Dagblaðið - 30.04.1979, Síða 8

8
DAGBLAÐIÐ. MÁNUDAGUR 30. APRÍL 1979.
Danmörk:
Þúsundum sagtupp í
skipasmíðastödvum
— hið opinbera neitar að styrkja skipasmíðastöðvar eða veita ríkisábyrgðir
Forráðamönnum Burmeister og
Wein hinnar miklu dönsku skipa-
smíðastöðvar hefur verið tilkynnt að
danska rikið muni hvorki veita fyrir-
tækinu fjárhagslega aðstoð eða ríkis-
ábyrgð til að byggja fjögur skip. Átti
að smíða þessi fjögur til að koma í
veg fyrir, að til fjöldauppsagna
starfsmanna þyrfti að koma á næstu
mánuðum.
Tilkynning ríkisvaldsins um að
engin aðstoð verði veitt þýðir að
segja verður upp eitt þúsund tvö-
hundruð og Fimmtiu starfsmönnum
hjá Burmeister og Wein á næstunni.
Þessi stefna danskra stjórnvalda mun
einnig þýða það, að alls mun þrjú
þúsund starfsmönnum verða sagt
upp í hinum nítján dönsku skipa-
smíðastöðvum á næstu mánuðum.
Hinar nítján stöðvar þurfa að fá
verkefni fyrir fjóra milljarða danskra
króna á næstu tveim árum til að geta
komizt hjá því að grípa til frekari
uppsagna starfsfólks. Eru horfur á
að það megi takast taldar fremur
litlar.
Að sögn Arne Christiansen við-
skiptaráðherra Dana þá var um að
ræða 370 milljón danskra króna
styrk og ríkisábyrgð fyrir Burmeister
og Wein. Ef það framlag hefði
fengizt taldi stöðin sig geta smiðað
fjögur skip. Tvö fyrir aðila í Burma
og tvö fyrir Sudan.Ráðherrann sagði
að með hliðsjón af efnahagslegri
stöðu þessarra tveggja landa þá
hefðu verið yfirgnæfandi líkur á því
að danska ríkið hefði orðið að greiða
þessar þrjú hundruð og sjötíu
milljónir. Slíkt hefði ekki verið talið
verjandi.
Erlendar
fréttir
Banna leikföng
með
hakakrossinum
Hæstiréttur Vestur-Þýzkalands lagði
fyrir stuttu bann við þvi að hakakross-
inn — merki þýzkra nasista — væri
notað á leikföng barna. Málið snerist
um leyfi til að setja líkan af flugvél á
markaðinn. Vél þessari var flogið í síð-
ari heimsstyrjöldinni og hafði þá haka-
krossmerkið á stélinu.
Hermenn Idi Amins eiga nú bága ævi og eiga sér orðið fáa fylgismenn. Fregnir af hryðjuverkum þeirra þar sem þeir hafa
farið um á flótta undan hermönnum Tansaniu og hinnar nýju stjórnar Uganda hafa vakið mikinn óhug. Á myndinni sést, er
Tansaniuhermenn þjarma að manni, sem talinn var fyrrum liðsmaður Amins. Gerðist þetta i borginni Jinja. Ekkert hefur
frctzt af Idi Amin sjálfum. Aftur á móti mun Kenyastjórn hafa framselt hvftan aðstoðarmann hans sem ákærður er fyrir
morð og annan skepnuskap.
Ef þú þreytist á göngunni gerír þú þér litið fyrír og setur saman reiðhjólið og hjólar af
stað. Viljir þú aftur fara að ganga brýtur þú reiðhjólið saman svo það verður ekki
stærra en venjuleg skjalataska. Sá sem hannaði grípinn heitir Juan Szumowski, arki-
tekt að mennt og er fæddur f Argentfnu. Hlaut hann fyrstu verðlaun á sýningu i
Bretlandi fyrír gríp sinn.
Vestur-Þýzkaland:
Kristilegir
demókratar
sigruðu í
Schleswig-Holstein
Kristilegum demókrötum tókst að
halda meirihluta á þinginu í Schleswig-
Holstein riki í Vestur-Þýzkalandi.
Fengu þeir eins þingsætismeirihluta og
48% atkvæða. Töpuðu þeir nokkru
fylgi en skýringin er talin sú að kjós-
endur margir studdu loforð jafnaðar-
manna um algjört kjarnorkubann í rik-
inu. Er það í andstöðu við stefnu
flokksins í Bonn. Jafnaðarmenn juku
nokkuð fylgi sitt og fengu nú um það
bil 42% greiddra atkvæða. Frjálsir
demókratar hafa einnig fulltrúa á þingi
Schleswig-Holstein.
Danirreisa
sykurverksmiöju
íSovétríkjunum
Dönsku sykurverksmiðjurnar munu
verða fyrsta þarlent fyrirtæki til að
opna skrifstofu í Moskvu. Hefur fyrir-
tækið undirritað samning um að endur-
byggja og skipuleggja sykurverksmiðju
i Úkraínu. Er það talið verða verk upp
á eitt hundrað milljónir danskra króna.
Erlendar
fréttir
Skákmótið í Montreal:
TAL KOMINN í
FORUSTU
— en Karpov aðeins hálf um vinningi á
eftir og með tvær biðskákir
Mikhail Tal er kominn í efsta sæti á
skákmótinu í Montrea! eftir að hafa
sigrað Danann Bent Larsen. Hefur Tal
þá 9,5 vinninga og er hálfum vinningi á
undan Karpov heimsmeistara, sem að
vísu á einnig tveim biðskákum ólokið.
Skák hans við Portisch frá Ungverja-
landi í gær fór i bið. Kavalek frá
Bandaríkjunum sigraði Huebner frá
Vestur-Þýzkalandi. Spassky og Hort
gerðu jafntefli, einnig þeir Timman frá
Hollandi og Ljubojevic frá Júgóslavíu.
Staðan eftir fjórtán umferðir af
átján er þá þessi:
Tal er efstur með 9,5 vinninga,
Karpov kemur í öðru sæti með 9 vinn-
ninga og tvær biðskákir, Portisch er
með 7,5 vinninga og tvær biðskákir,
Ljubojevic 7,5, Huebner 6,5, Hort 6 og
eina biðskák, Kavalek, 5,5, Timman 5
og tvær biðskákir, Spassky 4,5 og eina
biðskák og Larsen rekur lestina með
fjóra vinninga og tvær biðskákir.
Biðskákir verða tefldar í dag,
fimmtánda umferðin á morgun.
Mótinu lýkur næstkomandi sunnudag.
ísrael:
Skæruliðar réðust
á olíuleiðslu og
dælustöð
Palestínuskæruliðar réðust á fjögur
skotmörk innan landamæra ísraels yfir
helgina, að sögn talsmanns skæruliða.
Meðal þeirra skotmarka var olíuleiðsla
og dælustöð nærri strönd Miðjarðar-
hafsins, rétt við borgina Ashkelton.
Þó kosningar I Bretlandi farí yflrleitt fram meó fríðsamlegum hætti getur þó oft
hitnaó i kolunum vegna þeirra. Almennar þingkosningar fara fram þar i landi hinn 3.
næsta mánaðar. Aö þessu sinni eru þaö helzt öfgasinnar til hægrí og vinstrí sem láta
hendur skipta. Einkum mun þjóöernissinnaður flokkur, sem berst fyrír þvf að allir
litaðir íbúar Bretlands verði fluttir á brott, valda ýmsum hugarangrí. Hefur hvað
eftir annað komið til handalögmála þar sem sá flokkur hefur haldið fundi. Einn maður
hefur fallið i þeim átökum.