Dagblaðið Vísir - DV - 14.07.2000, Blaðsíða 11

Dagblaðið Vísir - DV - 14.07.2000, Blaðsíða 11
FÖSTUDAGUR 14. JÚLÍ 2000 11 jyíjr Utlönd Hrikaleg spá um afleiðingar alnæmis í þróunarríkjunum næstu 10 ár: Allt að 30 milljónir barna munaðarlausar Rúmlega 30 milljónir bama í þró- unarríkjunum munu alast upp án annars foreldris áður en áratugur- inn er á enda að því er fram kom á ráðstefnu um alnæmi sem fram fer í Durban í Suður-Afríku. Alnæmi og aðrir faraldrar munu alls gera 44 milljónir barna að mun- aðarleysingjum í 34 ríkjum í Afríku, Asíu, Suður-Ameríku og við Karíba- hafið, að þvi er fram kom í skýrslu USATD og lögð var fram á 13. alþjóð- legu alnæmisráðstefnunni í Durban sem nú stendur yfir. Þetta er rúm- lega helmings aukning munaðar- leysingja miðað við hlutfallið und- anfarin 15 ár. Bandaríska manntalsskrifstofan segir að 15,6 milljónir barna í heim- inum undir 15 ára aldri hafi misst móður sína eða báða foreldra vegna eyðnifaraldursins eða annarra far- aldra. Styður skýrsla manntals- skrifstofunnar bandarisku skýrslu Carol Bellamy Framkvæmdastjórí UNICEF er meöal þáttakenda á ráðstefnunni um alnæmi í Durban í Suöur-Afríku. SÞ frá miðvikudeginum sem fer var- lega í sakirnar og spáir því að um 20 milljónir barna verði munaðarleys- ingjar að sama tíma liðnum. Mikið hefur verið um það rætt undanfarna daga á ráðstefnunni í Durban aö ólíkt öðrum faröldrum hverfi eyðni ekki eftir ákveðinn tíma heldur taki sinn toll hægt og bítandi og færist í aukana með hverju árinu. í Sambíu einni hefur 61 prósent barna misst annað eða báða for- eldra af völdum eyðni. í Tansaníu er hlutfallið 41%, 57,8 í Simbabve og 40 prósent í Kenýa. Sérfræðingum ráðstefnunnar hef- ur verið mikið í mun um að eyða fölskum orðrómi um að hugsanlega sé HlV-veiran ekki orsök alnæmis en eins og kunnugt er viðraði Mbeki, forseti Suður Afríku, skoð- anir sínar á því máli ekki alls fyrir löngu. Lofar Svartfellingum meiri fjárstuðningi Madeleine Albright, utanríkisráð- herra Bandaríkjanna, sem stjórnar nú friðarviðræðum ísraeLa og Palestínumanna í Camp David, hringdi þaðan í gær til forseta Svartfjallalands til að bjóða honum meira fé til að koma á lýðræði. Al- bright og forsetinn, Milo Djuka- novic, ræddu ástand mála, þar á meðal srjórnarskrárbreytinguna í Serbiu sem tryggir Slobodan Milos- evic áframhaldandi völd. Svartfell- ingar, sem eru í ríkjasambandi með Serbiu, hafa hafnað breytingunni. Forsætisráðherra Júgóslavíu, Momir Bulatovic, vísaði í gær á bug fréttum um að herinn hygöist ráðast á Svartfjallaland lýsti það yfir sjálfstæði. Sagði ráðherrann herinn ekki tengjast stjórnmálum. Madelelne Albright Ráðherrann hringdi í forseta Svartfjallalands frá Camp David ígær. Erfiöir tímar Tony Blair forsætisráðherra á í vök að verjast. Forysta Tonys Blairs minnkar um helming Forysta Verkamannaflokksins í Bretlandi yfir Ihaldsflokkinn hefur hrunið úr 19 prósentustigum í 10 síðastliðinn mánuð samkvæmt skoðanakönnun Gallup sem birt var í morgun. Verkamannaflokkurinn nýtur nú fylgis 45 prósenta kjósenda en íhaldsflokkurinn 35 prósenta. Skoðanakönnunin kemur í kjölfar erfiðra tima hjá Tony Blair, forsætisráðherra Bretlands. Fyrir fimm vikum var hann hrópaður niður er hann flutti ræðu hjá samtökum kvenna. 16 ára sonur Blairs fannst nýlega sauðdrukkinn á almannafæri, stuttu eftir að Blair hafði boðað hertar aðgerðir gegn drukknum ribböldum. Fýrsti hýri bisk- upinn í Noregí Norska ríkið skipaði á fimmtudag fyrsta samkynhneigða prestinn í embætti þrátt fyrir mótmæli bisk- upsdæmisins í Ósló. Kirkjumálaráð- herra landsins, Trond Giske, hafn- aði beiðni biskupdæmisins um að ráða ekki Jens Torstein Olsen, sam- kynhneigðan guðfræðing, sem prest yfir Majorstuen-kirkjunni í Ósló. Jens, sem er i sambúð með öðrum karlmanni, er fyrsti samkynheigði presturinn sem er formlega ráðinn til starfa hjá lúthersku kirkjunni eftir að hafa opinberað kynhneigð sina. t fyrra tilnefndu Norömenn fyrsta kvenbiskupinn þar í landi. Á flótta frá skógareldum Þúsundir hektara skóga og ræktaðs land hafa orðið skógareldum að bráð undanfarna daga í Grikklandi. Á myndinni sést ibúi í Ag Theodorí flýja eldana. Gíslarnir farnir að örvænta Andleg líðan gíslanna, sem eru í haldi múslímskra uppreisnarmanna á Filippseyjum, fer versnandi. Búast má við að einhver þeirra svipti sig lífi áður en langt um líður. Þetta kemur fram í bréfi, sem ut- anríkisráðherra Finnlands, Erkki Tuomioja, sýndi í morgun. Tuomioja hafði verið i tveggja daga heimsókn í Manila ásamt utanríkisráðherrum Þýskalands og Frakklands til að reyna aö finna lausn á gísladeilunni. Bréfið er frá Finna meðal gíslanna sem verið hafa í haldi uppreisnar- manna síðan á páskadag. Ráðherrarnir neita að greina frá smáatriðum í viðræðum sínum í Manila við aðalsamningamann Fil- ippseyja í deilunni, utanríkisráð- herra Filippseyja og forseta landsins. Filippseyingar lofa að beita ekki valdi gegn uppreisnarmönnum. Utanríklsráðherra Flnnlands Erkki Tuomioja kynnti bréf frá einum gíslanna á Filippseyjum. Notaðar vinnuvélar á kostakjörum Mikil verðlækkun Mikið úrval Ingvar Helgason hf. Véladeild - Sœvarhöfda 2 - Sími 525 8000 - Beinn sími 525 8070 Fax: 587 9577- www.ih.is - E-mail: veladeild@ih.is

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.