Dagblaðið Vísir - DV - 05.05.2003, Blaðsíða 24
40
MÁNUDAGUR 5. MAÍ 2003
*
Petersons til DiisseUorf
Alexandres Petersons, sem leikið hef-
ur með Gróttu/KR sl. ár, hefur skrifað
undir þriggja ára samning við þýska lið-
ið Diisseldorf. Petersons æfði með liðinu
í nokkra daga og var síðan boðinn samn-
ingur hjá félaginu.
Diisseldorf hefur alla möguleika á að
komast upp í úrvalsdeild en á næstunni
heyr liðið keppni um laust sæti í efstu
deild Þýsku' úrvalsdeildarinnar í hand-
knattleik að ári.
Fleiri lið voru á höttunum á eftir Pet-
ersons, m.a. Alfreð Gíslason og félagar í
Magdeburg, en þær viðræður sigldu í
strand eftir tiltölulegan stuttan tima.
-JKS
Rúnar Sigtryggsson og samherjar hans í Ciudad Real.
Ciudad Real urðu
Evrópumeistarar
Rúnar Sigtrygsson og samherj-
ar hans í spænska liðinu Ciudad
Real urðu í gær Evrópumeistarar
bikarhafa í handknattleik þegar
liðið gerði jafntefli, 24-24, við
sænska liðið Redbergslid í siðari
leik liðanna í Gautaborg. Ciudad
Real vann fyrri leikinn á heima-
velli, 33-27, og vann því saman-
lagt með fimm marka mun.
Urios skoraði átta mörk fyrir
Ciudad Real og Zaky sjö mörk.
Lindhal skoraði sjö mörk fyrir
Redbergslid og Magnus Wislander
skoraði fimm.
Rúnar lék að venju eingöngu í
vörninni hjá spænska liðinu. 7000
áhorfendur fylgdust með leiknum
í Skandinavium-íþróttahöllinni í
Gautaborg.
Töluverð breyting verður á
leikmannahópi Ciudad Real þó
ljóst sé að Rúnar verður áfram
enda samningsbundinn liðinu.
Hvalreki á fjörur liðsins verður
koma Ólafs Stefánssonar til
félagsins en stefna forsvarsmanna
liðsins er að koma því í fremstu
röð í Evrópu.
Franska liðið Montpellier varð
Evrópumeistari þegar liðið
gjörsigraði spænska liðið
Portland San Antonio, 31-19, á
heimavelli eftir að hafa tapað
fyrri leiknum, 27-19, í Pamplona á
Spáni. Franska liðið vann því
samanlagt með fjórum mörkum.
Danska liðið Skjern bar sigur
úr býtum í áskorendakeppni Evr-
ópu. Liðið sigraði gríska liðið
Veiras á heimavelli, 35-25.
Grikkirnir unnu fyrri leikinn í
Aþenu með þremur mörkum
þannig að Skjern vann samanlagt
i báðum leikjunum með sjö
marka mun. Þetta er annað árið í
röð sem Skjern vinnur þessa
keppni. Grótta/KR náði alla leið í
8-liða úrslit í þessari keppni en
var slegið út úr keppninni af
sænska liðinu Savehof.
Barcelona varð Evrópumeistari
í keppni félagsliða eftir ótrúlega
léttar viðureignir gegn rússneska
liðinu Dynamo Astrakhan. Bör-
sungar sigrðu á heimavelli í gær,
33-26, og einnig á útivelli, 23-35.
-JKS
Stoke hélt
sæti sínu í
1. deildinni
íslendingaliðið Stoke City hélt
sæti sínu i ensku 1. deildinni með
góðum 1-0 sigri á Reading í
siðustu umferðinni í gær. Stoke
var þremur stigum á undan
Brighton fyrir leikina í gær og
hefði þarfnast stigs hefði farið svo
að Brighton hefði unnið Grimsby.
En niðurstaðan úr þeim leik varð
jafntefli og þvi hefðu úrslitin úr
leik Stoke ekki skipt neinu máli
þegar upp var staðið. Engu að
síður var sigur Stoke fyllilega
sanngjarn og var það góður
lokakafli í síðustu deildar-
leikjunum sem bjargaði liðinu frá
falli.
Það var lánsmaðurinn Ade
Akinbiyi sem skoraði sigurmarkið
og var honum hrósað mikið af
Tony Pulis, framkvæmdastjóra
liðsins, í leikslok. „Hann hefur átt
erfitt á undanfömum árum en nú
nær hann loksins að sýna á ný
hvað í honum býr. Þegar mér
bauðst að fá hann hikaði ég ekki
eina sekúndu, jafnvel þótt hann
hafi ekki verið nema í hálfu formi.
Það borgaði sig,“ sagði Pulis.
-vig
\ 5505ooo smáaugl lýsingar
SÍMI550 5000 • RAFPÓSTUR:smaauglysingar@du.is • www.smaauglysingar.is