Dagblaðið Vísir - DV - 01.12.2000, Blaðsíða 9

Stöllurnar Kristbjörg Kristjánsdóttir og Hugrún R. Hjaltadóttir kalla ekki allt afa sinn þegar kemur að jafn-
réttisbaráttu. Rær nema báðar kynjafræði, eru „meðleg“ í Bríeti, félagi ungra feminista og raka hvorki á
sér handarkrika né klof frekar en þeim sýnist. Nýlega kom út bókin Píkutorfan, í þýðingu þeírra, og sitt «
sýnist hverjum um þá ritsmíð.
„Stelpa á að geta sagt nei, ef ein-
hver kallar hana hóru fyrir að hafa
sofið hjá strák. Það er bara eitthvað
sem við finnum okkur í og menn-
ingin segir að þetta sé allt í lagi.
Fólk á íslandi í dag heldur að hér sé
jafnrétti, án þess að hugsa út í inni-
hald orðsins," segja stelpurnar þeg-
ar talið berst að inntaki Píkutorf-
unnar. „Við erum ekki að hvetja
stelpur til að safna liði gegn strák-
um, alls ekki, heldur til að setja
spurningarmerki við þær lélegu að-
stæður sem þær finna sig í.“ Og
markmiðið eru þær sammála um.
„Við vonumst til þess að þetta hafi í
fór með sér vitundarvakningu og
skapi umræðu sem breytir ein-
hverju og leyfir fólki að vera það
sjálft."
Venjuleg loðna á kápunni
Pikutorfan vakti strax mikla um-
ræðu þegar hún kom út í Svíþjóð
1999 og hefur breiðst um Norður-
lönd eins og eldur um skapahár.
Bókin er greinarsafn sænskra
stelpna um stöðu ungra kvenna.
Kristbjörg og Hugrún höfðu heyrt
hennar getið og gripu gæsinsa þeg-
ar þær fréttu af áhuga Forlagsins á
þýðingu. Torfan er nýkomin í hillur
bókaverslanna, en nú þegar hefur
skapast nokkur umræða um hana í
fjölmiðlum. „Viðbrögðin eru mis-
jöfn, en forsíðan hefur vakið mesta
athygli. Fólki fmnst myndin ógeðs-
leg og ósmekkleg. Hún ætti að vera
algeng sjón, því þetta er bara venju-
leg stelpa. Erum við ekki margar
svona undir nærbuxunum? Við
erum ekki að nenna að raka okkur
og vera eitthvað finar ef ske kynni
að eitthvað gerðist," segir Hugrún.
„Stelpur mega ekki vera með nein
hár, mega ekki vera loðnar. Þessi
mynd er svo stuðandi af því að við
sjáum þetta aldrei. Vlð sjáum bara
fallegar tölvufíxaðar myndir," bætir
Kristbjörg við. „Ég er sjálf full af
kynjamótuðum tilfmningum, en ég
ætla ekki að láta neinn segja mér að
ég þurfi að raka mig,“ opinberar
hún í framhaldinu.
Lesbíur og kúluvarparar
Hugrún og Kristbjörg eru meðal
stofnenda Bríetar, félags ungra fem-
inista. Nokkuð hefur borið á félaginu
og það er ekki tekið út með sældinni
að svara fyrir það öllum stundum.
„Fólk ræðst á okkur i bænum til að
rífast. Yfirleitt veit það líka ekkert
um hvað það er að tala. Það veit bara
að Bríet er til, en hefur ekkert kynnt
sér málið," útskýrir Hugrún. Stelp-
urnar hafa byggt upp sterkt ónæmis-
kerfi fyrir fúkyrðum. „Við erum kall-
aðar rauðsokkur og kvenréttindatuss-
ur, rembur, karlahatarar, lesbíur og
kúluvarparar, af ókunnugu fólk. Svo
ganga ýmsar kjaftasögur um okkur.
Eins og að við eyðilegjum öll partí
sem við förum í og séum allar með
hárið litað svart. Og við erum allar
ógeðslega loðnar og ógeðslegar, bæði
undir höndunum og á löppunum og
það er geðveik svitalykt af okkur,“
segja þær og hlæja að fáránleikanum.
Hata ekki módel
Bríetarkonur fagna allri umræðu
og segjast gjaman vilja sjá stráka
gera eitthvað í sínum málum, því
þeirra staða sé fjarri því að vera full-
komin. „Margar stelpur eru sam-
mála okkur og lýsa áhuga sínum á að
koma í félagið, en gera ekkert í því.
Tískan í dag er sú að hafa ekki skoð-<%
un og vera bara að „tjilla", ekki að
standa á Lækjartorgi með kröfu-
spjöld og öskra," segir Hugrún. En
eru engar stelpur á móti málflutn-
ingi Bríetar? „Jú, jú. En þær eru yf-
irleitt sammála um leið og við erum
búnar að útskýra fyrir þeim að við
erum hvorki karl- né kvenhatarar,
hötum ekki módel eða stelpur sem
eru mjóar og mála sig of mikið. Ég
hef til dæmis ekkert á móti stelpum
sem fara í brjóstastækkun, ég er
samt ekki fylgjandi brjóstastækkun-
um,“ segir Hugrún. „En ef þetta er
það sem þú þarft til að öðlast sjálfs-
traust og geta gert það sem þú vilt...“
„...sem er alveg sorglegt," bætir
Kristbjörg við. „Já, en ef þetta er það
sem þú þarft þá gerðu það, en það er
mjög leiðinlegt og ég er ekki sam-
mála þvi að stelpur þurfi að gera
það,“ heldur Hugrún áfram. „þessi
útlitspressa kemur úr öllum áttum.
Það eru heilu vinkonuhóparnir að
fara í brjóstastækkun og ég heyri um
konur í Bandaríkjunum sem fara í
fegrunaraðgerðir á kynfærunum á
sér, á píkunni," segir hún. „Ég held
að það sé ekki langt í að karlar fari í
typpastækkun," segir Kristbjörg, og
fleiri orða er ekki þörf.
todmobile
í óperunni
1. desember kl. 20:00
BESTA
Forsala hafin í verslunum Skífunnar og Músík og mynda.
Todmobile - Best
Tvöföld geislaplata
1. Pöddulagið
2. Eldlagiö
3. Fæ aldrei nóg af þér
4. Stúlkan
5. Lommér að sjá
6. í tígullaga dal
7. Brúðkaupslagið
8. Stelpurokk
9. Betra en nokkuð annað
10. Ég geri allt sem þú vilt
11. Voodooman
12. Allt í kringum
13. Sofðu vært
14. Upp' á þaki
15. Nætur-galin
16. Byrjun
1. Tryllt
2. Eilífró
3. Þeir sem Guðirnir elska
4. Stopp
5. Ég heyri raddir
6. Ég vil fá að lifa lengur
7. Næturlagið
8. Ég vil brenna
9. Sætari en sýra
10. Draumalagið
11. Englaregn
12. Gúggúlu
13. Sameiginlegt
14. Spiladósalagiö
15. Bæn
skifanJs
stórverslun á netinu

♦
1. desember 2000 f ÓkllS
9