Fregnir - 01.12.1991, Side 1

-1-
KERFISBUNDIN EFNISORÐASKRÁ (thesaurus)
Siðastliðið sumar veitti Menntamálaráðuneytið undirrituðum
styrk til þess að hefja samantekt á kerfisbundlnni efnisorðaskrá. Hér
er um almenna efnisorðaskrá að ræða og tekur hún að hluta til mið af
efnisorðum sem þegar eru í notkun i nokkrum framhaldsskólum og
var orðanotkun þeirra samræmd. Skráin hentar þó jafnframt
almennum söfnum, s.s. almenningsbókasöfnum og bókasöfnum í
grunnskólum.
Við gerð efnisorðaskrárinnar er í megindráttum fylgt reglum
alþjóðlegs staðals ISO 2788/1986 sem gefinn var út nú um
mánaðamótin (nóv./des. 1991) hjá Staðlaráði íslands se ÍST 90
undir titlinum: Heimildaskráning - leiðbeiningar um gerð og þróun
kerfisbundinna efnisorðaskráa á einu tungumáli.
Efnisorðaskráin skiptist i eftirfarandi tvo hluta:
a) Stafrófsröðuð framsetning. Þessi hluti er jafnframt
meginhluti skrárinnar. 1 honum eru valorð (preferred term) og
vikorð (non-preferred term) í einni stafrófsröð. Valorð eru rituð með
hástöfum en vikorð með lágstöfum til aðgreiningar. Sýnd eru
innbyrðis tengsl milli valorða, þ.e. víðari heiti, þrengri heiti og
skyld heiti.
b) Stigveldisskipt framsetning. í þessum hluta eru yfirheiti i
stafrófsröð og er stigveldisskipan sýnd með inndrætti. í
stigveldunum eru eingöngu valorð.
Vinnsla og uppsetning efnisorðaskrárinnar byggir á bresku
tölvuforriti, TINterm, sem er í eigu ílokkunarnefndar.
Stefnt er að þvi að gefa skrána út á næstunni sem tilraunaútgáfu.
Margrét Loftsdóttir
Þórdís Þórarinsdóttir
NÝIR BÓKASAFNSFRÆÐINGAR HAUSTIÐ 1991 OG
LOKAVERKEFNI ÞglRRA
2 nýir bókasafns- og upplýsingafræðingar luku prófi i október
1991. Þeir eru:
Jóhanna G. Aðalsteinsdóttir og Kolbrún Andrésdóttir: Skrá yflr
efni um fatlaða.
Auk þeirra luku tveir starfsréttindanámi
Elín Guðjónsdóttir: Þarfaþing : samskrá um íslensk tímarit á
mið- og skólasöfnum (ásamt Solveigu H. Gísladóttur)
Hrafnhildur Heba Wilde: Flokkun bókmennta og tungumála :
nýjar leiðir og endurbætur á gömlum.