Dagblaðið Vísir - DV - 18.05.2001, Blaðsíða 6

^— iiiiin*^* iii hJl ii i it-^L r C^—Ey
.£—L.
V T M M
JUULajQL^ ÆmBlá...\ i 1.2.1,1,, ■,m„.,ajl
Ifókus
Ragnar Blöndal er framkvæmdastjóri Stuttmyndadaga í Reykjavík. Hann kemur nú í fyrsta sinn nálægt
þessum bransa og segir merkilegt hversu mikil gróska sé í kvikmyndagerð á íslandi.
Höfum öll
einhverja sögu
að segja
„Þetta hefur gengið vonum fram-
ar. Þetta er í fyrsta skipti sem við
reynum að fá útlendar myndir á
hátíðina og það er frábært hversu
góðar viðtökur við höfum fengið.
Núna er fjöldi erlendra mynda og
þær spanna allt litrófið; allt frá
ódýrum tilraunakvikmyndum yfir
í dýrar og vandaðar stuttmyndir,"
segir Ragnar Blöndal. Hann segir
að margar þessara mynda hafi hlot-
ið verðlaun víða um heim og
nokkrar hafi verið tilnefndar til
óskarsverðlauna. Nefnir hann þar
sérstaklega til sögunnar myndina
Rejected sem er ein ódýrasta mynd-
in sem tilnefnd hefur verið til ósk-
arsverðlauna.
Ekki bara stökkpallur
Ragnar er nú í fyrsta skipti að
vinna í kvikmyndabránsanum og
líkar það vel.
„Þetta hefur verið mjög
skemmtilegt. Það hefur komið mér
mjög á óvart hversú margir eru að
fást við kvikmyndir hér á íslandi.
Ástæðan fyrir því að við sýnum
svo mikið af erlendum myndum
núna er einmitt sú að við viljum
geta sýnt íslenskum áhugamönn-
um hvað er að gerast i stuttmynd-
unum úti. Stuttmyndir eru ekki
bara stökkpallur yfir í það að búa
til stórar kvikmyndir heldur eru
þær sérstakt og spennandi list-
form.“
Lofar góðri hátíð
Ragnar hefur ekki fengist neitt
við stuttmyndagerð sjálfur og lítið
horft á stuttmyndir þar til nú.
Hann segir þó ekki fráleitt að hann
myndi leiðast út á þessa braut.
„Ég veit það ekki. Það gæti farið
svo. Við höfum öll einhverja sögu
að segja og stuttmyndin ér góð leið
til að koma henni í myndrænt
form. Það þarf ekki endilega að
kosta svo mikiö.“
Og Ragnar lofar góðri hátíð.
„Þetta. veröur algjör veisla í
þessa þrjá daga.“
fSilÍsMSf'
jýsftíiWSíSi'í
Ragnar Blöndal er framkvæmdastjóri Stuttmyndadaga í Reykjavík.
Él
:
-
1
.... :
Sigurjón Sighvatsson hefur um árabil verið okkar maður í Hollywood og virðist ætla að vera það um
ókomin ár. Hann hefur framleitt hverja myndina á fætur annarri og nú síðast tókst honum að koma Ingvari
E. Sigurðssyni í stórmyndina K-19.
Gífurleg gróska í íslensku menningarlífi
„Ég var nú hér í Cannes til að sýna
þeim dreifmgaraðilum sem keyptu K-
19 nokkra búta úr myndinni. Staðan
á henni er ágæt, það er farið að síga
á seinni hlutann í tökum á henni og
allt hefur gengið vel,“ sagði Sigurjón
Sighvatsson þegar Fókus náði tali af
honum í gær á leið frá Cannes. Sigur-
jón hefur undanfarið ferðast um
Kanada og Rússland við tökur á
myndinni sem skartar ekki ófrægari
leikurum en Harrison Ford og
Ingvari E. Sigurðssyni.
Baltasar næstur
Sigurjón segir að ráðgert sé að
ljúka tökum á myndinni í lok júní og
má fólk því eiga von á að hún verði
komin í almennar sýningar eftir um
það bil ár.
Hvernig hefur Ingvar svo staðiö sig,
var ekkert erfitt fyrir hann að byrja að
vinna með þessum mönnum?
„Nei, Ingvar hefur staðið sig alveg
frábærlega. Þetta eru bara menn eins
og aðrir og alveg eins leikarar og aðr-
ir. Þetta hefur allt gengið mjög vel,“
segir Sigurjón á gangi sínum um flug-
stöðina í Cannes. Hann þarf við og
við að ræða við fólk, enda upptekinn
maður.
Ertu með einhver önnur verkefni í
bígerö þessa dagana?
„Já, ég er með töluvert af verkefn-
um í gangi um þessar mundir en ég
ætla nú ekki að vera að segja of mik-
ið frá því. Næsta verkefni sem ég geri
verður samt örugglega myndin sem
Baltasar Kormákur leikstýrir sem
heitir A Little Trip To Heaven. Ef allt
gengur upp ætti það að verða næsta
verkefni.“
Er búið að ákveða eitthvaó með þá
mynd, hvar hún veróur tekin til dœm-
is?
„Ég er alveg sannfæröur um það aö viö erum komin meö fullt af fólki sem er
hæfileikafólk á alþjóölegan mælikvaröa."
„Nei, það er nú ekki búið að ákveóa
alveg hvar á aó taka hana, œtli það
verði samt ekki í Kanada eóa Banda-
ríkjunum. Ég held aó þetta sé mjög
spennandi verkefni. Við erum að
vinna i handritinu og mér líst bara vel
á þetta, “ segir hann um nýjasta hug-
arfóstur Baltasars sem á að vera
spennusaga.
Mörg járn í eldinum
Aðspurður segist Sigurjón fyrst og
fremst hafa verið að kynna K-19 í
Cannes. Hann segist þó ekki geta
neitað því að á svona hátíðum sé
hann alltaf að vinna óbeint að fram-
tíðarverkefnum. „Það eru náttúrlega
alltaf mörg járn í eldinum,“ segir
hann.
Hvernig leist þér svo á hátíðina í
ár?
„Mér fannst nú hátíðin í ár vera
frekar dauf. Það er ekki mikið af nýj-
um hlutum að gerast eða spennandi
myndum á tjaldinu. Ég veit nú ekki
alveg af hverju það er samt.“
Nú heyrðist frá einhverjum íslend-
ingnum þarna úti sem sagði að þetta
hefðu bara verið nokkurs konar
áskrifendur að hátíóinni sem hefðu
verið að sýna og ekkert nýtt ogferskt í
gangi.
„Það er voðalega lítið núna. Ég er
ekki klár á ástæðunum eins og ég
segi en það eru nú alltaf sveiflur i
hinum skapandi geira. Nú er til dæm-
is mikið að gerast í Asíu eftir
Crouching Tiger. Það er að vísu mjög
spennandi sem er að gerast þar.
Brennidepillinn hefur færst dálítið
frá skandinavísku myndunum, þeim
dönsku aðallega, yflr f asísku mynd-
irnar. Það er fyrst og fremst það sem
hefur verið að gerast.“
Kvikmyndafólkið er sem sagt að
fœra sig frá því aó œtla að gera
dogma-myndir yfir í bardagamyndir?
„Já, það er eiginlega trendið núna.
Það kemur ein góð mynd og hún fær-
ir brennidepilinn yfir til landa þar
sem hefur verið fullt af ágætishlutum
að gerast en hefur ekki verið gefinn
nógu mikill gaumur. Það er í sjálfu
sér ágætt en engu að síður eru alveg
ágætishlutir að gerast í Skandinav-
íu.“
Nýr vettvangur
Nú þegar fyrsti íslenski leikarinn
er búinn að fá tækifæri í Hollywood
liggur beint við að spyrja Sigurjón
hvort hann telji að íslenski kvik-
myndaiðnaðurinn sé á uppleið.
„Já, málið er náttúrlega að við eig-
um okkur ekki langa sögu, erum bara
búin að vera í þessu í 20 ár. Ég er al-
veg sannfærður um það að við erum
komin með fullt af fólki sem er hæfi-
leikafólk á alþjóðlegan mælikvarða.
Friðrik Þór hefur náttúrlega lengi
verið eini fánaberinn og svo eru
væntanlega bæði mynd Baltasars og
fleiri að gera það mjög gott. Leik-
myndahönnuðurinn í myndinni hjá
mér er til dæmis íslenskur, Karl Júl-
íusson, og hann er verulega flinkur.
Það er nú bara eitt stærsta leik-
myndahönnunarverkefni í heiminum
á þessu ári. Það sýnir það aö hann
hefur mikla hæfileika og hið sama
má segja um Ingvar.“
Sigurjón segir einnig að við eigum
hauk i horni í ungu kynslóðinni sem
hafi verið að koma sterk upp undan-
farið. Hann er sannfærður um að
Stuttmyndadagar séu góður vettvang-
ur fyrir unga fólkið til að koma sér af
stað.
„Það er mjög mikilvægt að stuðla
að þessum vaxtarbroddum sem eru í
kvikmyndagerðinni. Það er gífurleg
gróska í heild 1 íslensku menningar-
lífi og við erum þegar farin að sjá
áhrif af því í kvikmyndunum.
Það sem hefur gerst með stutt-
myndirnar er að nú er hægt að horfa
á þær á Netinu. Það hefur breytt hlut-
unum heilmikið hvað það varðar að
það er hægt að ná miklu víðari
skírskotun með stuttmyndir. Það þýð-
ir það að þú þarft ekki lengur bara að
sýna þær í bíó og ég veit að það er
heilmikið horft á stuttmyndir á Net-
inu. Það er kominn nýr vettvangur til
að koma stuttmyndum á framfæri
sem er mjög jákvætt.
Fyrir utan það að það er mjög gott
fyrir fólk að gera stuttmyndir áður en
það ræðst í gerð stórrar leikinnar
kvikmyndar.“
Sem sagt, stökkpallur fyrir unga
fólkið?
„Einmitt. Sjáið bara leikstjóra eins
og Dag Kára sem gerði sína stutt-
mynd fyrir kvikmyndaskólann í Dan-
mörku og hefur gert það mjög gott
síðan, unnið verðlaun úti um allan
heim og fengið heilmikið út úr því.“