Dagblaðið Vísir - DV - 12.06.2001, Blaðsíða 11

11
ÞRIÐJUDAGUR 12. JÚNÍ 2001
DV
Neytendur
BabySam
á íslandi
í haust verður stórverslun
BabySam opnuð í Skeifunni 8 í
Reykjavík en hún mun sérhæfa sig
í sölu á vörum
fyrir börn frá
fæðingu til
þriggja ára ald-
urs. BabySam er
verslanakeðja í
Danmörku en 29 slíkar verslanir
eru starfræktar þar.
í BabySam verður boðið upp á
fjölbreytt úrval bamavara, allt frá
fatnaði, til barnavagna og hús-
gagna. Einnig verður boðið upp á
leigu á vöggum, barnavögnum,
barnabílstólum og fleiru. Verslunin
býður ekki eingöngu verslunin upp
á sitt eigið vörumerki.heldur verða
einnig önnur þekkt vörumerki á
boðstólum. Það er Baugur sem er
sérleyfishafi BabySam hér á landi
en framkvæmdastjóri verður Soffía
Waag Ámadóttir.
Gullsmiðir
standa vörð
- um hagsmuni neytenda
Ekki er allt gull sem glóir þegar
skartgripir eru annars vegar. í
fréttatilkynningu frá Félagi ís-
lenskra gullsmiða
segir að þeir hafi
orðið varir við
að neytendur
sem kaupa
skartgripi er-
lendis sitji uppi
með gripi sem ekki
standast kröfur um gæði og áreiðan-
leika. Af þessum sökum hafa gull-
smiðir i félaginu tekið höndum sam-
an og merkt verslanir sínar og verk-
stæði með bronssteyptu merki fé-
lagsins. Merkið, eða skjöldurinn, á
að vera neytendum til leiðbeiningar
um hvar löggiltan gullsmíðameist-
ara og fagmann er að finna sem
ábyrgist vinnu sína og vöru og býð-
ur áreiðanlega þjónustu.
Léttur sumarréttur:
Kjúklingabrauð-
sneið með beikoni
Á sumrin
er gott að
borða létta,
gómsæta rétti
og hér er
uppskrift af
brauði með
skemmtilegu
áleggi sem hentar vel þegar halda á
þeim tíma sem fer í stúss yfir pott-
um og pönnum í lágmarki. Upp-
skriftin dugar fyrir fjóra.
4 sneiðar gróft fjölkornabrauð,
ristað á pöpnu
600 g kjúklingabringur, beinlausar
2 tómatar
1/2 haus jöklasalat
1 rauðlaukur
4 stórir sveppir
1 bakki baunaspírur
16 sykurbaunir
12 beikonsneiðar, steiktar stökkar
Rauðvínsediksósa (vinaigrette)
1 dl rauðvínsedik
3 msk. dijon sinnep
2 msk. Worchestershiresósa
1 dl púðursykur, dökkur
3 hvítlauksrif, pressuð
1 dl matarolía
2 msk. fersk steinselja, söxuð
Aðferð
Skeriö kjúklingabringurnar í
strimla og steikið í oliu i 2-3 mínút-
ur. Leggið jöklasalat á brauðsneið
og setjið tómatsneiðar og sneiddan
rauðlauk ofan á. Þar ofan á kemur
vel steikt beikon, kjúklingastrimlar,
sveppir, baunaspírur og sykurbaun-
ir í strimlum. Rauðvínsediksósan
sett yfir að lokum með matskeið.
Rauðvínsediksósa
Allt sett í matvinnsluvél og mauk-
að, matarolíunni bætt í síðast, hægt
og rólega.
Úr Ferskt og framandi
Verðhækkanir á matvöru:
Koma illa við budduna
- heildsalar hækka um 3-15% eða sem nemur gengisbreytingum
Eins og allir vita hafa orðið mikl-
ar hækkanir á allri innfluttri vöru
sökum bágrar stöðu krónunnar
gagnvart öðrum gjaldmiðlum. Ekki
er að efa að þessar hækkanir koma
illa við buddu heimilanna, sérstak-
lega þegar kemur að matarkaupum,
sem eru einn af stærstu liðunum í
heimilishaldinu. í síðustu viku tók
neytendasíðan nokkra smásöluaðila
tali og i þetta sinn er púlsinn tekinn
hjá heildsölum. Eins og sjá má hér
á eftir hafa þeir allir svipaða sögu
að segja því ástandið er auövitað
eins hjá flestum þeirra Ekki virðist
sem neytendur séu farnir að spara
við sig í matarkaupunum en þeir
heildsalar sem talað var við flytja
inn nauðsynjavörur sem erfitt er að
neita sér um þó skóinn kreppi.
Erlendir birgjar hækka
Heildverslunin Karl K. Karlsson
flytur inn vörur frá Evrópu og
Bandaríkjunum, m.a. Newmans
Own, Hellmanns, Celestial Season-
ings, Vasa og Rittersport. Eygló
Björk Ólafsdóttir, viðskiptastjóri
matvöru, segir að hækkanir hjá fyr-
irtækinu hafi verið töluverðar und-
anfarið eða sem svarar gengisþró-
un. „Hækkanirnar hafa auðvitað
verið misjafnar en á bilinu 3-15%.
Flestar þessara hækkana urðu i apr-
íl og maí, því við vorum frekar sein
að hækka.“ Eygló segir að vel sé
fylgst með gengisþróuninni innan
fyrirtækisins og þó reynt sé að stilla
verðhækkunum í hóf er fyrirtækið
tilneytt að láta verðþróun fylgja
gengishækkuninni. „Eins hafa er-
lendir birgjar verið að hækka verð,
misjafnlega mikið þó.“
Taka stöðuna vikulega
Guðmundur Björnsson, fram-
kvæmdastjóri Ásbjörns Ólafssonar
ehf., segir að þar sem fyrirtækið sé
að flytja inn vörur í dönskum krón-
um, pundum og doUurum hafi það
ekki farið varhluta af þeim hækk-
unum sem orðið hafa undanfarið.
Verðbreytingar
Þessar myndir eru teknar þegar Krónan opnaöi og verö á matvöru lækkaöi töluvert um tíma. En nú er þróunin í hina
áttina og sífelldar hækkanir dynja á landsmönnum.
„Það varð hækkun hjá okkur um
miðjan maí og í raun er komin þörf
fyrir aðra hækkun núna. En við ætl-
um að sjá tU einhvern tíma. Við tök-
um stöðuna í hverri viku.“ Hann
segir að hækkanirnar hafí verið á
bUinu 3-12% en þrátt fyrir það hafi
sala ekki dregist saman. „Við erum
með nauðsynjavörur en þegar fólk
þarf að draga saman seglin byrjar
það kannski fyrst á lúxusvörunum."
HeUdverslunin Uytur m.a. inn vör-
ur frá Knorr, Prins Polo, Maryland
og fleirum.
Skelfilegt ástand
Sláturfélag Suðurlands býr ekki
einungis til pylsur heldur er það
líka með öflugan innflutning á
hyers kyns matvöru og sælgæti.
„Ástandið er búið að vera skelfi-
legt,“ segir Gunnar Grétar Gunnars-
son, deildarstjóri vörumiðstöðvar,
sem er innflutningsdeild SS. Hann
segir að það sem af er árinu hafi
hver hækkunin rekið aðra og að
heUdarhækkunin sé nú á bilinu
9-12%. Gunnar segir að nokkurrar
taugaveiklunar hafi gætt á mark-
aðnum þegar mesta gengisfaUið var
í byrjun maí en sú stefna hafi verið
tekin hjá SS að fara eins rólega í
sakirnar og kostur væri og reyna að
sjá fyrir endann á ástandinu. „í
maí, þegar stærsta holskeflan gekk
yfir, sendum við út tilkynningu
þess efnis að viö myndum skoða
verðið næstu daga með tilliti til
verðþróunar. Þar vorum við meö
fyrirvara um að þetta myndi ganga
eitthvað til baka en við höfum reynt
að fara varlega í hækkanirnar."
Frá 1. mars til 18. maí, þegar þess-
ar hækkanir voru settar út i verð-
lagið, hækkaði Bandaríkjadollar um
15%,- sterlingspund um 12% og
dönsk króna um 9% og hafa hækk-
anir SS endurspeglað þessa þróun
að mestu leyti. „Vörur frá Banda-
ríkjunum hafa hækkað mest enda
hefur doUarinn tekið mestu dýfuna.
Eins hefur verð á fragt tekið stökk
upp á við auk þess sem komið hafa
hækkanir frá erlendum framleið-
endum en sem betur fer hafa þær
ekki verið eins miklar og þeir hefðu
viljað. Við höfum skýrt okkar birgj-
um frá því ástandi sem hér ríkir og
þeir hafa haldið að sér höndum,
sem betur fer,“ segir Gunnar. SS
flytur m.a. inn vörur frá BariUa,
Mars, Uncle Ben¥s, Pedigree,
Whiskas og Ueirum. -ÓSB
Lirfur í rjómasúkkulaði:
Kiktu ut þegar pakk
inn var opnaður
- hvorki framleiðandi né söluaðili vilja kannast við krógann
Um hvítasunnuhelgina lá leið
margra út úr bænum og einn af þeim
kom við í Nesti á Ártúnshöfða til að
ná sér í eitthvað til að maula á leið-
inni. Fyrir valinu urðu Opal-
súkkulaðihnappar sem framleiddir
eru af Nóa Síríus. Þegar pakkinn var
opnaður kom í ljós að ekki var aUt
sem skyldi þar sem út gægðist lítil
spreUlifandi lirfa og á pappirnum
sáust leifar annarrar. Skemmst er
frá því að segja að ekki varð mikið
úr súkkulaðiáti í það skiptið. Þegar
pakkinn komst í hendur blaðamanns
var ekki búið að hreyfa meira við
honum en þegar hann var opnaður
alveg og súkkulaðihnapparnir færðir
tU komu í ljós þrjár slíkar tU viðbót-
ar, þar af tvær lifandi. Maðurinn
hafði strax samband við fyrirtækið
sem framleiddi súkkulaðihnappana
og var honum boðið að skoða fram-
leiðsluaðstöðuna en kærði hann si'g
hvorki um það né heldur þær bætur
sem honum voru boðnar.
Skrýtin leiö
Hjá Nóa Síríus fengust þær upp-
lýsingar að tilfelli sem þetta væru
afskaplega sjaldgæf en þó hefðu
komið upp atvik þar sem óboðnir
gestir leyndust í súkkulaðinu. í
einu slíku tilfelli var um að kenna
hnetum eða rúsínum sem settar
höfðu verið í súkkulaðið en í öðrum
DV-MYND GVA
Þykir gott súkkulaöi
Þær voru ágætlega haldnar, lirfurnar sem fundust í súkkulaöipakkanum, en
þar höföu nokkrar þeirra hreiöraö um sig og lifaö ágætu lífi, enda boröaö
súkkuiaöi i hvert mál.
tilfellum var hægt að rekja gesta-
ganginn til verslunarinnar þar sem
súkkulaðið var keypt. Afskaplega
sjaldgæft er að bjöllur eða lirfur sé
að finna í hreinu súkkulaði eins og
hér gerðist.
Hjalti Jónsson, markaðsstjóri
Nóa Síríus, segir aö haft hafi verið
samband við manninn sem keypti
lirfusúkkulaðið og honum boðið að
koma í heimsókn í fyrirtækið til að
sjá hvernig væri staðið að málum
þar og til að hægt væri að bæta hon-
um skaðann en hann ekki kært sig
um það. Hjalti segir að aldrei sé
slakað á gæða- eða hreinlætiskröf-
um hjá fyrirtækinu. „Mér finnst
hins vegar leiðin sem þessi maður
kýs að fara með málið afar skrýtin.
Ég hefði viijað aö þessi lirfa væri
rannsökuð af Náttúrufræðistofnun
eða Heilbrigðiseftirlitinu vegna þess
að það er okkar reynsla að oftar en
ekki þegar svona tilvik koma upp sé
þetta úr hillum verslananna en ekki
úr vörunni eða umbúðum hennar.
Ef í ljós kemur að kvikindið hefur
komist i súkkulaðið einhvers staðar
annars staðar en hjá okkur höfum
við ekkert með málið að gera,“ seg-
ir Hjalti.
í Nesti á Ártúnshöfða tóku menn
sig til og könnuðu málið eftir að það
kom upp, skoðuðu m.a. í nokkra
súkkulaðipakka auk þess sem leitað
var í hillum og á lager. „Við fund-
um ekki neitt hjá okkur," segir Jón
Pétursson stöðvarstjóri. „Ég skil því
ekki hvernig þetta hefur gerst.“
Hann segir að allar innréttingar í
stöðinni séu einungis þriggja ára
gamlar og því minni líkur á að kvik-
indi sem þetta geti leynst þar.
Neytendasíðan fór með súkkulað-
ið og lirfumar til Heilbrigðiseftir-
litsins og mun málinu verða fylgt
eftir þar. Reynt verður að grafast
fyrir um hvaða skordýr var þarna á
ferðinni og hvaðan það kom. Við
munum að sjálfsögðu fylgjast með
hver útkoman verður. -ÓSB