Dagblaðið Vísir - DV - 25.02.2000, Blaðsíða 14

14
19
Útgáfufélag: Frjáls fjölmiðlun hf.
Stjórnarformaöur og útgáfustjóri: Svelnn R. Eyjólfsson
Framkvæmdastjóri og útgáfustjóri: Eyjólfur Svelnsson
Ritstjórar: Jónas Kristjánsson og Óli Bjórn Kárason
Aóstoóarritstjóri: Jónas Haraldsson
Auglýsíngastjóri: Páll Þorsteinsson
Ritstjórn, skrifstofur, auglýsingar, smáauglýsingar, blaðaafgreiðsla, áskrift:
Þverholti 11,105 RVÍK, SÍMI: 550 5000
Fax: Auglýsingar: 550 5727 - Ritstjórn: 550 5020 - Aðrar deildir: 550 5999
Græn númer: Auglýsingar: 800 5550. Áskrift: 800 5777
Stafræn útgáfa: Heimasíöa: http://www.skyrr.is/dv/
Vísir, netútgáfa Frjálsrar fjölmiðlunar: http://www.visir.is
Ritstjórn: dvritst@ff.is - Auglýsingar: auglysingar@ff.is. - Dreifing: dvdreif@ff.is
Akureyri: Strandgata 25, sími: 462 5013, blaöam.: 462 6613, fax: 4611605
Setning og umbrot: Frjáls fjölmiölun hf.
Filmu- og plötugerð: isafoldarprensmiðja hf. Prentun: Árvakur hf.
Áskriftarverö á mánuöi 1950 kr. m. vsk. Lausasöluverö 180 kr. m. vsk., Helgarblaö 250 kr. m. vsk.
DV áskilur sér rétt til aö birta aösent efni blaðsins í stafrænu formi og í gagnabönkum án endurgjalds.
Samspil náttúru og
mannvirkja
Menningarverðlaun DV voru afhent í 22. sinn á Hótel
Holti í gær. Þau eru veitt í sjö listgreinum, bókmenntum,
tónlist, byggingarlist, leiklist, myndlist, kvikmyndagerð
og listhönnun. Menningarverðlaunin eru uppskeruhátíð
fyrir listræn afrek liðins árs, hátíð sem blaðið heldur stolt
vegna þess að vel hefur til tekist í vali verðlaunahafa allt
frá upphafi.
Dómnefndir hafa að vanda skilað erfiðu starfi með
sóma. Á liðnu ári var úr miklu að moða og verðlaunahaf-
amir sjö, sem getið er annars staðar í blaðinu, vel að við-
urkenningunni komnir. Þeim fylgja árnaðaróskir DV i
þeirri von að menningarverðlaunin verði hvatning til enn
frekari dáða. Menn ganga bjartsýnir til verka enda er
menningu gert hærra undir höfði nú en endranær. Mikið
stendur til, höfuðborgin er ein af menningarborgum Evr-
ópu í ár. Þar leggja innlendir listamenn sitt fram og von
er á góðum gestum að utan. Sú menningarveisla er nýhaf-
in og stendur út árið.
Með verkum sínum minna góðir listamenn okkur á og
leiða aðra. Verk þeirra, þegar best tekst til, em sem hug-
ljómun, næring sálarinnar. Listamennimir vekja um leið
til umhugsunar um viðkvæmt samspil manns og náttúm.
Á þessu vakti Maggi Jónsson, formaður dómnefndar í
byggingarlist, athygli í gær um leið og hann afhenti Sig-
ríði Sigþórsdóttur arkitekt verðlaun fyrir hönnun Bláa
lónsins við Svartsengi. Hið nýja lón og baðstaðir þykja
falla mjög vel að umhverfmu og mynda sterka listræna
heild. Mikilúðleg náttúra og manngert umhverfi mætast
þannig, eins og Maggi sagði í rökstuðningi dómnefndar,
að úr verður áhrifamikil samstaða óbeislaðrar náttúm og
bygginga sem mótaðar em eftir hugsaðri skipan og regl-
um.
Umgengni við náttúruna og náttúmvemd er það mál
sem einna hæst hefur borið hér á landi undanfarin miss-
eri vegna áforma um Fljótsdalsvirkjun og byggingu álvers
við Reyðaríjörð. Er skemmst að minnast áskomnar til
stjórnvalda frá um 45 þúsund íslendinum um að fram fari
umhverfismat vegna virkjunarframkvæmdanna.
Að því gefna tilefni, að vel tókst til i samspili náttúru
og mannvirkja við Svartsengi, minnti Maggi Jónsson á
það við afhendingu Menningarverðlauna DV í gær að
náttúmöflin hefðu mótað það sem við köllum ósnortna
náttúm en maðurinn hefði með vitund og hugsun mótað
manngerða hluta umhverfisins. Maðurinn er vörslumaður
náttúmnnar og því ábyrgur fyrir velferð hennar.
í ágætu ávarpi sínu benti Maggi á það að maður og nátt-
úra væm ekki eðlislægar andstæður þótt auðfundin séu
mannvirki sem skaða samræmið. Alvarlegur misskilning-
ur sé að í vitund og hugsun mannsins sé innbyggt tortím-
ingarforrit ósnortinnar náttúm.
í deilum samtimans er kallað eftir þvi að áhrif mann-
virkjagerðar á umhverfið séu metin. Þar með er ekki sagt
að þeir sem það gera leggist gegn framkvæmdum. Svo enn
sé vitnað í menningarverðlaunaávarp Magga skiptir öllu
hvemig hlutir em gerðir. Ekkert hindri að maðurinn geti
breytt náttúrulegu umhverfi til hins betra.
Með sama hætti og Menningarverðlaun DV em hvatn-
ing til listamannanna sem þau hljóta og viðurkenning á
verkum annarra sem tilnefndir vom fyrir ágæt verk vekja
þau einnig upp þarfa þjóðfélagsumræðu. Með þeim hætti
þjóna þau margþættum tilgangi og sanna tilverurétt sinn.
Þess vegna em þau langlífustu verðlaun sinnar tegundar
hér á landi.
Jónas Haraldsson
+
FÖSTUDAGUR 25. FEBRÚAR 2000_______________________________________
DV Skoðun
Besta fiskveiðikerfi í heimi?
Utanríkisráðherra og jafn-
vel forsetinn sjálfur hafa
haldið því fram að íslenska
fiskveiðistjómarkerfið sé
það besta í heimi og aðrar
þjóðir eigi að taka upp eins
kerfi. í mínum huga er verið
að reyna að segja fólki að
svart sé hvítt, og af hverju
segi ég það, vegna þess að
hvorugt af upphaflegu mark-
miðunum hefur náðst, við
höfum ekki byggt upp fisk-
stofnana eða aukið hagræð-
ingu sem hægt er að þakka
fiskveiðistjórnunarkerfinu.
Mesti ríkisstyrkurinn
Allir fiskstofnar eru verr á sig
komnir í dag heldur en þeir voru
1983, sumar tegundir í hrikalegu
ástandi eins og rækja, humar og
allur flatfiskur, sérstaklega rauð-
spretta, sandkoli og langlúra. Botn-
fisktegundir eins og ýsa, ufsi og
karfi eru í sögulegu lágmarki í út-
hlutuðum kvótum. Reyndar er
karfinn kapítuli út af fyrir sig. Grá-
lúðukvóti er í lágmarki en þó má
segja um grálúðu og ufsa að þær
tegundir má auka strax um 50% í
grálúðu og 100% í
ufsa en það er nú út-
úrdúr. Síldin náðist
ekki á þessu ári og
hefur ekki náðst síð-
ustu ár. Loðna er
stórt spumingar-
merki og hefur sjald-
an náðst allur útgef-
inn kvóti.
Það eru ekki hags-
munir þjóðarinnar að
viðhalda þessu kerfi,
það eru bara hags-
munir sægreifa og eða
kvótakónga, hvort heldur sem
fólk vill kalla þessa ríkis-
styrktu aðila sem hafa notið
þeirrar sérumhyggju stjórn-
valda að þurfa að vinna eftir
gjafakvótakerfinu. Sægreifar
hafa fengið mestan ríkisstyrk
sem sögur fara af í heiminum.
Það er ekki skrítið að erlendir
útgerðarmenn vilji gjafakvóta
þegar þeir átta sig á því hvern-
ig hlutimir hafa orðið til hjá
fyrirmyndarþjóðinni á íslandi.
Hroöalegar afleiöingar
Flotinn hefur stækkað síð-
Grétar Mar
Jónsson
forseti Farmanna- og
fískmannasambandsins
„Hrœðsluáróður sægreifa er með ólíkindum, þeir hóta að koma
með fullt af skipum inn í landhelgina. Menn mega ekki fara á
taugum þó einhverjar breytingar verði á kerfinu. “
ustu 15 ár og eyðir meira en
helmingi meiri olíu nú heldur
en hann gerði 1983, fyrir daga
gjafakvótans. Ég og fleiri höf-
um varað við þessum lögum i
17 ár, og afleiðingar þessa kerf-
is eru hroðalegar, flótti fólks af
landsbyggðinni. Leiguliðakerfi
er í algleymingi, launum sjó-
manna og fiskvinnslufólks er
haldið niðri, sjómenn taka þátt
í kvótaleigu og kvótakaupum
og inn á hráefniskaup fisk-
vinnslunnar kemur leiga á
veiðiheimildum sem gerir auð-
vitað fiskvinnslufólki erfiðara
að sækja kjarabætur til sinna
viðsemjenda.
Hræðsluáróður sægreifa er
með ólíkindum, þeir hóta að
koma með fullt af skipum inn
í landhelgina. Menn mega ekki
fara á taugum þó einhverjar
breytingar verði á kerfinu.
Eignarhaldið er versti ókostur
kerfisins. Brottkast er hroða-
legt, ca 20% að mínu mati.
Byggðaþróunin er dýrkeypt
fyrir þjóðfélagið.
Grétar Mar Jónsson
Allt í járnum í forkosningunum
Tvennt er ljóst eftir forkosningar
repúblikana í Suður-Karólínu og
Michigan: Bush hefur yfirgnæfandi
fylgi meðal flokksmanna, en McCain
höfðar til allra kjósenda. I þessu felst
að Bush er eftir sem áður líklegri til
að hljóta útnefningu, en McCain væri
líklegri til að vinna A1 Gore í kosn-
ingunum sjálfum í nóvember. Flokks-
bönd hafa riðlast mjög í Bandaríkjun-
um á seinni árum. Repúblikanar eru
miklu færri meðal kjósenda en
demókratar, en á móti kemur að þeir
eru harðari flokksmenn og kjörsókn
er meiri meðal þeirra.
1 Bandaríkjunum skrá menn sig á
kjörskrá sem flokksmenn eða óháðir,
og óháðir eru orðnir mikilvægasti
kjósendahópurinn. Styrkur McCains
felst í því að hann höfðar mjög til
óháðra, sem og íhaldssamra
demókrata, ekki ósvipað og Ronald
Reagan gerði. í kosningunum i Suö-
ur-Karólinu fékk Bush tvöfalt fleiri
atkvæði meðal flokksmanna en
McCain og það dugði til sigurs, enda
þótt óháðir hafi flykkst til McCains. í
Michigan fékk Bush aftur 68% at-
kvæða flokksmanna, en óháðir og
demókratar voru fleiri en repúblikan-
ar sjálfir og þeir tryggðu McCain sig-
ur. Þetta voru opin prófkjör, en ekki
er vafi á því að meðal flokksbundinna
repúblikana er Bush miklu sterkari
og hefur flokksvélina með sér.
Flokksvélin
Allir helstu forystumenn repúblik-
www.mccain2000.com
„Framboð McCains hefur klofið Repúblikanaflokkinn
og mun leiða til mestu uppstokkunar í honum síðan
Reagan var og hét. “
Meöogámóti
Vel að verki staðið
„Nú hefur gengið
yfir eitt versta og
lengsta hret sem
gert hefur í borg-
inni í 25 til 30 ár
og að mínu mati höfum við
gert allt sem í okkar valdi
hefur staðið til að halda göt-
um borgarinnar eins greið-
færum og kostur er. í hverfa-
bækistöðvum er einnig unnið
eins langan, og jafnvel örlítið
lengri, vinnutíma en okkar
reglur segja til um, en stöðvamar
annast hreinsun gönguleiða bifreiða-
stæöa og lóða dagheimila og skóla.
Vinnan hjá þeim sem stjóma snjó-
ruðningstækjum hefur verið
meira og minna samfelld sið-
ustu þijár vikur, þó svo að
hún sé i lágmarki frá miö-
nætti og fram til 3 til 4 á næt-
urnar. Klukkan 4 er hins veg-
ar komið út fullt lið manna á
allt að 80 snjóraðningstækj-
um og flutningabílum sem
vinna oft við mjög erfiðar að-
stæður, sérstaklega í mið-
bænum þar sem þrengsli eru
mikil. Þegar í það heila er lit-
ið tel ég því að við höfum staðið vel
að snjómokstrinum við þessar
óvenjulegu aðstæður þó alltaf megi
að sjálfsögðu gera betur.“
Sigurður
I. Skarp-
héðinsson
gatnamálastjórí.
ana hafa bundið trúss sitt
við Bush. Þar kemur til
tryggð við foður hans, en
ekki síst vinsældir hans
sem ríkisstjóra í Texas.
Strax í fyrra var Bush allt
að því viss með útnefningu,
og framboð McCains er
vægast sagt óvelkomið með-
al flokkseigenda. Nú fara í
hönd prófkjör þar sem
flokksmenn einir mega
kjósa, auk þess sem
demókratar og repúblikan-
ar halda forkosningar eða
skoðanakönnun sama daginn. Þau
prófkjör verða með allt ööram brag
en þau sem búin era, óháðir og
demókratar munu ekki geta kosið í
flestum þeirra.
Þriðjudagurinn 7. mars ræður þó
úrslitum, þegar báðir flokkar efha til
forvals í alls 16 ríkjum, og á mið-
vikudag eftir hálfan mánuð er nærri
fullvíst að frambjóðendur beggja
flokka hafi í raun verið valdir, þótt
að nafninu til gerist það ekki fyrr en
á flokksþinginu í júlí. Frambjóðend-
ur safna fulltrúum á flokksþingin í
prófkjörum, og enda þótt McCain
hafi núna fleiri fulltrúa en Bush,
breytist það þegar stærstu ríkin,
Kalifomía, New York, Texas og fleiri
velja sína fulltrúa í lokuðum kosn-
ingum 7. mars.
íhaldsstefna
Frambjóðendur hafa rifist mest
um það hvor væri sannari íhalds-
maður, stefnumál eru ekki ýkja
mikið rædd, heldur er persónuleiki
frambjóðenda það sem dregur kjós-
endur að. Þar hefur McCain vinn-
inginn. Meðal óháðra, sem era lyk-
illinn að kosningasigri í
haust, þykir Bush heldur
lítill bógur, pabbadrengur,
sem er að drukkna í pen-
ingum flokkseigenda,
óreyndur með öllu á lands-
vísu sem hefur ekki nægi-
lega sterka persónu til að
verða trúverðugur forseti.
Ekkert af þessu gildir
um McCain. Framboð hans
hefur klofið Repúblikana-
flokkinn og mun leiða til
mestu uppstokkunar í hon-
um síðan Reagan var og
hét. En það væri mikill misskilning-
ur að halda að McCain væri einhver
krati. Þvert á móti er hann einn af
römmustu íhaldsmönnum öldunga-
deildarinnar. Hins vegar hefur
hann aðrar áherslur en Bush, eink-
um vill hann minnka áhrif sérhags-
munahópa á löggjafann. Bush hefur
hið kristilega og öfluga bandalag í
suður- og suðvesturrikjunum með
sér. Þess sá stað í Suður-Karólínu.
En í mikilvægustu ríkjunum eiga
slíkir heilagsandahopparar ekki
upp á pallborðið. í Kalifomíu og
New York bendir allt til að Bush
sigri í umboði flokkseigenda i lok-
uðum kosningum. Því benda allar
líkur til þess, þrátt fyrir sigur
McCains í Michigan, að repúblikan-
ar velji frambjóðanda sem höfðar til
flokksins sjálfs, en hafni þeim fram-
bjóðanda sem væri mun sigur-
stranglegri í sjálfu forsetakjörinu.
Þetta er góð þróun fyrir Bill Clint-
on, sem getur nú gert sér vonir um
að arfleifð hans og stefna verði
tryggð í höndum A1 Gore sem næsta
forseta.
Gimnar Eyþórsson
Mjömokstur ÍReykjavík
Ryðja þarf á næturnar
r„Ég tel alveg ljóst
að ekki sé rétt
staðið að snjó-
ruðningi hér í
bænum þegar
veður era válynd eins og
þau hafa verið að undan-
fömu. Þegar óveður skellur
á seint að kvöldi er ekki
mokað eða rutt fýrr en að
morgni, sem þýðir að þeir
sem eru í miðbænum að
kvöldi verða þar stranda-
glópar. Það virðist sem þeir sem
stjóma þessum málum séu ennþá í
gamla tímanum og hugsi sem svo
að fólk hreinlega eigi ekki að vera
Guðjón
Andrésson
leigubílstjóri.
verið
fomu.
að skemmta sér niðri í bæ
og það sé næstum því sjálfu
að kenna ef veður versnar á
þessum tíma sólarhrings.
Síðan lendir það á okkur
leigubílstjórum að reyna að
koma fólkinu heim og keyra
um á óruddum götum þar
sem menn festa sig hverjir
um aðra þvera. Það hrein-
lega verður að ryðja götur á
nætumar til að ekki skapist
þetta ófremdarástand sem
hefur að skapast að undan-
-KJA
Veöurfar síöustu daga hefur leitt til þess aö óvenju snjóþungt hefur veriö í borginni. Færö hefur veriö slæm af þeim sökum og vilja sumir meina aö ekki
hafi verið rétt staðið aö snjómokstri viö þær aöstæöur sem hafa skapast.
Ummæli
Smekkur fyrir fólki
og verkefnum
„Listræn
stefna mótast af
smekk viðkom-
andi leikhús-
stjóra. Smekk
fyrir fólki og
smekk fyrir
verkefnum.
Vandinn í Borg-
arleikhúsinu er
óleystur en kemur ekki upp á yfir-
borðið nema leikhússtjórinn gangi
gegn vilja meirihluta félagsins.
Hæfileikinn til að vera leikhússtjóri
í Borgarleikhúsinu virðist fara eftir
því hversu vel leikhússtjórinn kann
að haga seglum eftir vindi.“
Hávar Sigurjónsson, í Mbl.-grein sinni.
Aðeins opið fyrir
Reyk j anesbraut
„Ég er að
sjálfsögðu reiðu-
búinn til þess að
skoða alla mögu-
leika sem upp
kunna að koma
og gætu orðið til
þess að hraða
framkvæmd en
til þess að svo
geti orðið yrði það að vera á for-
sendum opins útboðs, þannig að all-
ir eigi sama rétt og sömu möguleika
til þess að leggja sitt af mörkum svo
hraða mætti viðkomandi fram-
kvæmd. Þaö era fjölmargir verktak-
ar sem hafa áhuga á þessu verkefni
og það er vel.“
Sturla Böövarsson samgönguráðherra,
í Degi.
Tollfrjáls aðgangur
að Kanadamarkaði?
„Um þessar
mundir er verið
að reka smiðs-
höggið á samn-
inga milli Kanda
og EFTA um frí-
verslun ... EFTA
semur nú í
fyrsta skipti sið-
an í samningun-
um um EES við þjóð úr hópi iðn-
ríkja í fremstu röð ... Eftir fall
Berlinarmúrsins hefst nýtt skeið,
annars vegar með EES-samningun-
um og hins vegar gerð fríverslunar-
samninga við lönd utan ESB ...
Samningamir við Kanada marka
upphaf enn nýs áfanga, þar sem
landfræðileg nálægð ræður ekki
lengur ferðinni."
Kjartan Jóhannsson, framkv.stj. EFTA,
í Morgunblaöinu.
Er kapítalisminn að
verða vinstristefna?
Við höfum alltaf talið
kapítalismann til hægri í
pólitík og andstæðu sósíal-
isma til vinstri. Að vísu
gerðist það víða í Evrópu
eftir seinni heimsstyrjöld
að sósíaldemókratar tóku
kapítalismann í sátt, að
minnsta kosti til bráða-
birgða, og sögðu að verka-
lýðshreyfingin sæi um að
alþýða manna fengi stærri
skerf í hlutaskiptum kapít-
alismans en nokkur von
væri um að hún fengi í
annarri samfélagsgerð.
En þessi stefnubreyting krata var
tæpast skoðuð sem merki þess að
kapítalisminn hefði færst til
vinstri, heldur að kratamir heföu
færst til hægri. Allra helst leit það
þannig út hér á landi þar sem sögu-
leg sætt krata og kapítalisma varð í
Viðreisnarstjómarsamstarfi Al-
þýðuflokks og Sjálfstæðisflokks í
kringum 1960, undir efnahagspóli-
tískri stjóm Gylfa Þ. Gíslasonar. -
Slíkt hlaut að líta út sem herleiðing
Alþýðuflokksins til hægri.
Undanhald
markaðshugsunar
Því er ég að hugsa um
þetta núna að mér finnst
vera vaxandi tilhneiging á
hægri kanti stjórnmál-
anna til að hafna markað-
inum og grundvelli hans
einkaeignarréttinum.
Sum merki þess hef ég
nefnt hér í DV í vetur:
áform ríkisins um að þjóð-
nýta hálendi landsins;
ákvörðun menntamálaráð-
herra að taka óreynt en yf-
irlýst pólitískt, „borgaralegt“ út-
gáfuforlag fram yfir gömul og
traust fyrirtæki og styrkja það til
aö búa til námsbækur fyrir skóla-
kerfið.
Meðal framsóknarmanna era há-
værar raddir um að breyta fisk-
veiðiréttinum að verulegu leyti í
byggðakvóta sem hlyti að kippa
honum út af markaðnum. Ekkert
kerfi yrði þá að verki til að stuðla
að því að þeir fengju að veiða fisk-
inn sem gætu gert það á hagkvæm-
astan hátt, enda hætt við að byggða-
kvótinn yröi fljótt að pólitískum
kvóta, líkt og lánsfé var meðan
vextir voru neikvæðir.
Ekkert sýnir eins andúð sjálf-
stæðismanna á raunverulegu mark-
aðskerfi og hvernig þeir hafna því
að setja fiskveiðiréttinn á opinn
markað. í umræðum sem hafa
sprottið upp af Vatneyrardómnum
svokallaða hafa ráðherrar flokksins
talað eins og þeir hefðu ekki hug-
mynd um þann möguleika að leigja
veiðiheimfldimar hæstbjóðcmda.
Ég heyrði sjávarútvegsráðherra
rökstyðja það í útvarpsviðtali hvers
vegna Hæstiréttur hlyti að hafna
Vatneyrardómnum. Það væri nefni-
lega óhjákvæmUegt að takmarka
sóknina í fiskstofnana, og slík tak-
mörkim fæli óhjákvæmUega í sér
einhveija mismunun, gjafakvótinn
væri ekki meiri mismunun en hver
önnur. Svona getur sá einn talað
sem hefur aldrei heyrt um markað
eða telur hann óhjákvæmUega fela í
sér óþolandi mismunun. - Fyrir
nokkrum árum hefði það verið kaU-
að kommúnismi.
Gunnar Karlsson
Gunnar
Karlsson
prófessor
íhaldiö til hægri
viö kapítalismann
En hið pólitíska íhald, málsvari
forréttinda í samfélaginu, sem feU-
ur að nokkru leyti saman við Sjálf-
stæðisflokkinn, hefur í rauninni
aldrei sýnt kapítalismanum fuUan
trúnað. I upphafi Viðreisnar heföi
Gylfi Þ. sjálfsagt verið tUbúinn aö
standa að því að hrinda íslenska
landbúnaðinum út á eyðihjarn
markaðarins. Þess í stað var
Rangæingurinn Ingólfur Jónsson,
fuUtrúi landbúnaðarkjördæmis og
dæmigerður fyrirgreiðslumaður,
gerður að landbúnaðarráðherra tU
að halda landbúnaðarkerfinu
óbreyttu.
Þannig hefur ihaldið aUtaf farið
varlega í að heUa sér út í óheft og
ófyrirsjáanlegt markaðskerfi. Uppá-
haldsfyrirtæki Sjálfstæðisflokksins
hafa ævinlega verið þau sem hafa
einokun eða mjög ráðandi markaðs-
stöðu, fyrirtæki eins og Eimskip,
Flugleiðir og íslenskir aðalverktak-
ar, kannski einkum fyrirtæki sem
hafa ráðandi stöðu vegna aðgerða
ríkisvaldsins. Sjálfstæðisflokkurinn
hefur áUtaf verið mikUl ríkiseignar-
flokkur, ekki af því að hann vUji að
ríkið eigi mikið, heldur af því að
hann vUl eiga voldugt ríki.
„Meðal framsóknarmanna eru hávœrar raddir um
að breyta fiskveiðiréttinum að verulegu leyti í byggða-
kvóta sem hlyti að kippa honum út af markaðnum.
Ekkert kerfi yrði þá að verki til að stuðla að því
að þeir fengju að veiða fiskinn sem gœtu gert það
á hagkvœmastan hátt. “