Dagblaðið Vísir - DV - 24.05.2000, Blaðsíða 8

26
MIÐVKUDAGUR 24. MAÍ 2000
Samkaup í Grindavík.
Verslanakeð|an Samkaup í hörkusamkeppni á landsvísu:
- í Reykjavík. Hræðumst ekkert, segir Skúli Þ. Skúlason
DV-MYNDIR ÞÖK
Til í slaginn
Skúii Þ. Skúlason, fulltrúi framkvæmdastjóra, ásamt afgreiðslufólki Samkaupa í Keflavík. Þær Helga Sigurjónsdóttir
og Kristín Halldórsdóttir eru andlit verslunarinnar og gæta þess að afgreiöa viöskiptavini meb stakri Ijúfmennsku.
DV, REYKJANESBÆ:
„Við höfum fyrst og fremst hasl-
að okkur völl á landsbyggðinni
sem er þvert á það sem flestar aðr-
ar verslanakeðjur hafa lagt áherslu
á,“ segir Skúli Þ. Skúlason, fulltrúi
Hinum megin á landinu
Ur verslun Sparkaups í Neskaupstaö
þar sem brosandi blómarósir af-
greiöa viöskiptavini.
framkvæmdastjóra Samkaupa.
Samkaup rekur sögu sína ailt til
ársins 1946 þegar Kaupfélag Suður-
nesja var stofnað í framhaldi þess
að deild frá KRON hafði verið
starfrækt þar.
„í dag er Kaupfélag Suðumesja
eignarhaldsfélag. Árið 1998 var öll-
inn rekstrinum breytt í hlutafé-
lagaform. Það rekstrarform er
ólíkt vinsamlegra atvinnustarf-
seminni og auöveldar mönnum
vaxtarmöguleikana. Samvinnu-
formið gefur þvi miður ekki sömu
möguleika," segir Skúli.
Óhætt er að segja að kaupfélagið
á Suðumesjum hafi plumað sig því
nú eftir að KRON er löngu horfið
af sjónarsviðinu rekur Samkaup 16
verslanir um allt land og sú 17. tek-
ur til starfa á Egilsstöðum um
þessar mundir. Að auki rekur keðj-
an öfluga kjötvinnslu í Reykjanes-
bæ undir vörumerkin Kjötsel.
Verslanimar em reknar imdir
þremur merkjum; Samkaupum,
Sparkaupum og Kaskó, sem er lág-
vöruverðsverslun á borð við Bónus
og Nettó. Verslanimar eru á Suð-
umesjum, á höfuðborgarsvæðinu,
á Vestfjörðum og Austfjörðum.
„Þetta er skilgreint með þrenn-
um hætti. Samkaup er stórmark-
aðsverslun. Sparkaup er hverfis-
verslun og Kaskó er lágvöruversl-
un,“ segir Skúli.
Stoltir af Samkaup
Hann segir að Suðumesjamenn séu
gjaman stoltir af þessari verslana-
keðju sinni sem er í hópi þeirra
stærstu á landinu og veltir rúmum
þremur milljörðum krðna á ári.
„Við verðum varir við það að fólk
hér er stolt af þessu fyrirtæki sínu og
þvi að það skuli starfa um allt land.
Þá finnum við að okkar heimamenn
standa með okkur sem er til marks
um aö við höfum náð að veita ibúum
hér viðunandi þjónustu," segir Skúli.
Hagkaup hefur starfrækt verslun í
Keflavík sl. 16 ár. Nú mun samkeppn-
in enn aukast því Nóatúnsverslun
verður opnuð á næstunni auk þess að
10-11 verslun hefur verið boðuð um
áramótin. Skúli segir Samkaupsmenn
ekkert óttast þó samkeppnin aukist.
Risar og einokun
„Við höfum verið í samkeppni við
þessa aðila í hartnær áratug því okk-
ar verslunarsvæði er allt höfuðborg-
arsvæðið. Það er því ekkert nýtt fyrir
okkur að keppa um kúnnana. Því er
þó ekki að neita að okkur fmnst ugg-
vænleg þessi tilhneiging risanna til
að einoka markaðinn. Maður hefur á
tUfmningunni að þeir tali sig saman
um útþenslustefnu sína og skipti með
sér kökunni. Við höfum lítið að óttast
í því ljósi að við stöndum okkur vel í
samkeppninni. Við byrjuðum að
bjóða danskar vörur í verslununum
fýrir 10 árum. Þetta eru vörur sem
komið hafa vel út fyrir okkur og
verðkannanir sína þokkalega útkomu
okkar. Við hræðumst ekkert og þetta
er spuming um tangarsókn," segir
Skúli.
Hann segir að Samkaup muni
vissulega svara samkeppni á heima-
velli. Þar sé meðal annars horft til
þess að opna Kaskó-verslun í Reykja-
vík og blanda sér þannig í lágvöru-
slaginn við Nettó og Bónus.
„Það kemur allt greina. Við erum
með sama verð og þær keðjur. Það er
hægðarleikur fyrir okkur að fara af
stað með Kaskóverslanir þar sem það
á við. Ég hef enga trú á því að þjóðin
vilji að tveir aðilar ráði matvöru-
markaðnum. Ég er jafnframt fullviss
um að það er áfram pláss fyrir Sam-
kaup á markaðnum og við biðum
bara færis,“ segir Skúli.
Brubl í húsnæöi
Hann gagnrýnir það bruðl sem eigi
sér stað í verslunarrými á íslandi þar
sem hvert stórhýsið af öðru rísi. Hann
segir uppreiknað séu 370 fermetrar á
hverja þúsund íbúa sem sé langt um-
fram það sem gerist í nágrannalönd-
unum.
„I þeim löndum sem við berum
okkur saman við er hámarkið 50 fer-
metrar á hverja þúsund íbúa. Maður
spyr sig hvort verðlag á íslenskri mat-
vöru endurspeglist í þessu fjárfest-
ingaræði í húsnæði. Við höfum ein-
beitt okkur að því að viðhalda versl-
unum í því húsnæði sem fyrir er. Það
er ekki okkar stíll að vinna land með
því að byggja nýtt húsnæði. Það er
áríðandi að vinna með viðkomandi
samfélagi. Þar hefur okkur meðal
annars tekist vel til á fsafirði þar sem
íbúarnir hafa tekið okkur opnum
örmum. Þeir hafa haldið tryggð við
okkur þrátt fyrir að þangað hafi kom-
ið Bónusverslun," segir Skúli. -rt
Samkaup um allt land
MSSbl
V-
’ *,s, am

Samkaup: Njarðvík, Hafnarfjörður, Grindavík, ísafjörður, Reykjavík, Egilsstaöir.
Sparkaup: Keflavík, Sandgeröi, Garður, Reykjavík, Bolungarvík, Seyðisfjöröur, Neskaupstaður,
Esklfjörður, Fáskrúðsfjörður, Reyöarfjöröur.
Kaskó: Keflavík.
Kjötsel: Njarðvík. _____________
íhuga lágvörustríd
við Bónus og Nettó