Dagblaðið - 29.04.1978, Side 12

12
DAGBLAÐIÐ. LAUGARDAGUR 29. APRÍL 1978.
UMHVERFIS JÖRÐINA Á 30 DÖGUM MEÐ DB
Róm
FORNAR RUSTIR ROMARI
OG HINIR LÍFSGLÖÐU ÍTAI
Þotan frá Alitalia-flugfélaginu þeytist
eftir flugbraut á Heathrow-vellinum við
Lundúnir. Hestöflin eru þanin til hins
ýtrasta. Vélin losar tengslin við brezka
grund — og nú teljum við að 30 daga
hnattferðin okkar sé hafin fyrir alvöru.
Flugið til Rómaborgar stendur ekki
lengi. Eftir að búið er að stjana við
okkur í tvo klukkutíma segir flugstjórinn
okkur með sínum skemmtilega italska
syngjandi hreimi að veriðsé að undirbúa
lendingu í Róm.
Þegar stigið er út úr flugvélinni andar
á móti okkur volg golan utan af
Miðjarðarhafinu. Hér verður gott að
dvelja næstu tvo dagana. Já, vel á
minnzt, veðrið heima var nú hálfónota-
legt og beit i kinnarnar.
Á flugvellinum spígspora flugvallar-
starfsmenn á stuttermaskyrtum, raul-
andi eða blístrandi, og farþegahópar
ganga i léttu skapi milli véla og hinnar
skemmtilegu flugstöðvar í Fiumico. Já,
ítalir eru sannarlega glaðværir menn,
enda þótt þeir séu löngu heillum horfnir
sem heimsveldi.
Þessi borg, sem við munum brátt lita
augum, er óvenjuleg um margt. Hér
stóð fyrir mörgum öldum mesta stór-
veldi heimsins. Byggingar sýna það og
sanna margar hverjar hvílikt veldi hefur
verið á Rómverjum hinum fornu. Tvö
þúsund árum síðar lesum við aðallega
um Rómverjana í bókmenntunum um
Ástrík hinn gallvaska. En hér fáum við
semsé staðfestinguna.
En fegurð og töfrar Rómaborgar
liggja ekki eingöngu í hinni fornu frægð.
íbúarnir eru einstaklega kátir og lifs-
glaðir.Hvar í veröldinni mundirðu geta
boðið lögregluþjóni inn á veitingahús og
rætt við hann í klukkutíma um alla
heima og geima yfir góðu glasi af
ísköldum bjór? Það hefur undirritaður
upplifað — en það mundi trauðla gerast
nema í „borginni eilífu”. Og fari maginn
að gerast tómur eru veitingastofur á
hverju götuhorni. Og þar færðu pizza og
spagetti eins og það á að vera. Enginn
veitingastaður er þar til svo aumur að
geta ekki boðið upp á glas af léttu víni
fyrir lítið fé með matnum (að vísu
þekkist slíkt aðeins heima á tslandi).
t Róm verðum við að útbúa lista yfir
það sem við viljum skoða. Þar er hægt
að vera vikum saman og skoða mark-
verða hluti án þess að komast nokkurn
tíma til botns. En eflaust munum við
heimsækja Vatíkanið og freista þess að
sjá páfa eða hans mönnum bregða fyrir.
Péturskirkjan er einstakt listaverk og
innan dyra er margt að sjá fyrir íslend-
inga sem ekki eru vanir stórbrotnu
kristnihaldi.
Katakomburnar skoða menn ugg-
laust. Þar eru hin fornu fylgsni kristinna
manna í Róm, en I Rómaborg stendur
vagga kristinnar kirkju. Colosseum-
hringleikahúsið er þó líklega það mann-
virki frá gömlum dögum Rómaríkis er
ferðamenn kannast hvað bezt við. Þegar
við erum búin að skoða nægju okkar og
setjumst inn á einhverja þessara litlu og
notalegu veitingastaða gæti einhverjum
komið i hug að „Róm var ekki byggð á
einum degi”. Borgin er bókstaflega
fleytifull af minningum um forna
dýrðardaga og frumbernsku kristninnar
en inn I milli er hið Ijúfa ítalska nútíma-
líf eins og bragðgott krydd.
Dagarnir okkar i Rómaborg eru bara
tveir. Og einu má lofa: Þeir dagar liða
allt of fljótt og við verðum að gæta þess
vel að nota okkur hverja sekúndu til
hins ýtrasta. En hvað um það við látum
einkafararstjórann okkar frá Sunnu sjá
um að við sjáum sem flest og mark-
verðast.
Á morgum munum við aka sem leið
liggur út á flugvöll og þá yfirgefum við
Eg er að plata ég hef ekkert
ð vera í bungum bönkum
Hugsa.
Hugleiða.
Heeehee
Hugsa.
Thihii
Hoohoo
Haha haha