Lesbók Morgunblaðsins - 07.11.1937, Blaðsíða 6
350
LESBÓK MORGUNBLAÐSINS
Nonni í Japan.
H uin heimsfrægri landi vor,
síra Jón Sveinsson, er nú
á ferðala;?i nm Japan og önnur
Austurlönd. Hefir þessi æsku-
draumur hans, sem liann hefir
sagt frá á svo látlausan hátt í
einu rita sinna, þannig orðið að
veruleika nú þegar „Nonni“ er í
þann mund að komast á níunda
tug æfi sinnar. í víðlesnu blaði
í Tokio, „The Japan Advertiser“
(21. mars s.l,), birtist eftirfarandi
grein í tilefni af koniu síra Jóns
til Japaii; „Islenskur rithöfundur
á ferðalagi um Japan“.
„Jules Verne fór um heiminn á
80 dögum, en það tók mig 80 ár“.
Þannig fórust jesuitanum, síra
Jóni Sveinssyni, orð, er hann steig
á japanska grund.
íslendingurinn, síra Jón Sveins-
son, er af Evrópumönnum talinn
vera H. C. Andersen vorra daga,
en New York búar heiðra hann
sem arftaka Mark Twain. Rit hans
hafa verið þýdd á 30 tungumál
og hafa fádæma vinsældum að
fagna í meira en heilan mannsald-
ur. Þau hafa inni að halda ýmsa
æfintýralega atburði úr lífi hans.
Hinn kunnasti þeirra er frásögn-
in um þá Manna, er þeir voru ein-
ir síns liðs á smákænu úti á rúm-
sjó, nær dauða en lífi. Þetta skeði
árið 1868. Frásögn þessi kom út á
þýsku, og var síðar þýdd á fjölda-
mörg tungumál. Af tólf ritum
hans hafa verið seld meira en
6.000.000 eintaka. Af seinustu bók
hans, sem var fengin í hendur
hins þýska útgefanda hennar,
skömmu áður en „Nonni“ lagði
upp í hið mikla ferðalag, seldust
5000 eintök á einum tveim dög-
um. Síra Jón Sveinsson hefir
fengið tilboð, svo hundruðum
skiftir, að ferðast um hin ýmsu
lönd til þess að segja frá hinni
viðburðaríku æfi sinni. Þannig
hefir hann flutt yfir 4400 fyrir-
lestra í Evrópu einni saman. Nú,
þegar ferð til Austurlanda var
efst í huga hans, lá beinast við,
að afla ferðafjár á þennan hát
Jón Sveinsson.
Hann lagði því í fyrstu leið sína
til Englands og því næst um borð
í Berengaria til Bandaríkjanna.
Þar dvaldi hann um fjögurra
mánaða skeið, flutti fyrirlestra og
ferðaðist. Næst var ferðinni heitið
til Canada, en þar eru skyldmenni
hans búsett. Þaðan helt „Nonni“
til San Francisco, og dvaldi þar
í röska tvo mánuði. Loks fór hann
með eimskipinu Chicibu Maro sem
leið liggur til Japan.
Hin langa æfi síra Jóns Sveins-
sonar, hefir verið hvort tveggja í
senn æfintýraleg og dáðrík. 12 ára
að aldri yfirgaf hann æskustöðv-
ar sínar á íslandi. Helt hann þá
til Frakklands, að boði auðugs að-
alsmanns, sem hafði heitið því að
setja hann til menta á sinn kostn-
að. Síðan stundaði hann nám við
jesuitaskóla og gekk að því loknu
inn í þá reglu. Að lokinni vígslu
var hann sendur til Danmerkur og
næstu 25 árin fekst hann við trú-
boðsstörf í Sviss, Austurríki, Ung-
verjalandi, Tjekkóslóvakíu, Hol-
landi, Belgíu, Þýskalandi og mörg-
um öðrum löndum Evrópu. —
„Nonni“ var orðinn 56 ára að aldri
er hann tók að rita bækur Sínar,
en afköstin voru óvenjulega mikil.
Starfskraftar hans hafa haldist ó-
skertir alt fram á þennan dag,
en nú er hann senn orðinn 80 ára
að aldri. Má það furðulegt teljast
að maður kominn á þennan aldur
skuli treysta sjer til að taka á sig
það erfiði, sem slíkt langferðalag
hlýtur að hafa í för með sjer. Síra
Jón hefir aðsetur í Joshi-háskól-
anum meðan hann dvelur hjer í
Tokio. Hann starfar nú að undir-
búningi fyrirlestra, sem hann hefir
í hyggju að flytja við ýmsa jap-
anska háskóla. Það mun vera í
ráði að gefa rit síra Jóns út á
japanska tungu. Munu margir
mikilsmetnir japanskir höfundar
sjá um þýðingu þeirra.
lilutverk vísindarma
næstu hundrað ár.
Prófessor Thyndale Franck
við háskólann í Pennsyl-
vaníu hefir sett upp skrá yfir
þau verkefni, sem vísindin eiga
fyrir höndum að leysa úr á næstu
100 árum. Hjer er listi yfir helstu
verkefnin:
Lengja líf mannsins, þannig að
meðalaldur hans verði 100 ár.
Fljót og alger lækning á krabba
meini, kynsjúkdómum og gigt-
veiki.
Farartæki, sem með fullu ör-
yggi geta farið kringum hnött-
inn á 24 klukku tímum.
Framleiðsla á útvarps sendi- og
móttökutækjum, sem ekki eru
stærri en vasaúr.
Ábyggilegt og stöðugt samband
við tunglið.
Framleiðsla á tilbúnu en full-
komnu sólarljósi.
Að láta kvenlega fegurð hald-
ast til hárrar elli.
Að finna nautnalyf, sem gerir
menn hamingjusama, án þess að
þeir bíði tjón af á líkama eða sál.