Helgarpósturinn - 15.05.1995, Blaðsíða 16

ÍÞRÓTTIR

Domarapar fær rauða
ipjaldið
Peir Szajna og Wroblewski frá Póllandi rnunu
ekki dæma fleiri leiki á HM. Þetta er Ijóst eftir aó þeir
félagarnir féllu á þrekprófi.
Pólverjarnir, sem dæmdu
tvo leiki á Akureyri og
þóttu standa sig vel, verða
því að fylgjast með keppn-
inni af áhorfendapöllunum
eða í sjónvarpinu á Hótel
Sögu, þar sem þeir gista.
Af 34 dómurum sem
gengust undir þrekprófið
þóttu einir átján ekki í nógu
góðu formi að mati lækna,
þótt það þýddi ekki útilok-
un þeirra frá keppninni.
Sex dómarar voru í bestu
formi, þar af tveir íslenskir,
og tíu aðrir þóttu í allgóðu
formi, tveir af þeim íslensk-
ir.
„Þetta afsannar þá bá-
bilju að íslenskir dómarar
séu ekki í nógu góðu
formi," segir Gunnar Kjart-
ansson sem situr í dómara-
nefnd HM.
Læknanefnd Alþjóða-
handknattleikssambands-
ins þykir hafa unnið gott
starf í dómaramálum og
komið því til leiðar að nú er
ekki lengur hægt að senda
dómara til keppninnar í
krafti einhverrar nefndar-
setu, heldur þurfi viðkom-
andi dómarar að vera starfi
sínu vaxnir, en sú hefur
ekki alltaf verið raunin.B
Eiður Smári í aðallið PSV?
„Blöðin hér í Hollandi höfðu
eftir þjálfaranum að ég yrði kall-
aður til æfinga með aðalliðinu
þegar það kemur saman 12. júlí
eftir sumarfrí," segir Eiður Smári
Guðjohnsen, atvinnumaðurinn
ungi hjá hollenska stórliðinu PSV
Eindhoven. „En hann hefur ekk-
ert rætt það mál við mig.“ Varalið
PSV tekur þátt í stórmóti í Zúrich
í Sviss og hefst það 23. maí. Mörg
af stórliðum Evrópu taka þátt í
því móti. Daginn áður en íslenska
A-landsliðið leikur gegn Svíum á
útivelli eða þann 31. maí leikur ís-
lenska U-21-landsliðið gegn
sænska U-21-landsliðinu og má
fastlega búast við að Eiður Smári
leiki þann leik.B
Eiður Smári á framtíðina fyrir sér
Agassi
SEINHEPPINN
í TILSVÖRUIVl
Hinn litskrúðugi tennis-
kappi Andre Agassi er nú
búinn að koma sér í
klandur í Þýskalandi.
Agassi lenti í stœlum við
úhorfanda þegar hann
lék gegn Sergei Bruguera á
tennismóti í Hamborg á
föstudag. Jí nú að koma
á eftir manni með hníf,
fíflið þitt?" hreytti Ag-
assi út úr sér að áhorf-
andanum, sem eitthvað
hafði verið að pirra
hann. Yfírmönnum tenn-
isrnála fínnst þessi at-
hugasemd afskaplega
óviðeigandi í ijósi þess
að tennisstúlkan Monica
Seles var stungin í bakið
af geðveikum áhorfanda
á þessum sama velli fyrir
tveimur árum og hefur
ekki leikið síðan. Agassi,
sem er númer eitt á
heimslistanum (eins og
Seles varþegar hún var
stungin), tapaði viður-
eign sinni við Brugu-
era.M
Persónulegt

Geirlaugu
og Friðriki
Raðmót Frjálsíþrótta-
sambands íslands var
haldið á Laugardalsvelli
9. maí síðastliðinn. Þau
Geirlaug B. Geirlaugsdóttir
og Friðrik Arnarson settu
bœði persónulegt met og
sigruðu í 100 metra
hlaupi. Ólafur S.
Traustason, sem er að-
eins 18 ára, setti einnig
persónulegt met og varð
í þriðja sœti í karlaflokki
á tímanum 11,08 sek-
úndum eða einum tí-
unda iír sekúndu á eftir
Friðriki sem hljóp á
10,98. Geirlaug hljóp á
11,86 sekúndum og sigr-
aði með yfírburðum í
kvennaflokki. Frjáls-
iþróttamenn undirbúa
sig nú affullum krafti
fyrir Smáþjóðaleikana
sem hefjast í Lúxemborg
29. maíM
- enn eru til grannir strákar í heimi kjötfjallanna
• í úrslitakeppninni sem nú er í fullum gangi í NBA hafa nokkr-
ir leikmenn verið mjög áberandi með liðum sínum. Þar nægirað
nefna ofurstjörnurnar Charles Barkley (Phoenix Suns), Micha-
el Jordan (Chicago Bulls) og Shaquille O'Neal (Orlando Mag-
ic). Eftir frábæra frammistöðu í úrslitakeppninni í ár, sérstaklega
gegn sterapoppurunum í New York Knicks, á Reggie Miller,
hinn 200 cm hái og 83 kg þungi bakvörður Indiana, þar fyllilega
heima.
Þegar þetta er skrifað hefur
kappinn skorað rúm 27 stig í
þremur leikjum gegn New York
og bendir allt til þess að hann
muni halda uppteknum haétti í
þeim leikjum sem eftir eru. Það
er þó engin tilviljun að Miller
skuli vera að krossfesta New
York í ár. Þetta er fjórða árið í
röð sem liðin tvö mætast og allt-
af hefur Miller átt sína bestu
leiki gegn drengjunum úr Stóra
eplinu. 1 fyrra kom hann Indiana
næstum í sjálfa úrslitaleikina
þegar hann vann sjötta leik lið-
anna í úrslitum Austurdeildar á
eigin spýtur. í þessum leik skor-
aði Miller 39 stig, þar á meðal
fimm þriggja stiga körfur í síð-
asta fjórðungnum. Þess má geta
Reggie Miller er ein af 2-3 bestu skyttum NBA. Við hlið hans stendur önnur frábær skytta, Dennis Scott
Orlando Magic.
að þessi leikur var leikinn í
Madison Square Garden eins og
fyrsti leikur liðanna í þessari úr-
slitakeppni. Þá skoraði Miller
átta stig á síðustu 16 sekúndun-
um, breytti stöðunni úr 105-99 í
105-107.
Margir vilja líkja þessum leik
við leikinn þegar Isiah Thomas,
sem nú er framkvæmdastjóri
nýja NBA-liðsins Toronto Rap-
tors, skoraði 16 stig á síðustu 94
sekúndunum gegn New York í
úrslitakeppninni ‘84. David
DuPree, dálkahöfundur á USA To-
day, sagði þetta stórkostlegustu
frammistöðu eins leikmanns í sögu
NBA-úrslitakeppninnar.
Hvort sem þessi sigur Indiana
var algjör grís eða ekki verður
ekki hjá því komist að dást að
Reggie Miller, sem er á sínu átt-
unda ári hjá Indiana, en það var
ekki fyrr en í leikjunum gegn
New York í fyrra sem nafn hans
varð á allra vörum. Miller er af
mikilli íþróttaætt og bæði bróðir
hans og systir hafa haft viður-
væri sitt af íþróttum. Systir
hans, Cheryl, var m.a.s. tilnefnd
í heiðurshöll körfuboltans (Hall
of Fame) í vetur, en hún varð
fyrst kvenna til að skora yfir 100
stig í einum og sama körfubolta-
leiknum. Samt bjuggust fáir við
að Miller, einn besti skotmaður
NBA, myndi ná þetta langt.
Miller er þó ekki eingöngu
góður að skora; hann er jafnvel
enn betri í að tala. Sagt er að
hann geti blaðrað tímunum
saman bæði innan vallar sem ut-
an. Ein af mörgum frægum um-
mælum Charles Barkley, sem
eihs og Miller er. mikill kjaftask-
ur, hljóða svo: „Guð minn al-
máttugur... ekki vildi ég vera
konan hans!“
Margir leikmenn hafa farið illa
út úr því að láta Miller hafa áhrif
á sig á vellinum. Michael Jordan
var m.a. rekinn út af fyrir að kýla
Miller og eitt sinn var John Starks
(New York Knicks) hent í bað
fyrir að skalla hann. Þótt margir
vilji tjóðra Miller fastan í eyði-
mörk, hella yfir hann hunangi og
sleppa maurum lausum verður
það ekki tekið frá honum að
hann stendur við stóru orðin.
Miller stendur nú á hátindi
ferils síns og stefnir ótrauður á
titilinn. En það eru mörg ljón á
veginum og það stærsta kannski
hann sjálfur. Hann hefur verið
gagnrýndur bæði af blaðamönn-
um og samherjum fyrir að reyna
ekki að leika af fullri getu. Sjálfur
segist hann alltaf þurfa vissa
hvatningu til að koma sér af
stað. Kannski er það hasarinn
og hraðinn í úrslitakeppni NBA
sem kveikir í þessari skyttu. Að
minnsta kosti lítur allt út fyrir
það á þessari stundu.H
Stigaskor Reggie Miller gegn New York Knicks
Meöaltal Keppni og ár
27,2 Urslitakeppnin 1995 (eftir 3 leiki)
22,7 4 leikir gegn New York leiktimabilíö 1994-’95
27,2 Leikir Indiana gegn New York í úrslitakeppninni 1993 og 1994
Reggie Miller skoraði 19,7 stig að meðaltali leiktímabilið 1994- '95.