Dagblaðið Vísir - DV - 12.07.1999, Blaðsíða 8
26
MÁNUDAGUR 12. JÚLÍ 1999
A
3
Sport
Kvennalandslið íslands ítugþraut unglinga.
Stúlkurnar í efri röð eru Anna Margrét Ólafs-
dóttir og Sigurlaug Níelsdóttir. Fyrir neðan
frá vinstri: Sigrún Dögg Þórðardóttir, Hilda
Guðný Svavarsdóttir, Agústa Tryggvadóttir
og Lilja Grétarsdóttir.
Norðurlandamót í fjölþraut unglinga haldið í Kaplakrika:
Heimavöllur
gaf keppendum byr undir báða vængi og margir bættu sig
Norðurlandamót 1 fjölþraut ung-
linga var haldið í Kaplakrika um
síðustu helgi. Þetta er í fyrsta skipt-
ið sem mótið er haldið hér á landi.
Það var því mikill heiður fyrir FH-
inga að fá að halda slíkt mót og sýn-
ir hve stórkostlega aðstöðu þeir
hafa hér á landi.
Finnar með flest gull
Svíar unnu til flestra verðlauna-
peninga á mótinu, afls niu talsins,
Finnar voru með átta og Danir með
þrjá. Finnar unnu þó til flestra gull-
verðlauna eða alls fjögurra af átta
mögulegum. íslendingar komust
ekki á pafl á mótinu en þrátt fyrir
það voru margir þeirra að bæta sig
og setja persónuleg met. Bestum ár-
angri íslensku keppendanna náði
Jónas Hallgrímsson en hann hafn-
aði í fjórða sæti í flokki 17-18 ára er
hann krækti í 5917 stig í tugþraut.
Bjartasta von íslands á mótinu, Sig-
urður Karlsson, hafnaði í flmmta
sæti í flokki 19-20 ára með 6508 stig.
Umsjón
íris B. Eysteinsdóttir
íslenskum unglingum fer stöðugt
fram í frjálsum og má þar þakka
góðri aðstöðu og bættri þjálfun.
Jón Arnar á unglingametið
„Jón Amar á unglingametið og
Sigurður Karlsson er að berjast við
það. Ég tel hann vera besta íslend-
inginn á þessu móti. Keppendumir
era annars flestir að bæta sig, bæði
hjá okkur og þeim, og það stendur
verulega upp úr,“ sagði Sigurður
Haraldsson úr mótanefnd.
Góður árangur í sólinni
„Mótið gengur mjög vel og kepp-
endurnir eru mjög ánægðir með
framkvæmdina og eru að ná frábær-
um árangri í þessu veðri,“ sagði Sig-
urður jafnframt.
Á mótinu skein sólin skært og
keppendur leituðu í forsælu milli
greina til að hitna ekki of mikið. Ár-
angurinn varð þar af leiðandi mjög
góður og taldi Sigurður að sjaldan
hafi náðst svona góður árangur á Is-
landi tvo daga í röð.
FH-ingar mega vera stoltir af
frábærri framkvæmd þessa móts og
eiga hrós skflið fyrir að lyfta
frjálsum íþróttum á hærri stall á
Islandi.
Karlalandslið íslands í fjölþraut sem keppti á Norðurlandamótinu í
Kaplakrika um síðustu helgi. Efri röð frá vinstri: Jónas Hlynur Hailgrímsson,
Sigurbjörn Guðjónsson og Sigurður Karlsson. Neðri röð frá vinstri: Ólafur
• Dan Jóhannsson og Rafn Árnason. Á myndina vantar Örvar Ólafsson.
Finnar stóðu sig vel á Norðurlandamótinu i fjölþraut og hér er hluti af liði
þeirra. Frá vinstri: Vennuna Halkoaho, Niina Kelo, Laura Pihkola og
Sanna Saarman.
Finnar ná góöum árangri á stórmótum:
Góðir þjálfarar
Finnsku keppendumir vöktu
sérstaka athygli á Norðurlanda-
mótinu fyrir frábæran árangur en
þeir áttu 8 keppendur í
verðlaunasætum á mótinu.
Sanna Saarman sigraði í sínum
aldursflokki í sjöþraut en hún er
18 ára gömul og náði sér í 5257 stig.
„Ég er í fyrsta sæti í minni
keppni og ég held að Niina sé lika
að vinna hjá sér. Það er frábært að
koma hingað á mót. ísland er fall-
egt land og það er gaman að kynn-
ast því. Grindahlaup, langstökk og
hástökk eru mínar bestu greinar,
annars finnast mér allar greinam-
ar skemmtflegar nema 800 m
hlaupið, það er hræðilegt," sagði
Sanna sem var að vonum ánægð
með sinn árangur á mótinu en hún
keppti einnig á síðasta móti sem
fram fór í Danmörku fyrir tveimur
árum og var því komin með
þónokkra keppnisreynslu.
Sanna er með á hreinu hvers
vegna Finnar ná góðum árangri á
alþjóðlegum vettvangi. „Við höfum
frábæra þjálfara, þeir kenna okkur
tæknina og styðja vel við bakið á
okkur. Við æfum rosalega mikið
líka,“ sagði Sanna sem á sér stóra
drauma. „Mig langar að komast á
stórmót og vera meðal tíu bestu í
heiminum. Annars er ég að fara á
Evrópumót unglinga í Lettlandi,"
sagði Sanna.
Flestar að
bæta sig
íslensku stúlkurnar stóðu sig
ágætlega á Norðurlandamótinu
og mættu ákveðnar til leiks.
„Málið er bara að gera sitt besta
og bæta sinn eigin árangur, og
ég held að við séum allar búnar
að því í flestum greinum," sögðu
íslensku stúlkumar.
„Það er rosalega gaman að
keppa hér á heimavelli og bjóða
útlendingunum hingað í góða
veðrið,“ sögðu þær. Þær sögðust
jafnframt hafa sagt Norðurlanda-
búunum eins og væri að veðrið
væri svo saimarlega ekki alltaf
svona gott á íslandi.
Sigurður Karlsson:
Stefnir hátt
Sigurður Karlsson var talin
bjartasta von Islands á Norður-
landamótinu. Hann hafnaði
óvænt í ööra sæti á sama móti í
fyrra og ætlaði að standa sig enn
betur í ár.
„Þetta hefur gengið svona upp
og ofan. Ég er búinn að eiga tvær
góðar greinar og bætti mig í há-
stökkinu. Annars er spjótkast
mín besta grein. Ég vonast til að
ná þriðja sætinu," sagði Sigurð-
ur sem að lokum hafnaði í
fimmta sæti sem getur ekki
talist nógu góður árangur.
„Ég stefni á að ná lágmörkum
fyrir Evrópumót unglinga í Lett-
landi í ágúst, ég á góða mögu-
leika á að ná því, mig bara vant-
ar meiri stöðugleika. Annars
stefni ég náttúrlega á ólympíu-
leikana, það er engin spuming,"
bætti Sigurður við og það verð-
ur gaman að fylgjast meö honum
í framtíðinni.