Vísir - 23.10.1975, Blaðsíða 13

Umsjón: Kjartan L Pálsson og Björn Blöndal
Það eru ár og dagar siðan FH hefur ekki skorað nema 4 mörk i heilum hálfleik i handbolta. Þaö gerðist þó I gærkvöldi i leiknum viðHauka, en
þar fékk FH lika að glima við góða vörn. Hér verja þeir Hörður Sigmarsson (nr. 10) og Ólafur ólafsson, skot frá Geir Halisteinssyni — og
var þaöekki i eina skiptið i leiknum. Ljósmynd Einar.....
Hinn kunni handknattleiksmaður
Einar Magnússon sem leikui meðvest-
ur-þýska handknattleiksliðinu Ham-
burger SV er nú staddur hér á landi,
ásamt eiginkonu sinni Stefaníu Júlíus-
dóttur. Varð Einar að koma heim og
verða sér úti um atvinnuleyfi i Þýska-
landi lií Tð geta leikið áfram með
Hamlo r -a liðinu.
„Það vav ekki hlaupið að þvi að fá
þetta leyfi”, sagði Einar þegar við
hittum hann og eiginkonu hans að máli
I morgun,” en það hafðist i gegn. Við
urðum að fara allskonar krókaleiðir,
þvi að um þessar mundir er mikið um
atvinnuleysi i Þýskalandi og er Þjóð-
verjinn þvi mjög ófús að úthluta út-
lendingum atvinnuleyfi. Var ég sagður
ætla að starfa sem þjálfari hjá Ham-
burger SV — og fékk atvinnuleyfið út á
það.”
Þau hjónin láta vel af dvölinni i
Þýskalandi og segja að allir vilji allt
fyrir þau gera. Einar er viðskipta-
fræðingurogbjósthann við að fá vinnu
fljótlega þar sem menntun hans kæmi
að gagni. Nú eru þau hjónin að læra
þýsku eru i skóla frá klukkan níu
á morgnana til 2 á dagmn — og geng-
ur vel i náminu. Þau búa stutt frá aðal-
æfingasvæði Hamburgerliðsins. Þar
eru margir iþróttavellir og æfingahöll
án áhorfendasvæða. En liðið æfir samt
ekki I æfingahöllinni, heldur i keppnis-
höllinni sem er nokkuð lengra i burtu.
Þar er æft þrisvar i viku — og tekur
æfingin tvo tima.
Ilvcr linnst þér munurinn á íslensk-
um þjálfurum og þeim þýsku Einar?
„Það sem ég verð mest var við er
hversu vel þeir skipuleggja æfinga-
timann. Þjálfararnir koma mjög vel
undirbúnir á æfingarnar og það fer
ekki minúta til spillis. Þjóðverjar eru
mjög stundvisir, allir eru mættir á
réttum tima — og þar þekkist ekki að
menn séu að tinast inn alla æfinguna i
gegn.
Ilveríinnst þér munurinn á þýskum
og islenskum handknattleiksmönn-
um ?
„Það sem ég verð mest var við er að
i 1. deildinni virðast leikmenn vera
almennt mjög likamlega sterkir,
sannkallaðir járnkarlar sem hvergi
gefa eftir. Það er lika leyft miklu
meira i Þýskalandi en hérna, þar kom-
ast menn upp með að hrinda með
höndunum og eru menn almennt mjög
grófir.”
En liðið og liðsandinn hjá ykkur?
„Við áttum i erfiðleikum i upphafi.
Nokkrir leikmenn vildu koma fyrirlið-
anum i burtu og aðrir þjálfaranum.
Þetta skapaði spennu og leiðindi og i
leikjum var ekki farið eftir þvi sem
þjálfarinn uppálagði og fyrir siðasta
leik okkarhótaði hann að hætta ef ekki
yrði breyting á. Þá loksins tóku þessir
leikmenn sönsum og árangurinn lét
ekki á sér standa — og við unnum okk-
ar fyrsta leik.
Fyrstu þrjá leikina lékum við á úti-
velli og töpuðum þeim öllum. Hér er
munurinn á heima- og útivelli ótrúleg-
ur. Þar spila áhorfendurnir mikið inn
I. Þeirhafa geysileg áhrif á dómarana,
sem ávallt dæma öll vafaatriði heima-
liöinu i hag.
Siðasta leik okkar sem við unnum
lékum við á heimavelli, en af þvi að
okkur hafði gengið illa, mættu aðeins
1000 áhorfendur. Nú stendur yfir aug-
lýsingaherferð til að fá fleiri til að
koma I höllina sem tekur 5000 manns
og er okkurbeinlinis uppálagt að leika
lika fyrir þá — þegar við leikum heima
gera kúnstir eða annað þviumlikt sem
þeir hafa gaman af.”
Að lokuni Einar, hvaða lið telur þú
sterkast I Þýskalandi i dag?
„Gummersbach, það er ekkert vafa-
mál. Það er eina liðið i norðurdeild-
inni sem er með sama mannskapinn,
á meðan hin liðin eru sifellt að fá nýja
leikmenn sem eiga eftir að ná saman.
Hansi Schmidt og Co hafa sýnt það i
leikjunum i haust og þeir verða erfiðir
viðureignar og ég spái þvi að þeir sigri
i norðurdeildinni með yfirburðum.”
Einar og Stefania halda utan aftur á
mánudaginn. —BB
Allir voru fegnir
þegar leiknum lauk
— Fram sigraði Gróttu í lélegasta leik Islandsmótsins
Hafnarfirði í gœrkvöldi
Ekki var hann merkilegur,
leikur Gróttu og Fram i islands-
mótinu i handknattleik i Hafnar-
firði i gærkvöldi, og önduðu flestir
áhorfendur léttar þegar dómar-
arnir flautuöu til leiksloka.
Framarar sem báru sigur úr být-
um skoruðu 16 mörk gegn 12
mörkum Seltjarnarnesliðsins.
Fram tók strax forystuna i
leiknum, en liðunum gekk illa i
fyrstu aö finna leiðina i markið og
var staðan t.d. 3:2 fyrir Fram
eftir 16 minútur, en i hálfleik 8:6.
Sami munur hélst svo i siðari
hálfleik og þegar 8 minútur voru
til leiksloka og staðan 13:9, Fram
i vil, fengu leikmenn Gróttu sitt
tækifæri. Andrési Bridde var vik-
ið af leikvelli i 5 minútur og allt
virtist geta gerst. En Gróttu-
menn létu tækifærið ganga úr
greipum sér á klaufalegan hátt,
þeir misnotuðu þá þrjú hraöaupp-
hlaup og viti — og lokatölurnar
urðu 16:12 fyrir Fram eins og áð-
ur sagði.
Athygli vakti, hversu gjörsam-
lega áhugalausir leikmenn lið-
anna voru og léku þeir með jarð-
arfarasvip allan leikinn. Mikið
var um mistök á báða bóga og
gekk boltinn stundum mótherj-
anna á milli!
Hjá Gróttu voru þeir Arni
Indriðason og Sigurður Ingi-
mundarson i markinu skástir,
auk Atla Þórs sem barðist vel.
Hjá Fram voru það Guðjón Er-
lendsson i markinu, Pálmi
Sænsku meistararnir Malmö
FF hlupu á brott með 1:0 sigur
vfir þýsku meisturunum Bayern
Pálmason og Arnar Guðlaugsson
sem stóðu uppúr, en aðrir voru
nokkuð frá meðalmennskunni.
Mörk Gróttu: Björn Magnússon
3, Björn Pétursson 3 (1), Arni
Indriðason 2, Atli Þór og Krist-
mundur Asmundsson eitt mark
hvor.
Mörk Fram: Pálmi Pálmason
7, Arnar Guðlaugsson 5 (2),
Andrés Bridde 2, Pétur Jóhanns-
son og Gústaf Björnsson eitt
mark hvor.
Þrem leikmönnum var visað af
leikvelli, Arna Indriðasyni Gróttu
og Ragnari Hilmarssyni Fram I 2
min., og Andrési Bridde Fram i 2
min. og 5 min.
Leikinn dæmdu þeir Óli Ólsen
og Björn Kristjánsson og voru
þeir alltof oft á sama plani og
leikmennirnir. —BB
Munchen I Evropukeppm meist-
araliða í gærkvöldi. Þeir eru hér
talið frá vinstri: Bosse Larsson,
Krister Kristensen, Tomas Sjö-
berg, Tommy Larsson og Conny
Andersson.
Mikið um óvœnt úrslit
í Evrópuleikjunum í gœr
— Skagamenn stóðu sig vel gegn rússneska landsliðinu og töpuðu aðeins 3:0 í Kiev
Akurnesingar komu á óvart
með góðri frammistööu I Evrópu-
keppni meistaraliða I gærkvöldi,
þegar þeir léku við Iiússlands-
meistarana, Dynamo Kiev. Leik-
ið var I Kiev að viðstöddum 50
þúsund áhorfendum og tókst leik-
mönnum Dynamo sem jafnframt
skipa rússneska landsliöiö —
aðeins að skora þrjú mörk. Davið
Kristjánsson markvöröur var
hetja Akurnesinga í leiknum og
bjargaði hvað eftir annað frábær-
lega vel. Mörk rússanna skoruðu
Leonid Buryak tvö og Oleg Blok-
hin. Seinni leikur liðanna verður
miðvikudaginn 5. nóvember á
Melavellinum.
Annars var töluvert um óvænt
úrslit I Evrópuleikjunum i gær-
kvöldi og má þar nefna tap stór-
veldanna Bayern Munchen og
Real Madrid. Evrópumeistar-
arnir, Bayern Munchen, töpuðu
óvænt fyrir sænska liðinu Malmö
FF i Sviþjóð 1:0, en áður höfðu
sviarnir slegið austur-þýsku
meistarana Magdeburg út i
fyrstu umferðinni. Mark svianna
i gær skoraði Tommy Anderson.
Fyrirliði Bayern, Franz Becken-
bauer, hafði gefið út þá yfirlýs-
ingu fyrir leikinn að lið hans hefði
verið heppiö með mótherja, svi-
arnir væru þeir næst-léttustu á
eftir islenska liðinu.
Real Madrid sem ekki hefur
tapað leik i langan tima tapiaði 4:1
iDerby. Englendingarnir komust
fljótlega i 2:0 með mörkum
Charlie George, öðru úr vfti, eftir
að Francis Lee hafði veriö brugð-
ið innan vitateigs, en Pirri náði að
minnka muninn fyrir spánverj-
ana. En I siðari hálfleik voru
Englandsmeistararnir óstöðv-
andi og skoruðu þá tvivegis —
David Nish og Charlie George sitt
þriðja mark — úr vitaspyrnu.
Mótherji Keflvikinga frá þvi I
fyrra, Hadjuk Split, vann stórsig-
ur, 4:0 á Belgiumeisturunum,
RWD Molenbeek, I Split og eru
júgóslavarnir nú taldir mjög sig-
urstranglegir i keppninni. Mörk
þeirra skoruðu: Zungul, Rozic,
Surjak og Mijac.
Hollensku meistararnir, PSV
Eindhoven, unnu pólsku meistar-
ana Ruch Chorzow mjög óvænt I
Póllandi 3:1. Pólverjarnir skor-
uðu mark strax i upphafi og þann-
ig var staðan þar til 30 minútur
voru til ieiksloka að Lubse, Ralf
Edström og Rene van der Kerk-
hof skoruðu þrivegis meö stuttu
millibili fyrir PSV.
Þá áttu vestur-þýsku meistar-
arnir, Borussia Munchenglad-
bach, ekki i erfiðleikum meö Ju-
ventus, frá ítaliu og unnu 2:0.
Mörk þjóöverjanna i leiknum sem
leikinn var i Dusseldorf skoruðu
Jupp Heinckes og daninn Allan
Simonsen.
Lið Jóhannesar Eðvaldssonar,
Celtic gerði jafntefli viö Boavista
frá Portúgal á útivelli i hörkuleik,
þar sem markvörður skotanna
varði vitaspyrnu sem dæmd var á
Pat McKluskey. West Ham náði
jafntefli I Rússlandi gegn bikar-
meisturunum Ararat Yerevan
1:1. Alan Taylor náöi óvæntri for-
ystu fyrir englendingana, en
Samuel Petrosyan jafnaöi með
umdeildu marki — spyrnti bolt-
anum ú höndum Mervyn Day i
marki West Ham. Þá tapaði Atle-
tico Madrid óvænt fyrir Eintracht
Frankifurt i Madrid 2:0 og skor-
aði landsliðsmaðurinn Holzen-
bein bæði mtjrk þjóðverjanna og i
Belgiu sigraði Anderlecht Borac
Banja Luka frá Júgóslaviu 3:0
meö mörkum Rensenbrink 2 og
Coeck.
I UEFA-keppninni urðu helst
úrslit þau, að mótherjar Keflvik-
inga úr fyrstu umferð, Dundee
Utd, tapaöi 2:1 heima fyrir FC
Porto Portúgal, Herta Berlin
vann Ajax Amsterdam 1:0, og
skoraði Kostedde mark Berlinar-
liðsins. Hamburger SVO gerði
jafntelfi við Red Star, Júgóslaviu
á útivelli 1:1 og skoraði Bjöern-
mose mark þjóðverjanna.
Ensku liðin tvö unnu sina leiki,
Liverpool Sebastian á Spáni 3:0
með mörkum Heighway, Caliag-
han og Tompson og Ipswich vann
FC Bruges frá Belgiu heima 3:0.
—BB
Aðeins Knapp!
„Tony Knapp er eini þjálfar-
inn sem viö höfum boöið lands-
liðsþjálfara-stöðuna,” sagði
Ellert B. Schram formaöur KSÍ
i viðtali við Visi I morgun.
En eins og kunnugt er þá hafa
þeir Joe Gilroy og George Kirby
sem þjálfuðu hér I sumar veriö
að gefa út yfirlýsingar I erlend
blöö um að þeim hafi veriö boðin
landsliösþjálfarastaða á is-
landi, og spuröum við Ellert
hvað væri hæft i þessu.
,,En hvort Knapp tekur stöö-
una vitum við ekki um, hann
fékk mjög girnilegt tilboö frá
Noregi og sýnist mér aö við get-
um ckki boðið honum jafnvel.
Það er algjör fjarstæða aö öðr-
um þjálfuruin hafi verið boðin
staöan af ábyrgum mönnum
innan KSt, þetta var aöeins orö-
að við Knapp — engan annan."
—BB
SIGURLEIÐIN
Bak vi6 tjöldin hjá Milford FC
sem er aö berj ast um sæti
sitt i 1. deild, er ýmislegt aö
gerast. Milford er 2:i. ýfir á
móti Hamborough og nokkrar
mlndtur eftir. Milford verö-
ur aö sigra til aö halda sér
uppi, og Fenwick Vale aö
i sinum leik, sem fram fe
sama tima...
f Rólegur,
, , ?ob!
Linuvöröurinn
er aö hlaupa
V inn á!
STAÐAN
Staðan i 1. deild islandsmótsins
i handknattleik eftir leikina i gær-
kvöldi:
Grótta—Fram 12:16
Haukar—FH 18:16
Valur 2 2 0 0 44: :26 4
Haukar 2 2 0 0 40: :30 4
Fram 2 1 1 0 28: :24 3
FH 2 1 0 1 41: : 36 2
Víkingur 2 1 0 1 39: : 36 2
Armann 2 0 1 1 26: : 37 1
Þróttur 1 0 0 1 10: :2Ö 0
Grótta 3 0 0 3 46: :65 0
Markhæstu menn:
Hörður Sigmarsson, Haukum 17
Páll Björgvinsson Vikingi 11
Viðar Simonarson FH 10
Björn Pétursson Gróttu 10
Geir Hallsteinsson FH 9
Stefán Gunnarsson Val 9
Þórarinn Ilagnarss. FH 9
Næstu leikir verða............
Fram—Þróttur og Valur—Hauk-
ar i Laugardalshöllinni á sunnu-
dagskvöldið.
BIKARMEISTARAR FH
LÁGU FYRIR HAUKUM
Hörður Sigmarsson í miklum ham og skoraði 11 af mörkum „litla bróður"
þegar hann tók „stóra bróður" í gegn í gœrkvöldi
„Haukarnir hafa alltaf verið
FH-ingum erfiðir viöfangs, og
þetta kom mér þvi ekki á óvart”
sagði Viðar Simonarson er við
spjölluðum við hann eftir leik FH
og Hauka i 1. deildinni I hand-
knattleik i Hafnarfirði I gær-
kvöldi. Viðar ætti að þekkja
Haukana manna best — hann lék
sjálfur með þeim i mörg ár og var
þjálfari þeirra i fyrra.
„Þeir byrjuðu svona i fyrra —
sigruðu i þrem fyrstu leikjunum,
og voru með 10 stig að lokinni
fyrri umferðinni, en fengu ekki
nema 3 stig út úr þeirri siðari”
bætti hann við. „Þeir eru friskari
núna en þeir voru þá — sérstak-
lega er vörnin og markvarslan
góð hjá liðinu, en ég held að við
hefðum haft þá, ef okkur hefði
tekist að nýta dauðafærin, sem
við fengum i þessum leik.”
FH-ingarnir voru seinir að taka
við sér I þessum leik. Það var
ekki fyrr en staðan var orðin 14:6
fyrir Hauka, og langt liðið á siðari
hálfleikinn, að þeir hleyptu fjöri i
leikinn með þvi að taka tvo leik-
menn Hauka úr umferð og setja
sjálfir á fulla ferð. Þá skoruðu
þeir 10 mörk á móti 4, en þaö
nægði samt ekki til að næla i stig
— Haukarnir höfðu þau bæði með
18:16 sigri.
Leikur Haukanna i gærkvöldi
var stórskemmtilegur á köflum —
varnarleikurinn efns og við sjáum
hann bestan og markvarsla
Gunnars Einarssonar i
„topp-klassa”. FH-ingunum var i
fyrri hálfleik nær ómögulegt að
skora mark hjá þeim — það
fyrsta kom eftir 7 minútur — en i
hálfleik var staðan 9:4 fyrir
Haukana.
Eru áreiðanlega ár og dagar
siöan FH-ingar hafa ekki skorað
nema 4 mörk i heilum hálfleik og
áreiðanlega enn lengri timi siðan
þeir hafa ekki skorað nema 6
mörk á rúmum 40 minútum — en
það gerðu þeir i þessum leik.
Þá var það loks að þeir réttu úr
kútnum — Guðmundur Sveinsson,
sem nú lék sinn fyrsta leik i 1.
deildinni með FH frá þvi að hann
gekk úr Fram, reið á vaðið með
tveim fallegum mörkum, og siðan
fylgdu þau hvert af öðru. En of
seint var af stað farið — raunur-
inn var of mikill til að vinna hann
upp.
Þegar flauta dómaranna gall i
leikslok, dönsuðu Haukarnir
„striðsdans” á vellinum og stuðn-
ingsmenn þeirra, sem voru i yfir-
gnæfandi meirihluta, sungu há-
stöfum... „Haukarnir eru bestir...
Haukarnir eru bestir”
Um það er ekki gott að dæma á
þessu stigi — að visu hafa þeir nú
lagt að velli bæði Islandsmeistar-
ana og bikarmeistrana — en
Laugardalshöllin hefur oft verið
þeim erfið, og þar eiga þeir næsta
leik — gegn Val um helgina.
En þeir voru góðir i þessum
leik. Gunnar Einarsson hreint
frábær i markinu — enda með
góða vörn fyrir framan sig. Þeir
voru hreyfanlegir á linunni og
opnuðu vel fyrir skotmennina.
Hörður Sigmarsson var i miklum
ham i þessum leik — skoraði 11
mörk, og mörg þeirra stórglæsi-
lega. Ekki var „þjálfari” liðsins,
Elias Jónasson, siðri — þótt hann
skoraði ekki mikið, en i kringum
hann var allt spilið og mikil
hætta. Þá voru þeir mjög góðir,
Sigurgeir Marteinsson og lands-
liðsmaðurinn Ingimar Haralds-
son.
Hjá FH var enginn sérstakur
nema þá helst Guðmundur
Sveinsson þegar hann fór íoks að
skjóta á réttan stað á markið —
niðri við stöngina nær. Þeir
Viðar, Þórarinn Ragnarsson og
Geir Hallsteinsson voru mjög
mistækir — sérstaklega þó Geir,
sem maður hefur ekki séð gera
eins mörg mistök i einum leik og
þessum.
Dómarar leiksins voru Karl Jó-
hannsson og Hannes Þ. Sigurðs-
son. Þeir dæmdu vel til að byrja
með, en réðu ekki við leikinn,
þegar allt var komið á fulla ferð i
lok siðari hálfleiks.
Mörkin i leiknum gerðu... Fyrir
Hauka: Hörður Sigmarsson 11 (2
viti), Sigurgeir Marteinsson 3,
Ingimar Haraldsson 2, Elias Jón-
asson 1 og Jón Hauksson 1. Fyrir
FH: Guðmundur Sveinsson 4,
Geir Hallsteinsson 4 (1 viti), Þór-
arinn Ragnarsson 3, Viðar
Simonarson 2, Guðmundur Arni
Stefánsson 2 og örn Sigurðsson 1
mark.
—klp—