Frjáls verslun - 01.02.1990, Page 5

RITSTJÓRNARGREIN
MENN SEM KUNNA
Fyrir skömmu átti ritstjóri Frjálsrar verslunar þess
kost að heimsækja höfuðstöðvar SAS í Stokkhólmi og
ræða við aðalstjórnendur fyrirtækisins. Umfjöllun um
fyrirtækið birtist í þessu blaði.
Saga SAS síðustu tíu árin er ákaflega uppörvandi fyrir
þá sem áhuga hafa á að heyra um það sem vel er gert og vel
tekst í viðskiptum. Þegar Jan Carlzon forstjóri SAS tók
við fyrirtækinu í byrjun níunda áratugarins átti það við
margháttuð vandamál að stríða, viðvarandi taprekstur,
slæman starfsanda og hnignandi yfirbragð gagnvart við-
skiptavinunum sem m.a. lýsti sér í mikilli óstundvísi.
Jan Carlzon tókst að snúa vörn í stórsókn. Fyrirtækið
byrjaði að skila hagnaði og hefur gert það síðan þannig að
nú er það orðið gífurlega öflugt og hefur til að bera þann
styrk sem þarf til að sækja fram á alþjóðamarkaði af
myndarskap og ná árangri. Starfsfólki SAS hefur verið
veitt aukin ábyrgð og megináhersla hefur verið lögð á að
ná upp góðum starfsanda. Síðast en ekki síst má nefna að
fyrirtækið hefur komið sér fyrir í fremstu röð flugfélaga í
heiminum varðandi gæði þjónustunnar og nýjungar sem
viðskiptavinir kunna að meta.
Framundan er gífurleg samkeppni í flugrekstri og for-
ráðamenn flugfélaga gera sér ljóst að leita þarf nýrra leiða
til að halda velli. Þess vegna er efnt til samstarfs og
tengsla milli flugfélaga sem ekki tíðkuðust áður. Við
spurðum forstjóra SAS um viðhorf hans til samstarfs við
Flugleiðir hf. og hver sé stefna SAS á íslandsmarkaði. Við
leituðum einnig til Sigurðar Helgasonar forstjóra Flug-
leiða hf. og fengum viðhorf hans til samstarfs við erlend
flugfélög í framtíðinni. Af svörum Sigurðar má ráða að
Flugleiðir hf. eru opnir fyrir samstarfi við erlend flugfélög
og gera sér ljóst að lítið flugfélag fær ekki staðist í fram-
tíðinni án samstarfs við aðra.
RÖDD ÞJOÐARINNAR
Valþór Hlöðversson ritstjórnarfulltrúi Frjálsrar versl-
unar fjallar að þessu sinni um það hvort íslenskir fjölmiðl-
ar séu vanda sínum vaxnir og þær breytingar sem orðið
hafa í vinnubrögðum og viðhorfum fjölmiðlafólks á undan-
förnum árum. Valþór hefur tíu ára blaðamannsreynslu að
baki og hefur á þeim tíma upplifað miklar breytingar á
þessum vettvangi.
í þessu sambandi kemur mér í hug hvernig fjölmiðlar
hafa á seinni árum tekið upp nýjar aðferðir til að auðvelda
almenningi að koma viðhorfum sínum á framfæri. Skiptar
skoðanir eru um þessa framvindu. Sumir telja hana til
blessunar en aðrir halda því fram að þessar boðleiðir séu
misnotaður og séu komnar út í öfgar. Er e.t.v. alltaf sama
fólkið á ferð í þjóðarsálinni, fréttaskotinu, símanum sem
aldrei sefur, Reykjavík síðdegis, Velvakanda og öðrum
lesendabréfum? Er þessi farvegur misnotaður til að koma
höggi á andstæðingana eða er hér um þakkarvert framtak
að ræða til að veita fólki útrás fyrir persónulegan vanda
sem ella kynni að safnast upp og taka á sig hinar ólíkleg-
ustu myndir?
Ekki verður reynt að svara því hér. En sá grunur læðist
að undirrituðum að í þessu samhengi sé Ragnar Reykás
hin eina sanna rödd þjóðarinnar.

Stofnuð 1939
Sérrit um viðskipta-, efnahags- og atvinnumál
RITSTJÓRI OG ÁBYRGÐARMAÐUR: Helgi Magnússon — RITSTJ ÓRNARFULLTRÚI: Valþór Hlöðversson —
AUGLÝSINGASTJÓRAR: Sjöfn Sigurgeirsdóttir og Kristrín Eggertsdóttir — LJÓSMYNDARAR: Grímur Bjamason, Gunnar
Gunnarsson, og Kristján Einarsson — ÚTGEFANDI: Fróði hf. — Tímaritið er gefið út í samvinnu við samtök í verslun og viðskiptum —
SKRIFSTOFA OG AFGREIÐSLA: Ármúli 18, sími 82300, Auglýsingasími 31661 - RITSTJÓRN: Bíldshöfði 18, sími 685380 -
STJÓRNARFORMAÐUR: Magnús Hreggviðsson — AÐALRITSTJÓRI: Steinar J. Lúðvíksson — FRAMKVÆMDASTJÓRI: Halldóra
Viktorsdóttir - ÁSKRIFTARVERÐ: 2.280 kr. (380 kr. á eintak) - LAUSASÖLUVERÐ: 469 kr. - SETNING, TÖLVUUMBROT,
PRENTUN OG BÓKBAND: Prentstofa G. Benediktssonar — LITGREININGAR: Prentmyndastofan hf.
Öll réttindi áskilin varðandi efni og myndir