ffamleiðsluaðila í þrem-
ur löndum getur fengið meira. ís-
lenskar kvikmyndir geta orðið mikil-
væg útflutningsvara og auk þess orð-
ið mikilvægur þáttur í því að ísland
„sjáist" í stað þess að hverfa á þeim
tímum sem í hönd fara.
-kj
Strætó breytt á mánudagsmorgni
Amánudaginn taka gildi
ýmsar breytingar á þjón-
ustu Strætisvagna Reykja-
víkur. Sala er hafin á nýrri ieiða-
bók þar sem allar upplýsingar er
að finna.
Almennar bréytingar era þær að
akstri verður hætt upp úr kl 24.00 frá
sunnudegi til fimmtudags. Á föstu-
dags- og laugardagskvöldum verður
hins vegar ekið til 01.00 eins og ver-
ið hefur.
Á sunnudagsmorgnum hefst
aksturá bilinu 09.40-10.00.
Einstakar brcytingar era þær að
Leið 3, Nes-Mjódd, verður fram-
lengd í Mjódd frá kl. 07-19.00 frá
mánudegi til föstudags. Annars
verður endastöð sú sama og áður.
Leiðir 8 og 9, Hringleiðimar,
verða á 20 mínútna fresti frá mánu-
dégi til föstudags, kl. 07.00- 19.00
allt árið.
Leið 10 fer um Ártúnsholt í öll-
um ferðunt en ekki um Ártúnshöföa
eins og áður.
Leið 11 ekur um Amarhöfða i
öllum ferðum og leysir þar af hólmi
leið 14.
Leið 13 verður númer 112 en
þriggja stafa númer gefur til kynna
að um hraðferð sé að ræða.
Leið 14 verður númer 111. Akst-
ur um Amarbakka leggst af en í stað
þess verður viðkoma í Breiðholts-
kjöri.
Leið 15, Hlemmur-Keldnaholt,
verður endurskipulögð þannig að
hún verður á tuttugu mínútna fresti
að deginum. Að auki munu hraðleið
115 og leið 16 þjóna hverfinu.
Leiðir 15A og 15B hverfa en 15
tekur við og ekur m.a. um Völundar-
hús í Húsahverfi.
Leið 15C fær númer 16 og leið
100 fær númer 110, en þær fara
sömu götur og þær hafa gert.
Leið 115 mun þjóna Borgarmýri
á svipaðan hátt og leið 15B áður.
í gamla Ausmrbænum hefúr ver-
ið auglýst útboð á tilraunaakstri með
litlum vögnum. Náist samningar um
þennan akstur er ráðgert að byrja
hann í október. - kj
Leið 10 fer um Artúnsholt en ekki Ártúnshöfða. Mynd: Kristinn.
ÞJÓÐVILJINN Laugardagur 14. september 1991
Síða 4