Dagblaðið Vísir - DV - 08.01.2002, Blaðsíða 24

28
ÞRIÐJUDAGUR 8. JANÚAR 2002
Tilvera DV
»lífiö
Vílólutónar og
söngur í Salnum
Tónleikar verða í Salnum,
Kópavogi, í kvöld þar sem flutt
verða einleiks- og kammerverk
fyrir víólu. Flytjendur eru: Jón-
ína Hilmarsdóttir, víóla, Stein-
unn Birna Ragnarsdóttir, píanó,
og Ásgerður Júníusdóttir, söng-
ur. Á efnisskránni eru verk eftir
Bach, Vieuxtemp, Hindemith, K.
Ý Koscar, Brahms og Enescu.
Tónleikarnir hefjast kl. 20.
Fundir
■ ÞJOPHATIÐIR OG ViÐHALD
ÞJOÐERNISVITUNDAR Kolbeinn
Ottar Proppé sagnfræðingur fjallar
um þjóöernisvitund og þjóöhátíöir á
hádegisverðarfundi Sagnfræðingafé- I
lagsins kl. 12.05-13.00 í Norræna
húsinu.
■ FYRIRLESTUR UM
SKATTLAGNINGU I LÖGBER6I
Grænir skattar; góð leið til
“ umhverfisverndar er yfirskrift
málstofu á vegum Landverndar og
Umhverfisstofnunar Háskóla íslands
sem fram fer í Lögbergi, stofu 101,
í dag og hefst kl. 16.00. Þórólfur
Matthíasson, hagfræöingur og
dósent, Björn Rúnar Guömundsson,
hagfræðingur í fjármálaráðuneytinu,
Geir Oddsson, auðlindafræöingur og
alþingismennirnir Þórunn
Sveinbjarnardóttir og Pétur Blöndal
flytja stutt innlegg og taka þátt í
pallborðsumræðum. Málstofan er
öllum opin sem áhuga hafa.
■ FRAMTÍÐ ÞJÓÐRÍKISINS RÆDD
Framtíö þjóöríkisins, einkum meö
tilliti til þróunarinnar í Evrópu, er
heiti málstofu á vegum lagadeildar
Háskóla íslands. Hún fer fram á
morgun, miövikudaginn 9. janúar, í
Lögbergi, stofu 101, og hefst kl.
12.15. Málshefjendur verða
Siguröur Líndal, prófessor emeritus
við lagadeild, og Guömundur
Hálfdánarson, prófessor í sagnfræði
viö heimspekideild.
Sýningar
Í HÁNbRlfÁSÝNÍNG í
ÁRNAGARÐI Handritasvnine er opin
þriöjudaga til föstudaga kl. 14-16 í
Stofnun Arna Magnússonar,
Árnagaröi við Suðurgötu.
■ SÝNING UM BJÖRGU C. í
ÞJOÐARBOKHLOÐU Maöur. læröu
aö skapa sjálfan þig er heiti
sýningarí Þjóðarbókhlöðunni. Hún
er tileinkuð Björgu C. Þorláksson
sem lauk doktorsprófi, fyst íslenskra
kvenna. Á sýningunni er ævi hennar
og störf rakin í máli og myndum og
♦ einnig getur að líta nokkra muni úr
hennar eigu. Hún sótti um að fá að
setjast í Lærða skólann en var
neitað af því að hún var stúlka. Hún
lauk þá stúdentsprófi í
Kaupmannahöfn og kom aðeins til
Islands sem gestur eftir það. Sýn-
ingin er á vegum Kvennasögusafns.
■ GLERLIST Á KJARVALSSTÖÐUM
Leitin aö miöju jaröar er sýning
tékknesks glerlistafólks á
Kjarvalsstððum. Það er í fremstu
röð glerlistamanna í Evrópu.
■ ÍSLENSK MYNDLIST Á 20. ÖLD
Sýningin Islensk myndlist á 20. öld
jf er í Listasafni íslands við
Fríkirkjuveg. Þar eru myndir í eigu
safnsins eftir 38 íslenska listamenn
sem settu svip á öldina sem leiö.
■ ÁSMUNDARSÝNING Svipir lands
og sagna er sýning á verkum
Ásmundar Sveinssonar í Listasafni
Reykjavíkur, Ásmundarsafni.
■ HULDA Á MOKKA Hulda
t Vilhjálmsdóttir sýnir myndir á
Mokkakaffi, þessa dagana.
Nítján ára ritstjóri Smells:
Gefandi að skrifa um það
sem skiptir máli í lífinu
- segir Lilja Sif Þorsteinsdóttir
Ritstjórinn Lilja Sif
„Maður verður bara að skipuleggja sig og skreppa í ritstörfm þegargöt verða í stunáatöfiunni. Þetta er heilmikið starf
og það þýðir ekkert annað en að vera duglegur“
Lilja Sif Þorsteinsdóttir heitir
ungur ritstjóri hér i Reykjavík. Hún
er 19 ára og stýrir unglingablaðinu
Smelli sem kemur út á vegum Æsk-
unnar átta sinnum á ári. Smellur er
efnismikið blað upp á 40 síður og
Lilja sér sjálf um flesta þætti þess
en hefur þó þrjá fasta penna á sín-
um snærum, auk þess sem Ólöf
Ásta Farestveit, uppeldis- og af-
brotafræðingur, svarar Neyðarlín-
unni. Lilja Sif tók við Smelli um
mitt síðasta ár og sinnir þvi í auka-
vinnu með menntaskólanámi í MH
og vinnu við skólablaðið þar. En
hvað kom til að hún gerðist rit-
stjóri? „Pabbi minn er að brjóta um
blaðið og ég var hér oft í einhverj-
um smáverkefnum, pikka eitthvað
inn og svoleiðs. Upp úr því bað þá-
verandi ritstjóri mig að vera í rit-
nefnd, ásamt tveimur öðrum og þeg-
ar hann hætti mælti hann með mér
í starfið. Ég tók það að mér til
reynslu og það hefur gengið ágæt-
lega hingað til. En nú er kominn að-
stoðarritstjóri lika. Það er hann Jón
Jósep í hljómsveitinni í svörtum föt-
um. Blaðið sem er að koma út núna
er fyrsta blaðið sem hann hjálpar til
með.“
Sálfræðin heillar
- Takið þið myndirnar sjálf eða
hafið þið sérstakan myndasmið?
„Við • tökum flestar myndirnar
sjálf. Það hefur gengið ágætlega
hingað til. Við erum með ágæta staf-
ræna vél og svo er hér góður graflk-
maður sem getur bjargað ýmsu í
tölvunni!"
- Fer Smellur víða?
„Hann er seldur í áskrift og svo
fer hann á félagsmiðstöðvarnar líka
þar sem hann er mikið lesinn.
Reyndar fæst hann líka í Hagkáup-
um og Pennanum og við ætlum að
reyna að dreifa honum enn frekar."
- Færðu mikil viðbrögð frá les-
endum?
„Já, já, krakkarnir eru duglegir
að skrifa en ég gæti alveg tekið við
fleiri bréfum og meira efni frá
þeim.“
- Varstu ung þegar þú byrjaðir að
skrifa?
„Nei, ekki sérlega. Reyndar hefur
mér alltaf gengið vel í ritgerðasmið-
um. En áhugi minn á blaða-
mennsku byrjaði bara þegar ég fór
að fást við skólablaðið í MH“
- Ætlarðu ekki að verða blaða-
maður þegar þú verður stór?
„Ég var mikið að pæla í að fara í
fjölmiðlafræðina en sálfræðin heill-
ar mig samt meira."
Stúdent í vor
- Máttu eitthvað vera að því að
læra?
„Já, það hefst. Maður verður bara
að skipuleggja sig og skreppa í rit-
störfin þegar göt verða í stundatöfl-
unni. Þetta er heilmikið starf og það
þýðir ekkert annað en að vera dug-
legur.“
- Ertu með einhver óskafög þarna
ÍMH?
„Já, það er til dæmis sálfræðin.
Svo var ég í byrjunaráfanga i
japönsku líka og hafði gaman af.
Það átti að verða framhaldsáfangi
en einhverra hluta vegna er hann
ekki inni á þessari önn. Ég hef líka
gaman af bókmenntafræðinni sem
er hluti af íslenskuáfanga hjá mér.
Ég er sko á tungumálabraut og
stefni að stúdentsprófl í vor.“
Tíminn fer í skólann,
skriftirnar og kærastann
- Hvað finnst þér skemmtilegast
að gera í Smellinum?
„Þegar ég get haft umfjöllun um
eitthvað sem kemur fólki til að
hugsa. Ég tók til dæmis viðtal við
samkynhneigðan strák og reynslu
hans af því að koma út úr skápnum.
Það fannst mér eiga erindi við unga
fólkið í dag. Mér flnnst gefandi að
skrifa um það sem skiptir máli í líf-
inu. Smellur er forvamarblað og við
reynum að taka á þeim málum eins
og hægt er, án þess að það sé bein-
línis aðalþema."
- Hvað er spennandi í næsta
blaði?
„Við erum til dæmis með umfjöll-
un um stera. Einnig viðtal viö
Védísi Hervöru og líka hljómsveit-
ina Sofandi. Svo skrifum við um
Hárkollugerð Kolfinnu sem er með
sniðugt hárskraut fyrir stelpur.
Auk þess er grein um kvenréttind
og önnur um þunglyndi. Svo er létt-
meti af ýmsu tagi, til dæmis grein
um snjóbretti."
- Þýðir nokkuð að spyrja um önn-
ur áhugamál? Þú hefur væntanlega
lítinn tíma til annars en að læra og
skrifa.
„Já, en samt reyni ég að lesa eins
og ég get. En mest af tímanum fer í
skólann, skriftirnar og kærastann."
-Gun.
Maöur I'rfardí
Pólitískt litróf
Kolbrún
Bergþórsdóttir
skrifar.
Mér finnst alltaf jafn skrýtiö
þegar menn láta skoðanir annarra
fara svo fyrir brjóstið á sér að þeir
glata sálarró. Þarna hef ég aðal-
lega pólitískar skoðanir í huga, en
ég hef svo oft orðið vitni að því að
menn æsa sig ógurlega vegna þess
að fólk úti í bæ hefur aðrar póli-
tiskar skoðanir en þeir, og kalla
það fólk flfl og asna.
Nú verð ég að viðurkenna að
það er einn flokkur á landinu sem
mér fellur verr en aðrir, sem sagt
Vinstri grænir. Samt á ég nána
vini i þeim flokki og myndi aldrei
kalla þá vitlausa þótt fylgi þeirra
við flokkinn hljóti að teljast sér-
kennilegt. Ásdís, vinkona mín, er
til dæmis bráðgáfuð kona, reyndar
svo mjög að hún hefur lofað að
koma yfir til Samfylkingarinnar
snúi Jón Baldvin heim frá útlönd-
um. Á meðan talar hún fjálglega
um Steingrim J. og stefnufestu hans
og ég stilli mig um að gera athuga-
semdir. Við verðum öll að fá að eiga
okkar átrúnaðargoð.
Systir mín ein er virk í Fram-
sóknarflokknum. Staðreynd sem
gerir mig stundum órólega. Á
verstu stundum leit ég á það fram-
sóknarbrölt sem fjölskylduharm-
leik, en er .nú búin að jafna mig.
Maður verður að vera umburðar-
lyndur gagnvart hinu pólitíska lit-
rófl.
Bestu vinina á ég innan Sam-
fylkingar, en þeim hefur þó farið
fækkandi síðustu mánuði. Maður
þykir víst ekki nógu flokkshollur.
Sem er misskilningur. Maður er
bara að reyna að vísa félögum sín-
um veginn, en þeir móðgast og
telja að maður eigi að þegja og
taka leiðsögn. Eins og maður hafi
nokkurn tima kunnað það.
Vinstrisinnaðir vinir mínir
segja stundum við mig bitrum
rómi: „Þú og vinir þínir í Sjálf-
stæðisflokknum ..." Ég er hægri
krati en á samt enga vini í Sjálf-
stæðisflokknum. Bara góöa kunn-
ingja og reyndar þónokkuð af
þeim. En kunningsskapur er nátt-
úrlega ekki það sama og vinátta.
Svo er það nú svo skrýtið að ef
maður neitar að tala um Davíð
Oddsson sem harðstjóra þá er mað-
ur umsvifalaust stimplaður inn í
Sjálfstæðisflokkinn. Ég fyrirgef vin-
um mínum þennan skort á víðsýni
„Nú verð ég að viðurkenna
að það er einn flokkur á
landinu sem mér fellur verr
en aðrir, sem sagt Vinstri
grænir. Samt á ég nána
vini í þeim flokki og myndi
aldrei kalla þá vitlausa
þótt fylgi þeirra við flokk-
inn hljóti að teljast sér-
kennilegt. Ásdís, vinkona
mín, er til dæmis bráðgáfuð
kona, reyndar svo mjög að
hún hefur lofað að koma
yfir til Samfylkingarinnar
snúi Jón Baldvin heim frá
útlöndum. “
Þeir eru bara of markaðir af sinni
pólitísku sýn. Pólitísk sýn er ágæt
nema þegar hún verður að einsýni.