Dagblaðið Vísir - DV - 21.06.1999, Blaðsíða 2
24
MÁNUDAGUR 21. JÚNÍ 1999
Sport
DV
Hvað finnst þér?
Um gengi Eyjamanna í
fótboltanum það sem af
er sumri:
- spurt á Hólnum
1 hálfleik á leik ÍBV og KR.
Jóhann Jónsson:
Þeir hafa ekki staðið undir
væntingum en þetta er að
koma. Undirbúningur var ef til
vill of langur og menn kannski
orðnir of leiðir á þessu en ég er
viss um að þetta kemur hjá
þeim í dag.
Magnús Kristleifsson:
Þetta er að koma en sumarið
byrjaði frekar illa. Það er mjög
gott að fá Færeyinginn í liðið,
hann kemur með meiri baráttu
með sér. Ég er bjartsýnn á
framhaldið í sumar og við tök-
um þetta.
Geirrún Tómasdóttir:
(mamma Steingrims og Hjalta)
Nei, ég er ekki ánægð með þá
enn þá, en þeir eru að bæta sig.
Ég er ekki ánægð með leik-
skipulagið, vil að Steingrímur
fái meiri hjálp frammi. Færey-
ingurinn lofar þó góðu. Ég spái
2-1 og vil fá Hjalta inn á.
Árni Óðinsson:
Ég er ánægður með strákana
og vil bara að ÍBV gangi vel og
vinni leikina sina í sumar.
Borðaði samloku
og dó úr ofnæmi
Efnilegasti grindahlaupari Breta, Ross Baillie, lést á föstudag úr
bráðaofnæmi fyrir hnetum. Baillie fór ásamt félaga sínum á veitingastað
eftir æfingu og pantaði sér samloku. í samlokunni var kjúklingur,
hjúpaður með hnetum, og strax eftir einn bita hné Baillie niður. Hann
var fluttur í skyndi á sjúkrahús en lést þar skömmu síðar.
Baillie var af öllum talinn arftaki Colins Jacksons, eins besta
grindahlaupara heims í gegnum árin en hann var aðeins 21 árs. Talið er
að 1 af hveijum 200 séu með ofnæmi fyrir hnetum en árlega verða
nokkur dauðsföll vegna ofnæmisins. -SK
Þrír sáu rauða spjaldið
og 14 voru bókaðir
Hann var sögulegur úrslitaleikurinn í bikarkeppninni í Portúgal um
helgina. Þar áttust við Beira Mar og Campomaiorense og þótti viðureign-
in hörð í meira lagi. Þrír leikmenn Beira fengu að líta rauða spjaldið og
fjórtán voru bókaðir. Þrátt fyrir leikmannamissinn fór Beira Mar með
sigur af hólmi, 1-0, og tryggði sér bikarmeistaratitilinn í fyrsta sinn í
sögu félagsins. Ricardo Sousa, sonur þjálfarans, skoraði eina markið á
71. mínútu.
Tímabilið var því bæði gleði og sorg fyrir félagið því Beira Mar varð
að bíta í það súra epli að falla niður um deild fyrir nokkru.
-JKS
midagsyi
Jón Arnar hefur unnið til margra verðlauna á ferlinum en líklega verða þau ekki mörg í sumar.
Tímabilið kann að vera búið hjá Jóni Arnari Magnússyni
Það eru ekki alltaf
hamingjustundirnar
skera þetta strax en ég tók þá
Jón Arnar Magnússon tugþraut-
armaður glímir nú við erfið meiðsli
á hné. Útlitið er ekki allt of gott en
í byrjun næsta mánaðar kemur í
ljós hvort hann þarf að fara í upp-
skurð. Jón hyggur þá á keppni í
tugþraut í Svíþjóð. Þar verður
markmiöið að komast í gegnum
þrautina og eftir hana mun hann
meta aðstæður.
Jón Arnar er fremsti íþróttamað-
ur íslendinga í dag. Hann stundar
erfiðustu íþróttagreinina þar sem
kraftur, snerpa og gríðarleg tækni
þarf að fara saman. Hann hefur ver-
ið í allra fremstu röð í heiminum en
lifir nú erfiða tíma.
„í dag snýst þetta um sjúkraþjálf-
un. Ég lenti í því að brjóta stöng sl.
vetur og brotið slóst harkalega í
hnéskelina á mér. Sennilega er ég
með tvískipta hnéskel og sú ytri hef-
ur gegnum tíðina orðið fyrir miklu
hnjaski. Það hefur svo gert útslagið
þegar stöngin slóst harkalega í
þetta, beint á versta stað. Ég hélt
samt áfram að æfa á fullu en í apríl
kom bakslag. Ég var siðan orðinn
góður fyrir Smáþjóðaleikana en
fann svo aftur fyrir þessu þá,“ segir
Jón og það er auðheyrt að þessi
meiðsli eru honum mikið áfall.
Ég finn mikið til
„Ég er þegar búinn að missa af
einni stórri þraut sem er inni í
Grand Prix-dæminu. Þá eru þrjár
eftir en í næstu þraut mun ég leggja
alla áherslu á að komast í gegn. Ég
er alls ekki góður í dag. Ég finn
mikiö til í þessu en er í stöðugri
sjúkraþjálfun. Læknarnir vildu
ákvörðun að fara í sjúkraþ]álfun-
ina,“ segir Jón Arnar.
Jón situr ekki auðum höndum
þessa dagana þrátt fyrir meiðslin.
Hann æfir tvisvar á dag og fer auk
þess til sjúkraþjálfara. Þess á milli
vinnur hann hörðum höndum við
að standsetja íbúð sem hann var að
kaupa í Reykjavík.
Slepp vonandi við uppskurð
„Ég er að flísaleggja eins og er og
það gengur bara vel. Vonandi þarf
ég ekki að fara í uppskurð. Ég get
æft á fullu en þetta er mjög sárt. í
versta falli gæti svo farið að tímabil-
ið væri búiö hjá mér. í Svíþjóð kem-
ur í ljós hvort ég get keyrt á þetta á
fullu. Ef þetta gefur sig verður bara
að taka því eins og hverju öðru
hundsbiti og bíta á jaxlinn. Það þýð-
ir ekkert að gefast upp.“
Veiðin er aðal áhugamálið
Þegar fijálsum íþróttum og fjöl-
skyldunni sleppir er veiöimennska
og útivera aðal áhugamálið hjá Jóni
Arnarj. 1
„Ég hef mjög gaman af skotveiði
og eins að veiða i net ef ég kemst í
' það. Ég fór nokkuð til rjúpna sl. vet-
ur en það gekk jítið. Vélsleðadónar
höfðu farið yfir svæðið með miklum
látum og eyðilagt það. Mér tókst
hins;vegar að skjóta nokkrar gæsir.
Gæsin er erfið og það getur verið
mjög spennandi að veiða hana,“
sagði Jón Arnar Magnússon.
-SK