Dagblaðið - 21.03.1977, Síða 15

IJAGBLAÐIÐ. MANUDAGUR 21. MARZ 1977.
15
Iþróttir
Iþróttir
Iþróttir
Metaregn í sundi
og
íslandsmet í metum!
— Þrettán íslandsmet sett eða jöf nuð á íslandsmótinu í sundi um helgina
Það ,er vinna, sem liggur að
baki þessum ágæta árangri sund-
fólksins, enn og aftur vinna, sagði
Guðmundur Harðarson, þjálfari
Ægis, eftir að hvert íslandsmetið
á fætur öðru var sett á Íslands-
mótinu í sundi innanhúss um
helgina. Mótið' var mikill per-
sónulegur sigur fyrir Guðmund.
Sundfólkið hans í Ægi sigraði í 23
greinum af 24 á mótinu og slíkt
hlýtur að vera einsdæmi á sund-
móti hér. A mótinu voru sett 12
islandsmet og að auki var eitt
jafnað — og öll voru metin sett á
kiassískum vegalengdum. Þá
voru sett sex unglingamet. Það
var því sannarlega metaregn á
mótinu og sennilega er þetta nýtt
Íslandsmet í metum á einu og
sama mótinu. Þó var sundfólkið
oft nálægt slíku um 1970.
Mótið hófst á föstudag í Sund-
höllinni og strax í fyrstu grein var
sett íslandsmet. Þórunn Alfreðs-
dóttir, Ægi, sigraði á 9:51.2 mín.
en eldra met hennar var 9:57.4
mín. Það var í 800 m skriðsundi. I
1500 skriðsundi varð Sigurður
Ölafsson íslandsmeistari á 17:18.6
mín. I 400 m skriðsundi setti
Sigurður tvö íslandsmet. Synti í
undanrás á 4:17.0 mín. og bætti
árangurinn í úrslitum i 4:16.0
mín. Eldra met hans var 4:17.5
mín. Þá jafnaði Sigurður tslands-
met Finns Garðarssonar í 100 m
Dansk-íslenzkt
heimsmet!
Lóa Ólafsson, Danmörku, sem
er af íslenzkum ættum, náði á
laugardag bezta heimstíma
kvenna í 10000 metra hlaupi í
'keppni í Kaupmannahöfn. Hún
hljóp vegalengdina á 33:34,2 sek.,
sem er 16.2 sek. betra en hið
óopinbera heimsmet Crista
Valensieck, Vestur-Þýzkalandi.
skriðsundi, synti á 54.9 sek. Sex
syntu innan við mínútu.
í 200 m baksundi setti Bjarni
björnsson, Ægi, nýtt islandsmet á
2:23.2 mín. en eldra metið átti
kappinn kunni, Guðmundur
Gíslason, 2:23.4 mín. Bjarni varð
einnig íslandsmeistari í 100 m
baksundi á 1:05.9 mín. í 200 m
bringusundi setti hin 13 ára Sonja
Hreiðarsdóttir, Ægi, nýtt islands-
met — synti á 2:50.5 mín., en
eldra met hennar var 2:51.2 mín. í
100 m bringusundi sigraði Sonja á
1:19.9 mín. sem er telpnamet og
aðeins fjórum sekúndubrotum frá
íslandsmeti Ellenar Yngva-
dóttur. Sonja setti einnig telpna-
met í 50 m á 38 sek. og 200 m
baksundi 2:40.5 mín. Var þar ís-
landsmeistari.
Það var skammt stórra högga á
milli hjá Þórunni Alfreðsdóttur.
Auk metsins í 800 m — þar setti
Unnur Brown nýtt telpnamet
11:54.9 mín. — setti Þórunn Is-
landsmet í 400 m fjórsundi á
5:24.9 mín. og bætti met sitt veru-
lega, 5:31.7 mín. Einnig í 400 m
skriðsundi á 4:46.4 mín. Eldra
metið átti Vilborg Sverrisdóttir,
SH, 4:46.7 mín.
Guðný Guðjónsdóttir, Ármanni,
sem var eini íslandsmeistarinn
utan Ægis, náði stórgóðum tíma í
100 m skriðsundi á 1:05.5 mín.
Var aðeins þremur sekúndubrot-
um frá bezta tíma móður sinnar á
vegalengdinni, hinnar frægu
sundkonu Ágústu Þorsteins-
dóttur. Og enn er Guðný aðeins 13
ára. Frábært efni. Hermann
Alfreðsson náði ágætum tíma í
100 og 200 m bringusundi og stór-
bætti árangur sinn. Hermann er
17 ára og synti 100 m á 1:11.6 mín.
og 200 m á 2:35.7 mín. Varð ís-
landsmeistari á báðum vegalengd-
um. Eldri bróðir hans, Axel, setti
ágætt íslandsmet í 400 m fjór-
sundi á 4:55.6 mín. Eldra metið
átti hann sjálfur, 4:59.2 mín. í 100
Þórunn Alfreðsdóttir, Ægi. Setti ísiandsmet í þremurgreinum og varð
fimmfaidur íslandsmeistari í einstaklingsgreinum auk tveggja boð-
sunda. DB-mynd Bjarnleifur.
m flugsundinu varð Þórunn systir
þeirra Islandsmeistari á 1:10.4
mín. og i 100 m baksundi varð
Sonja Hreiðarsdóttir tslands-
meistari á 1:16.3 mín. Stórbætti
árangur sinn. I 200 m flugsundi
var Þórunn íslandsmeistari á
2:32.2 mín. og í 200 m baksundi
setti Hugi Harðarson, Selfossi,
sveinamet á 2:30.9 mín.
íslandsmet voru sett í öllum
boðsundunum. Kvennásveit Ægis
I 4x100 m fjórsundi á-5:00.7 mín.
og 4x100 m skriðsundi á 4:30.6
mín. og karlasveit Ægis í 4x100 m
fjórsundi á 4:19.5 mín. og 4x200
m skriðsundi á 8:21.3 mín. Tím-
arnir bættir verulega í öllum
sundunum.
íslandsmótið í heild lofar mjög
góðu um árangur í sumar og gefur
vonir um góðan árangur í 8-landa
keppninni, sem verður haldin hér
í Laugardalslauginni 2.—3. júlí.
ÞORBERGUR SKEINIV-ÞYZKALANDI!
íslenzka landsliðið undir 21 árs tapaði tvívegis fyrir V-Þýzkalandi, 15-18,7-14
og Stenzel lét taka Þorberg úr umferð—en hann skoraði 11 mörk
— Við töpuðum tvívegis fyrir v-
þýzka landsliðinu skipuðu leik-
mönnum undir 21 árs aldri. Fyrri
leikurinn tapaðist 15-18, en hinn
síðari stórt —7-14. V-Þýzka liðið
var skipað ákaflega sterkum leik-
mönnum, allir nema mark-
verðirnir hafa leikið með a-
landsliði Þýzkalands, sagði
Jóhann Ingi Gunnarsson, þjálfari
íslenzka landsliðsins skipuðu
leikmönnum undir 21 árs aldri en
liðið kom heim í gær.
— Þjóðyerjarnir leggja gífurlega
áherzlu á unglingalið sín og
þannig lét Stenzel leikmenn í
landsliðinu u-21 ára aldrei æfa
með a-landsliðinu í vetur. Sovét-
menn léku nýlega þrjá leiki við
V-Þýzkaland, sem sigraði tvívegis
og þar voru fjórir af þeim leik-
mönnum, sem léku gegn okkur i
a-liðinu og stóðu sig vel. Enda
kom frant hjá Stenzel að hann
leggur gífurlega áherzlu á þetta
lið, er sigraði okkur. —
Nú, en fyrri leikurinn tapaðist
15-18 eftir að jafnt hafði verið í
leikhléi 8-8. Leikurinn fór fram í
Vellmar að viðstöddum 1300
áhorfendum, fullskipuðu húsi.
Þjóðverjar skoruðu tvö fyrstu
mörk leiksins en Steindór
Gunnarss. opnaði markareikning
Islands eftir að Bjarni Guð-
mundsson hafði stokkið inn úr
horninu, þótzt ætla að skjóta en
gefið á Steíndór á línunni, sem
skoraði fallega. Leikurinn var
mjiig jafn og var vörn íslenzka
liðsins mjög föst fvrir og ágæt
markvarzla Arnar Guðm.sonar
í marki Islands. Þorbergur
Aðalsteinsson var mjög sterkur í
sókninni, skoraði fjögur mörk í
fyrri hálfleik, hið síðasta beint
úr aukakasti eftir að leiktíma
var lokið.
Þorbergur kom geipisterkur út,
og greip Stenzel til þess ráðs að
taka hann úr umferð í síðari hálf-
leik. Leikurinn var mjög jafn,
jafnt, 11-11, 12-12 og 13-13.
Islendingar voru þá einum manni
fleiri en reynt var ótímabært skot
og Þjóðverjar brunuðu upp og
skoruðu. Þetta kom tvívegis fyrir
og Þjóðverjar sigruðu 18-15.
Þorbergur Aðalsteinsson
sannaði þarna að hann er sannar-
lega maður framtíðarinnar. Hann
skoraði 8 mörk, 4 úr vítaköstum.
Konráð Jónsson kom einnig
sterkur út úr letknum, skoraði
4 mörk, Steindór Gunnarsson
2, og Hannes Leifsson 1.
Síðari leikurinn fór síðan fram
í Hildeshein og enn var fullt hús
— nú 1000 manns. Þorbergur
Aðalsteinsson var þegar í upphafi
tekinn úr umferð og Þjóðverjar
komust í 2-0. Steindór Gunnars-
son blokkeraði skemmtilega fyrir
Þorberg, sem skoraði tvö næstu
mörk, 2-2. Síðan komust
Þjóðverjar í 4-2, og 6-4, en staðan I
leikhléi var 6-5. Vörnin var mjög
sterk í leiknum og Sigurður
Ragnarsson stóð sig mjög vel í
markinu en hann lék
bróðurpartinn af leiknum í
marki.
Síðari hálfleikur var hins vegar
imjög slæmur, liðið hætti að leika
sem heild og leikmenn skutu í
tima og ótíma, knettinum ekki
haldið í sókninni. Skotnýting varð
ákaflega slæm —25% í síðari
hálfleik. Þjóðverjar héldu hins
vegar haus og eins virtust
dómararnir hggstæðir þýzka
liðinu. Þannig fekk þýzka liðið 4
vítaköst dæmd, Island ekkert, en
þó hefði verið dæmt vlti á svipuð
brot í fyrri leiknum. En skýringin
var þó fyrst og fremst að liðið
hætti að leika sem heild þó
varnarleikurinn og markvarzlan
hafi verið góð. Þjóðverjar unnu
stórt, 14-7. Mörk tslands skoruðu:
Þorbergur Aðalsteinsson 3,
Símon Unndórsson 2, Hannes
Leifsson og Gústaf Björnsson 1
mark hvor.
— Ég tel að þessir leikir hafi
sannað að alls ekki má slá slöku
við unglingastarfið, það kemur
niður á handknattleiknum síðar.
Þannig var Vlado Stenzel sér-
deilis hissa þegar hann frétti að
ísland sendi ekki lið u-21 árs á
heimsmeistarakeppnina í
Svíþjóð, sagði Jóhann Ingi einnig.
STENMARK HEIMSMEISTARI
Þó enn séu þrjú mót eftir í
keppninni um heimsbikarinn
hefur Ingemar Stenmark, Svíþj.,
þegar tryggt sér sigurinn annað
árið í röð. Stenmark sigraði í svigi
í Are í Sviþjóð í gær. Ahorfendur
voru yfir 20 þúsund með Karl
Gústav konung í broddi fylking-
ar. Stenmark var ákaft fagnað,
þegar hann vann sinn áttunda
sigur í keppninni í vetur. Það er
met — áður hafa sex sigrar á
keppnistímabili verið það mesta.
Stenmark hefur nú hlotið 289
stig. Klaus Ileidegger, Austur-
ríki. er annar með 227 stig og
Franz Klammer þriðji með 203.
Fjórði er Piero Gros með 163 stig.
og Bernard Russi er fimmti með
148 stig. Sjötti er Gustavo Thoeni
með 137 stig, en hann hefur
manna oftast sigrað i keppninni
um heimsbikarinn.
Stenmark hafði gífurlega yfir-
burði í Are. Fékk tímann 1:38.93
mín. Franco Bieler, Italíu, varð
annar á 1:40.52 mín. Þá Thoeni á
1:41.02 mín. og Poul Frommelt,
Lichtenstein, fjórði á 1:41.27 mín.
I fimmmta sæti voru þeir
Heidegger og Gros jafnir á 1:41.51
mín.
Iþróttir
Staðaní
l.deild
tJrslit leikja í 1. deild um
helgina:
Grótta — Fram 16-21
FH — Haukar 21-21
Staðan I 1. deild er nú:
Valur 7 6 0 1 161-127 12
Víkingur 8 6 0 2 199-172 12
Haukar 9 5 2 2 180-177 12
FH 8 4 1 3 184-166 9
ÍR 8 3 2 3 157-171 8
Fram 8 3 1 4 160-165 7
Þróttur 8 0 3 5 146-174 3
Grótta 8 0 1 7 154-189 1
Markhæstu leikmenn Islands-
mótsins eru:
Hörður Sigmarss. Haukum 72/22
Geir Hallsteinsson FH 50/10
Viðar Símonarson FH 48/17
Ólafur Einarsson Víking 47/8
Jón Karlsson Val 43/18
Þorbjörn Guðmundsson Val41/7
Konráð Jónsson Þrótti 41/6
Þorb. Aðalsteinsson Víking 36/—
Pálmi Pálmason Fram 35/16
Björgvin Biörgvinsson Vík. 34/2
Brynjólfur Markússon ÍR 33/—
Þór Óttesen Gróttu 33/—
Viggó Sigurðsson Víking 32/8
Arni Indriðason Gróttu 30/18
Jóhann vann
alla leikina
Jóhann Kjartansson, bad-
minton-maðurinn ungi, sýndi
snilldartakta á úrtökumóti Bl,
sem lauk í TBR-húsinu i gær.
Hann sigraði alla mótherja sína á
mótinu og aðeins einu sinni
þurfti að hækka upp. Það var
gegn Friðleifi Stefánssyni, sem
Jóhann sigraði 15-8 og 18-15.
Islandsmeistarann Sigurð Har-
aldsson sigraði Jóhann með 15-11
og 15-13.
Atta beztu badmintonmenn
landsins tóku þátt i mótinu..
Jóhann sigraði — í öllum sjö
leikjum sínum. Sigurður varð
annar með 5 vinninga. Tapaði
fyrir Jóhanni og Sigfúsi Ægi
Arnasyni. 1 3.-5. sæti með 4
vinninga voru Sigfús Ægir,
Jóhannes Guðjónsson, ÍA, og
Haraldur Kornelíusson.
Friðleifur Stefánsson og Hörður
Ragnarsson, ÍA, hlutu tvo
vinninga og Reynir Þorsteinsson
rak lestina. Hiaut engan vinning.
Fyrirhugað er að senda tvo
menn á heimsmeistaramótið, sem
verður í Svíþjóð 3.-8. maí — og
verða það sennilega tveir efstu
menn á úrtökumótinu Jóhann og
Sigurður.
Nýjasta tölva með hornaföll-
um frá CASIO
Fljótandi kristall í stafa-
borði, notar aðeins 1 raf-
hlöðu. Þykkt 14 mm. Lengd
128 mm. Breidd 67 mm.
Þyngd 93 g. Smellur í brjóst-
vasann. Verð kr. 12.900.
CASI0 umboðið
STÁLTÆKI
Vesturveri. S. 27510.
fidWMHHfllSHUUMEB