Dagblaðið Vísir - DV - 16.07.1999, Blaðsíða 10
10
FÖSTUDAGUR 16. JÚLÍ 1999
Spurningin
Á að selja áfengi í
matvöruverslunum?
Sirrey Axelsdóttir, heimavinn-
andi: Já, það finnst mér.
Gunnar Örn Haraldsson verka-
maður: Já, mér finnst það.
Anton Rúnarsson, 10 ára: Nei, það
er bara rugl og fólk verður fuOt af
þessu.
Anna María Benediktsdóttir
nemi: Já, ég hefði ekkert á móti því.
Sólrún Dröfn Björnsdóttir nemi:
Það væri nokkuð nett.
Sigríður Konráðsdóttir kennari:
Nei, mér finnst það ekki við hæfi.
Lesendur
Einelti í heima-
vistarskóla
Foreldrar; fylgist vel með börnum ykkar, hver veit hvort þau eru lögð í ein-
elti og það gæti haft áhrif á framtíð þeirra, segir m.a. í bréfinu.
Nemandi í landsbyggðarskóla
sendi eftirfarandi pistil og getur
ekki, eðli málsins samkvæmt lát-
ið nafns síns getið:
Ég var í skóla í haust úti á lands-
byggðinni, nánar tiltekið í heima-
vistarskóla úti í sveit. Maður hélt
nú að einelti ætti sér ekki stað í
svona litlum skólum .Það var vin-
kona mín sem var lögð í einelti bara
rétt eftir að skólinn byrjaði og voru
það nokkrar stelpur sem létu hana
bara ekki í friði.
Ég og kærastan mín komumst nú
fljótt að þessu og fórum til skóla-
stjórans til að skýra honum frá
málavöxtum. En hann tók lítið sem
ekkert mark á því sem við vorum
að segja. Við fórum því næst til
áfangastjórans okkar og sögðum
honum þetta. Hann var jú aðeins
vitrari en skólastjórinn og tók mark
á okkur og þá fór allt af stað .
Hann talaði við skólastjórann
sem þá loks tók mark á þessu en
gerði samt ekkert í málinu. Það var
því ekki fyrr en viö sögðumst fara
með þetta til Barnavemdarráðs að
hann tók við sér. En hvað gerði
hann? Það eina sem hann gerði var
að tala við stelpumar sem áttu hlut
að máli í eineltinu til að segja þeim
að hætta.
Það vom haldnir skólafundir með
skólastjóranum.Hann talaði um ein-
elti en sagði að sem betur fer væri
ekkert einelti í þessum skóla. En
hvers vegna sagði hann það? Jú,
vegna þess að hann þorði ekki að
viðukenna vandamálið.
Þetta verður að breytast. Ég veit
fjölmörg dæmi þess að böm hafa
verið lögð í einelti án þess að nokk-
uð sé gert í því. Ég spyr einfaldlega:
Hvað er að gerast í þjóðfélaginu?
Hver ætlar að taka á þessum vanda?
Mér finnst að í Kennaraháskólan-
um eigi að vera sér áfangi í leið-
beiningum sem fjalla um einelti.
Ég hef séö það núna undanfarin
ár að einelti hefur aukist ár frá ári.
Því er það mitt álit að nú eigi að
taka á þessum vanda fyrir alvöru.
Að lokum vil ég tala til foreldra og
segi: Fylgist vel með börnum ykkar,
hver veit hvort þau era lögð í ein-
elti? Það gæti haft áhrif á framtíð
þeirra því þori þau ekki að segja frá
því og skólinn þorir ekki að viðu-
kenna einelti þá er voðinn vís.
Furðulegar lofgreinar
Sigurður Guðmundsson hringdi:
Ég hef látið það ógert í nokkurn
tíma að svara þeim lesendabréfum
sem birtust hér á lesendasíðunni
um innri og ytri mann fréttamanns-
ins Gísla Mcnteins Baldurssonar.
Mér fannst hins vegar keyra svo úr
hófi fram að ég ákvað loks að
hringja inn nokkrar setningar.
Oflof er háð, sagði maðurinn. -
Vonandi hefur sá, sem lagði það á
sig aö skrifa lofgreinar um þennan
fréttamann ekki haft í huga að hæð-
ast að honum en greinarnar eru
hins vegar settar saman með þeim
hætti að það hvarflar sterklega að
manni. Og skyldi ég vera eini mað-
urinn sem það hugsaði við að lesa
lofstubbanna (með mynd af frétta-
manninum brosandi) að þeir væru
skrifaðir af sama og eina mannin-
um. Líklega ekki.
Það var hverjum skyni gæddum
manni ljóst að öll lofrullan hefur
verið skrifuð af vini fréttamannsins
til að hefja hann til æðstu metorða.
Og greinin hafði greinlega áhrif því
yfirmenn fréttastofu Sjónvarpsins
létu til leiðast og ungi fréttamaður-
inn las aðalfréttatíma Sjónvarps
nokkrum dögum síðar óstuddur og
ömggur.
Menn eiga að vinna fyrir því
sjálfir að ná árangri en ekki láta
aðra gera það fyrir sig með þeim
hætti sem um ræðir í þessu tilfelli.
Þannig og aðeins þannig uppskera
menn skv. því sem þeir sá og ætli
fréttamaðurinn sé ekki sammála
þeirri kenningu? Annað mál er svo
með ráðningu þessa fréttamanns
inn á fréttastofuna en það virðist
hafa borið einkennilega að. - Hefur
enginn áhuga að rannsaka hvemig
því var háttað?
Fagmennirnir og fólkið
í Grjótaþorpinu
Þráinn Bertelsson sendi inn
þennan pistil:
í frétt í DV i gær stendur: „Fólk
ætti ekki að flytja
í Grjótaþorpið ef
þaö þolir ekki
hljóm bæjarins -
segir þekktur
landslagsarkitekt
„Fólk verður að
gera sér grein
fyrir að það er í
hringiðunni þeg-
ar það kýs að búa í miðbænum.
Ákveðinn hávaði er innbyggður í
miðbæjarhverfi og fólk sem ekki
þolir slíkan hávaða ætti að flytja og
búa annars staðar,“ segir Reynir
Vilhjálmsson landslagsarkitekt um
árvissar kvartanir íbúa í Grjóta-
ÍUilg^fiM[ö)Æ\ þ|ónustav
allan sólarliringinn
fd
— eða hringið í síma
550 5000
milli kl. 14 og 16
„Málið snýst um að Lögreglusamþykkt Reykjavíkur gildi í Grjótaþorpinu
eins og annars staðar í Reykjavík," segir Þráinn um meinta tilraun forseta
borgarstjórnar til að flæma íbúa svæðisins burt.
þorpinu í Reykjavík um hávaða frá
tívolíinu við Reykjavíkurhöfn og
samkomustöðum í nágrenninu."
Þama er á ferðinni einhver mis-
skilningur hjá DV og landslagsarki-
tektinum. Fólkið sem býr í Grjóta-
þorpinu býr þar vegna þess að því
líkar vel að búa í hringiðu borgar-
lífsins. Hins vegar er Grjótaþorpið
íbúðabyggð og hver heilvita maður
sér að ekki er hægt að spila raf-
magnsmúsík inni í ibúðahverfi all-
ar nætur. Málið snýst um að Lög-
reglusamþykkt Reykjavíkur gildi í
Grjótaþorpinu eins og annars stað-
ar í Reykjavík. Helgi Hjörvar, for-
seti borgarstjómar, virðist hins veg-
ar staðráðinn í aö flæma íbúa
Grjótaþorps í burt og það getur vel
verið að honum takist það.
Svo bið ég að heilsa blaðamcmnin-
um sem skrifaði heila frétt og yfirs-
ást kjami málsins og landslagsarki-
tektinum sem ráölagði okkur héma
í Grjótaþorpinu að flytja burt án
þess að kýnna sér um hvað málið
snerist. Þetta em greinilega góðir
fagmenn, hvor á sínu sviði!
Fríhafnir
leggjast af
Reynir Jónsson skrifar:
Það er komið að endalokum frí-
hafnarverslunar í flestum löndum,
svo og á ferjum og annars staðar
þar sem tíðkuð hefur verið toll-
frjáls verslun á síðustu áratugum.
Þetta verður líka staðreyndin í
Flugstöð Leifs Eiríkssonar á Kefla-
víkurflugvelli. Þvi fyrr sem við
leggjum niður fríhafnarviðskipti í
flugstöðinni því betra. Verslun i
landinu líður talsvert fyrir þessa
sýndartilraun að bjóða væntanleg-
um farþegum héðan ódýrar vörur.
Sannleikurinn er sá að flestar vör-
ur í Leifsstöð em jafndýrar, og þó
oftar ívið dýrari en í verslunum í
Reykjavík eða annars staðar á
landinu. Hálsbindi, skyrtur,
myndavélar, vasasegulbönd; allt er
þetta á uppsprengdu verði í Kefla-
vík. Látmn ekki blekkjast af frí-
verslun lengur.
Glannaakstur
og dauðaslys
Kristinn Sigurðsson skrifar:
Telja má ömggt að flest dauða-
slys megi rekja til glannaaksturs.
Það er ekið of hratt og kæruleysið
er í fyrirrúmi. Ég spyr sjálfan mig
oft: Hvers konar refsingu fær mað-
ur sem ekur á unga stúlku á gang-
braut og hún hlýtur bana af? Að
missa ökuskírteinið í einn eða tvo
mánuði er að sjálfsögðu engin refs-
ing. Nýlega las ég frétt um dauöa-
slys i Bandaríkjunum af völdum
ökumanns. Ökumaðurinn fékk 30
ára fangelsisdóm. Þannig eru refs-
ingar misþungar eftir löndum. Það
ætti þó að vera regla að slíkir öku-
menn missi ökuskírteini ævilangt
þótt þeir sleppi við fangelsi. Ör-
uggt mál er að hér eru refsingar af
þessu tagi allt of vægar.
Komið hrfm-
kalt haust
Agnar hringdi:
Þegar ég kom út í morgun (mið-
vikudagsmorguninn 14. júlí) fann
ég strax að haustið er komið. Það er
fokið af reynitrjánum alit fræið, og
jafnvel blöðin líka, og það andar
köldu frá sæþoku einhvers staðar
norður í hafi - ábyggilega ekki
langt frá landi. Og það er aðeins 14.
júlí. Hvað verður siðar? Það er
ábyggilega ekki rangt sem vísinda-
menn hafa verið að segja, að það
fari snarkólnandi hér á norður-
hveli. Fáir vilja trúa, og allra síst
við íslendingar sem aldrei trúum
neinu fyrr en skellur í tönnum.
Fólk flykkist líka til sólarlanda sem
aldrei fyrr, öll bílastæði fyrir einka-
bíla eru yfirfull fyrir utan Leifsstöð
og uppi á grasbölum í kring. - En
við skulum ekki búast við neinu
sem heitir sumar héðan af.
Skipulagsmál í Reykjavík:
Stórkostleg
óreiða
Sigurður skrifar:
Ekki er ein báran stök í okkar
annars ágætu höfuðborg hvað
varðar skipulags- og byggingar-
mál. Fyrst er að telja vandræðin
með stórhýsi á Laugavegi og eng-
inn veit hvernig þeim málum lykt-
ar. - Næst er að minnast á Barna-
spítala Hringsins við Hringbraut
þar sem allt svæðið er eins og flak-
andi sár. Furðulegt að ætla að
reisa enn eitt stórhýsiö á þeirri
lóð, þar sem ófremdarástand er
þar í bílastæðamálum. Auðvitað
hefði átt að reisa spítalann í Foss-
vogi þar sem nóg jarðnæði er. -
Eða þá öll uppákoman undir
verndarvæng embættismanna
borgarinnar varðandi lóðina við
Lækjargötu þar sem Nýja bíó stóð.
Þar er þó aðeins um að ræða topp-
inn á isjakanum. - Og loks verður
að nefna Reykjavíkurflugvöll þar
sem alls konar aðilar skipuleggja
og leggja til að fylla upp í Skerja-
Qörð sem myndi kosta tugi millj-
arða króna. Þótt nokkurt góðæri
sé í landinu nú er óþarfi að moka
fjármununum í sjóinn.