Vísir - 02.01.1970, Blaðsíða 3

VlSIR . Föstudagur 2. janúar 1970
3
Bálkösturinn logar glatt í baksýn og pabbi og mamma horfa hreykin á stóra drenginn sinn,
sem óhræddur tendrar fjögur stjörnublys í einu. Litli bróðir stendur fast upp við pabba og
mömmu, var greinilega lítið gefið um alla þessa loga.
Allt fer það fram
með „kurt og pí“
Ofan af Skólavörðuhæðinni var gott útsýni yfir borgina og
þá marglitu og björtu flugelda, er á miðnætti gamlárskvölds
flugu um dökkan næturhimin.
Helv ... gengur annars illa að kveikja í því. Skyldi það annars
ýla nokkuð! virðast þeir hugsa guttarnir, sem bjástra þama
við ýlublysið sitt.
/~kg nú hafa menn kysst út
gamla árið og inn það nýja,
með hlaðinn hugann af góðum
áformum og heitstrengingum um
bót ©g betrun annó 1970, sem er
líka einkar fallegt ártal, og þvi
verðugt stórra afreka og átaka.
Til að undirstrika allar góðar
hugsanir síðasta dag hvers árs
er gjarnan farið út á gamlárs-
kvöld, skotið og sprengt, hver
sem betur getur. Kveikt er í helj
arstórum bálköstum, sem árris-
ulir og ólatir strákar, og ein-
staka valkyrjur að auki, hafa
safnað í alls kyns dótaríi, sem
líklegt er að logi vel.
Allt þetta ,,brambolt“, fer
samt fram með hinni mestu
„kurt“ og „pí“ og sú var tíðin,
þegar pempíulegar ungmeyjar
þorðu vart niður í mið-
bæ, af hræðslu við vælandi
kínverja, sem hrekkjóttir stráka
lómar skutu á eftir þeim. Þessi
kvikindi þutu á eftir þeim með
óhugnanlegum hraða, virtust
jafnvel hafa mennsk augu, að
minnsta kosti þýddi lítið aö
forða sér, þessi skaðræðiskvik-
indi fundu ungpíurnar ætíð og
fóru þá stundum dýrindis silki
sokkar og tjullkjóll fyrir lítið. En
nú eru góöir menn búnir að
banna kínverja á Islandi, enda
engir hrekkjalómar til lengur,
heldur einungis „séntilmenn“,
sem vita að flest er vænlegra til
árangurs til að vinna hylli ungr
ar stúlku, en að leitast við að
sprengja hana í loft upp með
púðurkerlingum á gamlárs-
kvöld.