Fregnir - 01.12.1991, Blaðsíða 11

11-
í fjórða þema var komið að sjónarhóli notenda og komu
fyrirlesarar úr þremur áttum: Donner Institut i Finnlandi, CTI,
Centre for Textual Studies í Oxford, Englandi og frá íslandi. Gísli
Ágúst Gunnlaugsson reifaði ástandið eins og það kemur fyrir sjónir
sagnfræðings sem starfar hér á landi. Hann er í hópi þeirra
fræðimanna sem hafa tileinkað sér nýjustu tækni í upplýsingaöílun og
var gerður góður rómur að máli hans.
Þá var komið að samvinnunni sem var flmmta þemað. Um hana
fjölluðu einkum fulltrúar frá skjalasöfnum og var þar m.a. rætt um
samræmda skráningar- og flokkunarstaðla vegna tölvuskráningar,
tölvunet, tölvupóst og gagnabanka en einnig um samvinnu milli safna
og safnategunda, t.d. skjala-, minja- og bókasafna.
Loks var komið að sjötta þema sem var um aðgang að
gagnabrunnum. Þar var rætt um kröfur notenda, um aðgang að
óstyttum textum, um höfundarétt og um hagsmuni útgefenda. Hér
fengum við einnig yfirlit yfir norræna gagnabrunna (sbr. Nordic
databases = Nordiska databaser 1990. Esbo : NORD, 1990.
NORDINFO- publikation ; 17). Þeir reyndust afar fáir á sviði
hugvísinda.
í almennum umræðum var mjög hvatt til samvinnu. Margar nýjar
spurningar vöknuðu m.a. um gildi og varðveislu heimilda t.d í formi
fjölmiðla- og tölvugagna og viðhald á tækjakosti sem fylgir. Þarf að
geyma allt, hvað er merkilegt, hver ákveður það? Töpum við sögunni
ef við hættum að prenta á pappír. Hversu nákvæmlega þarf að skrá
og hvernig breytist heimildanotkun hugvísindamanna vegna nýrrar
tækni? Sýndist mönnum full þörf á að halda þessari umræðu áfram
og stefna að námsstefnu að tveimur árum liðnum.
Við veitum fúslega aðgang að gögnum og bæklingum sem við
viðuðum að okkur á þessari mjög svo fróðlegu námstefnu.
Nanna Bjamadóttir Landsbókasafni
Þórhildur Sigurðardóttir Bókasafni Kennaraháskólans
FRÉST HEFUR:
- að Gunnhildur Manfreðsdóttir sé í framhaldsnámi í Wales
- að Sigrún Magnúsdóttir og Anna Torfadóttir séu í fjamámi við
sama skóla
- að Jón Sævar sé farinn að vinna á Reykjalundi
- að búið sé að ráða Pálínu Magnúsdóttur sem yfirbókavörð á
Bókasafni Seltjarnamess