Dagblaðið - 24.06.1981, Qupperneq 8

8
í DAGBLAÐIÐ. MIÐVDCUDAGUR 24. JÚNÍ1981.
„Dagleg störí gersamlega úr
öllum skoröum gengin"
Af leiðingar læknadeilunnar:
—segir dr. Stefán Haraldsson, yf irlæknir bæklunardeildar
„Langur biðlisti, allt að 600—700
manns víðs vegar að af öllu landinu,
liggur fyrir á Bæklunardeild Land-
spítalans. Allt þetta fólk þarfnast
meðferðar,” sagði dr. Stefán Har-
aldsson dósent, yfirlæknir Bæklunar-
deildar Landspítalans í viðtali við
DB.
„Hér eru 33 sjúkrarúm og vissu-
lega voru hér biðlistar áður en þessi
svonefnda læknadeila kom til sög-
unnar. Nú er hér hins vegar allt stopp
nema það, sem sinnt er í bráðatilvik-
um, þar með talin slys,” sagði dr.
Stefán. -' •»
„Hér voru auk mín þrír sérfræð-
ingar. Þeir hafa allir sagt upp störf-
um. Tveir eru famir til útlanda en
einn get ég ennþá kallað i. Þetta getur
I raun ekki gengið lengur,” sagði
yfirlæknirinn.
Hann kvað venjulegan gang í dag-
legum störfum beinllnis í rúst, þótt
reynt sé að taka inn þau tilfelli sem
bráðastrar lækningar þarfnast.
„Það er erfitt að hugsa til þess
hverjar þjáningar og raunir sjúkling-
ar verða að þola vegna þessa ástands.
Maður vonar bara að úr þessu rætist
sem fyrst á viðunandi hátt,” sagði dr.
Stefán Haraldsson yfirlæknir.
-BS.
„Þrátt fyrir margra mánaða
biðlista eru mörg rúm auð"
—segir dr. Gunnar Guðmundsson, yf irlæknir taugadeildarinnar
„Hér á deildinni eru 23 sjúkrarúm.
Það er vitanlega allt of lítið. Margra
mánaða biðlisti sjúklinga er skráður
til lækninga i þetta takmarkaða
sjúkrarými. Þrátt fyrir þetta eru hér
nú 9 rúm auð,” sagði dr. Gunnar
Guðmundsson prófessor, yftrlæknir
taugadeildar Landspítalans í viðtali
við DB.
„Þetta lýsir ástandinu nokkuð.
Spurningin er um það hvaða úthald
við höfum til að sinna störfum við
þær kringumstæður sem nú ríkja,”
sagði dr. Gunnar. Hann bætti við:
„Þegar við mætum mesta álagi, sem
deildin getur valdið, eru hér aukarúm
á göngum, allt að átta. Fleiri rúmum
er ekki unnt að koma hér inn fyrir
dyr.”
„Hér eru venjulega tveir aðstoðar-
læknar. Nú er hér enginn. Einn sér-
fræðingur, sem deildin hefur, er
farinn til Bandaríkjanna. Við getum
þó enn gripið til tveggja sérfræðinga í
bráðatilvikum. Fækki þeim sem við
getum gripið til er hér orðið full-
komið neyðarástand,” sagði yfir-
læknirinn.
Hann kvaöst reyna að veita ráð-
gjöf í síma vegna sjúklinga, sem bíða
eftir plássi, og leiðbeiningar eftir
megni. Hann kvað það einnig bjarga
talsvert að á deildinni væri svo sér-
hæfð þjónusta að hver gæti yfirleitt
gripið inn í annars störf. Ástandið
væri annars svo slæmt aö það gæti
ekki gengið lengur.
„Mér fmnst það mjög miður að
Svavar Gestsson heilbrigðisráðherra
skuli ekki hafa haft tækifæri til að
hafa afskipti af þessu máli,” sagði
dr. Gunnar. „Hann hefur almennt
traust. Mín skoöun er sú að deilan
hefði aldrei nálgazt þá sjálfheldu,
sem hún virðist í, ef hans hefði notið
við í þessum vanda,” sagði dr.
Gunnar Guðmundsson, prófessor.
-BS.
--------------------
Sjúkrarúmin allt of fá undir venju-
legum kringumstæðum. Þrátt fyrir
margra mánaða og hundruða manna
biðlista standa rúmin nú auð þar sem
ekki er hægt að sinna sjúklingum
vegna geigvænlegrar manneklu á
flestum deildum sjúkrahúsanna. Her-
dis Helgadóttir, deildarhjúkrunar-
fræðingur á taugadeild Landspital-
ans, stendur hér milli auðra sjúkra-
rúma.
DB-mynd: GunnarÖrn.
„UÓST AÐ KEFLVÍKINGAR
FÁ SÍNA LYKT í SUMAR”
r
— segir Björn Dagbjartsson
um stríð sem geisar
um lykteyðingartækin í
Fiskiðjunni s.f.
Eftir öllum sólarmerkjum að dæma
verða Keflvikingar að una við ólyktina
úr Ftskiðjunni am eitt árið. Unnið var
að gerð lykteyðingartækis fyrir verk-
smiðjuna af isienzkum smiðum er ein-
hver snuröa hljóp á þráðinn milli eig-
enda verksmiðjunnar og framleiðenda
tækjanna. Er nú hætt við smíði þeirra
mengunarvarnatækja sem smiða átti á
íslandi. Ekki Uggur ljóst fyrir, hvernig
komið veröur í veg fyrir mengun i
sumar.
„Rannsóknarstofnun fiskiðnaðarins
var beðin að gefa álit á aðferð en ekki
búnaði,” sagði Björn Dagbjartsson í
viðtali við DB vegna fréttar sem DB
hafði eftir Víkurfréttum sl. Iaugardag.
„Þar sem svona kerfi er hvergi í gangi,
en líkist mjög DG 3 frá Brödrene Het-
land í Noregi, skrifaði R.F. eftir upp-
lýsingum,” sagði Björn.
DB fékk afrit bréfs Rannsóknar-
stofnunar til Fiskiðjunnar. f því segir
m.a. svo:.....fræðilega séð á ekkert
að vera því til fyrirstöðu, að fullkomin
lykteyðing geti náðst með hinum fyrir-
hugaða útbúnaði. Það liggur þó í
augum uppi, að það tekur sinn tíma,
eftir að búnaðurinn er kominn upp, að
fá kerfið til að virka á fullnægjandi
hátt, þvi það þarf að stilla saman hina
einstöku þætti, sem í kerfinu eru. Við
höfum trú á því, að þetta verði til mik-
illa bóta og geti einnig orðið hvatning
til landans, að hann framleiði sín
hreinsitæki sjálfur. f þessu tilviki er um
BNOC-MENN VÆNTANLEGIR
„Seinni partinn í vikunni er von á
fulltrúum brezka ríkisolíufyrirtækis-'
ins BNOC hingað til viðræðna um
það hvort samningar um olíukaup
okkar verða framlengdir,” sagði
Tómas Árnason viöskiptaráðherra í
viðtali við DB.
„Verðþátturinn virðist þýðingar-
mesta atriðið nú eins og þróunin
hefur orðið. öryggissjónarmiðin eru
einnig ákaflega mikilvæg,” sagði
ráðherrann.
„Við reynum að fylgjast ákaflega
vel með því sem er að gerast í olíu-
málunum og leggjum i það mikla
vinnu. Við höfum fyrir okkar leyti
ekki séð ástæðu til að flýta þessum
" viöræðum, þótt tímasetning þeirra sé
í fullu samráði við BNOC. Af þessu
er því ekkert að frétta eins og er,”
sagði viðskiptaráðherra.
Aðrar heimildir telja að klukkan
gangi á BNOC í þessum samningum.
Spurningin sé um það hvað BNOC
ætlar að lækka verðið á gasolíunni
mikið. Kúrfur milli framboðs og
eftirspurnar, þar á meðal á Rotter-
dammarkaði, fari naumast að skerast
aftur fyrr en eftir 14—18 mánuði
samkvæmt nýlegum spám.
Eðlilegt sé aö búast við verulegri
verðlækkun, ella verði samningar
okkar naumast framlengdir nema um
mjög lítið magn.
Samkvæmt samningum okkar við
BNOC falla þeir sjálfkrafa úr gildi
verði ekki fyrir lok júnímánaðar sam-
komulag um að framlengja þá.
-BS.
islenzka hönnun og að mestu islenzka
smíð að ræða, þannig að við þurfum
ekki að missa alla framleiðsluna til út-
lendinga. Ljóst er, að í mörgum fiski-
mjölsverksmiðjum verður að koma
upp einhvers konar lykteyðingu á
næstu árum.” í umsögninni er tekið
fram að erfitt sé að dæma um kostnað
en talið að hann verði sízt meiri en fyrir
samsvarandi búnað keyptan erlendis.
Björn Dagbjartsson tók fram að þó
einhverjir aðkeyptir verkfræðingar telji
að búnaðurinn, sem setja átti upp í
Fiskiðjunni í Keflavik, sé gallaður þá
hafi Rannsóknarstofnunin ennþá
ekkert séð sem kalla mætti hönnunar-
galla á umræddu kerfi og að það sé
ónothæft.
„Ef menn vilja heldur flytja inn
mjög svipaðan búnað, heldur en reyna
þessa innlendu smíði, þá er a.m.k.
mjög langsótt að finna upp einhvern
hönnunargalla sem Rannsóknarstofn-
un fiskiðnaðarins hafi blessað. En það
er ljóst að Keflvíkingar og Njarðvíking-
ar fá sína lykt í sumar,” sagði Björn
Dagbjartsson.
-A.St.
Fiskiðjan: ólyktin vcrður eitt árið enn.
DB-mynd: Árni Páll.