Dagblaðið Vísir - DV - 16.08.1999, Qupperneq 12

12
MÁNUDAGUR 16. ÁGÚST 1999
Spurningin
Hver finnst þér vera besti
skemmtikraftur íslands?
Dögg Kristjánsdóttir stuðnings-
fulltrúi: Fóstbræður.
Kristján Kristjánsson sjómaður:
Sveinn Waage.
Viktoría Hermannsdóttir, 12 ára:
Jón Gnarr og Helga Braga.
Anna Kristín Pálsdóttir, 12 ára:
Helga Braga Jónsdóttir.
Eva Björk Helgadóttir, 12 ára:
Helga Braga og Jón Gnarr eru best.
Lesendur
Um borgarstjórn Reykjavíkur:
Ekki stefna mannúð-
ar og vinstristefnu
Hvað með Laugardalinn, borgarstjóri, er það mannvænlegt að hirða eina al-
mennilega græna svæðlð af fjölskyldufólki, börnum og eldra fólki? spyr
Adda m.a. í bréfinu. - Framkvæmdir í Laugardalnum.
Adda G. Sigurjónsdóttir skrifar:
Ég bý í Kópavogi og kaus þar en
hefði kosið R-listann hefði ég verið í
Reykjavík. Þess vegna er ég undr-
andi yfir starfsaðferðum R-listans
sem þó kennir sig við vinstristefnu
mannúðar og umhverfis. Ef litið er
á það sem af er þessu kjörtímabili
vakna ýmsar spurningar.
1. Hvað með deiluna við kennar-
ana? Er það ekki baráttumál okkar,
vinstrimanna, að styðja við mennt-
un í landinu? Ingibjörg Sólrún borg-
arstjóri ætlaði samt að þrjóskast við
gegn launahækkun til þeirrar stétt-
ar sem nánast elur upp bömin okk-
ar.
2. Hvað með þá staðreynd að
klámbúllur skuli leyfðar í borginni?
Maður skyldi ætla að vinstri borg-
arstjóm væri skynsamari en svo að
leyfa þennan rekstur. Ég hefði frek-
ar trúað því að Félag ungra sjálf-
stæðismanna myndi beita sér fyrir
strípibúllum, vændi og eiturlyfjum
(þeir segjast hrifnir af þvi).
3. Af hverju beitir borgarstjóm
Reykjavíkur sér ekki tyrir því að
færa Reykjavíkurflugvöll út fyrir
borgina? Er einhver skynsemi í því
að hafa endalausan flugvélagný inni
í borginni? Fyrir utan hættuna sem
af því stafar. Finnst borgarstjóra
það vera umhverfisvænt?
4. Hvað átti það að þýða að
hækka strætófargjöldin? Þetta bitn-
ar auðvitað mest á bamafólki og
eldri borgurum sem hafa ávallt ver-
ið framarlega í baráttu vinstri-
flokka.
5. Og hvað með Laugardalinn,
borgarstjóri? Er það mannvænlegt
að hiröa eina ahnennilega græna
svæðið af fjölskyldufólki, bömum
og eldra fólki? Finnst borgarstjóra
bara vera allt í lagi að leyfa Lands-
símanum og Jóni Ólafssyni að
byggja stórhýsi úr gleri og stáli á
eina unaðsreit Reykvíkinga? Er
ekki allt í lagi með borgarstjórann?
Satt að segja finnst mér ekkert
óeölilegt þótt fólk sé alveg brjálað
yfir þessu og get ekki séð neitt líkt
með því að stöðva-borgarvöxtinn-
garðinn-klisju og því að fólk vill
halda í almenningsgarðinn sinn -
allan. Mér finnst starfsaðferðir R-
listans minna um of á það sem Sjálf-
stæðisflokknum væri helst trúandi
til að gera. Þeir em þó heiðarlegri,
lofa ekki að starfa á grundvelli jafn-
réttis og félagshyggju og svíkja það
svo. - Er ekki bara sami rassinn
undir ykkur öllum þegar í stólinn
er komið, sama hvað þið heitið?
Reykvíkingar muna þetta sjálfsagt í
mari 2001.
Vika í l'rfi athafnamanns
Ingibjörg Kristjánsdóttir skrifar:
Á einni viku eða svo hefur Jón
Ólafsson, kenndur við plötubúðina
Skífuna, komið víða við í fjölmiðl-
um. -
1. Hann fékk lán i banka í fyrra
og keypti land í Garöabæ fyrir 700
milljónir. Nú vill hann úthluta lóö-
um í landinu og græða á því. Bæjar-
yfirvöld höfðu aftur á móti skipu-
lagt byggingarland í öðmm enda
bæjarins og þar verður byggt næstu
3 árin.
2. Svo virðist sem nefndur Jón
hafi keypt fjórðungshlut í Fjárfest-
ingarbanka atvinnulífsins og allt
skelfur þar og víðar í fiármálakerf-
inu. Menn virðast ekki æskja þess
að maðurinn komist þar til áhrifa.
Hlutabréfin lækka og ríkisstjórnin
skoðar mótleik í stöðunni.
3. Borgarstjórinn í Reykjavík
verður að greiða kosningaskuld R-
listans sem hann er sagður skulda
Jóni og dugar þá ekkert minna en
land i Laugardal undir bíó og
skemmtihús. Kannanir sýna yfir-
gnæfandi meirihluta mótfallinn
þessum áformum Jóns og borgar-
stjórans.
4. Samkvæmt umfiöllun um
skattamál mannsins hefur hann 79
þús. kr. á mánuði. - Ég hélt að hann
vildi vera maður meö mönnum,
eins og t.d. forstjóri Eimskips og
fleiri sem eru með himinhá laun, en
borga að sama skapi stórar upphæð-
ir til samfélagsins. Við hljótum því
að borga fyrir hann vegna skóla-
kerfis, heilbrigðisþjónustu og annað
sem sameiginlegir sjóðir okkar sjá
um. Er þetta allt eðlilegur gangur?
Sólmyrkvi á jörðu niðri
- ófullnægjandi skil í sjónvarpsfréttum hér
Lárus Guðmundsson skrifar:
Fjölmiðlamenn tala stundum um
„gúrkutíð" þegar lítið er í fréttum.
Undanfarið hefur þó glaðnað til í
þeim efnum. Sólmyrkvann bar t.d.
að og uppi varð fótur og fit hjá þeim
vildu horfa á myrkvann í gegnum
sérstök gleraugu eða dökkan papp-
ír. Menn góndu til himins og ís-
lenskir fiölmiðlar hafa verið að
birta myndir af fólki sem skyggnd-
ist um og höfðu eftir ummæli þess.
- Sjónvarpsstöðvarnar hér gerðu
þessu þó ekki nægilega góð skil,
a.m.k. ekki þegar þetta er ritað.
Þrátt fyrir frábæra aöstöðu sjón-
varpsstöðvanna íslensku til að fá er-
lendar myndir frá atburðinum og
hvemig hann verkaði á jörðu niðri
var það ekki sýnt hér. - Tugir
mynda voru hins vegar birtir af
[LJ§[I*Æ\ þjónusta
allan sólarKringi*§0&«á
Lesendur geta sent mynd af
sér með bréfum sínum sem
birt verða á lesendasíðu
„Vildi fá að sjá hvernig jörðin og umhverfið breyttist um
miðjan dag og viðbrögð fólksins," segir bréfritari. - Fólk
í miðjum sólmyrkva í Devon-héraði á Englandi.
fólki að horfa á sólmyrkvann og af
sólinni þegar hún myrkvaðist að
hluta til eða nærri alveg eins og
gerðist víða um heim.
En það var á sjónvarpsstöðinni
Sky News, sem menn hafa þó ekki
almennt aðgang að hér á landi, sem
sjá mátti hvemig þetta var á jörðu
niðri, hvemig mnhorfs var á jörð-
inni og viðbrögð fólksins við því
þegar skugginn
féll á jörðina
um tæplega
tveggja mín-
útna skeið og
þegar aftur
birti til.
Þetta fannst
mér athyglis-
verðast við alla
þessa frétt - að
sjá hvernig
jörðin og um-
hverfið breytt-
ist um miðjan
dag og að sjá
viðbrögð fólks-
ins. Hitt, að sjá
sólina sjálfa
hverfa að hluta,
var ofgert því
það er ekki há-
punkturinn í
málinu, að mínu mati - aðeins hitt
hvernig fólkinu verður við þegar at-
burðurinn skeður, hvemig atburður-
inn lýsir sér hér neðra. Sólin er jú líf-
ið og ljósið sem heldur öllu gangandi
hjá okkur. Það var því fróðlegt að sjá
hvemig umhverfið breyttist og við-
brögöin við því þegar þetta ljós
slokknar næstum alveg. - Og hefði
getað orðið að fullu segja svo sumir.
Samfylkingin
verði jafnaðar-
mannaflokkur
Gísli Glslason skrifar:
Ég er einn þeirra sem hafa mik-
ið hugsað um hvemig hinni nýju
hreyfingu, Samfylkingunni, muni
vegna til lengdar. Ég hef ávallt kos-
ið Alþýöuflokkinn þótt ég hafi
aldrei verið flokksbundinn, ég var
og er fylgjandi uppstokkun A-
flokkanna beggja. En mér finnst
ekki hafa tekist nógu vel til þegar
á allt er litið. Ég held að aldrei
verði friður innan Samfylkingar-
innar eins og hún er samansett,
jafnvel undir einhveiju nýju heiti.
Ég tel rétt að þeir sem eru miklir
vinstrimenn í Samfylkingunni nú-
verandi fari í flokk Steingríms J.
og hinir sem em fyrrverandi al-
þýðuflokksmenn verði þá eftir og
sameinist um að breyta Samfylk-
ingunni í jafnaðarmannaflokk með
nýrri forystu, t.d. Jóhönnu og Guð-
mundi Árna sem formanni og
varaformanni. Það gengur aldrei
upp, þetta með samkrullið við fyrr-
verandi alþýðubandalagsmenn.
Taka verður á
skattamálunum
Einar Sigurjónsson hringdi:
Það sem maður er að lesa um
núna varöandi hina lágu skatta at-
hafnamanna sem vitað er að eiga
eignir upp á tugi eða hundmð
milljóna er hneyksli gagnvart öll-
um almenningi. Það er líka
hneyksli gagnvart stjórnvöldum og
sýnir að þau hafa tilhneigingu til
að láta þessa ósvinnu dankast von
úr viti. Það era alls kyns „skatta-
skjól“ sem tröllríða þjóðfélaginu
og sem óprúttnir aðilar, bæði ein-
staklingar og fyrirtæki, notfæra
sér óspart. Það er óréttiátur sjó-
mannaafsláttur, það era stóreigna-
menn sem ekki greiða eignaskatt,
og það em hátekjumenn sem ekki
greiða tekjuskatt þótt tekjur og
eignir fari ekki alltaf saman
skattalega séð. En nú verða fiár-
málaráðherra eða stjórnvöld í
heild að taka á skattamálunum.
Maarud-flögur
fyrir hross!
Þór skrifar:
Það voru þá bara Maarud-flögur
sem við íslendingar áttum að fá
ódýrari í stað afnáms hrossatoll-
anna! Er ekki verið að grínast með
okkur íslendinga í sambandi við
þessi mál um afnám tolla af ís-
lenskum hrossum og að í staðinn
fáum við ódýrar kartöfluflögur?
Ég er ekki undrandi þótt einhverj-
ar þjóöir í nágrenni við okkur
hlæi sig máttlausar að þessu bar-
dúsi með íslenska hestinn sem á
að vera besti hestur í heimi og eft-
irsóttur um allar jarðir, að menn
skuli þá ekki bara kaupa hann á
hvaða verði sem er. Forseti okkar
hefur lýst hestinn næstmikil-
vægastan fyrir íslendinga á eftir
stóriðju. Og hvað er þá verið að
jafna hrossatollum við kartöflu-
flögur. - Ég næ bara ekki sam-
henginu.
Óttast rússnesku
mafíuna hér
Sigvaldi hringdi:
Ég var að lesa leiðara DV rétt
áðan (fimmtud. 12. ágúst) um
ringulreiðina í Rússlandi. - Þetta
er að verða hræðilegt ástand í
þessu fyrrverandi heimsveldi (var
nú kannski aldrei eins burðugt og
af var látiö). Maður sér á ferðalög-
um til Spánar að þar em hópar
rússneskra fiölskyldna sem eru að
koma sér vel fyrir í litiu stfand-
bæjunum og kaupa jafnvel upp
heilu hverfin og bátahafnir með.
Þetta er sagt fyrrum sovétvalda-
fólk sem komst með fiármuni úr
landi, oft nefnt rússneska mafian.
Ég óttast að eitthvað af þessum
mönnum kunni að hasla sér völl
hér á landi og hafi kannski gert
það í gegnum fávísa landa okkar.
En ástandið í Rússlandi er sannar-
lega til að óttast, ég er sammála
ritstjóra DV um það.