Dagblaðið - 18.11.1978, Blaðsíða 7

DAGBLAÐIÐ. LAUGARDAGUR 18. NÓVEMBER 1978.
7
Lánasjóður íslenzkra námsmanna:
VANTAR UM 600 MIUJONIR
— miðað við það sem gert er ráð fyrir ífjárlagafrumvarpinu
„Við gerðum okkar fjárhagsáætlun
í maí og lögðum hana fyrir fjár-
veitingavaldið. Siðan hafa allar for-
sendur gjörbreytzt,” sagði Sigurjón
Valdimarsson, framkvæmdastjóri
Lánasjóðs íslenzkra námsmanna, er
DB hafði samband við hann í gær.
„Breytingar hafa bæði orðið á gengi
og öllu verðlagi, þannig að útkoman
verður sú að okkur vantar um 600
milljónir frá því sem gert er ráð fyrir á
fjárlögum. Við höfum skýrt mennta-
málaráðherra frá þessari stöðu og
munum i næstu viku skýra hana fyrir
fjárveitinganefnd.”
Sigurjón sagði að hjá stjórn sjóðsins
væri mikill vilji til að gera breytingar á
úthlutunarreglum sjóðsins. Þessar
hugmyndir væru fyrst og fremst í þá
átt að tekið yrði meira tillit til barna
og fjölskyldustærðar við útreikning
framfærslukostnaðar.
Aðspurður sagði Sigurjón að
greiðslur á haustlánum væru vel á veg
komnar. Greiðslur hefðu hafizt 1.
október og hefði þá lánum verið
úthlutað til um 1000 námsmanna
erlendis. Síðan hefði um 700 náms-
mönnum hér heima verið úthlutað
lánum 1. nóvember og loks yrði út-
hlutað 1. desember til þeirra sem hefðu
sent umsóknir of seint til að hægl væri
að afgreiða þær á venjulegum tíma.
Þetta væru um 500 umsóknir, þar af
um 200 frá námsmönnum erlendis.
Þá væri alltaf stór hópur sem sækti
ekki um haustlán heldur aðeins eitt
heildarlán sem yrði greitt út í
byrjun marz. Sagði Sigurjón að
umsækjendur um þetta lán yrðu
sennilega 1100-1200 þannig að Lána-
sjóðurinn þyrfti sennilega að afgreiða
lán til 3300-^3400 námsmanna.
Dagblaðið hafði samband við
Ragnar Arnalds menntamálaráðherra
og spurði hann hvernig brugðizt yrði
við þessum fjárhagsvandræðum
Lánasjóðs islenzkra námsmanna.
Menntamálaráðherra sagði að þetta
mál væri náttúrlega á valdi Alþingis
en hann sagðist vona að Alþingi hefði
fullan skilning á að ekki væri hægt að
rýra fyrirgreiðslurnar við námsmenn
neitt frá því sem nú er. „Nú kemur til
kasta fjárveitinganefndar en ég styð
óskir Lánasjóðsins mjög eindregið,”
sagði Ragnar Arnalds menntamála-
ráðhera að lokum.
-GAJ-

„Ég styð óskir Lánasjóðsins mjög
eindregið,” sagði Ragnar Arnalds
menntamálaráðherra I samtali við
Dagblaðið.
DB-mynd Ragnar Th. Sig.
Umræður um DB-fréttir í bæjarstjórn Kópavogs:
„Helga vildi
sjálf mennta-
skóla í mið-
bæinn”
Á bæjarstjórnarfundi í Kópavogi fyrir
síðustu helgi urðu nokkrar umræður
vegna tveggja frétta i Dagblaðinu. 1
þeirri fyrri hefði Helga Sigurjónsdóttir
forseti bæjarstjórnar verið spurð um
miðbæjarskipulagstillögur sem fyrir
bæjarstjórn liggja. Var hún mjög mót-
fallin einu atriði í þessum tillögum, því
að menntaskóli risi við kirkjuna í mið-
bænum i Kópavogi. Nokkrum dögum
seinna birtist seinni fréttin þar sem Skúli
Norðdahl skipulagsarkitekt gagnrýndi
þessi orð Helgu og sagði það aldrei hafa
verið hugmynd að skólinn risi á kirkju-
holtinu.
Stefnir Helgason, sem sat á föstudags-
fundinum sem varamaður Sjálfstæðis-
flokksins, gerði þessi blaðaskrif að um-
ræðuefni. „Ég get ekki varið það að for-
seti bæjarstjórnar skuli neyða undir-
mann sinn til þess að leiðrétta missagnir
sinar i blöðunum,” sagði hann i viðtali
við DB.
„Fyrir tveim árum, eða þann 13.
febrúar 1976, var samþykkt einróma í
bæjarstjórn að menntaskóla skyldi ætl-
aður staður i miðbæ Kópavogs. Helga
Sigurjónsdóttir var önnur þeirra sem að
þessari tillögu stóð. Þessu virðist hún
vera búin að gleyma.
Þarna í miðbænum var gert ráð fvrir
skóla að grunnflatarmáli 3 þúsund fer-
metrar og rými fyrir 600 nemendur. Við
völdum þennan stað fram yfir óbyggða
lóð sem við eigum við Digranesveg
vegna þess að kostir þess að hafa skóla i
miðbænum þóttu miklir. Bæði vegna
þess að það veitti lífi í miðbæinn og
eins vegna þess að skiptistöð strætis-
vagna er þarna rétt hjá og því auðvelt að
komast að og frá skólanum.
Forsenda þess að skólinn verði þarna
er að hann verði ekki of stór. Það er
tómt mál að tala um að reisa skóla á
stærð við Fjölbrautaskólann i Breið-
holti. Við eigum hreinlega ekkert fé til
þess og hvers vegna skyldum við, sem
erum akkúrat á miðju höfuðborgar-
svæðinu, reisa slikan skóla sem stæði
svo ef til vill auður vegna þess að betri
sérkennslu væri að fá annars staðar á
svæðinu? Við erum í Kópavogi en ekki á
Kópaskeri og verðum að hfaga okkur í
samræmi við það. Eins er auðvitað sjálf-
sagt, ef við kæmum upp sérkennslu i ein-
hverju fagi, t.d. matvælafræði, sem
mjög góð aðstaða er fyrir í Kópavogi, að
nemendur annars staðar af höfuðborgar-
svæðinu sæktu þann skóla.
En Alþýðubandalagið og Alþýðu-
flokkurinn virðast vera hræddir hvorir
við annan og því keppast sigurvegarar
kosninganna við að lofa fólki stórum
hlutum á vixl. Það má þó ekki lofa al-
gjörlega óraunhæfum hlutum, það var
þess vegna sem ég stóð upp,” • sagði
Stefnir.
Eftir að Stefnir hafði talað tóku til
máls Björn Ólafsson af hálfu Alþýðu-
bandalagsins og Helga Sigurjónsdóttir,
forseti bæjarstjórnar, frá sama flokki.
Því næst Stefnir aftur. Stefnir sagði þau
tvö hafa reynt að verja gerðir Helgu en
honum þætti það hafa tekizt lítt.
- DS
Sigríður undanskilin
Sigriður Eyþórsdóttir sem nýbyrjuð
er sem umsjónarmaður Litla barna-
tímans í útvarpinu á móti þeim Finn-
borgu Scheving og Unni Stefánsdóttur
hafði samband við undirritaða og
fannst að sér sneitt í skrifum í blaðinu
á fimmtudag. Þar voru umsjónarmenn
Litla barnatimans gagnrýndir fyrir að
tala við börn eins og fávita, í alveg sér-
stökum tón, sem aldrei heyrist ella
nema I Stundinni okkar í sjónvarpinu.
Það skal því tekið fram að undirrituð
hefur ekki heyrt þá tvo tima sem
Sigríður hefur verið með og leggur því
engan dóm á þá. En þær Unnur og
Finnborg eru báðar undir sömu sökina
seldar og ég hafði ekki gert mér grein
fyrir að nýr stjórnandi hefði bætzt i
þeirra hóp.
- DS
Kvenfélag Fríkirkjusafnaðarins í Reykjavík heldur
basar mánudaginn 20. nóvember í Iðnó, uppi, kl. 2 síð-
degis.
Komið og gerið góð kaup.
Ertu að bjóða þjófunum heim?
Þaö er sama hvenær sólarhringsins þú yfirgefur híbýli þin, þú verður að ganga tryggilega frá opnanlegum kjallaraglugg-
um, sem og gluggum á fyrstu hæð og öðrum smugum sem hugsanlega væri hægt að komast inn um á auðveldan hátt.
Gangið úr skugga um að sömu gluggar séu vel frá gengnir á hverju kvöldi, áður en gengið er til náða.
— Frá Innbrotavörnum lögreglunnar í Reykjavik.
111 Sórhæfum okkur /
Seljum í dag:
|
r—NOTAÐIR BILAR------------------------
Saab 96 '74
hvítur, ekinn 69 þús. km, verð 2000 þúsund.
Saab 96 '74
alveg sérstaklega fallegur bill, ekinn 100 þús.,
km, verð 2000 þúsund.
Saab 99 GL '74
grænn, ekinn 80 þúsund km, verð 2500 þúsund.
Saab 99 GL '72
sjálfskiptur, ekinn 74 þúsund km, verð 1800
þúsund.
Saab 99 GL'77
2 dyra, beinskiptur, ekinn 25 þús. km. Verð
4300 jTúsund.
Saab 99 GL '78
ekinn 20 þúsund km, 4 dyra, beinskiptur, litur
brúnn (dorado), aukahlutir sem fylgja: dráttar-
krókur, snjódekk á felgum, cover á sætum, út-
’varpskassi og heilir hjólkoppar. Verð 5000 þús.
Saab 99 '76
ekinn 23 þúsund km. Verð 3700 þúsund.
—NYIR BILAR----------------------
Saab 96
verð4750 þúsund.
Saab 99 GL
2ja dyra. Verð 5311 þúsund.
Saab 99 GL
4ra dyra. Verð 5500 þúsund.
Saab 99
3jadyra. Verð6200 þúsund.
Seljið ekki góðan notaðan
Saab undir verði.
Veistu að þú getur átt von á
að Saab endist 17 ár á
íslandi.
Saab 99GL'73
blár, ekinn 80 þúsund km, snjó- og sumardekk
ifylgja, verð 2100 þúsund.
Autobianchi '77
ekinn 34 þús. km. Verð 1700þúsund.

’ B3ÖRNSSON Aco
BlLDSHÖFÐA 16 SlMI 81530 REYKJAVIK