Dagblaðið - 16.01.1980, Síða 4

4
DAGBLAÐIÐ. MIÐVIKUDAGUR 16. JANÚAR 1980.
DB á ne vtendamarkaði
Skyldugir að merkja vörur í gluggum
H.J. skrifar:
Ég sendi ykkur nóvemberseðilinn,
því ég kom því aldrei í verk að senda
hann í annríki desembermánaðar.
En ég hugsaði að kannski væri betra
seint en aldrei. „Annar kostnaður”
er ekki tæmandi upphæð hjá mér,
þetta eru upphæðir sem fara í gegn
um hendurnar á mér og alltaf verður
eitthvað útundan. Mest af þvi er það
sem fer um hendur eiginmannsins,
það kemurekki fram.
Mér finnst matarreikningarnir
orðnir anzi háir, það kostar talsvert
að halda blessuð jólin og ég bíð
spennt eftir að sjá hvernig aðrir hafa
komið út.
Ég var að hugsa um hvort þið á
Neytendasiðu Dagblaðsins, sem
hefur komið svo mörgu góðu til
leiðar, gætuð ekki ýtt svolítið við
verzlunareigendum um betri og meiri
verðmerkingar í gluggum. Ég hélt að,
reglugerð væri um það að allar vörur
ættu að vera merktar ef þeim er stillt
út.
Svar:
Það er rétt haldið hjá þér að allar
vörur í búðargluggum eigi að vera
merktar og Neytendasíðan hefur
margsinnis bent á það. En annað-
hvort nenna kaupmenn ekki að fara
eftir þessum reglum eða þeir telja sig
á einhvern hátt ekki bundna af þeim
því verðmerkingar í glugga heyra til
ánægjulegra undantekninga. En fyrst
ríki eða borg með allan sinn mann-
aflaívinnu geta ekki ráðið við að
hafa eftirlit rneð þessu er ekki um
annað að ræða en að eftirlitið komi
frá neytendum. Það er undir neyt-
endum komið að kvarta, kvarta og
kvarta enn þar til eitthvað verður gert
i þessu. Kaupmenn eiga að fara eftir
reglum sem settar eru, rétt eins og
aðrir.
- DS
Vopnafjörður:
iógúrt bara á sumrin
Húsmóðir á Vopnafirði skrifar:
Jæja, þá eru það nú lokin fyrir
1979 og auðvitað loforð um sparsemi
og samvizkusemi á árinu 1980. Eins
gott að efna loforðið.
Hvernig skyldi það vera, ætli
jógúrt sé bara ferðamannamatur?
Hér fæst hún bara yfir hásumarið,
mér og fleirum til sárrar gremju.
Þrf miður er talsverður misbrestur, svo ekki sé meira sagt, á þvf að kaupmenn merki vörur sfnar f búðargluggum, eins og
þeim ber þó skylda til. t þessum búðarglugga sést t.d. ekki ein einasta verðmerking.
„Einfaldasti ábæt-
ir í heimi”
Upplýsingaseöill
til samanburðar á heimiliskostnaói
„Þetta er sá aleimfaldasti og fljót-
legasti ábætir sem hægt er að fá, fyrir
nú utan hvað hann er ofsalega
góður,” sagði húsfaðir einn í bænum
sem hringdi í DB fyrir helgi með upp-
skrift sem hann lumaði á og sagðist
hafa fundið upp sjálfur. Hún hljóðar
svo:
Þeyttur rjómi eftir smekk (t.d. 1 peli)
flórídana-appelsínuþykkni eftir
smekk (1—3 msk. f pela af rjóma).
Rjóminn er sem sagt þeyttur og
þykkni látið út í þar til bragðið er
orðið gott að mati þess sem býr til
réttinn. Misjafnt er að sögn hús-
föður hversu mikið appelsínubragð
menn vilja hafa af réttinum og því
rétt að setja lítið til að byrja með en
bæta síðan við ef á bragðið skortir.
Með því að nota þykkni í rjómann
þarf ekki að setja í hann matarlím
sem annars þarf að gera ef notaður
væri þynnri safi. En útkoman verður
sú sama að sögn húsföður, eða jafn-
vel betri, appelsínufrómas, sem bæði
er gott eitt sér eða t.d. á heitar
pönnukökur. Við þökkum húsföður
kærlega fyrir þessa uppskrift og biðj-
um Iesendur endilega að senda inn
fleiri góðar uppskrifdr sem þeir luma
á.
- DS
Nafn áskrifanda
Heimili
Simi
Hvaö kostar heimilishaldiö?
Vinsamlega sendið okkur þennan svarseöil. Þannig eruð þér orðinn virkur þátttakandi f upplýsingamiðlun
meðal almennings um hvert sé meðaltal heimiliskostnaðar fjölskyldu af sömu stærð og yðar. Þar að auki eigið
þér von f að fá frfa mánaðarúttekt fyrir fjölskyldu yðar.
Kostnaður í desembermánuði 1979.
Matur og hreinlætisvörur kr.
Annaö
kr.
Alls kr.
m» ik i v
Fjöldi heimilisfólks
neytenda
Hálf milljón í olíu
G.A. í Stykkishólmi sendi okkur til
gamans tölur með seðlinum sínum
um hversu dýrt getur verið að búa í
einbýlishúsi úti á landi. Hún borgaði
af 5 lánum samtals 259.500, borgaði
321.160krónur fyrir rafmagn en milli
30 og 85 þúsund krónur á mánuði
fyrir olíu eða alls 545.500. Við þetta
bætist svo síminn, oft 50 og upp í 80
þúsund á 2 mánaða fresti. „Skrýtið
að einhverjir vilji búa utan þéttbýlis-
kjarnans á Reykjavíkursvæðinu,”
segir hún að lokum og hefur þá setn-
ingu eftir manni í sjónvarpinu.
Grillaður f iskur
f gær grilluðum við kótelettur og
var þá jafnframt drepið á að gott
væri að grilla fisk. Það skulum við
gera í dag. Til að grilla fisk þarf ann-
'aðhvort eldfast mót eða ofnskúffu.
Fiskinum er velt upp úr raspi, rétt
eins og þegar á að steikja hann.
Honum er þá raðað í ofnskúffu eða
mót og smjörlíki sett í skúffuna.
Mjög gott er að setja ost ofan á fisk-
inn en alls ekki nauðsynlegt.
Þetta á að grilla við svona 200
gráðu hita í örstutta stund. Borið
fram með heitum kartöflum.
í þennan rétt er bezt að nota ýsu-
flök sem kosta rúmar 800 krónur
kílóið.
- DS

Uppskrift
dagsins