Dagblaðið - 29.01.1979, Page 21

DAGBLAÐIÐ. MANUDAGUR 29. JANUAR 1979.
Fleetwood Mac fólk
önnum kafið
við hljómplötugerð
Ein örstutt frétt fyrir aðdáendur
Fleetwood Mac.
Hljómsveitarfólkið vinnur þessa
dagana með sveitta skalla í sólinni í
Los Angeles við að Ijúka næstu plötu
sinni — þeirri fyrstu síðan metsölu-
platan Rumours kom út. Útgáfudagur
|hefur þó enn ekki verið kunngerður,
né heldur nafn plötunnar.
Nýja platan verður tvöföld i um-
slaginu og mun hafa aðgeymatuttugu
og tvö lög. Þeirra á meðal er lagið Sist-
er of the Moon eftir Stevie Nicks sem
hljómsveitin flutti á hljómleikum
sinum síðastliðið sumar.
Nýjustu fregnir — óstaðfestar að
sjálfsögðu — herma hins vegar að
Stevie Nicks hyggist ganga i það heil-
aga á næstunni með Dennis Wilson,
trommuleikara Beach Boys. Þeir velja
sér sannarlega fólkið til að slúðra um
þarna á vesturströndinni.
Or MELODY M AKER
FLEETWOOD MAC — Næsta plata verður tvöföld, með einum 22 lögum.
Mannaskipti
íTívolí
Kemur f ram á ný ef tir mánaðamót
Litlum sögum hefur farið af hljóm-
sveitinni Tívolí síðustu vikurnar. Hún
er þó langt frá því að vera hætt störf-
um.
„Það hafa orðið talsverðar manna-
breytingar i Tivoli núna upp á siðkast-
ið,” sagði Ólafur Helgason trommu-
leikari og hljómsveitarstjóri er Dag-
blaðið leitaði hjá honum frétta af
hljómsveitinni. „Við lékum í siðasta
skipti með gömlu liðsskipaninni í síð-
ustu viku. Ef æfingar með nýju mönn-
unum ganga að óskum vonast ég til að
vera kominn af stað aftur i febrúar-
byrjun."
Ekki vildi Ólafur á þessu stigi skýra
frá því hverjir skipuðu hið nýja Tívolí.
Þó er Ijóst að Ellen Kristjánsdóttir
verður ekki með. Hún æfir nú af kappi
með hljómsveitinni Poker. Þá hefur
það lengi legið í loftinu að Friðrik
Karlsson gitarleikari hygðist hætta.
^ Ólafur vildi ekkert um það segja hvort
gitarleikaraskipti yrðu í Tívolí. „Þetta
kemur allt í Ijós eftir nokkra daga,”
sagöi hann.
-ÁT-
Vegna vinsældavals DB og Vikunnar:
Hvers vegna komust
Fræbblamir ekki að?
Dagblaðinu hefur borizt opið bréf,
undirritað af sextíu og fimm manns.
Bréfið er stutt og laggott og hljóðar
svo:
„Hvers vegna voru atkvæði okkar I
vinsældavali Dagblaðsins og Vikunn-
ar, þar sem við völdum FRÆBBL-
ANA sem Hljómsveit ársins, ekki tek-
in gild?”
Því er til að svara að aðstandendur
Vinsældavals Dagblaðsins og Vikunn-
ar setja sér nokkrar grundvallarreglur
>við úrvinnslu valsins. Ein er sú að á öll
samtök kjósenda til að koma einhverri
ákveðinni hljómsveit eða manni að er
litið sem svindl. Tilgangur vinsælda-
valsins er sá að kanna stöðu tónlistar-
markaðarins með tilliti til þess sem
menn og hópar hafa afrekað á árinu.
Sigurvegararnir eru siðan verðlaun-
aðir sem slikir á Stjörnumessu blað-
anna.
Alls kyns klikur, sem vilja koma
sínu fólki að og neyta til þess samtaka-
máttar síns, gera úrslitin marklaus.
Því er reynt i tíma að hindra slíkt.
Dæmið með hljómsveitina Fræbblana
er þessa eðlis.
Við pólitískar kosningar er leyfilegt
að reka alls kyns áróður. 1 kjörklefan-
um er þó hver einstaklingur frjáls að
greiða atkvæði hverjum sem er án þess
að nokkurn tíma vitnist hvað hann
kaus. Þessi meginregla á við í
Vinsældavali Dagblaðsins og Vikunn-
ar að svo miklu leyti sem hægt er að
heimfæra hana upp á opnar kosningar
án kjörklefa og leynilegrar atkvæða-
greiðslu. Stefnt er þó að sömu niður
stöðu og i leynilegum kosningum:
Réttum úrslitum.
-ÁT-
ÓLAFUR HELGASON — Liðsskipanin í Tívoli kemur i Ijós eftir nokkra daga.