Dagblaðið - 22.09.1979, Blaðsíða 7
DAGBLAÐIÐ. LAUGARDAGUR 22. SEPTEMBER 1979.
7
Matthías Á. Mathiesen, fyrrverandi fjármálaráðherra:
Svavar virðist
ekki treysta sér
til Rússlands
—niðurstöður olíuviðskiptanef ndar staðfesta málf lutning
sjálfstæðismanna
„Auðvitað á Svavar Gestsson við-
skiptaráðherra að fara til Rússlands
ef hann hefur áhuga á lausn þessa
mikla vanda en hann virðist ekki
treysta sér til þess. Auk þess ætti að
gera skýrslu oliuviðskiptanefndar
opinbera strax svo tækifæri gefist til
að meta niðurstöður hennar beint en
ekki í gegnum tillögur einstakra ráð-
herra,” sagði Matthías Á. Mathiesen
alþingismaður og fyrrverandi fjár-
málaráðherra í viðtali við DB í gær er
hann var spurður álits á stöðunni í
olíuviðskiptamálunum nú.
Sagði hann stefnu Sjálfstæðis-
flokksins lengi hafa verið þá að rétt-
ara væri að dreifa áhættunni af olíu-
verzluninni meira en nú er gert svo ís-
lendingar séu ekki háðir olíuviðskipt-
um viðeina þjóð.
I því sambandi minnti hann á
þingsályktunartillögu sem hann
ásamt Geir Hallgrímssyni flutti á
Alþingi 1973 um málið. Þar er m.a.
lagt til að kannaðir verði möguleikar
á olíukaupum frá Norðursjó enda
sýnist sem flutningskostnaður yrði
minni þaðan.
í tillögunni er ekki gert ráð fyrir að
leggja olíuviðskipti við Rússa alfarið
niður enda segir orðrétt í greinagerð
með henni: „Því má að sjálfsögðu
ekki gleyma að viðskiptin við Sovét-
ríkin eru að mörgu leyti hagstæð þar
sem þau kaupa af okkur ýmsar út-
flutningsafurðir. Ber að sjálfsögðu
að hafa það atriði í huga við nýja
samningagerð.”
Þá gat Matthías þess að snemma á
þessu ári hefði Geir Hallgrimssop
skorað á viðskiptaráðherra, í Ijósi
þess hvert stefndi í oliumálum okkar,
að þá þegar yrðu teknar upp við-
ræður um málið við ráðamenn í
Sovétríkjunum í þeirri von að við
stæðum betur í þessum málum nú.
Einnig væri nú nýkomið fram að
sjávarútvegsráðherra hefði líka lagt
slíkt til við viðskiptaráðherra bréf-
um síðustu áramót. Viðskipta-
ráðherra hafi hvorugu sinnt svo segja
mætti að það sé myndarlegu fram-
taki olíuviðskiptanefndar að þakka
að samninganefndin hafi nú eitthvert
veganesti. Að því leyti sem honum
væri kunnugt um innihald skýrslunn-
ar virtist hún staðfesta málflutning
sjálfstæðismanna.
-G.S.
Dýrleif Ingólfsdóttir fósturnemi og afgreiðslustúlka t.v. og Guðrún Jónsdóttir af-
greiðslu- og fiskvinnslumær t.h. DB-mynd Árni Páll.
Vladimir Bukovsky við komuna til Sviss skömmu fyrir jól 1976, þá illa haldinn eftir
fangelsisvistina i Sovétrfkjunum.
Bukovsky talar
í Reykjavík
Sovézki andófsmaðurinn og útlaginn
Vladimir Bukovsky talar á opnum
fundi á Hótel Sögu eftir hálfan mánuð,
sunnudaginn 7. október. Bukovsky
kemur hingað til lands í boði Samtaka
um vestræna samvinnu.
Bukovsky mun m.a. fjalla um lífs-
reynslu sína og um það hvern lærdóm
fólk á Vesturlöndum geti dregið af
ástandinu í Sovétríkjunum, eins og
segir í frétt SVS. Hann mun flytja
ræðu sína á ensku og svara síðan fyrir-
spurnum.
Bukovsky, sem er 36 ára, hefur varið
fullum þriðjungi ævi sinnar á bak við
lás og slá í heimalandi sínu, ýmist í
fangelsi, fangabúðum eða geðveikra-
hælum. Hann er einhver þrautseigasti
andófsmaður Sovétrikjanna og varð
heimskunnur við komuna til Vestur-
landa 1976. Þá voru höfð skipti á
honum og chileanska kommúnistafor-
ingjanum Luis Corvalan sem sat í fang-
elsi herforingjastjórnarinnar íChile.
Milli þess sem Bukovsky var inni-
lokaður — vegna ,,glæpa gegn sovézka
ríkinu” — stundaði hann nám. Nú
nemur hann liffræði við King’s College
í Cambridge í Englandi.
-ÓV.
Okkur vantar
MATSMANN
i frystihús vort strax.
Upplýsingar í síma 97-5132.
i Alar akraytingar unnar af fag-
mönnum.
Nvg hDnhiM a.ai.k. é kvéMla
'RIOMÍvAVIXIIR
HAFNARSTRÆTI Slmi 12717
Afgreiða matvöru,
fatnað ogbensín
jöfnum höndum
en flýja heimabyggðina á vetuma
þegar ekkert er þar við að vera
,,Þó við séum báðar innfæddir
Bakkfirðingar þá erum við ekki hérna
nema á sumrin þvi hér er eiginlega ekk-
ert við að vera á veturna,” sögðu af-
greiðslustúlkurnar í útibúi Kaupfélags
Langnesinga sem DB-menn hittu á ferð
sinni um Bakkafjörð fyrir skömmu.
Kaupfélagsbúðin á Bakkafirði er
miðdepill staðarins. Verzlunin stendur
á hápunkti fjörukambsins ofan bryggj-
unnar og til hliðar við saltfiskverkunar-
hús trillukarlanna.
Þetta kaupfélagsútibú er eins og
víðar í þessum landshluta eina
verzlunin á staðnum.
,,Það eru hérna eitthvað 70—80
manns, mest trillusjómennog fólk með
þeim,” sögðu þær stöllurnar. „Á
boðstólum í búðinni er matvara, fatn-
aður og það helzta sem fólk þarf en
annars sækja margir ýmist til Þórs-
hafnar eða Vopnafjarðar til innkaupa,
eða eitthvað lengra.”
Afgreiðslustúlkurnar sögðu gott að
vera heima á Bakkafirði á sumrin en
þar væru þær aldrei á veturna. Dýrleif
Ingólfsdóttir stundar nám í Fósturskól-
anum í Reykjavík en Anna Guðrún
Jónsdóttir var sl. vetur í fiskvinnu á
Hornafirði „og fer í eitthvað” í vinnu i
vetur.
Úti fyrir verzlunarhúsinu er bensin-
tankur frá Esso og það er í verkahring
afgreiðslustúlknanna að hlaupa út i
norðanáttina og afgreiða bensinið móti
vindi ef bensínkaupendur eru ekki svo
liðlegir að bjóðast til að setja á bila sína
sjálfir. -ASt.
Motocrosskeppni
að Sandfelli við Þrengslaveg
Komið og sjáið spennandi keppni