Dagblaðið Vísir - DV - 16.07.1999, Blaðsíða 8
8
FÖSTUDAGUR 16. JÚLÍ 1999
Utlönd
Stuttar fréttir i>v
Tíu þúsund
sagðir hand-
teknir í íran
Helstu stjómarandstöðusamtök
írana í útlegð, sem eru með bæki-
stöðvar í írak, fullyrtu í gær að
yflr 10 þúsund hefðu verið hand-
teknir í óeirðunum í Teheran og
öðram borgum írans undanfarna
viku. íranskir embættismenn
hafa sagt að öryggissveitir legðu
sig fram við að handtaka þá sem
taldir eru standa á bak við mót-
mælin.
I gær var eftirlit lögreglu hert í
Teheran. Lögreglan setti upp
vegatálma og bað vegfarendur um
aö sýna skilríki. Greint var frá
því í umbótasinnuðu írönsku dag-
blaði að mæður, sem hefðu beðið
fyrir utan aðalstöðvar lögreglunn-
ar í Teheran frá því að synir
þeirra hefðu verið handteknir,
hefðu hrópað af örvæntingu þegar
ekið var með synina í rútu frá
byggingunni. Kröfðust mæðumar
að fá vitneskju um hvað væri að
gerast.
íbúar í Teheran greindu frá því
að farsímakerfið hefði verið
óvirkt í gær, annan daginn í röð.
Ekki hefur fengist staðfest að yfir-
völd hafi tekið það úr sambandi.
Efnavopn
nálægt landa-
mærum Noregs
Leynileg rússnesk verksmiðja
og birgðastöð fyrir efnavopn er
aðeins í nokkurra kílómetra tjar-
lægð frá norsku landamærunum,
að því er segir í frétt norska dag-
blaðsins Verdens Gang frá því í
gær.
Birgðastöðin á að vera í ná-
grenni bæjarins Severomorsk á
Kólaskaga. ífrétt Verdens Gang
segir aö sprenging eða óhapp í
birgðastöðinni gæti leitt til gríð-
arlegs umhverfisslyss um allt
norðurheimskautssvæðið. Gætu
áhrifin fundist í allt að 250 kiló-
metra fjarlægð. Yfir 23 þúsund
Norðmenn búa á svæöinu sem
gæti orðið fyrir áhrifum slyssins.
Birgðastöðin á að hafa verið á
Kólaskaga í 15 ár.
Clinton útskýrir fyrir ísraelum:
Barak ekkert
nýtt leikfang
Þó svo að Bill Clinton Banda-
ríkjaforseti hafi sagst vera ákafur
eins og barn með nýtt leikfang fyrir
fund sinn með Ehud Barak, nýjum
forsætisráðherra ísraels, meinti
hann það ekki bókstaflega. Þegar
leiðtogarnir hittust í Washington í
gær reyndi Bandaríkjaforseti að út-
skýra hvað hann hefði átt við. Orð
hans hefðu einungis þýtt það að
hann væri ákafur að fá að hitta
Barak.
Clinton og Barak hétu því í gær
að gera allt sem í þeirra valdi stæði
til að koma friðarferlinu í Miðaust-
urlöndum af stað aftur. Barak verð-
ur í Bandaríkjunum í nokkra daga
til að ræða við ráðamenn þar.
Talsmaður bandaríska utanríkis-
ráðuneytisins, James Rubin, sagði í
gær að Bandaríkin myndu fagna ut-
anaðkomandi aöstoð við að koma á
friði í Miðausturlöndum. Hins veg-
ar drægju Bandaríkjamenn í efa að
Barak og Clinton í Washington í
gaer. Símamynd Reuter
einhver annar aðili gæti gegnt
sömu stöðu og þeir í samskiptunum
viö ísrael og Palestínumenn.
Yasser Arafat, leiðtogi Palestínu-
manna, bað í gær Martti Ahtisaari,
forseta Finnlands, um aðstoö við að
koma friðarferlinu í Miðausturlönd-
um aftur af stað. „Við biðjum Aht-
isaari að gegna sama hlutverki og
hann gerði í Kosovo þar sem hann
nýtur virðingar allra,“ sagði Arafat.
Evrópusambandið, þar sem Finnar
fara nú með formennsku, hefur árum
saman reynt að fá að miðla málum í
deilu araba og ísraela. ísraelar hafa
alltaf hafnað aðstoð sambandsins.
Arabar eru hlynntir meiri íhlutun
Evrópusambandsins, ESB.
Rubin kvaðst efast um að jafnvel
hinn hugrakkasti og metnaðarfyllsti
skriffinnur sambandsins myndi
gefa í skyn að einhverjir aðrir hefðu
sömu stöðu í samningaumleitunun-
um og Bandaríkjamenn.
Strútahlaup er vinsæl íþrótt meðal manna í bænum Oudtshoorn, sem stendur á hásléttu Suður-Afríku, skammt frá
Góðravonarhöfða. Strútarnir á bóndabænum Ostrich laða mikinn fjölda ferðamanna að á hverju ári. Þá hefur
eftirspurn eftir strútsfjöðrum vaxið mjög í ár og munu margir ætla að skreyta híbýli sín slíkum fjöðrum þegar nýtt
árþúsund gengur í garð um næstu áramót. Símamynd Reuter
Langar
í guðfræði
eða
kokkinn
Milosevic slær
frá sér og rekur
heilan þingflokk
Yfirvöld í Serbíu brugðust í
gær hart við röddum þeirra sem
hafa krafist afsagnar Milosevics,
forseta Júgóslavíu. Nýi lýðræðis-
flokkurinn, sem er í stjórnarand-
stöðu, var sviptur fimm þingsæt-
um sínum og í kjölfarið gengu
nokkrir þingmenn annarra
stjórnarandstöðuflokka út í mót-
mælaskyni. Leiðtogi Nýja lýðræö-
isflokksins, Dusan Mihajlvic, var
harðorður í garð Milosevics og
sagði forsetann með aðgerðum
sínum vera að koma á borgara-
stríði í landinu.
Á götum úti hafa andstæðingar
Milosevics unnið ötullega að söfn-
un undirskrifta gegn forsetanum.
Serbneskar lögreglusveitir hand-
tóku í gær fjóra mótmælendur í
bænum Sremska Mitrovica og í
Belgrad brutust út átök á milli
stjómarsinna og andstæðinga.
Megawati sigurvegari
Stjómarandstöðuleiðtoginn
Megawati Sukarnoputri er sigur-
vegari kosninganna
í Indónesíu. Ind-
verski lýðræðis-
flokkm-inn, flokkur
Megawati, hlaut
33,7 prósent at-
kvæða. Flokkur B.
J. Habibies forseta,
Golkarflokkurinn,
hlaut næstmest
fylgi eða 22,4 prósent. Úrslitin, sem
birt voru í gær, em ekki opinber.
Lokaniðurstaða verður birt um
miðja næstu viku.
Kínverjar varaðir við
Bandarísk yfirvöld vöruðu í
gær Kínastjóm við að beita valdi
gegn Taívan. Óháð blað í Hong
Kong skrifaði í morgun að kín-
versk yfirvöld kynnu að hertaka
eina eða tvær eyjar Taívans ef
Taívanar héldu áfram sjálfstæðis-
baráttu sinni.
Sprengja í Færeyjum
Nokkri íbúar í Vaag í Færeyj-
um þurftu í gær að rýma hús sín
þegar stór sprengja frá síðari
heimsstyrjöldinni var flutt á ör-
uggan stað. Sprengjan fannst síð-
astliðinri miðvikudag.
Bændur myrtir
Hægri sinnaðar dauöasveitir í
Kólumbíu myrtu í gær að
minnsta kosti 13 bændur og
eyðilögðu 15 heimili.
Upptök eldsins kunn
Leki í eldsneytisslöngu var rót
eldsins sem kviknaði í norska
skemmtiferðaskipinu Ragnhildi
prinsessu í síðustu viku.
Róa Falklandseyjar
Carlos Menem, forseti Argent-
inu, ætlar að verða meðal fyrstu
landa sinna
sem heimsækja
Falklandseyjar
eftir að flug-
banninu til eyj-
anna og banni
við heimsókn-
um Argentínu-
manna var
aflétt í London í
vikunni. Eyjaskeggjar vantreysta
Argentínumönnum sem gerðu
innrás á eyjarnar 1982. Yfirvöld í
Argentínu reyna nú að róa eyja-
skeggja og segja ekki hættu á
straumi argentínskra ferða-
manna.
Kaffi ógnar tedrykkju
Þótt te sé enn vinsælasti drykk-
ur Breta þá fer kaffidrykkja mjög
vaxandi. Hver Breti mun drekka
1016 tebolla og 204 kaflibolla á ári
hverju. Vinsældir kaflis jukust
um 11% á síðasta ári en tefram-
leiðendur hafa snúið vöm í sókn
með opnun te(kaffi)húsa.
Mannræningi fellur
Albanski manriræninginn sem
hélt fimm gíslum í Grikklandi í
gær féll fyrir byssukúlu
leyniskyttu. Maðurinn hafði farið
fram á vopn og peninga auk ör-
uggrar ferðar til Albaníu i skipt-
um fyrir gislana.
Sumarsnjór í Kanada
íbúar í Suður-Alberta í Kanada
skulfu úr kulda í gær þegar snjó-
aði í annað sinn í mánuðinum.
Aðeins er vitað til að tvisvar áður
í sögunni hafi snjóað á þessum
slóðum í júlí.
Rugova fagnað
Ibrahim Rugova, leiðtoga
Kosovo-Albana, var ákaft fagnað
þegar hann
sneri aftur til
Kosovo í gær.
Rugova kvaðst
bjartsýnn á
framtíð Kosovo
og sagðist
hlynntur frið-
samlegum sam-
skiptum við frelsisher Kosovo
(KLA). Þá ítrekaði Rugova að hann
væri enn forseti Kosovo og svo
yrði þar til annað kæmi á daginn.