Dagblaðið - 29.07.1980, Blaðsíða 6

6
DAGBLAÐIÐ. ÞRIÐJUDAGUR 29. JÚLl 1980.
V-Þýzkaland með í anda og fjármálunum
Fjarvera vestur-þýzkra íþróttamanna á ólympíulcik-
unum í Moskvu hefur vissulega valdið því að leik-
arnir eru svipminni en ella. Ekki má þó draga þá
ályktun að V-Þjóðverjar séu algjörlega fjarri
góðu gamni. Þvert á móti. Raunverulega leika
Vestur-Þjóðverjar eilt aðalhlutverkið í Moskvu
þessa dagana. Mikill hluti skipulagsstarfsins vegna
ólympíuleikanna, bróðurpartur tæknilegs út-
búnaðar margskonar er frá vestur-þýzkum fyrir-
tækjum. Af einhverjum ástæðum náðu mótmæli
þeirra aðeins til samskipta á sviði iþrótta en ekki þar
sem fjármálahagsmunir skipta verulegu máli. Svo
mun fariö um fleiri þjóðir sem niótmæla innrás
Sovétríkjanna í Afganistan. í því sambandi má
nefna Bandaríkjamenn. Á myndinni sést einn kepp-
andinn í Moskvu skarta skyrtubol merktum Vestur-
Þýzkalandi. Stúlkan sem þetta gerir mun þó reyndar
vera félagi i hollenzku sundsveitinni.
Landflótta sovézkur andófsmaður:
Óskar leyfis Brés-
nefs til aö mæta
við jarðarför
konu sinnar
Alþjóðleg samtök í París til varnar
mannréttindum tilkynntu í gærkvöldi
að Brésnef forseta Sovétríkjanna hefði
verið sent skeyti þar sem farið var fram
á að landflótta . andófsmanninum
Vladimir Borisov yrði veitt sólarhrings
landvistarleyfi í Sovétrikjunum til að
geta verið viðstaddur jarðarför konu
Borisov, sem rekinn var úr landi
eystra, kom til Parísar í fyrri viku.
Sagðist hann vera sannfærður um að
konu sinni hefði verið ráðinn bani sam-
kvæmt skipun sovézkra stjórnvalda.
Kona hans lézt á miðvikudaginn var
ásamt þrem öðrum ættingjum sínum,
þegar bifreið sem þau voru í lenti í á-
rekstri við flutningabifreið. Voru fjór-
menningarnir á leið frá Moskvu til
Litháen.
Að sögn Vladimir Borisov þá var á-
stæðan fyrir ferðalagi eiginkonu hans
sú að hún taldi sig ekki lengur örugga í
Moskvu fyrir áreitni sendimanna yfir-
valda þar.
Asaka Waldheim
fyrir stuðning
við Palestínu
Israelsmenn hafa gagnrýnt Kurt
Waldheim aðalritara Sameinuðu þjóð-
anna mjög fyrir að hafa lýst yfir stuðn-
ingi við sjálfstæði Palestínuaraba í
ræðu er hann flutti hjá samtökum
araba í New York á föstudaginn var. I
ræðu sinni sagði Waldheim að Palest-
inuarabar hefðu rétt á sjálfsákvörðun-
arrétti og viðurkenningu á eigin ríki.
Kemur þetta fram i heimildum um
ræðu aðalritarans en hún verður birt í
heild á morgun.
Þetta var í fyrsta skiptið sem aðalrit-
ari Sameinuðu þjóðanna lýsti svo skor-
inort og opinberlega yfir stuðningi við
frelsiskröfur Palestínuaraba. Hingað
til hafa ísraelsmenn aðeins viljað fall-
ast á mjög takmarkað sjálfstæði
Palestínumanna. Hafa Bandaríkja-
menn stutt þá i því en að vísu einnig
tekið undir kröfur Palestínumanna um
sjálfsstjórn.
í tilkynningu frá sendinefnd ísraels
hjá Sameinuðu þjóðunum er Kurt
Waldheim sakaður um að hafa farið út
fyrir valdsvið sitt með ummælunum
um Palestínumenn. Segja ísraelsmenn
að aðalritarinn sé kominn i kosninga-
ham og vilji með þessu tryggja sér
endurkjör í embætti. Annað fimm ára
kjörtímabil aðalritarans rennur út við
lok ársins 1981.
HRESSIR
TEXARAR
Ronuld Reagan mun að visu ekki vera fra Texas og
reyndar heldur ekld George Bush. Engu að síður fullyrti
sérfræðingur DB i hattatízku þeirra Bandaríkjamanna
á myndinni hér að ofan skörtuðu þeir félagar báðir
Texashöttum. Sá til hægri á myndinni er auðvitað for
setaefni Repúblikanaflokksins i Bandarikjunum. Hinn
er George Bush, sem hlaut þann sess að verða varafor-
setaefni flokksins. Myndin er hin dæmigerða fram-
boðsmynd frá þeim vestra. Frambjóðendur horfa bros-
andi fram og upp (til himins eða sjónvarpsvélarinnar),
þeir eru að sjálfsögðu i fylgd með eiginkonunum, sem
eru jafn brosandi og glaðar og frambjóðendurnir, eigin-
menn þeirra.
LYÐRÆÐIENDUR-
REIST í PERÚ
—ef tir tólf ára herf oringjastjórn tekur hundraðasti og annar
forsetinn við
Lýðræði hefur aftur verið endurreist
í Suður-Ameríkuríkinu Perú. Í gær var
Fernando Belaunde settur í embætti
forseta landsins við hátíðlega athöfn i
þinghúsinu í höfuðborginni Lima.
Fernando Belaunde var forseti landsins
þar til 1968, þegar herinn steypti hon-
um frá völdum og hefur rikt þar siðan
eða i tólf ár. Fulltrúar rúmlega eitt
hundrað þjóða og ríkisstjórna voru
viðstaddir athöfnina i þinghúsinu í
gær, þegar hinn 67 ára gamli forseti tók
við embætti. Belaunde er arkitekt að
mennt.
Flutti hann fjörutíu mínútna ræðu
við athöfnina. Þar þakkaði hann meðal
annars fráfarandi herforingjastjórn
fyrir að framkvæma það sem hinn nýi
forseti kallaði hreinlegar kosningar
í þeim kosningum sigraði Belaunde
og flokkur hans auðveldlega. Hlaut
hann 45% allra greiddra atkvæða.
Stefna hans er í miðju og þykir Bel-
aunde hafa tekizt vel að feta sttginn á
milli hægri og vinstri öfgastefna. Voru
þetta fyrstu kosningarnar í Perú í sautj-
án ár.
Meðal gesta við athöfnina í Lima í
gær var Rosalynn Carter, eiginkona
Bandaríkjaforseta, Suarez, forsætis-
ráðherra Spánar, og auk þess þrír
æðstu menn Suður-Ameríkuríkja sem
kjörnir hafa verið með lýðræðislegum
hætti.
Belaunde, hinn nýi forseti Perú,
sagði að nú yrði að stefna beinustu leið
til öruggs lýðræðis. Þar með væri talið
frelsi blaða og annarra fjölmiðla, bætt
félagsleg aðstaða almennings í landinu.
Einnig yrði að berjast harðri baráttu
gegn verðbólgunni, sem forsetinn sagði
að mundi verða um það bil 60% á
þessu ári.
Fráfarandi forseti Perú, Francisco
Bermudez herforingi, var ekki við at-
höfnina í gær. Honum þykir hafa
tekizt vel að skipuleggja endurreisn lýð-
ræðis í landinu.
JimmyCarter:
BIRTIÐ
ALLT UM
BILLY
BRÓÐIJR
Jimmy Carter Bandaríkjaforseti
hefur vaxandi áhyggjur af þeirri and-
stöðu sem væntanlegt framboð hans
til forseta Bandarikjanna mætir
vegna tengsla Billys bróður hans við
stjórnvöld í Líbýu. Samkvæmt til-
kynningu Hvitahússins í Washington
hefur forsetinn nú fyrirskipað að öll
gögn í opinberri umsjá sem fjalla um
mál Billys verði gerð opinber.
Það var ekki fyrr en 14. júlí
síðastliðinn sem Billy Carter lét
opinberlega skrá sig sem fulltrúa
Líbýustjórnar í Washington. Þykir
mörgum sú staða ekki hæfa bróður
ríkjandi forseta. Einnig þykir
grunsamlegt að Billy hefur gefið upp
að hann hafi fengið tvö hundruð
þúsund dollara lán hjá Líbýustjóm.
Er það jafnvirði rétt um eitt
hundrað milljóna íslenzkra króna.
Forsetinn hefur rætt málefni Billys
við Benjamín Civiletti dómsmála-
ráðherra Bandaríkjanna. Einnig
ræddi forsetinn við nokkra þingmenn
demókrata, sem vilja- að hann og
Kennedy geft stuðningsmönnum sín-
um frjálsar hendur um hvern þeir
velji til forsetaframboðs.
Félagsmálafulltrúi
Óskum að ráða starfsmann sem getur unnið
sjálfstætt að leiðbeininga- og félagsmálastörfum.
Umsóknir ásamt upplýsingum um nám og
fyrri störf þurfa að berast fyrir 20. ágúst. —
Nánari skýringar á skrifstofunni, Grettisgötu 89.
— Sími 26688.
Bandalag starfsmanna rikis og bæja.