Dagblaðið - 29.07.1980, Blaðsíða 4
4
DAGBLAÐIÐ. ÞRIÐJUDAGUR 29. JULl 1980.
Hvítkál og rófur aftur
á markaðnum
Hvítkál og rófur eru nú aftur
komin á markaðinn. Grænmetis-
verzlun landbúnaðarins flutti inn 20
tonn af hvítkáli í siðustu viku, sem
hún deildi á milli verzlana, en verð á
þvi var kr. 489. Jóhann Jónasson for-
stjóri Grænmetisverzlunarinnar
sagði í viðtali við Dagblaöið, að um
leið og fengizt hefði leyfi frá
hollenzka eftirlitinu um að hvítkálið
væri hæft til flutnings hefðu verið
gerð kaup. Erfitt hefði verið um vik
að fá hvítkál annars staðar en í Hol-
landi vegna óþurrka.
Fyrsta íslenzka hvitkálið er nú
komið og kostar það 800 kr. hvert
kiló í heildsölu en rófurnar kr. 600.
Hámarksálagning í verzlunum er
38—40%.
Sölufélag garðyrkjumanna upp-
lýsti Dagblaðið um að verðið væri
svona hátt til þess að byrja með þegar
lítið bærist af hvítkáli. Síðar mun
hvítkálið lækka. -EVI.
HÚSFLUGAN GERIR
MÖNNUM LÍHÐ LEITT
í góða veðrinu undanfarið hefur
húsflugan gert sig heldur betur
heimakomna og gert mönnum lífið
leitt. Svo mikiö hefur kveðið að
henni að flugnaspjöld (vaponastrip)
sem bensínstöðvarnar hjá Shell hafa
selt eru uppseld. Hins vegar er hægt
að fá fleira til þess að drepa þessa
hvimleiðu gesti með og það er t.d.
flugnaeitrið bani, sem kostar í
kringum 1500krónur.
Töluvert hefur verið hringt til
Neytendasíðunnar vegna þessara
flugnaspjalda frá Shell og hafa sumir
haldið því fram að hætt væri að selja
þau vegna þess að þau væru svo
eitruð.
Við ræddum því við Þorkel
Jóhannesson prófessor, formann
eiturefnanefndar.Hann sagði að þessi
„vaponastrip” spjöld væru leyfð hér
á landi en að sjálfsögðu ættu að
fylgja þeim viðvörunarorð á
íslenzku. Ýmsar frændþjóðir okkar
eins og t.d. Danir teldu að þau ættu
ekki að vera í mannabústöðum
helduraðeins í peningshúsum.
íslendingar kóngar...
,,En það er tilgangslaust að setja
þannig reglur fyrir íslendinga. Þeir
eru kóngar hver á sínum stað og
myndu ekki fara eftir þeim,” sagði
Þorkell. Þá hefði einnig komið til tals
hjá Shell að vera með annars konar
„vaponagerð” þar sem meira af
eitrinu færi út í andrúmsloftið, en
það hefði ekki veriö leyft hér.
Aðrar gerðir af flugnaeitri í
úðabrúsumeru leyfðar hér og sagði
Þorkell að vissulega væri í þeim
burðarefni sem trufluðu andrúms-
loftið. Hins vegar væri alltaf verið að
betrumbæta þessi efni og taldi
Þorkell að vandinn við notkun þess-
ara efna væri að smáleysast.
Viðræddumvið Skeljung, sem er
umboðsmaður Shell, og fengum við
þæ' npplýsingar að ekki yrði flutt
meira inn í sumar af flugnaspjöldum.
í vor hefði verið flutt inn 15% meira
en í fyrra, sem talið var að hefði átt
að duga. Það er 3ja mánaða af-
greiðslufrestur á þessum spjöldum.
Þess vegna kæmu þau svo seint til
landsins að flugnavandamálið væri
úr sögunni.
-EVI.
nao ætti að vera hægt að notast við bana, fyrst „vaponastrip” er uppselt og
kemur ekki meira i sumar.
DB-mynd Bjarnleifur.
Hún brá sér I Grænmetisverzlun landbúnaðarins þessi fyrir helgina og keypti sér
nýtt hollenzkt hvitkál. Það gerðum við lika og bragðið gaf þvi íslenzka ekkert
eftir. Ólikt þvi hvitkáli sem flutt er inn á veturna.
DB-mynd Þorri.
MEGRUN - MEGRUN
Er hægt að verða
Jú, mikil ósköp. Það er hægt þótt
það sé frekar sj3ldgæft.SIikdæmi cru
til og þá sérstaklega um stúlkur á tán-
ingaaldri sem eru í svo ströngum
megrunarkúrum að likaminn kemst
úr jafnvægi. Þær halda áfram að
grennast löngu eftir að megrunarkúr-
inn er hættur og eiga erfitt með að ná
kjðrþyngd sinni aftur. Það getur
veriðhættulegtað léttast of mikið.
-JSB
Paradís garðeigandans
GARÐSHORN
Þessi planta nefnist randagras. t Skrúðgarðabók Garðyrkjufélags tslands segir
að það sé eina grastegundin sem náð hafi útbreiðslu hér sem skrautplanta. Það er
um 100 cm á hæð með breið, hvitröndótt blöð. Það breiðist út með jarðstönglum.
Myndin er úr Grasagarðinum.
DB-mynd Bjarnleifur.
Flestir garðar standa nú í sínum
mesta blóma og skrúðið gleður augu
bæði garðeigenda og vegfarenda. —
Þegar ég fer út með hundinn minn á
góðviðrismorgnum, eins og verið
hafa undanfarið, er engu líkara en að
maður gangi inn í Paradís. Þannig
hugsa ég mér að minnsta kosti að sé
að koma á þann stað. Engu er líkara
en þungur blómailmurinn fylli loftið.
Ekki svo að skilja að minn garður sé
eitthvað sérstakt, hreint ekki. Hann
er það aðeins fyrir mig.
Kálplönturnar sem ég plantaði út
24. maí sl. eru nú orðnar gríðarlega
stórar. Það þarft ekki nema fáeina
sólarhringa í viðbót og þá verður
hægt að byrja að skera af brokkál-
inu. Það er nefnilega hægt að tgka af
þvi mörgum sinnum. Við erum þegar
búin að fá okkur grænkál i salat. Það
gengur hins vegar seinna með rósa-
kálið, en það er vist eðlilegt að ekki
við neinni uppskeru sé að búast fyrr
en um miðjan ágúst. Hins vegar las
ég í dönsku blaði að bæði rósakál og
grænkál geti staðið með blóma langt
fram á vetur. Hægt sé aðkrafsaþað
upp úr snjónum.
Salatið sem ég sáði til í markbollu-
kössunum er allt að koma til, en þvi
miður virðist pétursseljan eitthvað
hafa misfarizt. En það þýðir ekkert
að fárast yfir því. A.Bj.
Gamlar vörubirgðir hækka vegna söluskatts
Verzlunarmaður hringdi:
Mig langar að gera athugasemd við
bréf Sigþórs Guömundssonar sem
skrifar á neytendasíðuna um tvo
verðmiða á vörum. Segir hann að það
varði við lög aö hækka gamlar vöru-
birgðiríverzlunum.
Sannleikurinn er sá að þótt um 3
verðmiöa væri að ræða gæti það.
alveg eins verið sá efsti sem gilti, ef
hækkunin nemur þeirri verðhækkun
sem alltaf er verið að gera á sölu-
skatti. Að öðru leyti er óheimilt að
hækka gamlar birgðir í verzlunum.
Ég vil líka gjarnan benda á að
mikið er um sumarfólk í verzlunum
núna sem stendur dálitið berskjaldað
gagnvart kúnnunum þar sem það
þekkir oft lítiö til starfa.
Kaup verzlunarmanna er lika til svo
háborinnar skammar að menn nota
þessa vinnu aðeins sem stökkbretti til
þess að komast í aðra betri. Vitanlega
kunna sumir verzlunareigendur
að meta starfskrafta sína og yfir-
borga en allt of margir kunna það
ekki. Þess vegna er þjónustan lika
eins og hún er.