Dagblaðið Vísir - DV - 09.01.1997, Qupperneq 19

FIMMTUDAGUR 9. JANÚAR 1997
27
DV
Stórtíðindi í ensku knattspyrnunni:
- tekur Dalglish
Kevin Keegan hætti í gær sem
framkvæmdastjóri enska úrvals-
deildarliðsins Newcastle eftir fimm
ára starf hjá félaginu. Keegan átti
fund með stjórn félagsins í gær-
morgun og þar lýsti hann þvi yfir að
hann vildi láta af störfum í lok
tímabilsins en niðurstaða fundarins
var sú að Keegan hætti starfi sínu
tafarlaust.
Ákvöröun mín og engra ann-
arra
„Þetta var ákvörðun mín og
engra annarra. Ég nefhdi það eftir
siðasta tímabil að hætta starfi mínu
en stjómin sannfærði mig um að
halda áfram. Ég er þeirrar skoðunar
að ég hafi farið eins langt með liðið
og ég gat og því best að hætta,“
sagði Keegan á símalínu stuðnings-
manna Newcastle í gær en hann
ætlar að leggja knattspyrnuna til
hliðar í bili að minnsta kosti.
Ekki hefur komið fram einhlít
skýring á þessari ákvörðun Keegans
nema sú að allt álagið sem fylgir því
að stýra stórliði i ensku úrvalsdeild-
inni hafi orðið honum um megn.
Keypti leikmenn fyrir 6 millj-
arða
Keegan tók við liðinu í erfiðri
stöðu í 2. deild í febrúarmánuði árið
1992 og tókst að bjarga liðinu frá
falli í 3. deild.
Ári siðan vann Newcastle sér
sæti i deild hinna bestu og hann
ásamt Sir John Hall, forseta félags-
ins, setti sér það markmið að koma
liðinu í fremstu röð.
Ekkert var til sparað í þeim til-
gangi að gera liðið að meistara í
fyrsta sinn síðan 1927 og keyptir
vom leikmenn fyrir 6 milljarða. Til
að setja punktinn yfir i-ið var Alan
Shearer keyptur frá Blackburn fyrir
1,5 milljarða króna fyrir þessa leik-
tíð og með hann innanborðs ætlaði
Keegan að gera Newcastle að meist-
urum. Newcastle var með vænlega
stöðu á síðasta keppnistimabili en
missti Manchester Únited fram úr
við Newcastle?
sér á lokasprettinum.
Newcastle hefur verið í toppbar-
áttunni í allan vetur og eftir magr-
an mánuð þar sem liðinu tókst ekki
að vinna sigur í 7 leikjum hefur lið-
ið unnið tvo góða sigra og er i 4.
sæti deildarinnar. Liðið er fallið út
úr deildabikarkeppninni, en mætir
Charlton aftur í 3. umferð ensku
bikarkeppninnar. Þá er liðið komið
í 8 liða úrslit í Evrópukeppninni og
því kemur þessi ákvörðun mjög á
óvart.
Terry McDermott aðstoðarfram-
kvæmdastjóri og Arthur Cox þjálf-
ari munu í sameiningu stjóma liði
Newcastle þar til nýr framkvæmda-
stjóri verður ráðinn.
Hann verður ekki auðfundinn
enda erfitt fyrir hann að feta í fót-
spor Keegans sem hefur átt miklum
vinsældum að fagna hjá leikmönn-
um og stuðningsmönnum félagsins
sem tóku fréttunum af brotthvarfi
Keegans illa.
Margir kallaðir
Nokkur nöfn hafa þegar verið
nefnd í stjórastólinn svo sem Johan
Cruyff, fyrrum þjálfari Barcelona,
Kenny Dalglish, fyrrum stjóri Liver-
pool og Blackburn, John Toshack,
þjálfari Deportivo La Coruna,
Bobby Robson, þjálfari Barcelona,
Terry McDermott, aðstoðarstjóri
Newcastle, og Peter Beardsley, leik-
maður Newcastle.
Veðbankar tippa á Dalglish
Veðbankar á Englandi fóm strax
á stúfana og samkæmt þeim eru
mestar likur á að Kenny Dalglish
setjist í stólinn, eða 4/5, en minnst-
ar að Paul Gascoigne verði stjóri,
eða 1/100.
„Kevin skilur við Newcastle í
betri stöðu nú en þegar hann byij-
aði.
Liðið sem hann hefur byggt upp
er eitt það sterkasta í Evrópu,“
sagði Douglas Hall, stjómarformað-
ur Newcastle.
-GH
Dean Holdsworth fer í leyfí
Joe Kinnear, stjóri Wimbledon, hefur ákveðið að gefa Dean Holds-
worth tímabundið leyfi en hann á í miklum erfiðleikum í einkalífmu.
Eins og kom fram í DV á mánudaginn hefur hinn 28 ára gamli
Holdsworth, sem er giftur og á tvo unga drengi, orðið uppvís að því að
halda framhjá konu sinni og þá hefur hann átt í vandræðum með áfeng-
isflöskuna samhliða þessu.
„Fjölskylda Deans er mikilvægari en fótboltinn. Þegar ég átti viö hann
orð fann ég mikinn óróa í huga hans. Hann bað mig um að fá tima til
að hugsa sinn gang og ég sagði honum að taka sér þann tíma sem hann
þyrfti enda er hann ekki beint með hugann við knattspyrnu um þessar
mundir," sagði Kinnear.
Holdsworth, sem hefur verið metinn á 500 milljónir króna, var eftir-
sóttur af stóru liðunum fyrir leiktiðina en tímabilið hefur verið honum
ansi erfitt enda hefur hann lengst af verið varamaður í vetur. -GH
Roma vill fá Redknapp
Franco Sensi, forseti ítalska 1. deildar liðsins Roma, er kominn til
Liverpool í Englandi þar sem hann ætlar að bjóða Liverpool 500 milljónir
í miövallarleikmanninn Jamie Redknapp að sögn ítalska íþróttablaðins
Gazzetta dello Sport.
Redknapp hefur lýst því yfir að hann vilji fara frá Liverpool enda
óhress með að vera ekki í byrjunarliðinu.
Það kemur einnig fram í ítalska íþróttablaðinu að Roma sé á
höttunum eftir tveimur öðrum leikmönnum, Brasilíumanninum
Emerson hjá Middlesbrough og hollenska landsliðsmanninum Edgar
Davis sem leikur með AC Milan. Roma hefur tapað síðustu tveimur
leikjum sínum og hefur dottið úr 6. sæti niður í það 11. -GH
íþróttir
Kevin Keegan fór meö lærisveina til Singapúr fyrir keppnistímabiliö. Þá lék allt í lyndi og Keegan mjög bjartsýnn á
aö gera Newcastle aö enskum meisturum í fyrsta sinn síöan 1927.