Dagblaðið Vísir - DV - 08.01.2002, Blaðsíða 13

13
ÞRIÐJUDAGUR 8. JANÚAR 2002
DV
Söngur svínabóndans
Davlð Ólafsson bassi og
króatíski tenórinn Tomislav
Muzek héldu tónleika í íslensku
óperunni síðastliðinn laugar-
dag. Þeim til fulltingis var Ólaf-
ur Vignir Albertsson píanóleik-
ari og er nauðsynlegt að taka
fram að hann lék á píanó en
ekki hljómborð. Tjöldin á svið-
inu drukku nefnilega í sig alla
endurómun svo enginn píanó-
hljómur var eftir handa áheyr-
endum, og það sem heyrðist gat
allt eins verið úr lélegu hljóm-
borði. Það var ekki Ólafi Vigni
að kenna, því meðleikur hans
var hinn fagmannlegasti í alla
staði.
Eins og við var að búast á
svona nýárstónleikum voru ým-
iss konar grínatriði á efnis-
skránni, bæði voru sumar aríur
fyndnar í sjálfu sér, eins og t.d.
söngur svínabóndans úr
Sígaunabaróni Strauss, og svo
viðhöfðu söngvararnir allt
mögulegt undarlegt sem hér
væri of langt mál að telja upp.
Það eina sem vantaði var þátt-
taka meðleikarans, en honum
stökk varla bros alla tónleik-
ana. Kannski var það þó partur
af gríninu.
Davíð er prýðilegur bassa-
söngvari, enda mun hann hefja
störf næsta haust sem fastráð-
inn söngvari hjá íslensku óper-
unni. Hann hefur fagra og vel
mótaða rödd, og var túlkun
hans viða afar áhrifamikil. Að
vísu hefði La calunnia úr Rak-
aranum frá Sevilla eftir Rossini
mátt vera tilþrifameiri, söngur
hans fölnaði þar í samanburði
við flutning Bjarna Thors Krist-
inssonar á sömu aríu í Salnum
nýverið. Einnig var dálítið hjá-
kátlegt að heyra Ljúbví vs
vozrasty pokorný eftir Tsjaíkov-
skí sungið á íslensku, en Krist-
Davíö Olafsson bassi og tenórinn Tomislav Muzek
Þeir sungu af list og viöhöföu ýmislegt undarlegt til að skemmta gestum sínum
eins og vera ber á nýárstónleikum.
inn Sigmundsson hefur löngu
sannað það fyrir þjóðinni að
þessa fögru aríu úr Évgení
Ónegín er vel hægt að syngja
á rússnesku þó maður sé ekki
Rússi.
Að öðru leyti var frammi-
staða Davíðs glæsileg, t.d. var
Olí man river eftir Kern
óvenju dramatískt, enda æptu
áheyrendur af fögnuði, og O
tu Palermo úr Vespri Siciliani
eftir Verdi var sömuleiðis
mjög vel sungið. Davið stóð
sig líka ágætlega í samsöngs-
atriðunum með Muzek, en
þaö er nú aldeilis tenór sem
varið er í. Hann hefur silki-
mjúka, tæra rödd, og hvert
einasta atriði sem hann söng
var hrein sæluvíma fyrir und-
irritaðan. Arían Che gelida
manina úr La Bohéme
Puccinis var í einu orði sagt
stórkostleg, og sjaldan hefur
maður heyrt aríuna Una
furtiva lagrima úr Ástar-
drykk Donizettis svona unaðs-
lega fallega sungna. Það var
eitthvað annað en asmakennt
hvæsið í feita tenórnum, sem
ég man ómögulega hvað heit-
ir, í hálf-misheppnaðri upp-
færslu íslensku óperunnar
fyrir nokkrum árum síðan.
Óhætt að spá Muzek glæstum
frama á óperusviðinu, en
hann er aðeins tuttugu og
fimm ára gamall.
Ólafur Kjartan Sigurðar-
son, sem Silja Aðalsteinsdótt-
ir valdi tónlistarmann ársins
I áramótablaðinu, m.a. fyrir
að vera fyrsti fastráðni söngv-
ari íslensku óperunnar, var
kynnir, og gerði það líflega og
skemmtilega að venju. Þetta
voru fjörugir tónleikar og góð
byrjun á árinu, vonandi verð-
ur meira svona í Gamla bíói í
ár.
Jónas Sen
Námskeið Endurmenntunarstofnunar HÍ hefjast að nýju:
Allar listirnar undir
Námskeið Endurmenntunarstofnunar Há-
skóla íslands hefjast að nýju í þessum mánuði
og er úrvalið mikið og freistandi. Aó venju voru
námskeið um fornbókmenntir gífurlega vinsœl á
haustönninni, um 250 manns sóttu tvö námskeið
um Sturlungu sem Jón Böðvarsson og Magnús
Jónsson héldu. Óvœntar urðu vinsœldir nýs
námskeiös sem Jónas Ingimundarson píanóleik-
ari hélt í Salnum í Kópavogi og kallaði „Hvað
ert þú tónlist?" - það sóttu 160 manns. Jónas
Ingimundarson mun halda annað slíkt nám-
skeið núna á vorönn þar sem hann fœr marga
tónlistqrmenn til liðs við sig, meðal annarra Sig-
rúnu Hjálmtýsdóttur og Guóna Franzson.
Sérstaklega ber að nefna að í til-
efni af hundrað ára afmæli Hall-
dórs Laxness stendur Endurmennt-
un HÍ fyrir fyrirlestraröð um höf-
undarverk hans. Umsjón hefur
Sofíia Auður Birgisdóttir bók-
menntafræðingur en aðrir fyrirles-
arar eru Halldór Guðmundsson
mag.art., dr. Ástráður Eysteinsson
og fleiri. Fyrirlestraröðin hefst 30.
janúar.
Handrit, ferðalög og rímur
Meðal námskeiða sem boðið verður upp á
núna á útmánuðum má nefna „Lestur handrita
og skjala frá um 1550-1850“ sem Már Jónsson
dósent í sagnfræði kennir og er ætlað fólki sem
vill geta lesið handrit og skjöl frá þessu tíma-
bili, sér til skemmtunar eða vegna rannsókna.
Það hefst 22. janúar.
Á námskeiðinu „Pílagrímaleiðin til Santiago
de Compostela" sem hefst 31. jan. verður fjallað
um þessa frægu leið og söguna sem tengist
henni og er öðrum þræði ætlað til að undirbúa
fólk sem hyggst fara leiðina að hluta til eða
alla. Kennari er Jón Björnsson.
Steindór I. Andersen kvæðamaður verður
með námskeið sem hefst 4. febrúar um rímna-
Jónas Ingimundarson.
Birgisdóttir.
Anna Heiöa
Pálsdóttir.
Steindór I. Andersen.
kveðskap. Þar verður vísað veginn inn í þann
heim rímnatónlistar sem skilaði sér til kvæða-
mannafélaganna á liðinni öld.
Þorgerður Einarsdóttir, lektor í kynjafræði,
hefur umsjón með námskeiðinu „Karl og kerl-
ing“ um kynjamyndir í samfélagi og menningu
sem byrjar 5. febrúar.
Fantasíur, myndlist, leiklist
Af bókmenntanámskeiðum má nefna les-
hringinn „Rýnt í jólabækurnar" sem hefst 7.
feb. Þar verða lesnar sex til átta bækur sem
komu út fyrir síðustu jól; úrval íslenskra skáld-
sagna, Ijóða, þýðinga og ævisagna. Farið verð-
ur yfir feril einstakra höfunda og verk þeirra
rædd frá ýmsum sjónarhólum og þau tengd
hræringum í íslenskum og erlendum samtíma-
bókmenntum. Þá heimsækja rithöfundar les-
hringinn og segja frá tilurð verka sinna. Kenn-
ari er Soffia Auður Birgisdóttir bókmennta-
fræðingur.
Anna Heiða Pálsdóttir bókmenntafræðingur
og rithöfundur verður með námskeið frá 26.
feb. um hinar geysivinsælu ævintýrabók-
menntir.
Nokkrar valdar fantasíur verða greindar og
tengdar hugniyndum úr vísindum, m.a. um
samliggjandi heima. Rætt verður um fantasíu-
kvikmyndir og hvernig unnið er með
hugmyndir rithöfunda í þeim. Til
skoðunar verða teknar Hringadrótt-
ins saga, Gyllti áttavitinn, Lúmski
hnífurinn, Harry Potter og visku-
steinninn og bækurnar tvær um Blíð-
finn. Þá verður litið á kvikmyndirnar
um Harry Potter og Hringadróttins
sögu.
Inn á kvikmyndir verður líka kom-
ið í námskeiðinu „Film Noir - Neo
noir. Glæpakvikmyndir fyrr og nú“
sem Sigríður Pétursdóttir dagskrár-
gerðarmaður og ýmsir glæpasöguhöf-
undar verða með frá 28. feb.
í samstarfi við Þjóðleikhúsið verður nám-
skeiðið „Að skrifa fyrir leikhús“ sem Karl
Ágúst Úlfsson leikari og Melkorka Tekla Ólafs-
dóttir leikhúsráðunautur sjá um frá 5. feb.
Kennarar eru auk umsjónarmanna Stefán Bald-
ursson, Þórhallur Sigurðsson, Hlín Agnarsdótt-
ir og fleiri.
íslensk myndlist fyrri alda verður skoðuð á
námskeiði Þóru Kristjánsdóttur listfræðings
sem hefst 25. feb.
Loks skal nefnt að Gunnsteinn Ólafsson
hljómsveitarstjóri stýrir námskeiði um Hol-
lendinginn fljúgandi sem hefst 23. apríl í vor,
en uppsetning á þeirri óperu verður einn af
tindum Listahátíðar á sumri komandi.
_____________________Menníng
Umsjón: Silja Aðaisteinsdóttir
Eftir flóðið
Félag íslenskra fræða
stendur fyrir spjallfundi
annað kvöld, miðviku-
dagskvöld, kl. 20.30, í
Sögufélagshúsinu í Fis-
hersundi, og þar verður
talað um bækur.
Á liðnu ári kom út mik-
ill fjöldi skáldverka hér á
landi og fullyrða menn nú
hver um annan þveran að það hafi verið
gott bókmenntaár. Þessi fullyrðing verður
tekin til skoðunar á fund-
inum og verða framsögu-
menn tveir, Þröstur
Helgason, ritstjóri Les-
bókar Morgunblaðsins, og
Brynhildur Þórarinsdótt-
ir, ritstjóri tmm. Eftir
framsögur verða umræð-
ur með frjálslegu sniði og eru áhugamenn
um bókmenntir hvattir til að koma og
ræða um einstakar bækur og ástandið i
bókmenntaheiminum yfirleitt.
Framtíð þjóðríkisins
í tengslum við kennslu
i stjórnskipunarrétti i
lagadeild Háskóla íslands
nú í vor verður efnt til
málstofa um margvísleg
efni sem fjallað er um í
þessari grein lögfræðinn-
ar. Verður fyrsta málstof-
an haldin á morgun kl.
12.15. í stofu 101 í Lögbergi. Umræðuefnið
verður „Framtíð þjóðríkisins, einkum með
tilliti til þróunarinnar í Evrópu“ og eru
málshefjendur þeir Sigurð-
ur Líndal, prófessor emerit-
us við lagadeild, og Guð-
mundur Hálfdanarson, pró-
fessor í sagnfræði við heim-
spekideild.
Málstofan er opin öllu
áhugafólki og verður orðið
gefið frjálst eftir framsögu-
erindi.
Vestfirskar þjóðsögur
Elfar Logi Hannesson,
leikari og leikstjóri frá
Bíldudal, hefur lesið um
fimmtíu vestfirskar þjóð-
sögur inn á band sem
Vestfirska forlagið á
Hrafnseyri hefur gefið út,
bæði á snældum og hljómdiski.
Þetta er annars vegar úrval úr klassísk-
um þjóðsögum Vestfirðinga og hins vegar
úrval úr þjóðsögum Gísla Hjartarsonar,
101 ný vestfirsk þjóðsaga, 1.-3. hefti. Eins
og dyggir lesendur bóka Gísla þekkja er
reglan hjá honum sú að segja frá skemmti-
legum atburðum og tilsvörum. Hann vill
að sagan sé fyndin og nöfn viðkomandi
persóna séu nefnd en sagnfræðin látin eiga
sig.
Fleiri vestfirskar
þjóðsögur
Talandi um Gísla Hjartarson þá kom út
skömmu fyrir jól glænýtt hefti af nýjum
vestfirskum þjóðsögum sem hann hefur
safnað: 101 ný vestfirsk þjóðsaga, 4. hefti.
Vestfirska forlagið gefur út.
Mörg læknuð mein
Heilbrigðisstofnunin
Siglufirði hefur gefið út
bókina Mörg læknuð
mein eftir Þ. Ragnar Jón-
asson þar sem rakin er
saga heilbrigðisþjónustu
og velferðarmála á Siglu-
firði og hún skoðuð í víðu
samhengi. Þetta er
fimmta bók Þ. Ragnars
um siglfirska sögu, menningu og mannlíf í
bókaflokknum „Úr Siglufjarðarbyggðum".
Bókin skiptist i fjóra meginhluta. Fyrst
er fjallað um lækningar og lækna á fyrri
tíð, þá um sjúkrahúsin þrjú sem hafa ver-
ið rekin á Siglufirði og síðan stjórnendur
og starfsfólk heilbrigðisþjónustunnar í
bænum í áranna rás. Loks er fjallað um
ýmsa starfsemi á heilbrigðissviði í bæn-
um, sjúkrasamlag, berklavamir, lyfjabúðir
og dvalarheimili fyrir aldraða.
Ráðgert er að setja meginefni bókarinn-
ar á nýjan upplýsinga- og þjónustuvef Heil-
brigðisstofnunarinnar á Netinu. Slóðin er
www.hssiglo.is.
Roni Horn á förum
Nú fer hver að verða siðastur að sjá sýn-
ingu Roni Horn í i8 við Klapparstíg því
henni lýkur á laugardaginn. i8 er opið
þriðjudaga til laugardaga frá kl.13 til 17.