Dagblaðið - 03.06.1976, Side 14

14
c
DAGBLAÐIÐ — FIMMTUDAGUR 3. JUNl 1976.
. skoðanakönnun Dagblaðsins: Finnst þér, að semja eigi til bráðabirgða
við Breta um landhelgina eða semja alls ekki?
}
Margir telja þorskastríðið hafa verið unnið og samninga þvi tilefnisiausa.
Vi
„Það er óskaplegt til þess að hugsa að mannslíf
skuli vera í hœttu. Ég hef oft beðið fyrir gœzlu-
mönnunum okkar. Ég vil líka biðja fyrir þeim brezku
og hef talað við manninn minn um það en hann vill
ekki biðja fyrir þeim brezku. En þeir eru nú bara
menn eins og við. Þeim er ýtt út í þetta þótt þeir
kannski vilji það alls ekki.”(Kona á Akureyri).
„Það kemur ekki til greina að semja við Breta
meðan ástandið er svo slœmt að rœtt er um að
leggja öðrum hverjum bát í stœrstu verstöð landsins,
Vestmannaeyjum.” (Karl í Vestmannaeyjum ).
„Betra er að semja við Breta til bráðabirgða áður
en þeir sökkva skipunum okkar.” (Kona i sveit).
„Við höfum um ekkert að semja.” (Karl á
Reykjavíkursvœði).
„Semja ef Bretarnir samþykkja að þetta séu síðustu
samningarnir sem gerðir verða um landhelgina.”
(Karl á Reykjavíkursvœðinu ).
„Ég þori ekki að
vera á móti samningum
af ótta við að mannslíf
kunni að glatast í
harðnandi deilu, en þó er
ég óákveðin um hvort
semja eigi.” (KONA Á
REYKJAVÍKURSVÆÐINU ).
„Semja ef þeir viður-
kenna landhelgina.”
(Kona í sveit).
„Já, en aðeins í 2-3
mánuði.” (Karl
Neskaupstað).
„Það er svo stutt í
úrslit hafréttarráðstefn-
unnar að það á alls ekki
að semja.” (Kona á
Akranesi).
Þetta eru nokkur dæmi um
svör fólks við skoðanakönnun
Dagblaðsins um afstöðu til
bráðabirgðasamninga við
Breta. Spurt var: „Finnst þér
að semja eigi til bráðabirgða
við Breta um landhelgina eða
semja alls ekki?”
Þetta var símakönnun.
Hringt var í alls 300 manns
eftir staðsetningu í símaskrá og
var talað við 150 karla og 150
konur. Af þessum 300 voru 150
á Stór-Reykjavíkursvæðinu og
150 úti á landi. Með þessu er
farið nærri um skiptingu lands-
manna eftir kyni og búsetu.
Könnunin er fullkomlega hlut-
laus, þar sem númer eru ein-
ungis valin eftir staðsetningu i
símaskránni. Að öllu saman-
lögðu fer ekki á milli mála að
skoðanakönnun sem þessi
gefur, svo að ekki á að skakka
nema fáeinum prósentum, all-
góða mynd af skoðunum al-
mennings.
Konur harðari í andstöðu
við samninga
Könnunin var gerð um
síðustu helgi eftir að fram hafði
komið í fjölmiðlum hvernig
samnings,,hugmyndirnar” fyrir
Oslófundina litu út og hefur
sín áhrif á afstöðu fólks til
samnings til bráðabirgða.
Leggja ber áherzlu á að spurt
er hvort semja ætti til
bráðabirgða.
Úrslitin urðu að meirihluti
sagðist andvígur samningum til
bráðabirgða. 55 af hverjum 100
sögðu nei, 37 af 100 já og 8 af
100 voru óákveðin. Konur voru
mun harðari í andstöðunni.
60 af hverjum 100 konum
sögðu nei en tæplega 29 prósent
já. Hjá körlum munaði litlu, 50
af hverjum 100 sögðu nei en
rúm 45 prósent sögðu já.
Lítill munur reyndist vera á
skoðunum fólks á Reykjavíkur-
svæðinu og úti á landi í þessum
efnum. Þó var andstaðan við
samninga nokkru meiri meðal
kvenna á Reykjavíkursvæðinu.
xM-I | * _ | •• _ •
Niðurstoður skoðanakonnunarinnar
urðu þessar:
Með samningum 111 eða 37%
Móti samningum 165 eða 55%
Óákveðin 24 eða 8%
Ef aðeins eru teknir þeir sem afstöðu táku
verða niðurstöðurnar þessar:
Með samningum 40,2%
Móti samningum 59,8%
Verulegur ótti við
manntjón
Þeir sem fylgdu samningum
til bráðabirgða,- lögðu, miðað
við þær athugasemdir sem fólk
lét fylgja svörunum, mest upp
úr hættunni á manntjóni í
'þorskastríðinu. Andstæðingar
samnings nefndu ýmis atriði.
Þeir sögðu, sumir hverjir að
stríðið væri hvort sem væri
unnið.
Aðrir sögðu að við ættum að
biða niðurstöðu hafréttarráð-
stefnunnar; sem væri að
vænta eftir nokkra mánuði og
yrði okkur í hag. Þess vegna
væri tilefnislaust að semja.
Margir tóku fram að Bretar
ættu ekkert gott skilið eftir
allan yfirganginn.
Stuðningsmenn bráðabirgða-
samnings tóku sumir fram, að
við gætum ekki sigrað Breta í
stríði.
Mikill hluti stuðningsmanna
samninga, sem á annað borð
létu athugasemdir fylgja
svörunum, tóku fram að það
yrði þá að vera öruggt að ein-
ungis yrði samið til bráða-
birgða.
Margir tóku fram að þeir
yrðu þá að viðurkenna 200
milurnar og aðrir að banna ætti
þeim veiðar eftir að stuttur
samningstími væri liðinn.
Margt stuðningsfólk
stjórnarinnar andvígt
samningum
Dagblaðið kannaði jafnframt
afstöðu almennings til ríkis-
stjórnarinnar og nokkurra
fleiri mála sem efst eru á baugi.
Niðurstöður þeirra kannana
verða birtar á næstunni. I ljós
kom að talsvert stór hluti af
stuðningsfólki ríkisstjórn-
arinnar var andvígur
samningum til bráðabjrgða. Þó
voru þeir fleiri, af þeim sem
studdu ríkisstjórnina, sem
vildu semja við Breta. Hins
vegar reyndust einnig nokkuð
margir af andstæðingum ríkis-
stjórnarinnar vera fylgjandi
samningum til bráðabirgða.
Þar var þó yfirgnæfandi meiri-
hluti andvígur bráðabirgða-
samningum.
-HH