Dagblaðið Vísir - DV - 27.10.2000, Blaðsíða 4

iMS*
m
.»■
:

v,:-.
öáÉ»
í'-fiS

- -í

■ : ' ■■:

Haraldur kemur samræðunum af
stað: „Er það ekki bara Dollý? ...
stærsta ferðadiskótek á íslandi og
ódýrasta. Og elsta.“ „Nei,“ skýtur Jó-
hannes inn, „eitt elsta.“ „Já, ókei,“
segir Haraldur. „Þó að við séum
diskótekarar, þá erum við líka
skemmtanastjórar kvöldsins," segir
hann og Jóhannes er með á því.
„Maður tekur alveg fólkið frá A til Ö
og kemur því bara í stuð, hvað sem
raular og tautar,“ bætir hann við.
Nýtt diskóæði
Diskótekið stofnaði Jóhannes 1978,
að eigin frumkvæði. „Maður gat ekki
spilað á hljóðfæri, þannig að þá var
bara spilað á plötuspilara," segir
hann um tildrög þess. Sjálfur er hann
Gaflari og telur raunar öll diskótek
síðasta áratuginn hafa sprottið upp
úr þröngum vinahópi sínum úr Hafn-
arfirði. Frá upphafi hefur verið harð-
vítug samkeppni á milli Dollýjar
annars vegar og aðalkeppinautarins,
Dísu, hins vegar. Jóhannes þekkir
aðstandendur Dísu vel en fullyrðir að
sitt diskó sé miklu, miklu stærra. Á
þeim tima þegar Jóhannes steig sín
fyrstu skref var diskóæðið í hámarki,
og hann segir svipaða stemningu
ríkja nú, þó flestir eigi bágt með að
Jóhannes Gunnars-
son og Haraldur
Júlíusson eru plötu-
snúðar, eða eigin-
lega frekar diskó-
tekarar ferðadiskó-
teksins Dollýjar. Því
þegar Jóhannes
byrjaði í bransanum
var ekki hægt að
þjösnast á plötuspil-
urunum með klóri
og útúrsnúningum,
eins og nú tíðkast,
og það hétu ekki
allir fjórum erlendum
DJ-nöfnum sem
enduðu á Dog, en
Haraldur fékk þó
smjörþefinn af
þessu nýja æði
á frægðardögum
sínum í búrinu í
Hollywood.
koma auga á hana. „Þessi lög sem
eru í gangi, þetta er bara diskó. Eins
og Britney Spears og klæðnaðurinn
og ljósin lika.“ Sjálfur segist hann
hafa gaman af allri tónlist, en reynir
að afmá tímabilið ‘82 til ‘86 úr minn-
ingunni, það hafi verið niðurlæging-
arskeið diskótekara.
Frá vöggu til grafar
Dollý mætir með diskóið á alla
mannfagnaði þar sem þess er ósk-
að, en stærsti og eftirminnilegasti
dansleikurinn þar sem Dollý hefur
komið við sögu segir Jóhannes úti-
hátíð Stuðmanna í Húsafelli ‘87,
en þar voru um 10.000 manns.
Aldrei hefur hann þó spilað fyrir
færri en þegar Alþýðuflokkurinn
sálugi hélt skemmtun í Ártúni í
upphafi 9. áratugarins. Það mættu
hvorki meira né minna en 11
manns, rifjar hann upp. Aldurinn
skiptir þá félaga engu máli. „Mað-
ur er kannski að spila Strauss og
Örvar Kristjánsson á elliheimili á
fostudegi og Skríplana og Limp
Bizkit daginn eftir á leikskóla eða
skólaballi," segja þeir. „Við erum
að spila fyrir fólk frá vöggu til graf-
ar.“ Jóhannes telur Gypsy Kings og
Björgvin Halldórsson helst vera þá
tónlist sem gengur í alla aldurs-
hópa.
Rammstein í brúðkaupi
„Maður hefur lent í ýmsu, en það
tengist flest fullu fólki,“ segir Jó-
hannes og er tregur til sagna þegar
hann er inntur eftir skringilegum
uppákomum úr búrinu. Haraldur
minnist þess að hafa lent í heldur
pínlegu atviki. Nýgift brúðhjón
voru ekki búin að velja neitt sér-
stakt lag til að dansa fyrsta dans-
inn við og snúðurinn setti óvart á
„Please Release Me“, með Engil-
bert Humperdink. „Textinn er
„Please release me, let me go.
Because I don’t love you anymore“,
það var frekar óviðeigandi, en sem
betur fer þótti fólki þetta bara fynd-
ið,“ segir hann og hlær. Fyrir
skemmstu lenti hann í svipuðum
aðstæðum í öðru brúðkaupi. Brúð-
urin hafði látið brúðgumanum eftir
að velja fyrsta lagið og honum datt
fátt í hug. Haraldur segir mikinn
fögnuð hafa brotist út þegar komið
var að dansinum og val brúð-
gumans ómaði undir. „Du hast
mich“, í flutningi leðurhommanna
í þýsku þungarokkssveitinni
Rammstein, hafði orðið fyrir val-
inu. Jóhannes lumar líka á sögu úr
bransanum. „Einu sinni reyndi ég
að forðast að spila eitt vinsælasta
lagið á þeim tíma. Sniglarnir voru
með dansleik úti í Viðey. Mikið var
af sérstaklega stórum og stæðileg-
um karlmönnum í leðurfotum sem
fékk mig til að hugsa mig rúmlega
tvisvar um það hvort ég ætti að
þora að spila lagið. Að lokum lét ég
undan og án nokkurra eftirmála.
Lagið heitir „Hang the DJ“ eða
„Hengjum diskótekarann“og er
með Smiths.
Heimasíðan
Á heimasíðu Dollýjar,
http://www.disko.is/, má fmna all-
ar upplýsingar um fyrirtækið og
þjónustuna. Meðal efnis er frásögn af
því hvemig diskótekið hefur þurft að
sjá á eftir tveimur slagorðum í aug-
lýsingaherferðir stórfyrirtækja, „Létt
og laggott" og „Hljómar betur“, og
harðorða gagnrýni Jóhannesar á tón-
listargagnrýnendur, meðal annars
samsæriskenningu um svokölluð
prómóeintök. Sömuleiðis eru allar
upplýsingar um hvað þarf til að búa
til pottþétt teiti og til dæmis hægt að
skoða lista með vinsælustu lögum út-
skriftarárganga.
Stjörnurnar heim
Bíósjálfsalinn er opinn allan sólarhringinn hjá OLÍS Gullinbrú í
Grafarvogi, SELECT Smáranum í Kópavogi og NESTI Lækjargötu
í Hafnarfirði. Bíósjálfsalinn er einnig opinn á venjulegum afgreiðslu-
tíma hjá OLÍS Mjódd og Álfheimum og hjá NESTI Ártúnshöfða.
Bamaleikur að velja mynd - bara aö muna eftir kreditkortinu.
Aðeins 300 kr. á spólu* fyrir sólarhringsleigu! *Kynningarvera

Bíósjálfsalinn
mtmam
alltaf opinn
f Ó k U S 27. október 2000