Helgarpósturinn - 24.08.1995, Page 21

ystuna í leikmannakaupum?
Ensku félagsliðin hafa verið að
styrkjast mikið fjárhagslega und-
anfarið ár, þökk sé auknum sjón-
varpstekjum, fækkun í úrvals-
deildinni og fleiri áhorfendum.
Má sem dæmi nefna að sjón-
varpstekjurnar einar færðu Ar-
senal 200 milljónir króna í fyrra
og heildaráhorfendafjöldinn í úr-
valsdeildinni var 11.213.371 sem
var það mesta í 14 ár. Allt þetta
hefur eflt tiltrú stuðningsaðil-
anna sem slást um að komast að
hjá stærstu félögunum. Þetta
hefur reyndar þau aukaáhrif að
liðin óttast ekkert frekar en að
falla! Sem er kannski eðlilegt, en
nú segja menn að fjárhagslegur
skaði af því að falla á milli deilda
sé svo gífurlegur að menn hrein-
lega teygi sig of langt til að
kaupa sig frá falli. Óttast menn
að sum félögin skaði sig til fram-
búðar fjárhagslega með of mikl-
um leikmannakaupum.
GÍFURLEGA MIKIL- .
VÆGT AÐ KOMAST I
EVROPUKEPPIUINA
Knattspyrnan hefur tekið við
sér á ný eftir að ensk lið fengu
aftur aðgöngu að Evrópukeppn-
inni — sem var forsenda fyrir því
að alþjóðlegar stjörnur fengjust
yfirleitt til þess að leika með
enskum liðum. Englendingar
njóta virðingar fyrir hugarfarið
gagnvart íþróttinni og enska
knattspyrnan hefur ótvíræða
sérstöðu þrátt fyrir að slakt
gengi enska Iandsliðsins hafi ýtt
undir gagnrýnisraddir um að
Englendingar hefðu setið eftir.
En viðreisnin nú sýnir að mikil
þróttur er í ensku knattspyrn-
unni. Ef marka má ummæli
manna eins og Ruud Gullit og
Dennis Bergkamp þá telja þeir sig
ýmislegt geta lært af enskri
knattspyrnu. Reyndar má flokka
það undir kurteisi því fleiri eru á
því að þeir færi ensku knatt-
spyrnunni meira en þeir þiggja.
Svo mjög að enski landsliðsein-
valdurinn Terry Venables leggur
leið sína á völlinn til að horfa á
Gullit þó væntanlega hann átti
sig á því að hann eigi ekki heim-
angengt í enska landsliðið.
En knattsprusérfræðingar hafa
áhyggjur. Óttast menn að fót-
boltabullurnar láti til sín taka og
jafnvel svo að þær eru taldar
hafa Evrópukeppnina næsta
sumar í hendi sér — verða þeir
til friðs eða ekki?
Þá benda þeir jarðbundnari á
að síður en svo sé séð fyrir end-
ann á skandölunum; enn sé eftir
að rétta í mörgum málanna og
þá sé eins víst að lyfjamál reki á
fjörur manna fyrr en seinna.
Ouppgerð dómsmál á milli Alan
Sugar, eiganda Tottenham, og
Terry Venables landsliðsein-
valds gera það að verkum að
gera má ráð fyrir nýju réttar-
drama í boltanum.
Þá hafa sumir áhyggjur af því
að þessi mikli fjöldi erlendra
leikmanna dragi úr möguleikum
þess að enskir efnispiltar vaxi úr
grasi. „Sem stendur erum við
greinilega ekki að hugsa til fram-
tíðarinnar og ég velti því fyrir
mér hvort við ættum ekki að
setja kvóta á þá erlendu leik-
menn sem fá að leika hér,“ sagði
David Pleat, framkvæmdastjóri
Sheffield Wednesday.
Einn maður fagnar þessu öllu
og það er landsliðseinvaldurinn
Terry Venables. Hann telur að
koma allra þessara gæðaleik-
manna geti ekki annað en bætt
ensku knattspyrnuna og um leið
aukið möguleika landsliðsins á
því að sigra í Evrópukeppninni á
næsta sumri. Venables fer mik-
inn þessa dagana og lætur gjarn-
an mynda sig á Wembley-leik-
vanginum þar sem úrslitaleikur-
inn fer fram. Þar vonast Englend-
ingar til að endurtaka leikinn frá
því fyrir þrjátíu árum er þeir
urðu heimsmeistarar.
BYGGT A THE SUNDAY TIMES OG THE
EUROPEAN.
Hollendingar ætla að halda forystu sinni í Evrópuboltanum
Ajax í stówæðum en
Feyenoord freystir á

Það var gífurlegt
tilstand á heima-
velli Feyenoord
þegar Ronald
Koeman mætti á
sinn fyrsta
heimaleik. Hann
hafði víst vonast
eftir hljóðlátri
byrjun.
Miðað við alla athyglina sem
knattspyrnan í Englandi fær
núna gætu menn haldið að lítið
væri að gerast annars staðar.
Þetta vilja Hollendingar ekki
samþykkja.
„Allir sem halda því fram að
við séum að gefa eftir í barátt-
unni hafa litla þekkingu á leikn-
um,“ segir Louis van Gaal, þjálfari
Evrópumeistara Ajax. „Þegar
kemur að leiksskilningi og tækni
getum við enn kennt flestum
þjóðum heims nokkuð. Ég segi
þetta ekki aðeins af því að Ajax
vann Evrópumeistaratitilinn
heldur einnig af því að önnur fé-
lög í Hollandi leika gæðaknatt-
spyrnu.“
Van Gaal vonast til þess að
verða sigursælasti þjálfarinn í
glæstri sögu Ajax og hefur sett
stefnuna á fimm titla; tvo heima
fyrir, tvo í Evrópu og svo heims-
bikarinn. Til þess að þetta geti
orðið þarf liðið að leika tvisvar í
viku í vetur. Álagið verður gífur-
legt og hefur Van Gaal beðið
UEFA um að leikurinn um Evr-
ópubikarinn (milli meistaranna
og bikarmeistara) verði bara
einn en ekki heima og heiman.
„Við höfum einfaldlega ekki tíma
til að leika tvo leiki.“
Ajax hefur misst þá Frank Rijka-
ard sem hætti og Van Vossen sem
fór til Istanbulspor. Þetta hefur
hins vegar ekki komuð í veg fyrir
að liðið valtaði yfir Liverpool,
Real Zaragoza og Lazio í nýlegu
æfingarmóti. Liðið byggir sem
fyrr á ungum leikmönnum sem
aldir eru upp hjá félaginu og fjár-
festi aðeins í brasilíska miðverð-
inum Marcio Santos sem liði
keypti á 200 milljónir króna (3
milljónir dollara) frá Fiorentina.
Leikmaður sem flestir eru sam-
mála um að falli frábærlega að
leikstíl Ajax sem reyndar hefur
tekið upp leikstílinn 4-4-2 í stað
4-3-3 sem gafst svo vel.
Aðalkeppinautarnir í Feyeno-
ord keyptu Ronald Koeman heim
og hefur hann leikið svo vel und-
anfarið að menn tala um að
landsliðssæti bíði hans nú ef
hann vill. Hefur landsliðsþjálfar-
inn Guus Hiddink tekið undir það.
Vinsældir hans eru gífurlegar og
mættu 50 þúsund stuðnings-
menn til að horfa á fyrstu æfingu
hans. „Eftir tryllingin á Nou
Camp ætlaði ég að komast í ró-
legra umhverfi — það ætlar lík-
lega ekki að ganga eftir,“ sagði
Koeman. Feyenoord hefur selt
17 þúsund ársmiða og vonast til
þess að í það minnsta 35 þúsund
manns komi á leiki liðsins í vet-
ur.
BYGGT ÁTHE EUROPEAN
Deikfl þeirra
ísjónmáli
Ef einhver undrast viðbúnað
liða um alla Evrópu, sem
teygja sig langt þessa dagana
við leikmannakaup og upp-
byggingu valla, þá skýrist
þetta allt af einu: Menn vita
það að evrópska súperdeildin
er handan við hornið. Enn hef-
ur enginn treyst sér til að segja
til um hvenær deildin verður
að raunveruleika en sumir eru
farnir að tala um árið 1998. í
deildinni yrðu á milli 30 og 40
bestu klúbbar Evrópu þannig
að ljóst er að fá lið eiga þar
trygga aðgöngu. Hugsanlegt er
að deildinni yrði að einhverju
leyti svæðisskipt; í norður og
suðursvæði þar sem liðin byrj-
uðu á því að leika fimm leikl
heima og heiman. Fyrir stuttu
skrifaði framkvæmdastjóri
Glasgow Rangers grein í The
European þar sem hann lýsir
því yfir að deildin verði að
raunveruleika. Kveður hann
það sína skoðun að liðin ráði
við þetta ef alltaf verði spilað á
miðvikudögum. Heimadeildina
megi spila um helgar.
Það sem stórliðin sjá við
þetta eru gífurlegar sjónvarps-
tekjur þar sem stórlið séu allt-
af að mætast — hver leikur
verði nánast ígildi úrslitaleiks
Evrópukeppninnar sem þegar
skilar sigurvegurunum hundr-
uð milljóna króna. En ljóst er
að þetta verður lokaður klúbb-
ur risanna.
Kristinn
Björnsson,
þjálfari Vals í
knattspyrnu, hefur
hótað forráðamönn-
um félagsins að
hætta þjálfun liðsins
vegna meints samn-
ingsbrots þess við
Hörð Hilmarsson.
egar Herði
var vikið frá
störfum var
ekki gert upp við
hann fjárhagslega og
leitaði hann þá til
Knattspyrnuþjálfara-
félags Islands til
þess að vinna í sín-
um málum. Forráða-
menn knattspyrnu-
deildar Vals höfðu
tjáð Kristni að þeir
hefðu lokið við að
gera upp við Hörð
enda setti hann þau
skilyrði sem meðlim-
ur í Knattspyrnu-
þjálfarafélaginu.
Sem kunnugt er hef-
ur Val gengið mjög
vel eftir að Kristinn
tók við af Herði og
lítur jafnvel út fyrir
að þeim takist að
forða sér frá falli í
aðra deild. í PÓSTIN-
UM í síðustu viku var
sagt frá því að ekk-
ert hefði heyrst frá
Knattspyrnuþjálfara-
félagi íslands við
brottrekstur Harðar
Hilmarssonar frá
Val. Bjarni Konráðs-
son, formaður Knatt-
spyrnuþjálfarafé-
lagsins, segir það
ekki rétt og segir að
félagið sé mikið að
vinna í málum Harð-
ar og Vals...