Dagblaðið Vísir - DV - 01.11.1995, Blaðsíða 18
MIÐVIKUDAGUR 1. NÓVEMBER 1995
#
NfMÆí'
Snjóflóðahætta á Siglufirði:
Sigltirðingar hafa afleiðingar snjóflóða fyrir augunum daglega. I þessum tveimur myndarlegu einbýlishúsum við
Suðurgötu er ekki búið, enda eru þau ónýt eftir snjóflóð sem á þeim lenti fyrir mörgum árum. DV-mynd gk
Um 100 hús talin
vera á hættusvæði
Gylfi Kristjánsson, DV, Akureyri:
„Menn eru að tala um að hér í
bænum séu um 100 hús á hættu-
svæði vegna snjóflóða sem lætur
nærri að vera eitt af hverjum sex
húsum í bænum,“ segir Björn Valdi-
marsson, bæjarstjóri á Siglufirði, en
Siglufjörður er einn þeirra staða á
landinu þar sem menn hafa þennan
vágest vofandi yfir sér.
Björn segir að nú um mánaðamótin
eigi nýtt hættumat að liggja fyrir og
þá verði hægt að fara að huga að því
hvernig tekið verði á þessu máli.
„Það kemur tvennt til greina, að
byggja upp vamarmannvirki eða
kaupa upp hús. Mín skoöun er þó sú
að farin verði leið sem samanstendur
af þessu hvorutveggja, það verði
bæði reynt að verja hús og eins að
þaðþurfi að kaupa upp einhver hús.
Síðasti vetur var óvenjuerfiður og
sennilega eru ekki nema 2-3 vetur
aðrir á öldinni sem hafa verið í lík-
ingu við þetta hvað veðurlag snertir.
Yfirleitt hefur ekki þurft að rýma hér
hús vegna snjóflóðahættu, en fólk er
vissulega uggandi og óvissan er
mörgum erfið. Það verður því að
bregðast við með þeim hætti að
styrkja varnir og jafnvel að kaupa
upp einhver hús,“ segir Björn.
Síldarminja-
safnið laðar
ferðafólktil
Siglufjarðar
Gylfi Kristjánsson, DV, Akuxeyri:
Talið er að 17-18.000 ferðamenn
hafi komið til Siglufjarðar sl. sumar,
og eru Siglfirðingar ekki í vafa um
að stór hópur þeirra kom fyrst og
fremst til bæjarins til að upplifa að
nýju síldarævintýriö svokallaða.
Talið er að um 10 þúsund manns
hafi sótt Siglufjörð heim er „síldar-
ævintýrið" var haldið um verslunar-
mannahelgina, og Síldarminjasafnið
virðist hafa mikið aðdráttarafl fyrir
ferðamenn allt sumarið.
Félag áhugamanna um Síldar-
minjasafnið var stofnað árið 1988 og
segir Hafþór Rósmundsson, gjaldkeri
félagsins, að stofnun þess hafi átt sér
nokkurn aðdraganda. „Menn fóru að
huga að því um 1970 að safna saman
munum sem tengjast síldarævintýr-
inu hér í bænum. Það kom strax í
ljós að mjög mikið var til af munum
sem tengdust þessu og satt aö segja
óx þetta mönnum nokkuð í augum
sem varð til þess að málið dróst á
langinn," segir Hafþór.
Hann segir aö Örlygur Kristfinns-
son hafi verið aðalhvatamaður að
stofnun félagsins sem fékk fljótlega
til umráða hús Síldarútvegsnefndar
við Suðurgötu. Þar var opnað síldar-
minjasafn áriö 1990 og jafnframt var
hafist handa við endurbyggingu „Ro-
Hafþór Rósmundsson í Síldarminja-
safninu á Siglufirði og heldur á
gömlu loki af síldartunnu.
DV-mynd gk
aldsbrakka“ sem byggður var árið
1907, en það hús hýsti ýmsa starfsemi
sem tengdist síldarsöltun í bænum.
„Munir i safninu skipta þúsundum
og enn er að bætast við. Því miöur
hefur orðiö að sitja á hakanum að
skrá þá alla nákvæmlega, allt þetta
starf er unnið í sjálfboðavinnu og það
eru auðvitað takmörk fyrir því
hversu mikið menn geta lagt á sig.
Það er komið að því að ráða starfs-
mann að safninu allt árið,“ segir
Hafþór.
Kvenfélagið Von á Siglufirði
Aðalmarkmiðið að vinna
ffyrir börn og aldraða
- segir Anna Snorradóttir, formaður
Gylfi Kristjánsson, DV, Akureyri:
„Við störfum nær eingöngu að
líknar- og menningarmálum og aöal-
markmið okkar er að vinna fyrir
börn og aldraða,“ segir Anna Snorra-
dóttir, formaður Kvenfélagsins Von-
ar á Siglufirði, en það hefur um 100
félaga að meðtöldum heiðursfélög-
um.
Kvenfélagið Von hefur látið barna-
heimilismál í bænum mjög til sín
taka. Félagið byggði bamaheimili
árið 1940 og rak það til ársins 1973.
Þegar nýr leikskóli var tekinn í notk-
un á Siglufirði árið 1993 sýndu kven-
> félagskonurnar rausn sína og gáfu
um 3,5 milljónir króna til kaupa á
innanstokksmunum og tækjum fyrir
skólann.
Kvenfélagið hefur einnig látið ýmis
málefni eldri borgaranna til sín taka
og stutt þeirra deild á sjúkrahúsi
bæjarins af rausn. Þá gengst Von á
hverju ári fyrir skemmtun fyrir alla
íbúa Siglufjarðar 60 ára og eldri og
hefur gert síöan árið 1920.
„Allt þetta er mjög gefandi og
skemmtilegt. Við höldum okkar
vinnukvöld einu sinni í viku og reyn-
um aö leggja talsvert af mörkum til
þeirra mála sem við styrkjum," segir
Anna Snorradóttir formaður. ,
Stjórn Kvenfélagsins Vonar, f.v.: Auður Björnsdóttir ritari, Anna Snorradótt-
ir formaður og Erla Eymundsdóttir gjaldkeri. DV-mynd gk
Heimir Sverrisson harmoniku-
leikari. DV-myndgk
hjá afa
sínum
Gylfi Kristjánsson, DV, Akureyii
„Nei, það þykir ekkert hallæris-
legt í dag að ungir strákar spili á
harmoníku en það er e.t.v.
óvenjulegt," segir Heimir Sverr-
isson, fjórtán ára harmoníkuleik-
ari á Siglufiröi.
Heimir segist hafa lært að spila
á harmoníkuna hjá afa sínum.
„Svo fór ég í Tónlistarskólann og
hef lært þar. Ég er í harmoníku-
sveit skólans og hef spilað með
henni opinberlega en ekki mikið
þar fyrir utan,“ segir Heimir en
hann lék einmitt á afmælishátíð
DV á Siglufiröi á dögunum. Um
fyrirmynd sína í harmoníku-
leiknum segir hann: „Ég held aö
Bragi Hlíðberg sé bestur hérna á
landinu og hann er mín fýrir-
mynd.“
Þau Bjarni, Rakel, Elli, Sandra og Inga Jóna, unglingar á Siglufirði, segj-
ast eiga við sama vandamál að stríða og unglingar á mörgum öðrum stöð-
um á landinu en það er að þau vantar góða aðstöðu til að hittast á og
skemmta sér. „Við viljum að bæjaryfirvöldin bæti úr þessu og skapi okkur
betri aðstöðu til að hittast og skemmta okkur því það er ekkert hægt að
gera hér í bænum á kvöldin,“ segja þessir siglfirsku unglingar.
DV-mynd gk
Einhverjum kann e.t.v. að þykja það skrýtin samsetning að Sauðkrækingarn-
ir fjórir á myndinni hafi unnið að því undanfarnar vikur aö setja niður flott-
rollsvindu í togarann Hauk frá Sandgerði í höfninni á Siglufirði. Ástæðan
er hins vegar einfaldlega sú að Sauðkrækingarnir, sem vinna hjá Vél-
smiðju Sauðárkróks, hafa unnið fyrir fyrirtækið Jón og Erling á Siglufirði
sem tók verkið að sér. DV-mynd gk